কৃষ্ণ যজুর্বেদীয় তৈত্তিরীয় সংহিতায়া-ম্প্রথমকাণ্ডে ষষ্ঠঃ প্রশ্নঃ - যাজমানকাণ্ডং

ও-ন্নমঃ পরমাত্মনে, শ্রী মহাগণপতয়ে নমঃ,
শ্রী গুরুভ্য়ো নমঃ । হ॒রিঃ॒ ওম্ ॥

স-ন্ত্বা॑ সিঞ্চামি॒ যজু॑ষা প্র॒জামায়ু॒র্ধন॑-ঞ্চ । বৃহ॒স্পতি॑প্রসূতো॒ যজ॑মান ই॒হ মা রি॑ষত্ ॥ আজ্য়॑মসি স॒ত্যম॑সি স॒ত্যস্য়াদ্ধ্য়॑ক্ষমসি হ॒বির॑সি বৈশ্বান॒রং-বৈঁ᳚শ্বদে॒ব-মুত্পূ॑তশুষ্মগ্​ম্ স॒ত্য়ৌজা॒-স্সহো॑-ঽসি॒ সহ॑মানমসি॒ সহ॒স্বারা॑তী॒-স্সহ॑স্বারাতীয়॒ত-স্সহ॑স্ব॒ পৃত॑না॒-স্সহ॑স্ব পৃতন্য়॒তঃ । স॒হস্র॑বীর্যমসি॒ তন্মা॑ জি॒ন্বাজ্য়॒স্য়াজ্য়॑মসি স॒ত্যস্য়॑ স॒ত্যম॑সি স॒ত্য়ায়ু॑- [স॒ত্য়ায়ুঃ॑, অ॒সি॒ স॒ত্যশু॑ষ্মমসি] 1

-রসি স॒ত্যশু॑ষ্মমসি স॒ত্য়েন॑ ত্বা॒-ঽভি ঘা॑রয়ামি॒ তস্য়॑ তে ভক্ষীয় পঞ্চা॒না-ন্ত্বা॒ বাতা॑নাং-য়ঁ॒ন্ত্রায়॑ ধ॒র্ত্রায়॑ গৃহ্ণামি পঞ্চা॒না-ন্ত্ব॑র্তূ॒নাং-য়ঁ॒ন্ত্রায়॑ ধ॒র্ত্রায়॑ গৃহ্ণামি পঞ্চা॒না-ন্ত্বা॑ দি॒শাং-য়ঁ॒ন্ত্রায়॑ ধ॒র্ত্রায়॑ গৃহ্ণামি পঞ্চা॒না-ন্ত্বা॑ পঞ্চজ॒নানাং᳚-য়ঁ॒ন্ত্রায়॑ ধ॒র্ত্রায়॑ গৃহ্ণামি চ॒রোস্ত্বা॒ পঞ্চ॑বিলস্য় য॒ন্ত্রায়॑ ধ॒র্ত্রায়॑ গৃহ্ণামি॒ ব্রহ্ম॑ণস্ত্বা॒ তেজ॑সে য॒ন্ত্রায়॑ ধ॒র্ত্রায়॑ গৃহ্ণামি ক্ষ॒ত্রস্য়॒ ত্বৌজ॑সে য॒ন্ত্রায়॑ [ ] 2

ধ॒র্ত্রায়॑ গৃহ্ণামি বি॒শে ত্বা॑ য॒ন্ত্রায়॑ ধ॒র্ত্রায়॑ গৃহ্ণামি সু॒বীর্য়া॑য় ত্বা গৃহ্ণামি সুপ্রজা॒স্ত্বায়॑ ত্বা গৃহ্ণামি রা॒যস্পোষা॑য় ত্বা গৃহ্ণামি ব্রহ্মবর্চ॒সায়॑ ত্বা গৃহ্ণামি॒ ভূর॒স্মাকগ্​ম্॑ হ॒বির্দে॒বানা॑-মা॒শিষো॒ যজ॑মানস্য় দে॒বানা᳚-ন্ত্বা দে॒বতা᳚ভ্য়ো গৃহ্ণামি॒ কামা॑য় ত্বা গৃহ্ণামি ॥ 3 ॥
(স॒ত্য়ায়ু॒-রোজ॑সে য॒ন্ত্রায়॒-ত্রয়॑স্ত্রিগ্​ম্শচ্চ) (অ. 1)

ধ্রু॒বো॑-ঽসি ধ্রু॒বো॑-ঽহগ্​ম্ স॑জা॒তেষু॑ ভূয়াস॒-ন্ধীর॒শ্চেত্তা॑ বসু॒বিদু॒গ্রো᳚-ঽস্য়ু॒গ্রো॑-ঽহগ্​ম্ স॑জা॒তেষু॑ ভূয়াস-মু॒গ্রশ্চেত্তা॑ বসু॒বিদ॑ভি॒-ভূর॑স্যভি॒ভূর॒হগ্​ম্ স॑জা॒তেষু॑ ভূয়াসমভি॒ভূশ্চেত্তা॑ বসু॒বি-দ্য়ু॒নজ্মি॑ ত্বা॒ ব্রহ্ম॑ণা॒ দৈব্য়ে॑ন হ॒ব্য়ায়া॒স্মৈ বোঢ॒বে জা॑তবেদঃ ॥ ইন্ধা॑নাস্ত্বা সুপ্র॒জস॑-স্সু॒বীরা॒ জ্য়োগ্জী॑বেম বলি॒হৃতো॑ ব॒য়-ন্তে᳚ ॥ যন্মে॑ অগ্নে অ॒স্য় য॒জ্ঞস্য়॒ রিষ্য়া॒- [রিষ্য়া᳚ত্, দ্যদ্বা॒] 4

-দ্যদ্বা॒ স্কন্দা॒-দাজ্য়॑স্য়ো॒ত বি॑ষ্ণো । তেন॑ হন্মি স॒পত্ন॑-ন্দুর্মরা॒য়ুমৈন॑-ন্দধামি॒ নির্-ঋ॑ত্য়া উ॒পস্থে᳚ । ভূ-র্ভুব॒-স্সুব॒রুচ্ছু॑ষ্মো অগ্নে॒ যজ॑মানায়ৈধি॒ নিশু॑ষ্মো অভি॒দাস॑তে । অগ্নে॒ দেবে᳚দ্ধ॒ মন্বি॑দ্ধ॒ মন্দ্র॑জি॒হ্বা-ম॑র্ত্যস্য় তে হোতর্মূ॒র্ধন্না জি॑ঘর্মি রা॒যস্পোষা॑য় সুপ্রজা॒স্ত্বায়॑ সু॒বীর্য়া॑য়॒ মনো॑-ঽসি প্রাজাপ॒ত্য়-ম্মন॑সা মা ভূ॒তেনা বি॑শ॒ বাগ॑স্য়ৈ॒ন্দ্রী স॑পত্ন॒ক্ষয়॑ণী [ ] 5

বা॒চা মে᳚ন্দ্রি॒য়েণা বি॑শ বস॒ন্তমৃ॑তূ॒না-ম্প্রী॑ণামি॒ স মা᳚ প্রী॒তঃ প্রী॑ণাতু গ্রী॒ষ্মমৃ॑তূ॒না-ম্প্রী॑ণামি॒ স মা᳚ প্রী॒তঃ প্রী॑ণাতু ব॒র্॒ষা ঋ॑তূ॒না-ম্প্রী॑ণামি॒ তা মা᳚ প্রী॒তাঃ প্রী॑ণন্তু শ॒রদ॑মৃতূ॒না-ম্প্রী॑ণামি॒ সা মা᳚ প্রী॒তা প্রী॑ণাতু হেমন্তশিশি॒রাবৃ॑তূ॒না-ম্প্রী॑ণামি॒ তৌ মা᳚ প্রী॒তৌ প্রী॑ণীতা-ম॒গ্নীষোম॑য়ো-র॒হ-ন্দে॑বয়॒জ্যয়া॒ চক্ষু॑ষ্মা-ন্ভূয়াসম॒গ্নের॒হ-ন্দে॑বয়॒জ্যয়া᳚-ঽন্না॒দো ভূ॑য়াস॒- [ভূ॑য়াসম্, দব্ধি॑র॒স্যদ॑ব্ধো] 6

-ন্দব্ধি॑র॒স্যদ॑ব্ধো ভূয়াসম॒মু-ন্দ॑ভেয়-ম॒গ্নীষোম॑য়ো-র॒হ-ন্দে॑বয়॒জ্যয়া॑ বৃত্র॒হা ভূ॑য়াসমিন্দ্রাগ্নি॒য়োর॒হ-ন্দে॑বয়॒জ্যয়ে᳚ন্দ্রিয়া॒ব্য়॑ন্না॒দো ভূ॑য়াস॒মিন্দ্র॑স্য়া॒-ঽহ-ন্দে॑বয়॒জ্যয়ে᳚ন্দ্রিয়া॒বী ভূ॑য়াস-ম্মহে॒ন্দ্রস্য়া॒-ঽহ-ন্দে॑বয়॒জ্যয়া॑ জে॒মান॑-ম্মহি॒মান॑-ঙ্গমেযম॒গ্নে-স্স্বি॑ষ্ট॒কৃতো॒-ঽহ-ন্দে॑বয়॒জ্যয়া ঽঽয়ু॑ষ্মান্. য॒জ্ঞেন॑ প্রতি॒ষ্ঠা-ঙ্গ॑মেযম্ ॥ 7 ॥
(রিষ্য়া᳚-থ্সপত্ন॒ক্ষয়॑ণ্য়-ন্না॒দো ভূ॑য়াস॒গ্​ম্॒-ষট্ত্রিগ্​ম্॑শচ্চ) (অ. 2)

অ॒গ্নির্মা॒ দুরি॑ষ্টা-ত্পাতু সবি॒তা-ঽঘশগ্​ম্॑সা॒দ্য়ো মে-ঽন্তি॑ দূ॒রে॑-ঽরাতী॒যতি॒ তমে॒তেন॑ জেষ॒গ্​ম্॒ সুরূ॑পবর্​ষবর্ণ॒ এহী॒মা-ন্ভ॒দ্রা-ন্দুর্য়াগ্​ম্॑ অ॒ভ্য়েহি॒ মামনু॑ব্রতা॒ ন্য়ু॑ শী॒র্॒ষাণি॑ মৃঢ্ব॒মিড॒ এহ্যদি॑ত॒ এহি॒ সর॑স্ব॒ত্য়েহি॒ রন্তি॑রসি॒ রম॑তিরসি সূ॒নর্য়॑সি॒ জুষ্টে॒ জুষ্টি॑-ন্তে-ঽশী॒য়োপ॑হূত উপহ॒ব- [উপহ॒বম্, তে॒-ঽশী॒য়॒ সা ] 8

-ন্তে॑-ঽশীয়॒ সা মে॑ স॒ত্য়া-ঽঽশীর॒স্য় য॒জ্ঞস্য়॑ ভূয়া॒দরে॑ডতা॒ মন॑সা॒ তচ্ছ॑কেয়ং-য়ঁ॒জ্ঞো দিবগ্​ম্॑ রোহতু য॒জ্ঞো দিব॑-ঙ্গচ্ছতু॒ যো দে॑ব॒য়ানঃ॒ পন্থা॒স্তেন॑ য॒জ্ঞো দে॒বাগ্​ম্ অপ্য়ে᳚ত্ব॒স্মাস্বিন্দ্র॑ ইন্দ্রি॒য়-ন্দ॑ধাত্ব॒স্মান্রায়॑ উ॒ত য॒জ্ঞা-স্স॑চন্তাম॒স্মাসু॑ সন্ত্বা॒শিষ॒-স্সা নঃ॑ প্রি॒য়া সু॒প্রতূ᳚র্তির্ম॒ঘোনী॒ জুষ্টি॑রসি জু॒ষস্ব॑ নো॒ জুষ্টা॑ নো- [জুষ্টা॑ নঃ, অ॒সি॒ জুষ্টি॑-ন্তে] 9

-ঽসি॒ জুষ্টি॑-ন্তে গমেয়॒-ম্মনো॒ জ্য়োতি॑-র্জুষতা॒মাজ্য়ং॒-বিঁচ্ছি॑ন্নং-য়ঁ॒জ্ঞগ্​ম্ সমি॒ম-ন্দ॑ধাতু । বৃহ॒স্পতি॑-স্তনুতামি॒মন্নো॒ বিশ্বে॑ দে॒বা ই॒হ মা॑দযন্তাম্ ॥ ব্রদ্ধ্ন॒ পিন্ব॑স্ব॒ দদ॑তো মে॒ মা ক্ষা॑য়ি কুর্ব॒তো মে॒ মোপ॑ দস-ত্প্র॒জাপ॑তে-র্ভা॒গো᳚-ঽস্য়ূর্জ॑স্বা॒-ন্পয়॑স্বা-ন্প্রাণাপা॒নৌ মে॑ পাহি সমানব্য়া॒নৌ মে॑ পাহ্য়ুদানব্য়া॒নৌ মে॑ পা॒হ্যক্ষি॑তো॒-ঽস্যক্ষি॑ত্য়ৈ ত্বা॒ মা মে᳚ ক্ষেষ্ঠা অ॒মুত্রা॒মুষ্মি॑ন্ ঁলো॒কে ॥ 10 ॥
(উ॒প॒হ॒বং-জুষ্টা॑ন-স্ত্বা॒ ষট্ চ॑) (অ. 3)

ব॒র্॒হিষো॒-ঽহ-ন্দে॑বয়॒জ্যয়া᳚ প্র॒জাবা᳚-ন্ভূয়াস॒-ন্নরা॒শগ্​ম্স॑স্য়া॒হ-ন্দে॑বয়॒জ্যয়া॑ পশু॒মা-ন্ভূ॑য়াসম॒গ্নে-স্স্বি॑ষ্ট॒কৃতো॒-ঽহ-ন্দে॑বয়॒জ্যয়া-ঽঽয়ু॑ষ্মান্. য॒জ্ঞেন॑ প্রতি॒ষ্ঠা-ঙ্গ॑মেযম॒গ্নের॒হ-মুজ্জি॑তি॒-মনূজ্জে॑ষ॒গ্​ম্॒ সোম॑স্য়া॒হ - মুজ্জি॑তি॒-মনূজ্জে॑ষম॒গ্নের॒হ-মুজ্জি॑তি॒-মনূজ্জে॑ষ-ম॒গ্নীষোম॑য়োর॒হ-মুজ্জি॑তি॒-মনূজ্জে॑ষ-মিন্দ্রাগ্নি॒য়োর॒হ-মুজ্জি॑তি॒-মনূজ্জে॑ষ॒-মিন্দ্র॑স্য়া॒-ঽহ- [-মিন্দ্র॑স্য়া॒-ঽহম্, উজ্জি॑তি॒মনূজ্জে॑ষং] 11

-মুজ্জি॑তি॒মনূজ্জে॑ষ-ম্মহে॒ন্দ্রস্য়া॒হমুজ্জি॑তি॒- মনূজ্জে॑ষম॒গ্নে-স্স্বি॑ষ্ট॒কৃতো॒-ঽহ মুজ্জি॑তি॒-মনূজ্জে॑ষং॒-বাঁজ॑স্য় মা প্রস॒বেনো᳚-দ্গ্রা॒ভেণোদ॑গ্রভীত্ । অথা॑ স॒পত্না॒গ্​ম্॒ ইন্দ্রো॑ মে নিগ্রা॒ভেণাধ॑রাগ্​ম্ অকঃ ॥ উ॒দ্গ্রা॒ভ-ঞ্চ॑ নিগ্রা॒ভ-ঞ্চ॒ ব্রহ্ম॑ দে॒বা অ॑বীবৃধন্ন্ । অথা॑ স॒পত্না॑নিন্দ্রা॒গ্নী মে॑ বিষূ॒চীনা॒ন্ ব্য়॑স্যতাম্ ॥ এমা অ॑গ্মন্না॒শিষো॒ দোহ॑কামা॒ ইন্দ্র॑বন্তো [ইন্দ্র॑বন্তঃ, ব॒না॒ম॒হে॒ ধু॒ক্ষী॒মহি॑] 12

বনামহে ধুক্ষী॒মহি॑ প্র॒জামিষ᳚ম্ ॥ রোহি॑তেন ত্বা॒-ঽগ্নি-র্দে॒বতা᳚-ঙ্গমযতু॒ হরি॑ভ্য়া॒-ন্ত্বেন্দ্রো॑ দে॒বতা᳚-ঙ্গময়॒ত্বেত॑শেন ত্বা॒ সূর্য়ো॑ দে॒বতা᳚-ঙ্গমযতু॒ বি তে॑ মুঞ্চামি রশ॒না বি র॒শ্মীন্ বি যোক্ত্রা॒ যানি॑ পরি॒চর্ত॑নানি ধ॒ত্তাদ॒স্মাসু॒ দ্রবি॑ণং॒-য়ঁচ্চ॑ ভ॒দ্র-ম্প্র ণো᳚ ব্রূতা-দ্ভাগ॒ধা-ন্দে॒বতা॑সু ॥ বিষ্ণো᳚-শ্শং॒​য়োঁর॒হ-ন্দে॑বয়॒জ্যয়া॑ য॒জ্ঞেন॑ প্রতি॒ষ্ঠা-ঙ্গ॑মেয়॒গ্​ম্॒ সোম॑স্য়া॒হ-ন্দে॑বয়॒জ্যয়া॑ [দে॑বয়॒জ্যয়া᳚, সু॒রেতা॒] 13

সু॒রেতা॒ রেতো॑ ধিষীয়॒ ত্বষ্টু॑র॒হ-ন্দে॑বয়॒জ্যয়া॑ পশূ॒নাগ্​ম্ রূ॒প-ম্পু॑ষেয়-ন্দে॒বানা॒-ম্পত্নী॑র॒গ্নি-র্গৃ॒হপ॑তি-র্য়॒জ্ঞস্য়॑ মিথু॒ন-ন্তয়ো॑র॒হ-ন্দে॑বয়॒জ্যয়া॑ মিথু॒নেন॒ প্রভূ॑য়াসং-বেঁ॒দো॑-ঽসি॒ বিত্তি॑রসি বি॒দেয়॒ কর্মা॑-ঽসি ক॒রুণ॑মসি ক্রি॒য়াসগ্​ম্॑ স॒নির॑সি সনি॒তা-ঽসি॑ স॒নেয়॑-ঙ্ঘৃ॒তব॑ন্ত-ঙ্কুলা॒য়িনগ্​ম্॑ রা॒যস্পোষগ্​ম্॑ সহ॒স্রিণং॑-বেঁ॒দো দ॑দাতু বা॒জিন᳚ম্ ॥ 14 ॥
(ইন্দ্র॑স্য়া॒হ-মিন্দ্র॑বন্তঃ॒-সোম॑স্য়া॒হ-ন্দে॑বয়॒জ্যয়া॒-চতু॑শ্চত্বারিগ্​ম্শচ্চ) (অ. 4)

আ প্য়া॑যতা-ন্ধ্রু॒বা ঘৃ॒তেন॑ য॒জ্ঞং​য়ঁ॑জ্ঞ॒-ম্প্রতি॑ দেব॒যদ্ভ্য়ঃ॑ । সূ॒র্য়ায়া॒ ঊধো-ঽদি॑ত্য়া উ॒পস্থ॑ উ॒রুধা॑রা পৃথি॒বী য॒জ্ঞে অ॒স্মিন্ন্ ॥ প্র॒জাপ॑তে-র্বি॒ভান্নাম॑ লো॒কস্তস্মিগ্গ্॑স্ত্বা দধামি স॒হ যজ॑মানেন॒ সদ॑সি॒ সন্মে॑ ভূয়া॒-স্সর্ব॑মসি॒ সর্ব॑-ম্মে ভূয়াঃ পূ॒র্ণম॑সি পূ॒র্ণ-ম্মে॑ ভূয়া॒ অক্ষি॑তমসি॒ মা মে᳚ ক্ষেষ্ঠাঃ॒ প্রাচ্য়া᳚-ন্দি॒শি দে॒বা ঋ॒ত্বিজো॑ মার্জযন্তা॒-ন্দক্ষি॑ণায়া- [দক্ষি॑ণায়াম্, দি॒শি] 15

ন্দি॒শি মাসাঃ᳚ পি॒তরো॑ মার্জযন্তা-ম্প্র॒তীচ্য়া᳚-ন্দি॒শি গৃ॒হাঃ প॒শবো॑ মার্জযন্তা॒মুদী᳚চ্য়া-ন্দি॒শ্য়াপ॒ ওষ॑ধয়ো॒ বন॒স্পত॑য়ো মার্জযন্তামূ॒র্ধ্বায়া᳚-ন্দি॒শি য॒জ্ঞ-স্সং॑​বঁথ্স॒রো য॒জ্ঞপ॑তি-র্মার্জযন্তাং॒-বিঁষ্ণোঃ॒ ক্রমো᳚-ঽস্যভিমাতি॒হা গা॑য়॒ত্রেণ॒ ছন্দ॑সা পৃথি॒বীমনু॒ বি ক্র॑মে॒ নির্ভ॑ক্ত॒-স্স য-ন্দ্বি॒ষ্মো বিষ্ণোঃ॒ ক্রমো᳚-ঽস্যভিশস্তি॒হা ত্রৈষ্টু॑ভেন॒ ছন্দ॑সা॒ ঽন্তরি॑ক্ষ॒মনু॒ বি ক্র॑মে॒ নির্ভ॑ক্ত॒-স্স য-ন্দ্বি॒ষ্মো বিষ্ণোঃ॒ ক্রমো᳚-ঽস্যরাতীয়॒তো হ॒ন্তা জাগ॑তেন॒ ছন্দ॑সা॒ দিব॒মনু॒ বি ক্র॑মে॒ নির্ভ॑ক্ত॒-স্স য-ন্দ্বি॒ষ্মো বিষ্ণোঃ॒ ক্রমো॑-ঽসি শত্রূয়॒তো হ॒ন্তা-ঽঽনু॑ষ্টুভেন॒ ছন্দ॑সা॒ দিশো-ঽনু॒ বি ক্র॑মে॒ নির্ভ॑ক্ত॒-স্স য-ন্দ্বি॒ষ্মঃ ॥ 16 ॥
(দক্ষি॑ণায়া - ম॒ন্তরি॑ক্ষ॒মনু॒ বি ক্র॑মে॒ নির্ভ॑ক্ত॒-স্স য-ন্দ্বি॒ষ্মো বিষ্ণো॒- রেকা॒ন্নত্রি॒গ্​ম্॒শচ্চ॑) (অ. 5)

অগ॑ন্ম॒ সুব॒-স্সুব॑রগন্ম স॒ন্দৃশ॑স্তে॒ মা ছি॑থ্সি॒ যত্তে॒ তপ॒স্তস্মৈ॑ তে॒ মা-ঽঽ বৃ॑ক্ষি সু॒ভূর॑সি॒ শ্রেষ্ঠো॑ রশ্মী॒নামা॑য়ু॒র্ধা অ॒স্য়ায়ু॑র্মে ধেহি বর্চো॒ধা অ॑সি॒ বর্চো॒ ময়ি॑ ধেহী॒দম॒হম॒মু-ম্ভ্রাতৃ॑ব্যমা॒ভ্য়ো দি॒গ্ভ্য়ো᳚-ঽস্য়ৈ দি॒বো᳚-ঽস্মাদ॒ন্তরি॑ক্ষাদ॒স্য়ৈ পৃ॑থি॒ব্য়া অ॒স্মাদ॒ন্নাদ্য়া॒ন্নির্ভ॑জামি॒ নির্ভ॑ক্ত॒-স্স য-ন্দ্বি॒ষ্মঃ ॥ 17 ॥

স-ঞ্জ্য়োতি॑ষা-ঽভূবমৈ॒ন্দ্রী-মা॒বৃত॑-ম॒ন্বাব॑র্তে॒ সম॒হ-ম্প্র॒জয়া॒ স-ম্ময়া᳚ প্র॒জা সম॒হগ্​ম্ রা॒যস্পোষে॑ণ॒ স-ম্ময়া॑ রা॒যস্পোষ॒-স্সমি॑দ্ধো অগ্নে মে দীদিহি সমে॒দ্ধা তে॑ অগ্নে দীদ্য়াসং॒-বঁসু॑মান্. য॒জ্ঞো বসী॑য়া-ন্ভূয়াস॒মগ্ন॒ আয়ূগ্​ম্॑ষি পবস॒ আ সু॒বোর্জ॒মিষ॑-ঞ্চ নঃ । আ॒রে বা॑ধস্ব দু॒চ্ছুনা᳚ম্ ॥ অগ্নে॒ পব॑স্ব॒ স্বপা॑ অ॒স্মে বর্চ॑-স্সু॒বীর্য়᳚ম্ ॥ 18 ॥

দধ॒ত্পোষগ্​ম্॑ র॒য়ি-ম্ময়ি॑ । অগ্নে॑ গৃহপতে সুগৃহপ॒তির॒হ-ন্ত্বয়া॑ গৃ॒হপ॑তিনা ভূয়াসগ্​ম্ সুগৃহপ॒তির্ময়া॒ ত্ব-ঙ্গৃ॒হপ॑তিনা ভূয়া-শ্শ॒তগ্​ম্ হিমা॒স্তামা॒শিষ॒মা শা॑সে॒ তন্ত॑বে॒ জ্য়োতি॑ষ্মতী॒-ন্তামা॒শিষ॒মা শা॑সে॒-ঽমুষ্মৈ॒ জ্য়োতি॑ষ্মতী॒-ঙ্কস্ত্বা॑ যুনক্তি॒ স ত্বা॒ বিমু॑ঞ্চ॒ত্বগ্নে᳚ ব্রতপতে ব্র॒তম॑চারিষ॒-ন্তদ॑শক॒-ন্তন্মে॑-ঽরাধি য॒জ্ঞো ব॑ভূব॒ স আ [স আ, ব॒ভূ॒ব॒ স] 19

ব॑ভূব॒ স প্রজ॑জ্ঞে॒ স বা॑বৃধে । স দে॒বানা॒মধি॑পতি-র্বভূব॒ সো অ॒স্মাগ্​ম্ অধি॑পতীন্ করোতু ব॒যগ্গ্​ স্য়া॑ম॒ পত॑য়ো রয়ী॒ণাম্ ॥ গোমাগ্​ম্॑ অ॒গ্নে-ঽবি॑মাগ্​ম্ অ॒শ্বী য॒জ্ঞো নৃ॒বথ্স॑খা॒ সদ॒মিদ॑প্রমৃ॒ষ্য়ঃ ।ইডা॑বাগ্​ম্ এ॒ষো অ॑সুর প্র॒জাবা᳚-ন্দী॒র্ঘো র॒য়িঃ পৃ॑থুবু॒দ্ধ্ন-স্স॒ভাবান্॑ ॥ 20 ॥
(দ্বি॒ষ্মঃ-সু॒বীর্য়॒গ্​ম্॒-স আ-পঞ্চ॑ত্রিগ্​ম্শচ্চ) (অ. 6)

যথা॒ বৈ স॑মৃতসো॒মা এ॒বং-বাঁ এ॒তে স॑মৃতয়॒জ্ঞা যদ্দ॑র্​শপূর্ণমা॒সৌ কস্য়॒ বা-ঽহ॑ দে॒বা য॒জ্ঞমা॒গচ্ছ॑ন্তি॒ কস্য়॑ বা॒ ন ব॑হূ॒নাং-য়ঁজ॑মানানাং॒-য়োঁ বৈ দে॒বতাঃ॒ পূর্বঃ॑ পরিগৃ॒হ্ণাতি॒ স এ॑না॒-শ্শ্বো ভূ॒তে য॑জত এ॒তদ্বৈ দে॒বানা॑-মা॒যত॑নং॒-য়ঁদা॑হব॒নীয়ো᳚-ঽন্ত॒রা-ঽগ্নী প॑শূ॒না-ঙ্গার্​হ॑পত্য়ো মনু॒ষ্য়া॑ণা-মন্বাহার্য়॒পচ॑নঃ পিতৃ॒ণাম॒গ্নি-ঙ্গৃ॑হ্ণাতি॒ স্ব এ॒বাযত॑নে দে॒বতাঃ॒ পরি॑ [দে॒বতাঃ॒ পরি॑, গৃ॒হ্ণা॒তি॒ তা-শ্শ্বো] 21

গৃহ্ণাতি॒ তা-শ্শ্বো ভূ॒তে য॑জতে ব্র॒তেন॒ বৈ মেদ্ধ্য়ো॒ -ঽগ্নি-র্ব্র॒তপ॑তি-র্ব্রাহ্ম॒ণো ব্র॑ত॒ভৃ-দ্ব্র॒ত-মু॑পৈ॒ষ্য়-ন্ব্রূ॑য়া॒দগ্নে᳚ ব্রতপতে ব্র॒ত-ঞ্চ॑রিষ্য়া॒মীত্য়॒গ্নি-র্বৈ দে॒বানাং᳚-ব্রঁ॒তপ॑তি॒স্তস্মা॑ এ॒ব প্র॑তি॒প্রোচ্য়॑ ব্র॒তমা ল॑ভতে ব॒র্॒হিষা॑ পূ॒র্ণমা॑সে ব্র॒তমুপৈ॑তি ব॒থ্সৈর॑মাবা॒স্য়া॑য়ামে॒তদ্ধ্য়ে॑তয়ো॑-রা॒যত॑নমুপ॒স্তীর্য়ঃ॒ পূর্ব॑শ্চা॒গ্নিরপ॑র॒শ্চেত্য়া॑হু-র্মনু॒ষ্য়া॑ [-র্মনু॒ষ্য়াঃ᳚, ইন্ন্বা] 22

ইন্ন্বা উপ॑স্তীর্ণ-মি॒চ্ছন্তি॒ কিমু॑ দে॒বা যেষা॒-ন্নবা॑বসান॒-মুপা᳚স্মি॒ঞ্ছ্বো য॒ক্ষ্যমা॑ণে দে॒বতা॑ বসন্তি॒ য এ॒বং-বিঁ॒দ্বান॒গ্নি-মু॑পস্তৃ॒ণাতি॒ যজ॑মানেন গ্রা॒ম্য়াশ্চ॑ প॒শবো॑-ঽব॒রুদ্ধ্য়া॑ আর॒ণ্য়াশ্চেত্য়া॑হু॒-র্য়-দ্গ্রা॒ম্য়ানু॑প॒বস॑তি॒ তেন॑ গ্রা॒ম্য়ানব॑ রুন্ধে॒ যদা॑র॒ণ্যস্য়া॒-ঽশ্ঞাতি॒ তেনা॑র॒ণ্য়ান্. যদনা᳚শ্বা-নুপ॒বসে᳚-ত্পিতৃদেব॒ত্য়॑-স্স্য়াদার॒ণ্যস্য়া᳚-শ্ঞাতীন্দ্রি॒য়ং- [শ্ঞাতীন্দ্রি॒যম্, বা আ॑র॒ণ্য়ং-] 23

-ঁবা আ॑র॒ণ্য়-মি॑ন্দ্রি॒য়-মে॒বা-ঽঽত্ম-ন্ধ॑ত্তে॒ যদনা᳚শ্বা-নুপ॒বসে॒-ত্ক্ষোধু॑ক-স্স্য়া॒দ্য়-দ॑শ্ঞী॒য়াদ্রু॒-দ্রো᳚-ঽস্য় প॒শূন॒ভি ম॑ন্য়েতা॒-ঽপো᳚-ঽশ্ঞাতি॒ তন্নেবা॑শি॒ত-ন্নেবা-ঽন॑শিত॒-ন্ন ক্ষোধু॑কো॒ ভব॑তি॒ নাস্য়॑ রু॒দ্রঃ প॒শূন॒ভি ম॑ন্যতে॒ বজ্রো॒ বৈ য॒জ্ঞঃ, ক্ষু-ত্খলু॒ বৈ ম॑নু॒ষ্য়॑স্য়॒ ভ্রাতৃ॑ব্য়ো॒ যদনা᳚-ঽশ্বানুপ॒বস॑তি॒ বজ্রে॑ণৈ॒ব সা॒ক্ষা-ত্ক্ষুধ॒-ম্ভ্রাতৃ॑ব্য়গ্​ম্ হন্তি ॥ 24 ॥
(পরি॑-মনু॒ষ্য়া॑-ইন্দ্রি॒য়গ্​ম্-সা॒ক্ষাত্-ত্রীণি॑ চ) (অ. 7)

যো বৈ শ্র॒দ্ধামনা॑রভ্য় য॒জ্ঞেন॒ যজ॑তে॒ নাস্য়ে॒ষ্টায়॒ শ্রদ্দ॑ধতে॒-ঽপঃ প্র ণ॑যতি শ্র॒দ্ধা বা আপ॑-শ্শ্র॒দ্ধামে॒বা-ঽঽরভ্য়॑ য॒জ্ঞেন॑ যজত উ॒ভয়ে᳚-ঽস্য় দেবমনু॒ষ্য়া ই॒ষ্টায়॒ শ্রদ্দ॑ধতে॒ তদা॑হু॒রতি॒ বা এ॒তা বর্ত্র॑-ন্নেদ॒ন্ত্যতি॒ বাচ॒-ম্মনো॒ বাবৈতা নাতি॑ নেদ॒ন্তীতি॒ মন॑সা॒ প্র ণ॑যতী॒য়ং-বৈঁ মনো॒- [মনঃ॑, অ॒নয়ৈ॒বৈনাঃ॒] 25

-ঽনয়ৈ॒বৈনাঃ॒ প্র ণ॑য়॒ত্য়-স্ক॑ন্নহবি-র্ভবতি॒ য এ॒বং-বেঁদ॑ যজ্ঞায়ু॒ধানি॒ স-ম্ভ॑রতি য॒জ্ঞো বৈ য॑জ্ঞায়ু॒ধানি॑ য॒জ্ঞমে॒ব তথ্স-ম্ভ॑রতি॒ যদেক॑মেকগ্​ম্ স॒ম্ভরে᳚ত্-পিতৃদেব॒ত্য়া॑নি স্য়ু॒র্য়-থ্স॒হ সর্বা॑ণি মানু॒ষাণি॒ দ্বেদ্বে॒ সম্ভ॑রতি যাজ্য়ানুবা॒ক্য়॑য়োরে॒ব রূ॒প-ঙ্ক॑রো॒ত্যথো॑ মিথু॒নমে॒বয়ো বৈ দশ॑ যজ্ঞায়ু॒ধানি॒ বেদ॑ মুখ॒তো᳚-ঽস্য় য॒জ্ঞঃ ক॑ল্পতে॒ স্ফ্য়- [ক॑ল্পতে॒ স্ফ্য়ঃ, চ॒ ক॒পালা॑নি] 26

-শ্চ॑ ক॒পালা॑নি চাগ্নিহোত্র॒হব॑ণী চ॒ শূর্প॑-ঞ্চ কৃষ্ণাজি॒ন-ঞ্চ॒ শম্য়া॑ চো॒লূখ॑ল-ঞ্চ॒ মুস॑ল-ঞ্চ দৃ॒ষচ্চোপ॑লা চৈ॒তানি॒ বৈ দশ॑ যজ্ঞায়ু॒ধানি॒ য এ॒বং-বেঁদ॑ মুখ॒তো᳚-ঽস্য় য॒জ্ঞঃ ক॑ল্পতে॒ যো বৈ দে॒বেভ্য়ঃ॑ প্রতি॒প্রোচ্য়॑ য॒জ্ঞেন॒ যজ॑তে জু॒ষন্তে᳚-ঽস্য় দে॒বা হ॒ব্য়গ্​ম্ হ॒বি-র্নি॑রু॒প্যমা॑ণম॒ভি ম॑ন্ত্রয়েতা॒-ঽগ্নিগ্​ম্ হোতা॑রমি॒হ তগ্​ম্ হু॑ব॒ ইতি॑ [ ] 27

দে॒বেভ্য়॑ এ॒ব প্র॑তি॒প্রোচ্য়॑ য॒জ্ঞেন॑ যজতে জু॒ষন্তে᳚-ঽস্য় দে॒বা হ॒ব্যমে॒ষ বৈ য॒জ্ঞস্য়॒ গ্রহো॑ গৃহী॒ত্বৈব য॒জ্ঞেন॑ যজতে॒ তদু॑দি॒ত্বা বাচং॑-য়ঁচ্ছতি য॒জ্ঞস্য়॒ ধৃত্য়া॒ অথো॒ মন॑সা॒ বৈ প্র॒জাপ॑তি-র্য়॒জ্ঞম॑তনুত॒ মন॑সৈ॒ব ত-দ্য়॒জ্ঞ-ন্ত॑নুতে॒ রক্ষ॑সা॒-মন॑ন্ববচারায়॒ যো বৈ য॒জ্ঞং-য়োঁগ॒ আগ॑তে যু॒নক্তি॑ যু॒ঙ্ক্তে যু॑ঞ্জা॒নেষু॒ কস্ত্বা॑ যুনক্তি॒ স ত্বা॑ যুন॒ক্ত্বি-( ) -ত্য়া॑হ প্র॒জাপ॑তি॒-র্বৈ কঃ প্র॒জাপ॑তিনৈ॒বৈনং॑-য়ুঁনক্তি যু॒ঙ্ক্তে যু॑ঞ্জা॒নেষু॑ ॥ 28 ॥
(বৈম॒নঃ-স্ফ্য়-ইতি॑-য়ুন॒ক্ত্বে-কা॑দশ চ) (অ. 8)

প্র॒জাপ॑তি-র্য়॒জ্ঞান॑সৃজতা-গ্নিহো॒ত্র-ঞ্চা᳚গ্নিষ্টো॒ম-ঞ্চ॑ পৌর্ণমা॒সী-ঞ্চো॒ক্থ্য়॑-ঞ্চামাবা॒স্য়া᳚-ঞ্চাতিরা॒ত্র-ঞ্চ॒ তানুদ॑মিমীত॒ যাব॑দগ্নিহো॒ত্র-মাসী॒-ত্তাবা॑নগ্নিষ্টো॒মো যাব॑তী পৌর্ণমা॒সী তাবা॑নু॒ক্থ্য়ো॑ যাব॑ত্যমাবা॒স্য়া॑ তাবা॑নতিরা॒ত্রো য এ॒বং-বিঁ॒দ্বান॑গ্নিহো॒ত্র-ঞ্জু॒হোতি॒ যাব॑দগ্নিষ্টো॒মেনো॑ পা॒প্নোতি॒ তাব॒দুপা᳚-ঽঽপ্নোতি॒ য এ॒বং-বিঁ॒দ্বা-ন্পৌ᳚র্ণমা॒সীং-য়ঁজ॑তে॒ যাব॑দু॒ক্থ্য়ে॑নোপা॒প্নোতি॒ [য়াব॑দু॒ক্থ্য়ে॑নোপা॒প্নোতি॑, তাব॒দুপা᳚-ঽঽপ্নোতি॒] 29

তাব॒দুপা᳚-ঽঽপ্নোতি॒ য এ॒বং-বিঁ॒দ্বান॑মাবা॒স্য়াং᳚-য়ঁজ॑তে॒ যাব॑দতিরা॒ত্রেণো॑পা॒প্নোতি॒ তাব॒দুপা᳚-ঽঽপ্নোতি পরমে॒ষ্ঠিনো॒ বা এ॒ষ য॒জ্ঞো-ঽগ্র॑ আসী॒-ত্তেন॒ স প॑র॒মা-ঙ্কাষ্ঠা॑মগচ্ছ॒-ত্তেন॑ প্র॒জাপ॑তি-ন্নি॒রবা॑সাযয়॒-ত্তেন॑ প্র॒জাপ॑তিঃ পর॒মা-ঙ্কাষ্ঠা॑মগচ্ছ॒-ত্তেনেন্দ্র॑-ন্নি॒রবা॑সাযয়॒-ত্তেনেন্দ্রঃ॑ পর॒মা-ঙ্কাষ্ঠা॑মগচ্ছ॒-ত্তেনা॒-ঽগ্নীষোমৌ॑ নি॒রবা॑সাযয়॒-ত্তেনা॒গ্নীষোমৌ॑ প॒রমা-ঙ্কাষ্ঠা॑মগচ্ছতাং॒-য়ঁ [কাষ্ঠা॑মগচ্ছতাং॒-য়ঃ, ঁএ॒বং-বিঁ॒দ্বা-ন্দ॑র্​শপূর্ণমা॒সৌ] 30

এ॒বং-বিঁ॒দ্বা-ন্দ॑র্​শপূর্ণমা॒সৌ যজ॑তে পর॒মামে॒ব কাষ্ঠা᳚-ঙ্গচ্ছতি॒ যো বৈ প্রজা॑তেন য॒জ্ঞেন॒ যজ॑তে॒ প্র প্র॒জয়া॑ প॒শুভি॑-র্মিথু॒নৈ-র্জা॑যতে॒ দ্বাদ॑শ॒ মাসা᳚-স্সং​বঁথ্স॒রো দ্বাদ॑শ দ্ব॒ন্দ্বানি॑ দর্​শপূর্ণমা॒সয়ো॒স্তানি॑ স॒ম্পাদ্য়া॒নীত্য়া॑হু-র্ব॒থ্স-ঞ্চো॑পাবসৃ॒জত্য়ু॒খা-ঞ্চাধি॑ শ্রয়॒ত্যব॑ চ॒ হন্তি॑ দৃ॒ষদৌ॑ চ স॒মাহ॒ন্ত্যধি॑ চ॒ বপ॑তে ক॒পালা॑নি॒ চোপ॑ দধাতি পুরো॒ডাশ॑-ঞ্চা- [পুরো॒ডাশ॑-ঞ্চ, অ॒ধি॒শ্রয়॒ত্য়াজ্য়॑-ঞ্চ] 31

-ঽধি॒শ্রয়॒ত্য়াজ্য়॑-ঞ্চ স্তম্বয়॒জুশ্চ॒ হর॑ত্য়॒ভি চ॑ গৃহ্ণাতি॒ বেদি॑-ঞ্চ পরি গৃ॒হ্ণাতি॒ পত্নী᳚-ঞ্চ॒ সন্ন॑হ্যতি॒ প্রোক্ষ॑ণীশ্চা ঽঽসা॒দয়॒ত্য়াজ্য়॑-ঞ্চৈ॒তানি॒ বৈ দ্বাদ॑শ দ্ব॒ন্দ্বানি॑ দর্​শপূর্ণমা॒সয়ো॒স্তানি॒ য এ॒বগ্​ম্ স॒ম্পাদ্য়॒ যজ॑তে॒ প্রজা॑তেনৈ॒ব য॒জ্ঞেন॑ যজতে॒ প্র প্র॒জয়া॑ প॒শুভি॑-র্মিথু॒নৈ-র্জা॑যতে ॥ 32 ॥
(উ॒ক্থ্য়ে॑নোপা॒প্নোত্য়॑-গচ্ছতাং॒-য়ঃ ঁ- পু॑রো॒ডাশং॑-চত্বারি॒গ্​ম্॒শচ্চ॑) (অ. 9)

ধ্রু॒বো॑-ঽসি ধ্রু॒বো॑-ঽহগ্​ম্ স॑জা॒তেষু॑ ভূয়াস॒মিত্য়া॑হ ধ্রু॒বানে॒বৈনা᳚ন্ কুরুত উ॒গ্রো᳚-ঽস্য়ু॒গ্রো॑-ঽহগ্​ম্ স॑জা॒তেষু॑ ভূয়াস॒-মিত্য়া॒হাপ্র॑তিবাদিন এ॒বৈনা᳚ন্ কুরুতে-ঽভি॒ভূর॑স্যভি॒ভূর॒হগ্​ম্ স॑জা॒তেষু॑ ভূয়াস॒মিত্য়া॑হ॒ য এ॒বৈন॑-ম্প্রত্য়ু॒ত্পিপী॑তে॒ তমুপা᳚স্যতে যু॒নজ্মি॑ ত্বা॒ ব্রহ্ম॑ণা॒ দৈব্য়ে॒নেত্য়া॑হৈ॒ষ বাঅ॒গ্নের্য়োগ॒স্তেনৈ॒ - [বাঅ॒গ্নের্য়োগ॒স্তেন॑, এ॒বৈনং॑-য়ুঁনক্তি] 33

বৈনং॑-য়ুঁনক্তি য॒জ্ঞস্য়॒ বৈ সমৃ॑দ্ধেন দে॒বা-স্সু॑ব॒র্গং-লোঁ॒কমা॑যন্. য॒জ্ঞস্য়॒ ব্য়ৃ॑দ্ধে॒নাসু॑রা॒-ন্পরা॑ভাবয়॒ন্. যন্মে॑ অগ্নে অ॒স্য় য॒জ্ঞস্য়॒ রিষ্য়া॒দিত্য়া॑হ য॒জ্ঞস্য়ৈ॒ব তথ্সমৃ॑দ্ধেন॒ যজ॑মান-স্সুব॒র্গং-লোঁ॒কমে॑তি য॒জ্ঞস্য়॒ ব্য়ৃ॑দ্ধেন॒ ভ্রাতৃ॑ব্য়া॒-ন্পরা॑ ভাবযত্যগ্নিহো॒ত্র-মে॒তাভি॒-র্ব্য়াহৃ॑তীভি॒রুপ॑ সাদয়েদ্যজ্ঞমু॒খং-বাঁ অ॑গ্নিহো॒ত্র-ম্ব্রহ্মৈ॒তা ব্য়াহৃ॑তয়ো যজ্ঞমু॒খ এ॒ব ব্রহ্ম॑ - [ব্রহ্ম॑, কু॒রু॒তে॒ সং॒​বঁ॒থ্স॒রে] 34

কুরুতে সং​বঁথ্স॒রে প॒র্য়াগ॑ত এ॒তাভি॑রে॒বোপ॑ সাদয়ে॒-দ্ব্রহ্ম॑ণৈ॒বোভ॒যত॑-স্সং​বঁথ্স॒র-ম্পরি॑ গৃহ্ণাতি দর্​শপূর্ণমা॒সৌ চা॑তুর্মা॒স্য়ান্য়া॒লভ॑মান এ॒তাভি॒-র্ব্য়াহৃ॑তীভির্-হ॒বীগ্​ষ্য়াসা॑দয়ে-দ্যজ্ঞমু॒খং-বৈঁ দ॑র্​শপূর্ণমা॒সৌ চা॑তুর্মা॒স্য়ানি॒ ব্রহ্মৈ॒তা ব্য়াহৃ॑তয়ো যজ্ঞমু॒খ এ॒ব ব্রহ্ম॑ কুরুতে সং​বঁথ্স॒রে প॒র্য়াগ॑ত এ॒তাভি॑রে॒বাসা॑দয়ে॒-দ্ব্রহ্ম॑ণৈ॒বোভ॒যত॑-স্সং​বঁথ্স॒র-ম্পরি॑গৃহ্ণাতি॒ যদ্বৈ য॒জ্ঞস্য়॒ সাম্না᳚ ক্রি॒যতে॑ রা॒ষ্ট্রং- [রা॒ষ্ট্রম্, য॒জ্ঞস্য়া॒-শীর্গ॑চ্ছতি॒] 35

-ঁয়॒জ্ঞস্য়া॒-শীর্গ॑চ্ছতি॒ যদৃ॒চা বিশং॑-য়ঁ॒জ্ঞস্য়া॒- শীর্গ॑চ্ছ॒ত্যথ॑ ব্রাহ্ম॒ণো॑-ঽনা॒শীর্কে॑ণ য॒জ্ঞেন॑ যজতে সামিধে॒নী-র॑নুব॒ক্ষ্যন্নে॒তা ব্য়াহৃ॑তীঃ পু॒রস্তা᳚দ্দদ্ধ্য়া॒-দ্ব্রহ্মৈ॒ব প্র॑তি॒পদ॑-ঙ্কুরুতে॒ তথা᳚ ব্রাহ্ম॒ণ-স্সাশী᳚র্কেণ য॒জ্ঞেন॑ যজতে॒ য-ঙ্কা॒ময়ে॑ত॒ যজ॑মান॒-ম্ভ্রাতৃ॑ব্যমস্য় য॒জ্ঞস্য়া॒শীর্গ॑চ্ছে॒দিতি॒ তস্য়ৈ॒তা ব্য়াহৃ॑তীঃ পুরোনুবা॒ক্য়া॑য়া-ন্দদ্ধ্য়া-দ্ভ্রাতৃব্যদেব॒ত্য়া॑ বৈ পু॑রোনুবা॒ক্য়া᳚ ভ্রাতৃ॑ব্যমে॒বাস্য়॑ য॒জ্ঞস্য়া॒-[য়॒জ্ঞস্য়া॑, আ॒শীর্গ॑চ্ছতি॒] 36

-ঽঽশীর্গ॑চ্ছতি॒ যান্ কা॒ময়ে॑ত॒ যজ॑মানান্-থ্স॒মাব॑ত্য়েনান্ য॒জ্ঞস্য়া॒ ঽঽশীর্গ॑চ্ছে॒দিতি॒ তেষা॑মে॒তা ব্য়াহৃ॑তীঃ পুরোনুবা॒ক্য়া॑য়া অর্ধ॒র্চ একা᳚-ন্দদ্ধ্য়া-দ্য়া॒জ্য়া॑য়ৈ পু॒রস্তা॒দেকাং᳚-য়াঁ॒জ্য়া॑য়া অর্ধ॒র্চ একা॒-ন্তথৈ॑নান্-থ্স॒মাব॑তী য॒জ্ঞস্য়া॒ ঽঽশীর্গ॑চ্ছতি॒ যথা॒ বৈ প॒র্জন্য়॒-স্সুবৃ॑ষ্টং॒-বঁর্​ষ॑ত্য়ে॒বং-য়ঁ॒জ্ঞো যজ॑মানায় বর্​ষতি॒ স্থল॑য়োদ॒ক-ম্প॑রিগৃ॒হ্ণন্ত্য়া॒শিষা॑ য॒জ্ঞং-য়ঁজ॑মানঃ॒ পরি॑ গৃহ্ণাতি॒ মনো॑-ঽসি প্রাজাপ॒ত্য়ং- [প্রাজাপ॒ত্যম্, মন॑সা] 37

-মন॑সা মা ভূ॒তেনা-ঽঽবি॒শেত্য়া॑হ॒ মনো॒ বৈ প্রা॑জাপ॒ত্য়-ম্প্রা॑জাপ॒ত্য়ো য॒জ্ঞো মন॑ এ॒ব য॒জ্ঞমা॒ত্ম-ন্ধ॑ত্তে॒ বাগ॑স্য়ৈ॒ন্দ্রী স॑পত্ন॒ক্ষয়॑ণী বা॒চা মে᳚ন্দ্রি॒য়েণা-ঽঽবি॒শেত্য়া॑হৈ॒ন্দ্রী বৈ বাগ্বাচ॑-মে॒বৈন্দ্রী- মা॒ত্ম-ন্ধ॑ত্তে ॥ 38 ॥
(তেনৈ॒-ব ব্রহ্ম॑- রা॒ষ্ট্রমে॒-বাস্য়॑ য॒জ্ঞস্য়॑-প্রাজাপ॒ত্য়গ্​ম্-ষট্ত্রিগ্​ম্॑শচ্চ) (অ. 10)

যো বৈ স॑প্তদ॒শ-ম্প্র॒জাপ॑তিং-য়ঁ॒জ্ঞম॒ন্বায়॑ত্তং॒-বেঁদ॒ প্রতি॑ য॒জ্ঞেন॑ তিষ্ঠতি॒ ন য॒জ্ঞা-দ্ভ্রগ্​ম্॑শত॒ আ শ্রা॑ব॒য়েতি॒ চতু॑রক্ষর॒মস্তু॒ শ্রৌষ॒ডিতি॒ চতু॑রক্ষরং॒-য়ঁজেতি॒ দ্ব্য়॑ক্ষরং॒-য়েঁ যজা॑মহ॒ ইতি॒ পঞ্চা᳚ক্ষর-ন্দ্ব্যক্ষ॒রো ব॑ষট্কা॒র এ॒ষ বৈ স॑প্তদ॒শঃ প্র॒জাপ॑তি-র্য়॒জ্ঞম॒ন্বায়॑ত্তো॒ য এ॒বং-বেঁদ॒ প্রতি॑ য॒জ্ঞেন॑ তিষ্ঠতি॒ ন য॒জ্ঞাদ্- ভ্রগ্​ম্॑শতে॒ যো বৈ য॒জ্ঞস্য়॒ প্রায়॑ণ-ম্প্রতি॒ষ্ঠা- [প্রতি॒ষ্ঠাম্, উ॒দয়॑নং॒-বেঁদ॒] 39

মু॒দয়॑নং॒-বেঁদ॒ প্রতি॑ষ্ঠিতে॒নারি॑ষ্টেন য॒জ্ঞেন॑ স॒গ্গ্॒স্থা-ঙ্গ॑চ্ছ॒ত্য়াশ্রা॑ব॒য়াস্তু॒ শ্রৌষ॒ড্যজ॒ যে যজা॑মহে বষট্কা॒র এ॒তদ্বৈ য॒জ্ঞস্য়॒ প্রায়॑ণমে॒ষা প্র॑তি॒ষ্ঠৈতদু॒দয়॑নং॒-য়ঁ এ॒বং-বেঁদ॒ প্রতি॑ষ্ঠিতে॒না-ঽরি॑ষ্টেন য॒জ্ঞেন॑ স॒গ্গ্॒স্থা-ঙ্গ॑চ্ছতি॒ যো বৈ সূ॒নৃতা॑য়ৈ॒ দোহং॒-বেঁদ॑ দু॒হ এ॒বৈনাং᳚-য়ঁ॒জ্ঞো বৈ সূ॒নৃতা ঽঽ শ্রা॑ব॒য়েত্য়ৈবৈনা॑-মহ্ব॒দস্তু॒ [-মহ্ব॒দস্তু॑, শ্রৌষ॒ডিত্য়ু॒পাবা᳚স্রা॒-] 40

শ্রৌষ॒ডিত্য়ু॒পাবা᳚স্রা॒-গ্যজেত্য়ুদ॑নৈষী॒দ্য়ে যজা॑মহ॒ ইত্য়ুপা॑-ঽসদ-দ্বষট্কা॒রেণ॑ দোগ্দ্ধ্য়ে॒ষ বৈ সূ॒নৃতা॑য়ৈ॒ দোহো॒ য এ॒বং-বেঁদ॑ দু॒হ এ॒বৈনা᳚-ন্দে॒বা বৈ স॒ত্রমা॑সত॒ তেষা॒-ন্দিশো॑-ঽদস্য়॒ন্ত এ॒তামা॒র্দ্রা-ম্প॒ঙ্ক্তিম॑পশ্য়॒ন্না শ্রা॑ব॒য়েতি॑ পুরোবা॒ত-ম॑জনয়॒ন্নস্তু॒ শ্রৌষ॒ডিত্য়॒ভ্রগ্​ম্ সম॑প্লাবয়॒ন্॒. যজেতি॑ বি॒দ্য়ুত॑- [বি॒দ্য়ুত॑ম্, অ॒জ॒ন॒য়॒ন্॒ যে] 41

মজনয়॒ন্॒ যে যজা॑মহ॒ ইতি॒ প্রাব॑র্​ষযন্ন॒ভ্য়॑স্তনযন্ বষট্কা॒রেণ॒ ততো॒ বৈ তেভ্য়ো॒ দিশঃ॒ প্রাপ্য়া॑যন্ত॒ য এ॒বং-বেঁদ॒ প্রাস্মৈ॒ দিশঃ॑ প্য়াযন্তে প্র॒জাপ॑তি-ন্ত্বো॒বেদ॑ প্র॒জাপ॑তি স্ত্বং​বেঁদ॒ য-ম্প্র॒জাপ॑তি॒-র্বেদ॒ স পুণ্য়ো॑ ভবত্য়ে॒ষ বৈ ছ॑ন্দ॒স্য়ঃ॑ প্র॒জাপ॑তি॒রা শ্রা॑ব॒য়া-ঽস্তু॒ শ্রৌষ॒ড্যজ॒ যে যজা॑মহে বষট্কা॒রো য এ॒বং-বেঁদ॒ পুণ্য়ো॑ ভবতি বস॒ন্ত- [বস॒ন্তম্, ঋ॒তূ॒নাং] 42

-মৃ॑তূ॒না-ম্প্রী॑ণা॒মীত্য়া॑হ॒র্তবো॒ বৈ প্র॑য়া॒জা ঋ॒তূনে॒ব প্রী॑ণাতি॒ তে᳚-ঽস্মৈ প্রী॒তা য॑থাপূ॒র্ব-ঙ্ক॑ল্পন্তে॒ কল্প॑ন্তে-ঽস্মা ঋ॒তবো॒ য এ॒বং-বেঁদা॒গ্নীষোম॑য়োর॒হ-ন্দে॑বয়॒জ্যয়া॒ চক্ষু॑ষ্মা-ন্ভূয়াস॒মিত্য়া॑-হা॒গ্নীষোমা᳚ভ্য়াং॒-বৈঁ য॒জ্ঞশ্চক্ষু॑ষ্মা॒-ন্তাভ্য়া॑মে॒ব চক্ষু॑রা॒ত্ম-ন্ধ॑ত্তে॒ ঽগ্নের॒হ-ন্দে॑বয়॒জ্যয়া᳚-ঽন্না॒দো ভূ॑য়াস॒মিত্য়া॑হা॒গ্নির্বৈ দে॒বানা॑-মন্না॒দস্তে নৈ॒বা- [মন্না॒দস্তে নৈ॒বা, অ॒ন্নাদ্য়॑মা॒ত্মন্] 43

-ঽন্নাদ্য়॑মা॒ত্ম-ন্ধ॑ত্তে॒ দব্ধি॑র॒স্যদ॑ব্ধো ভূয়াসম॒মু-ন্দ॑ভেয়॒মিত্য়া॑হৈ॒তয়া॒ বৈ দব্দ্ধ্য়া॑ দে॒বা অসু॑রানদভ্নুব॒ন্তয়ৈ॒ব ভ্রাতৃ॑ব্য়-ন্দভ্নোত্য়॒গ্নীষোম॑য়োর॒হ-ন্দে॑বয়॒জ্যয়া॑ বৃত্র॒হা ভূ॑য়াস॒মিত্য়া॑হা॒-ঽগ্নীষোমা᳚ভ্য়াং॒-বাঁ ইন্দ্রো॑ বৃ॒ত্রম॑হ॒ন্তাভ্য়া॑মে॒ব ভ্রাতৃ॑ব্যগ্গ্​ স্তৃণুত ইন্দ্রাগ্নি॒য়োর॒হ-ন্দে॑বয়॒জ্যয়ে᳚ন্দ্রিয়া॒ব্য়॑ন্না॒দো ভূ॑য়াস॒মিত্য়া॑হেন্দ্রিয়া॒ব্য়ে॑বান্না॒দো ভ॑ব॒তীন্দ্র॑স্য়া॒- [ভ॑ব॒তীন্দ্র॑স্য়, অ॒হ-ন্দে॑বয়॒জ্যয়ে᳚ন্দ্রিয়া॒বী] 44

-ঽহ-ন্দে॑বয়॒জ্যয়ে᳚ন্দ্রিয়া॒বী ভূ॑য়াস॒মিত্য়া॑হেন্দ্রিয়া॒ব্য়ে॑ব ভ॑বতি মহে॒ন্দ্রস্য়া॒-ঽহ-ন্দে॑বয়॒জ্যয়া॑ জে॒মান॑-ম্মহি॒মান॑-ঙ্গমেয়॒মিত্য়া॑হ জে॒মান॑মে॒ব ম॑হি॒মান॑-ঙ্গচ্ছত্য়॒গ্নে-স্স্বি॑ষ্ট॒কৃতো॒-ঽহ-ন্দে॑বয়॒জ্যয়া ঽঽয়ু॑ষ্মান্. য॒জ্ঞেন॑ প্রতি॒ষ্ঠা-ঙ্গ॑মেয়॒মিত্য়া॒-হায়ু॑রে॒বাত্ম-ন্ধ॑ত্তে॒ প্রতি॑ য॒জ্ঞেন॑ -তিষ্ঠতি ॥ 45 ॥
( প্র॒তি॒ষ্ঠা-ম॑হ্ব॒দস্তু॑-বি॒দ্য়ুতং॑​বঁস॒ন্তন্-তেনৈ॒বে-ন্দ্র॑স্য়া॒-ঽষ্টাত্রিগ্​ম্॑শচ্চ) (অ. 11)

ইন্দ্রং॑-বোঁ বি॒শ্বত॒স্পরি॒ হবা॑মহে॒ জনে᳚ভ্য়ঃ । অ॒স্মাক॑মস্তু॒ কেব॑লঃ ॥ ইন্দ্র॒-ন্নরো॑ নে॒মধি॑তা হবন্তে॒ যত্পার্য়া॑ যু॒নজ॑তে॒ ধিয়॒স্তাঃ । শূরো॒ নৃষা॑তা॒ শব॑সশ্চকা॒ন আ গোম॑তি ব্র॒জে ভ॑জা॒ ত্বন্নঃ॑ ॥ ই॒ন্দ্রি॒য়াণি॑ শতক্রতো॒ যা তে॒ জনে॑ষু প॒ঞ্চসু॑ ॥ ইন্দ্র॒ তানি॑ ত॒ আ বৃ॑ণে ॥ অনু॑ তে দায়ি ম॒হ ই॑ন্দ্রি॒য়ায়॑ স॒ত্রা তে॒ বিশ্ব॒মনু॑ বৃত্র॒হত্য়ে᳚ । অনু॑ [ ] 46

ক্ষ॒ত্রমনু॒ সহো॑ যজ॒ত্রেন্দ্র॑ দে॒বেভি॒রনু॑ তে নৃ॒ষহ্য়ে᳚ ॥ আযস্মি᳚ন্-থ্স॒প্তবা॑স॒বা স্তিষ্ঠ॑ন্তি স্বা॒রুহো॑ যথা । ঋষি॑র্​হ দীর্ঘ॒শ্রুত্ত॑ম॒ ইন্দ্র॑স্য় ঘ॒র্মো অতি॑থিঃ ॥ আ॒মাসু॑ প॒ক্বমৈর॑য়॒ আ সূর্য়গ্​ম্॑ রোহয়ো দি॒বি । ঘ॒র্ম-ন্ন সাম॑-ন্তপতা সুবৃ॒ক্তিভি॒-র্জুষ্ট॒-ঙ্গির্ব॑ণসে॒ গিরঃ॑ ॥ ইন্দ্র॒মি-দ্গা॒থিনো॑ বৃ॒হদিন্দ্র॑-ম॒র্কেভি॑-র॒র্কিণঃ॑ । ইন্দ্রং॒-বাঁণী॑রনূষত ॥ গায়॑ন্তি ত্বা গায়॒ত্রিণো- [গায়॒ত্রিণঃ॑, অর্চ॑ন্ত্য়॒র্ক-ম॒র্কিণঃ॑ ।] 47

-ঽর্চ॑ন্ত্য়॒র্ক-ম॒র্কিণঃ॑ । ব্র॒হ্মাণ॑স্ত্বা শতক্রত॒বু-দ্ব॒গ্​ম্॒শ-মি॑ব যেমিরে ॥ অ॒গ্​ম্॒হো॒মুচে॒ প্র ভ॑রেমা মনী॒ষামো॑ষিষ্ঠ॒দাবংনে॑ সুম॒তি-ঙ্গৃ॑ণা॒নাঃ । ই॒দমি॑ন্দ্র॒ প্রতি॑ হ॒ব্য়-ঙ্গৃ॑ভায় স॒ত্য়া-স্স॑ন্তু॒ যজ॑মানস্য়॒ কামাঃ᳚ ॥ বি॒বেষ॒ যন্মা॑ ধি॒ষণা॑ জ॒জান॒ স্তবৈ॑ পু॒রা পার্য়া॒দিন্দ্র॒-মহ্নঃ॑ । অগ্​ম্হ॑সো॒ যত্র॑ পী॒পর॒দ্যথা॑ নো না॒বেব॒ যান্ত॑ মু॒ভয়ে॑ হবন্তে ॥ প্র স॒ম্রাজ॑-ম্প্রথ॒ম-ম॑দ্ধ্ব॒রাণা॑- [ম॑দ্ধ্ব॒রাণা᳚ম্, অ॒গ্​ম্॒হো॒মুচং॑] 48

-মগ্​ম্হো॒মুচং॑-বৃঁষ॒ভং-য়ঁ॒জ্ঞিয়া॑নাম্ । অ॒পা-ন্নপা॑তমশ্বিনা॒ হয়॑ন্ত-ম॒স্মিন্ন॑র ইন্দ্রি॒য়-ন্ধ॑ত্ত॒মোজঃ॑ ॥ বি ন॑ ইন্দ্র॒ মৃধো॑ জহি নী॒চা য॑চ্ছ পৃতন্য়॒তঃ । অ॒ধ॒স্প॒দ-ন্তমী᳚-ঙ্কৃধি॒ যো অ॒স্মাগ্​ম্ অ॑ভি॒দাস॑তি ॥ ইন্দ্র॑ ক্ষ॒ত্রম॒ভি বা॒মমোজো ঽজা॑যথা বৃষভ চর্​ষণী॒নাম্ । অপা॑নুদো॒ জন॑-মমিত্র॒যন্ত॑-মু॒রু-ন্দে॒বেভ্য়ো॑ অকৃণো-রু লো॒কম্ ॥ মৃ॒গো ন ভী॒মঃ কু॑চ॒রো গি॑রি॒ষ্ঠাঃ প॑রা॒বত [প॑রা॒বতঃ॑, আ জ॑গামা॒ পর॑স্য়াঃ ।] 49

আ জ॑গামা॒ পর॑স্য়াঃ । সৃ॒কগ্​ম্ স॒গ্​ম্॒শায়॑ প॒বিমি॑ন্দ্র তি॒গ্মং-বিঁ শত্রূ᳚-ন্তাঢি॒ বিমৃধো॑ নুদস্ব ॥ বি শত্রূ॒ন্॒. বি মৃধো॑ নুদ॒ বিবৃ॒ত্রস্য়॒ হনূ॑ রুজ । বি ম॒ন্য়ুমি॑ন্দ্র ভামি॒তো॑-ঽমিত্র॑স্য়া-ঽভি॒দাস॑তঃ ॥ ত্রা॒তার॒-মিন্দ্র॑-মবি॒তার॒-মিন্দ্র॒গ্​ম্॒ হবে॑হবে সু॒হব॒গ্​ম্॒ শূর॒মিন্দ্র᳚ম্ । হু॒বে নু শ॒ক্র-ম্পু॑রুহূ॒তমিন্দ্রগ্গ্॑ স্ব॒স্তি নো॑ ম॒ঘবা॑ ধা॒ত্বিন্দ্রঃ॑ ॥ মা তে॑ অ॒স্য়াগ্​ম্ [অ॒স্য়াগ্​ম্, স॒হ॒সা॒ব॒-ন্পরি॑ষ্টাব॒ঘায়॑] 50

স॑হসাব॒-ন্পরি॑ষ্টাব॒ঘায়॑ ভূম হরিবঃ পরা॒দৈ । ত্রায়॑স্ব নো ঽবৃ॒কেভি॒-র্বরূ॑থৈ॒-স্তব॑ প্রি॒য়াস॑-স্সূ॒রিষু॑ স্য়াম ॥ অন॑বস্তে॒ রথ॒মশ্বা॑য় তক্ষ॒-ন্ত্বষ্টা॒ বজ্র॑-ম্পুরুহূত দ্য়ু॒মন্ত᳚ম্ । ব্র॒হ্মাণ॒ ইন্দ্র॑-ম্ম॒হয়॑ন্তো অ॒র্কৈরব॑র্ধয়॒ন্নহ॑য়ে॒ হন্ত॒বা উ॑ ॥ বৃষ্ণে॒ য-ত্তে॒ বৃষ॑ণো অ॒র্কমর্চা॒নিন্দ্র॒ গ্রাবা॑ণো॒ অদি॑তি-স্স॒জোষাঃ᳚ । অ॒ন॒শ্বাসো॒ যে প॒বয়ো॑-ঽর॒থা ইন্দ্রে॑ষিতা অ॒ভ্যব॑র্ত ন্ত॒ দস্য়ূন্॑ ॥ 51 ॥
(বৃ॒ত্র॒হত্য়ে-ঽনু॑-গায়॒ত্রিণো᳚-ঽদ্ধ॒রাণাং᳚-পরা॒বতো॒-ঽস্য়া-ম॒ষ্টাচ॑ত্বারিগ্​ম্শচ্চ) (অ. 12)

(সন্ত্বা॑ সিঞ্চামি-ধ্রু॒বো᳚-ঽস্য়॒গ্নির্মা॑-ব॒র্॒হিষো॒-ঽহ-মা প্য়া॑যতা॒-মগ॑ন্ম॒-যথা॒ বৈ-য়ো বৈ শ্র॒দ্ধাং- প্র॒জাপ॑তি॒-র্যজ্ঞান্-ধ্রু॒বো॑-ঽসীত্য়া॑হ॒-য়ো বৈ স॑প্তদ॒শ-মিন্দ্রং॑-বোঁ॒-দ্বাদ॑শ । )

(সন্ত্বা॑-ব॒র্॒হিষো॒-ঽহং​য়ঁথা॒ বা-এ॒বং-বিঁ॒দ্বা-ঞ্ছ্রৌষ॑ট্-থ্সাহসাব॒-ন্নেক॑পঞ্চা॒শত্ ।)

(সন্ত্বা॑, সিঞ্চামি॒ দস্য়ূন্॑)

॥ হরিঃ॑ ওম্ ॥

॥ কৃষ্ণ যজুর্বেদীয় তৈত্তিরীয় সংহিতায়া-ম্প্রথমকাণ্ডে ষষ্ঠঃ প্রশ্ন-স্সমাপ্তঃ ॥