কৃষ্ণ যজুর্বেদীয় তৈত্তিরীয় সংহিতায়া-ন্তৃতীযকাণ্ডে তৃতীয়ঃ প্রশ্নঃ - বৈকৃতবিধীনামভিধানং

ও-ন্নমঃ পরমাত্মনে, শ্রী মহাগণপতয়ে নমঃ,
শ্রী গুরুভ্য়ো নমঃ । হ॒রিঃ॒ ওম্ ॥

অগ্নে॑ তেজস্বি-ন্তেজ॒স্বী ত্ব-ন্দে॒বেষু॑ ভূয়া॒স্তেজ॑স্বন্ত॒-ম্মামায়ু॑ষ্মন্তং॒-বঁর্চ॑স্বন্ত-ম্মনু॒ষ্য়ে॑ষু কুরু দী॒ক্ষায়ৈ॑ চ ত্বা॒ তপ॑সশ্চ॒ তেজ॑সে জুহোমি তেজো॒বিদ॑সি॒ তেজো॑ মা॒ মা হা॑সী॒ন্মা-ঽহ-ন্তেজো॑ হাসিষ॒-ম্মা মা-ন্তেজো॑ হাসী॒দিন্দ্রৌ॑জস্বিন্নোজ॒স্বী ত্ব-ন্দে॒বেষু॑ ভূয়া॒ ওজ॑স্বন্ত॒-ম্মামায়ু॑ষ্মন্তং॒-বঁর্চ॑স্বন্ত-ম্মনু॒ষ্য়ে॑ষু কুরু॒ ব্রহ্ম॑ণশ্চ ত্বা ক্ষ॒ত্রস্য়॒ চৌ- [ক্ষ॒ত্রস্য়॒ চ, ওজ॑সে জুহোম্য়োজো॒বি-] 1

-জ॑সে জুহোম্য়োজো॒বি-দ॒স্য়োজো॑ মা॒ মা হা॑সী॒ন্মা-ঽহমোজো॑ হাসিষ॒-ম্মা মামোজো॑ হাসী॒-থ্সূর্য়॑ ভ্রাজস্বি-ন্ভ্রাজ॒স্বী ত্ব-ন্দে॒বেষু॑ ভূয়া॒ ভ্রাজ॑স্বন্ত॒-ম্মামায়ু॑ষ্মন্তং॒-বঁর্চ॑স্বন্ত-ম্মনু॒ষ্য়ে॑ষু কুরু বা॒য়োশ্চ॑ ত্বা॒-ঽপাঞ্চ॒ ভ্রাজ॑সে জুহোমিসুব॒র্বিদ॑সি॒ সুব॑র্মা॒ মা হা॑সী॒ন্মা-ঽহগ্​ম্ সুব॑র্​হাসিষ॒-ম্মা মাগ্​ম্ সুব॑র্​হাসী॒-ন্ময়ি॑ মে॒ধা-ম্ময়ি॑ প্র॒জা-ম্ময়্য়॒গ্নিস্তেজো॑ দধাতু॒ ময়ি॑ মে॒ধা-ম্ময়ি॑ প্র॒জা-ম্ময়ীন্দ্র॑ ইন্দ্রি॒য়-ন্দ॑ধাতু॒ ময়ি॑ মে॒ধা-ম্ময়ি॑ প্র॒জা-ম্ময়ি॒ সূর্য়ো॒ ভ্রাজো॑ দধাতু ॥ 2 ॥
(ক্ষ॒ত্রস্য়॑ চ॒ - ময়ি॒ - ত্রয়ো॑বিগ্​ম্শতিশ্চ) (অ. 1)

বা॒য়ুর্​হি॑কং॒র্তা-ঽগ্নিঃ প্র॑স্তো॒তা প্র॒জাপ॑তি॒-স্সাম॒ বৃহ॒স্পতি॑রুদ্গা॒তা বিশ্বে॑ দে॒বা উ॑পগা॒তারো॑ ম॒রুতঃ॑ প্রতিহ॒র্তার॒ ইন্দ্রো॑ নি॒ধন॒ন্তে দে॒বাঃ প্রা॑ণ॒ভৃতঃ॑ প্রা॒ণ-ম্ময়ি॑ দধত্বে॒তদ্বৈ সর্ব॑মদ্ধ্ব॒র্য়ু-রু॑পাকু॒র্বন্নু॑দ্গা॒তৃভ্য়॑ উ॒পাক॑রোতি॒ তে দে॒বাঃ প্রা॑ণ॒ভৃতঃ॑ প্রা॒ণ-ম্ময়ি॑ দধ॒ত্বিত্য়া॑হৈ॒তদে॒ব সব॑র্মা॒ত্ম-ন্ধ॑ত্ত॒ ইডা॑ দেব॒হূ র্মনু॑-র্যজ্ঞ॒নী-র্বৃহ॒স্পতি॑রুক্থাম॒দানি॑ শগ্​ম্সিষ॒-দ্বিশ্বে॑ দে॒বা- [দে॒বাঃ, সূ॒ক্ত॒বাচঃ॒ পৃথি॑বি] 3

-স্সূ᳚ক্ত॒বাচঃ॒ পৃথি॑বি মাত॒র্মা মা॑হিগ্​ম্সী॒ র্মধু॑ মনিষ্য়ে॒ মধু॑ জনিষ্য়ে॒ মধু॑বক্ষ্য়ামি॒ মধু॑বদিষ্য়ামি॒ মধু॑মতী-ন্দে॒বেভ্য়ো॒ বাচ॑মুদ্য়াসগ্​ম্ শুশ্রূ॒ষেণ্য়া᳚-ম্মনু॒ষ্য়ে᳚ভ্য়॒স্ত-ম্মা॑ দে॒বা অ॑বন্তু শো॒ভায়ৈ॑ পি॒তরো-ঽনু॑ মদন্তু ॥ 4 ॥
(শ॒গ্​ম্॒সি॒ষ॒-দ্বিশ্বে॑ দে॒বা - অ॒ষ্টাবিগ্​ম্॑শতিশ্চ) (অ. 2)

বস॑বস্ত্বা॒ প্রব॑হন্তু গায়॒ত্রেণ॒ ছন্দ॑সা॒-ঽগ্নেঃ প্রি॒য়-ম্পাথ॒ উপে॑হি রু॒দ্রাস্ত্বা॒ প্রবৃ॑হন্তু॒ ত্রৈষ্টু॑ভেন॒ ছন্দ॒সেন্দ্র॑স্য় প্রি॒য়-ম্পাথ॒ উপে᳚হ্য়াদি॒ত্য়াস্ত্বা॒ প্রবৃ॑হন্তু॒ জাগ॑তেন॒ ছন্দ॑সা॒ বিশ্বে॑ষা-ন্দে॒বানা᳚-ম্প্রি॒য়-ম্পাথ॒ উপে॑হি॒ মান্দা॑সু তে শুক্র শু॒ক্রমা ধূ॑নোমি ভ॒ন্দনা॑সু॒ কোত॑নাসু॒ নূত॑নাসু॒ রেশী॑ষু॒ মেষী॑ষু॒ বাশী॑ষু বিশ্ব॒ভৃথ্সু॒ মাদ্ধ্বী॑ষু ককু॒হাসু॒ শক্ব॑রীষু [ ] 5

শু॒ক্রাসু॑ তে শুক্র শু॒ক্রমা ধূ॑নোমি শু॒ক্র-ন্তে॑ শু॒ক্রেণ॑ গৃহ্ণা॒ম্যহ্নো॑ রূ॒পেণ॒ সূর্য়॑স্য় র॒শ্মিভিঃ॑ ॥ আ-ঽস্মি॑ন্নু॒গ্রা অ॑চুচ্যবুর্দি॒বো ধারা॑ অসশ্চত ॥ ক॒কু॒হগ্​ম্ রূ॒পং-বৃঁ॑ষ॒ভস্য়॑ রোচতে বৃ॒হ-থ্সোম॒-স্সোম॑স্য় পুরো॒গা-শ্শু॒ক্র-শ্শু॒ক্রস্য়॑ পুরো॒গাঃ ॥ য-ত্তে॑ সো॒মাদা᳚ভ্য়॒-ন্নাম॒ জাগৃ॑বি॒ তস্মৈ॑ তে সোম॒ সোমা॑য়॒ স্বাহো॒শি-ক্ত্ব-ন্দে॑ব সোম গায়॒ত্রেণ॒ ছন্দ॑সা॒-ঽগ্নেঃ [ছন্দ॑সা॒-ঽগ্নেঃ, প্রি॒য়-ম্পাথো॒] 6

প্রি॒য়-ম্পাথো॒ অপী॑হি ব॒শী ত্ব-ন্দে॑ব সোম॒ ত্রৈষ্টু॑ভেন॒ ছন্দ॒সেন্দ্র॑স্য় প্রি॒য়-ম্পাথো॒ অপী᳚হ্য়॒স্মথ্স॑খা॒ ত্ব-ন্দে॑ব সোম॒ জাগ॑তেন॒ ছন্দ॑সা॒ বিশ্বে॑ষা-ন্দে॒বানা᳚-ম্প্রি॒য়-ম্পাথো॒ অপী॒হ্য়া নঃ॑ প্রা॒ণ এ॑তু পরা॒বত॒ আ-ঽন্তরি॑ক্ষাদ্দি॒বস্পরি॑ । আয়ুঃ॑ পৃথি॒ব্য়া অদ্ধ্য়॒মৃত॑মসি প্রা॒ণায়॑ ত্বা ॥ ই॒ন্দ্রা॒গ্নী মে॒ বর্চঃ॑ কৃণুতাং॒-বঁর্চ॒-স্সোমো॒ বৃহ॒স্পতিঃ॑ । বর্চো॑ মে॒ বিশ্বে॑দে॒বা বর্চো॑ মে ধত্তমশ্বিনা ॥ দ॒ধ॒ন্বে বা॒ যদী॒মনু॒ বোচ॒দ্ব্রহ্মা॑ণি॒ বেরু॒ তত্ । পরি॒ বিশ্বা॑নি॒ কাব্য়া॑ নে॒মিশ্চ॒ক্রমি॑বা ভবত্ ॥ 7 ॥
(শক্ব॑রীষ্ব॒ - গ্নে - র্বৃহ॒স্পতিঃ॒ - পঞ্চ॑বিগ্​ম্শতিশ্চ) (অ. 3)

এ॒তদ্বা অ॒পা-ন্না॑ম॒ধেয়॒-ঙ্গুহ্য়ং॒-য়ঁদা॑ধা॒বা মান্দা॑সু তে শুক্র শু॒ক্রমা ধূ॑নো॒মীত্য়া॑হা॒পামে॒ব না॑ম॒ধেয়ে॑ন॒ গুহ্য়ে॑ন দি॒বো বৃষ্টি॒মব॑ রুন্ধে শু॒ক্র-ন্তে॑ শু॒ক্রেণ॑ গৃহ্ণা॒মীত্য়া॑হৈ॒তদ্বা অহ্নো॑ রূ॒পং-য়ঁদ্রাত্রি॒-স্সূর্য়॑স্য় র॒শ্ময়ো॒ বৃষ্ট্য়া॑ ঈশ॒তে-ঽহ্ন॑ এ॒ব রূ॒পেণ॒ সূর্য়॑স্য় র॒শ্মিভি॑র্দি॒বো বৃষ্টি॑-ঞ্চ্য়াবয়॒ত্য়া-ঽস্মি॑ন্নু॒গ্রা [-ঽস্মি॑ন্নু॒গ্রাঃ, অ॒চু॒চ্য়॒বু॒রিত্য়া॑হ] 8

অ॑চুচ্যবু॒রিত্য়া॑হ যথায়॒জুরে॒বৈত-ত্ক॑কু॒হগ্​ম্ রূ॒পং-বৃঁ॑ষ॒ভস্য়॑ রোচতে বৃ॒হদিত্য়া॑হৈ॒তদ্বা অ॑স্য় ককু॒হগ্​ম্ রূ॒পং-য়ঁ-দ্বৃষ্টী॑ রূ॒পেণৈ॒ব বৃষ্টি॒মব॑ রুন্ধে॒ যত্তে॑ সো॒মাদা᳚ভ্য়॒-ন্নাম॒ জাগৃ॒বীত্য়া॑হৈ॒ষ হ॒ বৈ হ॒বিষা॑ হ॒বির্য়॑জতি॒ যো-ঽদা᳚ভ্য়-ঙ্গৃহী॒ত্বা সোমা॑য় জু॒হোতি॒পরা॒ বা এ॒তস্য়া-ঽঽয়ুঃ॑ প্রা॒ণ এ॑তি॒ [প্রা॒ণ এ॑তি, যো-ঽগ্​ম্॑শু-] 9

যো-ঽগ্​ম্॑শু-ঙ্গৃ॒হ্ণাত্য়া নঃ॑ প্রা॒ণ এ॑তু পরা॒বত॒ ইত্য়া॒হা-ঽঽয়ু॑রে॒ব প্রা॒ণমা॒ত্ম-ন্ধ॑ত্তে॒ ঽমৃত॑মসি প্রা॒ণায়॒ ত্বেতি॒ হির॑ণ্যম॒ভি ব্য়॑নিত্য়॒মৃতং॒-বৈঁ হির॑ণ্য়॒মায়ুঃ॑ প্রা॒ণো॑-ঽমৃতে॑নৈ॒বা-ঽঽয়ু॑রা॒ত্ম-ন্ধ॑ত্তে শ॒তমা॑ন-ম্ভবতি শ॒তায়ুঃ॒ পুরু॑ষ-শ্শ॒তেন্দ্রি॑য়॒ আয়ু॑ষ্য়ে॒বেন্দ্রি॒য়ে প্রতি॑তিষ্ঠত্য়॒প উপ॑ স্পৃশতি ভেষ॒জং-বাঁ আপো॑ ভেষ॒জমে॒ব কু॑রুতে ॥ 10 ॥
(উ॒গ্রা - এ॒ত্য়া - প॒ - স্ত্রীণি॑ চ) (অ. 4)

বা॒য়ুর॑সি প্রা॒ণো নাম॑ সবি॒তুরাধি॑পত্য়ে-ঽপা॒ন-ম্মে॑ দা॒শ্চক্ষু॑রসি॒ শ্রোত্র॒-ন্নাম॑ ধা॒তুরাধি॑পত্য়॒ আয়ু॑র্মে দা রূ॒পম॑সি॒ বর্ণো॒ নাম॒ বৃহ॒স্পতে॒রাধি॑পত্য়ে প্র॒জা-ম্মে॑ দা ঋ॒তম॑সি স॒ত্য়-ন্নামেন্দ্র॒স্য়া-ঽঽধি॑পত্য়ে ক্ষ॒ত্র-ম্মে॑ দা ভূ॒তম॑সি॒ ভব্য়॒-ন্নাম॑ পিতৃ॒ণামাধি॑পত্য়ে॒-ঽপা-মোষ॑ধীনা॒-ঙ্গর্ভ॑-ন্ধা ঋ॒তস্য়॑ ত্বা॒ ব্য়ো॑মন ঋ॒তস্য়॑ [ ] 11

ত্বা॒ বিভূ॑মন ঋ॒তস্য়॑ ত্বা॒ বিধ॑র্মণ ঋ॒তস্য়॑ ত্বা স॒ত্য়ায়॒র্তস্য়॑ ত্বা॒ জ্য়োতি॑ষে প্র॒জাপ॑তি র্বি॒রাজ॑মপশ্য়॒-ত্তয়া॑ ভূ॒ত-ঞ্চ॒ ভব্য়॑-ঞ্চা সৃজত॒ তামৃষি॑ভ্যস্তি॒রো॑-ঽদধা॒-ত্তা-ঞ্জ॒মদ॑গ্নি॒স্তপ॑সা-ঽ পশ্য়॒-ত্তয়া॒ বৈ স পৃশ্ঞী॒ন্ কামা॑নসৃজত॒ ত-ত্পৃশ্ঞী॑না-ম্পৃশ্ঞি॒ত্বং-য়ঁ-ত্পৃশ্ঞ॑য়ো গৃ॒হ্যন্তে॒ পৃশ্ঞী॑নে॒ব তৈঃ কামা॒ন্॒. যজ॑মা॒নো-ঽব॑ রুন্ধে বা॒য়ুর॑সি প্রা॒ণো [বা॒য়ুর॑সি প্রা॒ণঃ, নামেত্য়া॑হ] 12

নামেত্য়া॑হ প্রাণাপা॒নাবে॒বাব॑ রুন্ধে॒ চক্ষু॑রসি॒ শ্রোত্র॒-ন্নামেত্য়া॒হা-ঽঽয়ু॑রে॒বাব॑ রুন্ধে রূ॒পম॑সি॒ বর্ণো॒ নামেত্য়া॑হ প্র॒জামে॒বাব॑ রুন্ধঋ॒তম॑সি স॒ত্য়-ন্নামেত্য়া॑হ ক্ষ॒ত্রমে॒বাব॑ রুন্ধে ভূ॒তম॑সি॒ ভব্য়॒-ন্নামেত্য়া॑হ প॒শবো॒ বা অ॒পামোষ॑ধীনা॒-ঙ্গর্ভঃ॑ প॒শূনে॒বা- [প॒শূনে॒ব, অব॑ রুন্ধ] 13

-ব॑ রুন্ধ এ॒তাব॒দ্বৈ পুরু॑ষ-ম্প॒রিত॒স্তদে॒বাব॑ রুন্ধ ঋ॒তস্য়॑ ত্বা॒ ব্য়ো॑মন॒ ইত্য়া॑হে॒য়ং-বাঁ ঋ॒তস্য়॒ ব্য়ো॑মে॒মামে॒বাভি জ॑যত্য়ৃ॒তস্য়॑ ত্বা॒ বিভূ॑মন॒ ইত্য়া॑হা॒-ঽন্তরি॑ক্ষং॒-বাঁ ঋ॒তস্য়॒ বিভূ॑মা॒ন্তরি॑ক্ষমে॒বাভি জ॑যত্য়ৃ॒তস্য়॑ ত্বা॒ বিধ॑র্মণ॒ ইত্য়া॑হ॒ দ্য়ৌর্বা ঋ॒তস্য়॒ বিধ॑র্ম॒ দিব॑মে॒বাভি জ॑যত্য়ৃ॒তস্য়॑ [জ॑যত্য়ৃ॒তস্য়॑, ত্বা॒ স॒ত্য়ায়েত্য়া॑হ॒] 14

ত্বা স॒ত্য়ায়েত্য়া॑হ॒ দিশো॒ বা ঋ॒তস্য়॑ স॒ত্য়-ন্দিশ॑ এ॒বাভি জ॑যত্য়ৃ॒তস্য়॑ ত্বা॒ জ্য়োতি॑ষ॒ ইত্য়া॑হ সুব॒র্গো বৈ লো॒ক ঋ॒তস্য়॒ জ্য়োতি॑-স্সুব॒র্গমে॒ব লো॒কম॒ভি জ॑যত্য়ে॒তাব॑ন্তো॒ বৈ দে॑বলো॒কাস্তানে॒বাভি জ॑যতি॒ দশ॒ সম্প॑দ্যন্তে॒ দশা᳚ক্ষরা বি॒রাডন্নং॑-বিঁ॒রা-ড্বি॒রাজ্য়ে॒বান্নাদ্য়ে॒ প্রতি॑তিষ্ঠতি ॥ 15 ॥
(ব্য়ো॑মন ঋ॒তস্য়॑ - প্রা॒ণঃ - প॒শুনে॒ব - বিধ॑র্ম॒ দিব॑মে॒বাভি জ॑যত্য়ৃ॒তস্য়॒ -ষট্চ॑ত্বারিগ্​ম্শচ্চ) (অ. 5)

দে॒বা বৈ য-দ্য়॒জ্ঞেন॒ নাবারু॑ন্ধত॒ ত-ত্পরৈ॒রবা॑রুন্ধত॒ ত-ত্পরা॑ণা-ম্পর॒ত্বং-য়ঁ-ত্পরে॑ গৃ॒হ্যন্তে॒ যদে॒ব য॒জ্ঞেন॒নাব॑রু॒ন্ধে তস্য়াব॑রুদ্ধ্য়ৈ॒ য-ম্প্র॑থ॒ম-ঙ্গৃ॒হ্ণাতী॒মমে॒ব তেন॑ লো॒কম॒ভি জ॑যতি॒য়-ন্দ্বি॒তীয়॑ম॒ন্তরি॑ক্ষ॒-ন্তেন॒ য-ন্তৃ॒তীয়॑ম॒মুমে॒ব তেন॑ লো॒কম॒ভি জ॑যতি॒ যদে॒তে গৃ॒হ্যন্ত॑ এ॒ষাং ঁলো॒কানা॑-ম॒ভিজি॑ত্য়া॒ [-ম॒ভিজি॑ত্য়া, উত্ত॑রে॒ষ্বহ-] 16

উত্ত॑রে॒ষ্বহ॑-স্স্ব॒মুতো॒-ঽর্বাঞ্চো॑ গৃহ্যন্তে ঽভি॒জিত্য়ৈ॒বেমাং-লোঁ॒কা-ন্পুন॑রি॒মং-লোঁ॒ক-ম্প্র॒ত্যব॑রোহন্তি॒ য-ত্পূর্বে॒ষ্বহ॑-স্স্বি॒তঃ পরা᳚ঞ্চো গৃ॒হ্যন্তে॒ তস্মা॑দি॒তঃ পরা᳚ঞ্চ ই॒মে লো॒কা যদুত্ত॑রে॒ষ্বহ॑-স্স্ব॒মুতো॒-ঽর্বাঞ্চো॑ গৃ॒হ্যন্তে॒ তস্মা॑দ॒মুতো॒ ঽর্বাঞ্চ॑ ই॒মে লো॒কাস্তস্মা॒দয়া॑তয়াম্নো লো॒কা-ন্ম॑নু॒ষ্য়া॑ উপ॑ জীবন্তি ব্রহ্মবা॒দিনো॑ বদন্তি॒ কস্মা᳚-থ্স॒ত্য়াদ॒দ্ভ্য় ওষ॑ধয়॒-স্স-ম্ভ॑ব॒ন্ত্য়োষ॑ধয়ো [ওষ॑ধয়॒-স্স-ম্ভ॑ব॒ন্ত্য়োষ॑ধয়ঃ, ম॒নু॒ষ্য়া॑ণা॒মন্ন॑-] 17

মনু॒ষ্য়া॑ণা॒মন্ন॑-ম্প্র॒জাপ॑তি-ম্প্র॒জা অনু॒ প্রজা॑যন্ত॒ ইতি॒ পরা॒নন্বিতি॑ ব্রূয়া॒-দ্য়-দ্গৃ॒হ্ণাত্য়॒দ্ভ্যস্ত্বৌষ॑ধীভ্য়ো গৃহ্ণা॒মীতি॒ তস্মা॑দ॒দ্ভ্য় ওষ॑ধয়॒-স্সম্ভ॑বন্তি॒ য-দ্গৃ॒হ্ণাত্য়োষ॑ধীভ্যস্ত্বা প্র॒জাভ্য়ো॑ গৃহ্ণা॒মীতি॒ তস্মা॒দোষ॑ধয়ো মনু॒ষ্য়া॑ণা॒মন্নং॒-য়ঁ-দ্গৃ॒হ্ণাতি॑ প্র॒জাভ্য়॑স্ত্বা প্র॒জাপ॑তয়ে গৃহ্ণা॒মীতি॒ তস্মা᳚-ত্প্র॒জাপ॑তি-ম্প্র॒জা অনু॒ প্রজা॑যন্তে ॥ 18 ॥
(অ॒ভিজি॑ত্য়ৈ - ভব॒ন্ত্য়োষ॑ধয়ো॒ - ঽষ্টা চ॑ত্বারিগ্​ম্শচ্চ) (অ. 6)

প্র॒জাপ॑তির্দেবাসু॒রান॑ সৃজত॒ তদনু॑ য॒জ্ঞো॑-ঽসৃজ্যত য॒জ্ঞ-ঞ্ছন্দাগ্​ম্॑সি॒ তে বিষ্ব॑ঞ্চো॒ ব্য়॑ক্রাম॒ন্-থ্সো-ঽসু॑রা॒ননু॑ য॒জ্ঞো-ঽপা᳚ক্রাম-দ্য়॒জ্ঞ-ঞ্ছন্দাগ্​ম্॑সি॒ তে দে॒বা অ॑মন্যন্তা॒মী বা ই॒দম॑ভূব॒ন্॒. য-দ্ব॒যগ্গ্​ স্ম ইতি॒ তে প্র॒জাপ॑তি॒মুপা॑-ঽধাব॒ন্-থ্সো᳚-ঽব্রবীত্-প্র॒জাপ॑তি॒শ্ছন্দ॑সাং-বীঁ॒র্য়॑মা॒দায়॒ তদ্বঃ॒ প্র দা᳚স্য়া॒মীতি॒ স ছন্দ॑সাং-বীঁ॒র্য়॑- [ছন্দ॑সাং-বীঁ॒র্য়᳚ম্, আ॒দায়॒ তদে᳚ভ্য়ঃ॒] 19

-মা॒দায়॒ তদে᳚ভ্য়ঃ॒ প্রায়॑চ্ছ॒-ত্তদনু॒ ছন্দা॒গ্॒স্যপা᳚-ঽক্রাম॒ন্ ছন্দাগ্​ম্॑সি য॒জ্ঞস্ততো॑ দে॒বা অভ॑ব॒-ন্পরা-ঽসু॑রা॒ য এ॒ব-ঞ্ছন্দ॑সাং-বীঁ॒র্য়ং॑-বেঁদা-ঽঽ শ্রা॑ব॒য়া-ঽস্তু॒ শ্রৌষ॒ড্ যজ॒ যে যজা॑মহে বষট্কা॒রো ভব॑ত্য়া॒ত্মনা॒ পরা᳚-ঽস্য়॒ ভ্রাতৃ॑ব্য়ো ভবতি ব্রহ্মবা॒দিনো॑ বদন্তি॒ কস্মৈ॒ কম॑দ্ধ্ব॒র্য়ুরা শ্রা॑বয়॒তীতি॒ ছন্দ॑সাং-বীঁ॒র্য়া॑য়েতি॑ ব্রূয়াদে॒ ত-দ্বৈ [ ] 20

ছন্দ॑সাং-বীঁ॒র্য়॑মা শ্রা॑ব॒য়া-ঽস্তু॒ শ্রৌষ॒ড্ যজ॒ যে যজা॑মহে বষট্কা॒রো য এ॒বং-বেঁদ॒ সবী᳚র্য়ৈরে॒ব ছন্দো॑ভিরর্চতি॒ য-ত্কি-ঞ্চার্চ॑তি॒ যদিন্দ্রো॑ বৃ॒ত্রমহ॑ন্ন-মে॒দ্ধ্য়-ন্ত-দ্য়-দ্যতী॑ন॒পাব॑পদ-মে॒দ্ধ্য়-ন্তদথ॒ কস্মা॑দৈ॒ন্দ্রো য॒জ্ঞ আ সগ্গ্​স্থা॑তো॒রিত্য়া॑হু॒রিন্দ্র॑স্য়॒ বা এ॒ষা য॒জ্ঞিয়া॑ ত॒নূর্য়-দ্য়॒জ্ঞস্তামে॒ব ত দ্য়॑জন্তি॒ য এ॒বং-বেঁদোপৈ॑নং-য়ঁ॒জ্ঞো ন॑মতি ॥ 21 ॥
(ছন্দ॑সাং-বীঁ॒র্য়ং॑ - ঁবা - এ॒ব ত - দ॒ষ্টৌ চ॑) (অ. 7)

আ॒য়ুর্দা অ॑গ্নে হ॒বিষো॑ জুষা॒ণো ঘৃ॒তপ্র॑তীকো ঘৃ॒তয়ো॑নিরেধি । ঘৃ॒ত-ম্পী॒ত্বা মধু॒চারু॒ গব্য়॑-ম্পি॒তেব॑পু॒ত্রম॒ভি র॑ক্ষতাদি॒মম্ ॥ আ বৃ॑শ্চ্যতে॒ বা এ॒ত-দ্যজ॑মানো॒-ঽগ্নিভ্য়াং॒-য়ঁদে॑নয়ো-শ্শৃত॒-ঙ্কৃত্য়াথা॒-ঽন্যত্রা॑-বভৃ॒থম॒বৈত্য়া॑য়ু॒র্দা অ॑গ্নে হ॒বিষো॑ জুষা॒ণ ইত্য়॑বভৃ॒থম॑বৈ॒ষ্যন্ জু॑হুয়া॒দাহু॑ত্য়ৈ॒বৈনৌ॑ শমযতি॒ না-ঽঽর্তি॒মার্চ্ছ॑তি॒ যজ॑মানো॒ য-ত্কুসী॑দ॒- [য়-ত্কুসী॑দম্, অপ্র॑তীত্ত॒-ম্ময়ি॒ যেন॑] 22

-মপ্র॑তীত্ত॒-ম্ময়ি॒ যেন॑ য॒মস্য়॑ ব॒লিনা॒ চরা॑মি । ই॒হৈব স-ন্নি॒রব॑দয়ে॒ তদে॒ত-ত্তদ॑গ্নে অনৃ॒ণো ভ॑বামি । বিশ্ব॑লোপ বিশ্বদা॒বস্য়॑ ত্বা॒ ঽঽসঞ্জু॑হোম্য়॒গ্ধাদেকো॑ ঽহু॒তাদেক॑-স্সমস॒নাদেকঃ॑ । তেনঃ॑ কৃণ্বন্তু ভেষ॒জগ্​ম্ সদ॒-স্সহো॒ বরে᳚ণ্যম্ ॥ অ॒য়-ন্নো॒ নভ॑সা পু॒র-স্স॒গ্গ্॒স্ফানো॑ অ॒ভি র॑ক্ষতু । গৃ॒হাণা॒মস॑মর্ত্য়ৈ ব॒হবো॑ নো গৃ॒হা অ॑সন্ন্ ॥ স ত্বন্নো॑ [স ত্বন্নঃ॑, ন॒ভ॒স॒স্প॒ত॒ ঊর্জ॑-ন্নো] 23

নভসস্পত॒ ঊর্জ॑-ন্নো ধেহি ভ॒দ্রয়া᳚ । পুন॑র্নো ন॒ষ্টমা কৃ॑ধি॒ পুন॑র্নো র॒য়িমা কৃ॑ধি ॥ দেব॑ সগ্গ্​স্ফান সহস্রপো॒ষস্য়ে॑শিষে॒ স নো॑ রা॒স্বা-ঽজ্য়া॑নিগ্​ম্ রা॒যস্পোষগ্​ম্॑ সু॒বীর্য়গ্​ম্॑ সং​বঁথ্স॒রীণাগ্॑ স্ব॒স্তিম্ ॥ অ॒গ্নির্বাব য॒ম ই॒য়ং-য়ঁ॒মী কুসী॑দং॒-বাঁ এ॒ত-দ্য়॒মস্য়॒ যজ॑মান॒ আ দ॑ত্তে॒ যদোষ॑ধীভি॒র্বেদিগ্গ্॑ স্তৃ॒ণাতি॒ যদনু॑পৌষ্য় প্রয়া॒য়া-দ্গ্রী॑বব॒দ্ধমে॑ন- [-দ্গ্রী॑বব॒দ্ধমে॑নম্, অ॒মুষ্মি॑ন্ ঁলো॒কে] 24

-ম॒মুষ্মি॑ন্ ঁলো॒কে নে॑নীয়ের॒ন্॒. য-ত্কুসী॑দ॒মপ্র॑তীত্ত॒-ম্ময়ীত্য়ুপৌ॑ষতী॒হৈব সন্. য॒ম-ঙ্কুসী॑দ-ন্নিরব॒দায়া॑নৃ॒ণ-স্সু॑ব॒র্গং-লোঁ॒কমে॑তি॒যদি॑ মি॒শ্রমি॑ব॒ চরে॑দঞ্জ॒লিনা॒ সক্তূ᳚-ন্প্রদা॒ব্য়ে॑ জুহুয়াদে॒ষ বা অ॒গ্নির্বৈ᳚শ্বান॒রো য-ত্প্র॑দা॒ব্য়॑-স্স এ॒বৈনগ্গ্॑স্বদয়॒ত্যহ্নাং᳚-বিঁ॒ধান্য়া॑-মেকাষ্ট॒কায়া॑মপূ॒প-ঞ্চতু॑-শ্শরাব-ম্প॒ক্ত্বা প্রা॒তরে॒তেন॒ কক্ষ॒-মুপৌ॑ষে॒দ্যদি॒ [-মুপৌ॑ষে॒দ্যদি॑, দহ॑তি] 25

দহ॑তি পুণ্য়॒সম॑-ম্ভবতি॒ যদি॒ ন দহ॑তি পাপ॒সম॑মে॒তেন॑ হস্ম॒ বা ঋষ॑য়ঃ পু॒রা বি॒জ্ঞানে॑ন দীর্ঘস॒ত্রমুপ॑ যন্তি॒ যো বা উ॑পদ্র॒ষ্টার॑মুপ-শ্রো॒তার॑মনুখ্য়া॒তারং॑-বিঁ॒দ্বান্. যজ॑তে॒ সম॒মুষ্মি॑ন্ ঁলো॒ক ই॑ষ্টাপূ॒র্তেন॑ গচ্ছতে॒-ঽগ্নির্বা উ॑পদ্র॒ষ্টা বা॒য়ুরু॑পশ্রো॒তা ঽঽদি॒ত্য়ো॑-ঽনুখ্য়া॒তা তান্. য এ॒বং-বিঁ॒দ্বান্. যজ॑তে॒ সম॒মুষ্মি॑ন্ ঁলো॒ক ই॑ষ্টাপূ॒র্তেন॑ গচ্ছতে॒ ঽয়-ন্নো॒ নভ॑সা পু॒র [পু॒রঃ, ইত্য়া॑হা॒গ্নির্বৈ] 26

ইত্য়া॑হা॒গ্নির্বৈ নভ॑সা পু॒রো᳚-ঽগ্নিমে॒ব তদা॑হৈ॒তন্মে॑ গোপা॒য়েতি॒ স ত্ব-ন্নো॑ নভসস্পত॒ ইত্য়া॑হ বা॒য়ুর্বৈ নভ॑স॒স্পতি॑র্বা॒য়ুমে॒ব তদা॑হৈ॒তন্মে॑ গোপা॒য়েতি॒ দেব॑ সগ্গ্​স্ফা॒নেত্য়া॑হা॒-ঽসৌ বা আ॑দি॒ত্য়ো দে॒ব-স্স॒গ্গ্॒স্ফান॑ আদি॒ত্যমে॒ব তদা॑হৈ॒তন্মে॑ গোপা॒য়েতি॑ ॥ 27 ॥
(কুসী॑দং॒ - ত্ব-ন্ন॑ - এন - মোষে॒দ্যদি॑ - পু॒র - আ॑দি॒ত্যমে॒ব তদা॑হৈ॒তন্মে॑ গোপা॒য়েতি॑) (অ. 8)

এ॒তং-য়ুঁবা॑ন॒-ম্পরি॑ বো দদামি॒ তেন॒ ক্রীড॑ন্তীশ্চরত প্রি॒য়েণ॑ । মা ন॑-শ্শাপ্ত জ॒নুষা॑ সুভাগা রা॒যস্পোষে॑ণ॒ সমি॒ষা ম॑দেম ॥ নমো॑ মহি॒ম্ন উ॒ত চক্ষু॑ষে তে॒ মরু॑তা-ম্পিত॒স্তদ॒হ-ঙ্গৃ॑ণামি । অনু॑ মন্যস্ব সু॒যজা॑ যজাম॒ জুষ্ট॑-ন্দে॒বানা॑মি॒দম॑স্তু হ॒ব্যম্ ॥ দে॒বানা॑মে॒ষ উ॑পনা॒হ আ॑সীদ॒পা-ঙ্গর্ভ॒ ওষ॑ধীষু॒ ন্য়॑ক্তঃ । সোম॑স্য় দ্র॒ফ্সম॑বৃণীত পূ॒ষা [ ] 28

বৃ॒হন্নদ্রি॑রভব॒-ত্তদে॑ষাম্ ॥ পি॒তা ব॒থ্সানা॒-ম্পতি॑রঘ্নি॒য়ানা॒মথো॑ পি॒তা ম॑হ॒তা-ঙ্গর্গ॑রাণাম্ । ব॒থ্সো জ॒রায়ু॑ প্রতি॒ধু-ক্পী॒য়ূষ॑ আ॒মিক্ষা॒ মস্তু॑ ঘৃ॒তম॑স্য়॒ রেতঃ॑ ॥ ত্বা-ঙ্গাবো॑-ঽবৃণত রা॒জ্য়ায়॒ ত্বাগ্​ম্ হ॑বন্ত ম॒রুত॑-স্স্ব॒র্কাঃ । বর্​ষ্ম॑ন্ ক্ষ॒ত্রস্য়॑ ক॒কুভি॑ শিশ্রিয়া॒ণস্ততো॑ ন উ॒গ্রো বি ভ॑জা॒ বসূ॑নি ॥ ব্য়ৃ॑দ্ধেন॒ বা এ॒ষ প॒শুনা॑ যজতে॒ যস্য়ৈ॒তানি॒ ন ক্রি॒যন্ত॑ এ॒ষ হ॒ ত্বৈ সমৃ॑দ্ধেন যজতে॒ যস্য়ৈ॒তানি॑ ক্রি॒যন্তে᳚ ॥ 29 ॥
(পূ॒ষা - ক্রি॒যন্ত॑ এ॒ষো᳚ - ঽষ্টৌ চ॑) (অ. 9)

সূর্য়ো॑ দে॒বো দি॑বি॒ষদ্ভ্য়ো॑ ধা॒তা ক্ষ॒ত্রায়॑ বা॒য়ুঃ প্র॒জাভ্য়ঃ॑ । বৃহ॒স্পতি॑স্ত্বা প্র॒জাপ॑তয়ে॒ জ্য়োতি॑ষ্মতী-ঞ্জুহোতু ॥ যস্য়া᳚স্তে॒ হরি॑তো॒ গর্ভো-ঽথো॒ যোনি॑র্​হির॒ণ্যয়ী᳚ । অঙ্গা॒ন্যহ্রু॑তা॒ যস্য়ৈ॒ তা-ন্দে॒বৈ-স্সম॑জীগমম্ ॥ আ ব॑র্তন বর্তয়॒ নি নি॑বর্তন বর্ত॒য়েন্দ্র॑ নর্দবুদ । ভূম্য়া॒শ্চত॑স্রঃ প্র॒দিশ॒স্তাভি॒রা ব॑র্তয়া॒ পুনঃ॑ ॥ বি তে॑ ভিনদ্মি তক॒রীং-বিঁয়োনিং॒-বিঁ গ॑বী॒ন্য়ৌ᳚ । বি [ ] 30

মা॒তর॑ঞ্চ পু॒ত্র-ঞ্চ॒ বি গর্ভ॑-ঞ্চ জ॒রায়ু॑ চ ॥ ব॒হিস্তে॑ অস্তু॒ বালিতি॑ ॥ উ॒রু॒দ্র॒ফ্সো বি॒শ্বরূ॑প॒ ইন্দুঃ॒ পব॑মানো॒ ধীর॑ আনঞ্জ॒ গর্ভ᳚ম্ ॥ এক॑পদী দ্বি॒পদী᳚ ত্রি॒পদী॒ চতু॑ষ্পদী॒ পঞ্চ॑পদী॒ ষট্প॑দী স॒প্তপ॑দ্য়॒ষ্টাপ॑দী॒ ভুব॒না-ঽনু॑ প্রথতা॒গ্॒ স্বাহা᳚ ॥ ম॒হী দ্য়ৌঃ পৃ॑থি॒বী চ॑ ন ই॒মং-য়ঁ॒জ্ঞ-ম্মি॑মিক্ষতাম্ । পি॒পৃ॒তান্নো॒ ভরী॑মভিঃ ॥ 31 ॥
(গ॒বি॒ন্য়ৌ॑ বি - চতু॑শ্চত্বারিগ্​ম্শচ্চ) (অ. 10)

ই॒দং-বাঁ॑মা॒স্য়ে॑ হ॒বিঃ প্রি॒যমি॑ন্দ্রাবৃহস্পতী । উ॒ক্থ-ম্মদ॑শ্চ শস্যতে ॥ অ॒য়ং-বাঁ॒-ম্পরি॑ ষিচ্যতে॒ সোম॑ইন্দ্রাবৃহস্পতী । চারু॒র্মদা॑য় পী॒তয়ে᳚ ॥ অ॒স্মে ই॑ন্দ্রাবৃহস্পতী র॒য়ি-ন্ধ॑ত্তগ্​ম্ শত॒গ্বিন᳚ম্ । অশ্বা॑বন্তগ্​ম্ সহ॒স্রিণ᳚ম্ ॥ বৃহ॒স্পতি॑র্নঃ॒ পরি॑পাতু প॒শ্চাদু॒তোত্ত॑রস্মা॒দধ॑রাদঘা॒য়োঃ । ইন্দ্রঃ॑ পু॒রস্তা॑দু॒ত ম॑দ্ধ্য়॒তো ন॒-স্সখা॒ সখি॑ভ্য়ো॒ বরি॑বঃ কৃণোতু ॥ বি তে॒ বিষ্ব॒গ্বাত॑জূতাসো অগ্নে॒ ভামা॑স- [অগ্নে॒ ভামা॑সঃ, শু॒চে॒ শুচ॑যশ্চরন্তি ।] 32

-শ্শুচে॒ শুচ॑যশ্চরন্তি । তু॒বি॒ম্র॒ক্ষাসো॑ দি॒ব্য়া নব॑গ্বা॒ বনা॑ বনন্তি ধৃষ॒তা রু॒জন্তঃ॑ ॥ ত্বাম॑গ্নে॒ মানু॑ষীরীডতে॒ বিশো॑ হোত্রা॒বিদং॒-বিঁবি॑চিগ্​ম্ রত্ন॒ধাত॑মম্ । গুহা॒ সন্তগ্​ম্॑ সুভগ বি॒শ্বদ॑র্​শত-ন্তু বিষ্ম॒ণসগ্​ম্॑ সু॒যজ॑-ঙ্ঘৃত॒শ্রিয়᳚ম্ ॥ ধা॒তা দ॑দাতু নো র॒য়িমীশা॑নো॒ জগ॑ত॒স্পতিঃ॑ । স নঃ॑ পূ॒র্ণেন॑ বাবনত্ ॥ ধা॒তা প্র॒জায়া॑ উ॒ত রা॒য় ঈ॑শে ধা॒তেদং-বিঁশ্ব॒-ম্ভুব॑ন-ঞ্জজান । ধা॒তা পু॒ত্রং-য়ঁজ॑মানায়॒ দাতা॒ [দাতা᳚, তস্মা॑] 33

তস্মা॑ উ হ॒ব্য়-ঙ্ঘৃ॒তব॑দ্বিধেম ॥ ধা॒তা দ॑দাতু নো র॒য়ি-ম্প্রাচী᳚-ঞ্জী॒বাতু॒মক্ষি॑তাম্ । ব॒য়-ন্দে॒বস্য়॑ ধীমহি সুম॒তিগ্​ম্ স॒ত্যরা॑ধসঃ ॥ ধা॒তা দ॑দাতু দা॒শুষে॒ বসূ॑নি প্র॒জাকা॑মায় মী॒ঢুষে॑ দুরো॒ণে । তস্মৈ॑ দে॒বা অ॒মৃতা॒-স্সং​ব্য়ঁ॑যন্তাং॒-বিঁশ্বে॑ দে॒বাসো॒ অদি॑তি-স্স॒জোষাঃ᳚ ॥ অনু॑ নো॒-ঽদ্য়া-ঽনু॑মতির্য়॒জ্ঞ-ন্দে॒বেষু॑ মন্যতাম্ । অ॒গ্নিশ্চ॑ হব্য়॒বাহ॑নো॒ ভব॑তা-ন্দা॒শুষে॒ ময়ঃ॑ ॥ অন্বিদ॑নুমতে॒ ত্ব- [অন্বিদ॑নুমতে॒ ত্বম্, মন্য়া॑সৈ॒ শঞ্চ॑নঃ কৃধি ।] 34

-ম্মন্য়া॑সৈ॒ শঞ্চ॑নঃ কৃধি । ক্রত্বে॒ দক্ষা॑য় নো হিনু॒ প্রণ॒ আয়ূগ্​ম্॑ষি তারিষঃ ॥ অনু॑ মন্যতা-মনু॒মন্য়॑মানা প্র॒জাব॑ন্তগ্​ম্ র॒য়িমক্ষী॑যমাণম্ । তস্য়ৈ॑ ব॒য়গ্​ম্ হেড॑সি॒ মা-ঽপি॑ ভূম॒ সা নো॑ দে॒বী সু॒হবা॒ শর্ম॑ যচ্ছতু ॥ যস্য়া॑মি॒দ-ম্প্র॒দিশি॒ যদ্বি॒রোচ॒তে-ঽনু॑মতি॒-ম্প্রতি॑ ভূষন্ত্য়া॒যবঃ॑ । যস্য়া॑ উ॒পস্থ॑ উ॒র্ব॑ন্তরি॑ক্ষ॒গ্​ম্॒ সা নো॑ দে॒বী সু॒হবা॒ শর্ম॑ যচ্ছতু ॥ 35 ॥

রা॒কাম॒হগ্​ম্ সু॒হবাগ্​ম্॑ সুষ্টু॒তী হু॑বে শৃ॒ণোতু॑ ন-স্সু॒ভগা॒ বোধ॑তু॒ ত্মনা᳚ । সীব্য়॒ত্বপ॑-স্সূ॒চ্য়া-ঽচ্ছি॑দ্যমানয়া॒ দদা॑তু বী॒রগ্​ম্ শ॒তদা॑যমু॒ক্থ্য়᳚ম্ ॥ যাস্তে॑ রাকে সুম॒তয়॑-স্সু॒পেশ॑সো॒ যাভি॒র্দদা॑সি দা॒শুষে॒ বসূ॑নি । তাভি॑র্নো অ॒দ্য় সু॒মনা॑ উ॒পাগ॑হি সহস্রপো॒ষগ্​ম্ সু॑ভগে॒ ররা॑ণা ॥ সিনী॑বালি॒, যা সু॑পা॒ণিঃ ॥ কু॒হূম॒হগ্​ম্ সু॒ভগাং᳚-বিঁদ্ম॒নাপ॑সম॒স্মিন্. য॒জ্ঞে সু॒হবা᳚-ঞ্জোহবীমি । সা নো॑ দদাতু॒ শ্রব॑ণ-ম্পিতৃ॒ণা-ন্তস্য়া᳚স্তে দেবি হ॒বিষা॑ বিধেম ॥ কু॒হূ-র্দে॒বানা॑ম॒মৃত॑স্য়॒ পত্নী॒ হব্য়া॑ নো অ॒স্য় হ॒বিষ॑শ্চিকেতু । স-ন্দা॒শুষে॑ কি॒রতু॒ ভূরি॑ বা॒মগ্​ম্ রা॒যস্পোষ॑-ঞ্চিকি॒তুষে॑ দধাতু ॥ 36 ॥
(ভামা॑সো॒ - দাতা॒ - ত্ব - ম॒ন্তরি॑ক্ষ॒গ্​ম্॒ সা নো॑ দে॒বী সু॒হবা॒ শর্ম॑ যচ্ছতু॒ -শ্রব॑ণং॒ - চতু॑র্বিগ্​ম্শতিশ্চ) (অ. 11)

(অগ্নে॑ তেজস্বিন্ - বা॒য়ু - র্বস॑বস্ত্ - বৈ॒তদ্বা অ॒পাং - ঁবা॒য়ুর॑সি প্রা॒ণো নাম॑ - দে॒বা বৈ যদ্য়॒জ্ঞেন॒ন - প্র॒জাপ॑তি র্দেবাসু॒রা - না॑য়ু॒র্দা - এ॒তং-য়ুঁবা॑ন॒গ্​ম্॒ - সূর্য়ো॑ দে॒ব - ই॒দং-বাঁ॒ - মেকা॑দশ)

(অগ্নে॑ তেজস্বিন্ - বা॒য়ুর॑সি॒ - ছন্দ॑সাং-বীঁ॒র্য়ং॑ - মা॒তর॑ঞ্চ॒ - ষট্ত্রিগ্​ম্॑শত্ )

(অগ্নে॑ তেজস্বিগ্গ্, শ্চিকি॒তুষে॑ দধাতু )

॥ হরিঃ॑ ওম্ ॥

॥ কৃষ্ণ যজুর্বেদীয় তৈত্তিরীয় সংহিতায়া-ন্তৃতীযকাণ্ডে তৃতীয়ঃ প্রশ্ন-স্সমাপ্তঃ ॥