Gopika Geetha (Bhagavatha Purana) - Grantha

Collection of Spiritual and Devotional Literature in Various Indian Languages

Meaning, Multimedia

View this in:

| English

| Devanagari

| Telugu

| Tamil

| Kannada

| Malayalam

| Gujarati

| Odia

| Bengali

| Marathi

| Assamese

| Punjabi

| Hindi

| Samskritam

| Konkani

| Nepali

| Sinhala

| Grantha

𑌗𑍋𑌪𑌿𑌕𑌾 𑌗𑍀𑌤𑌾 (𑌭𑌾𑌗𑌵𑌤 𑌪𑍁𑌰𑌾𑌣)

𑌗𑍋𑌪𑍍𑌯 𑌊𑌚𑍁𑌃 ।
𑌜𑌯𑌤𑌿 𑌤𑍇𑌽𑌧𑌿𑌕𑌂 𑌜𑌨𑍍𑌮𑌨𑌾 𑌵𑍍𑌰𑌜𑌃
𑌶𑍍𑌰𑌯𑌤 𑌇𑌂𑌦𑌿𑌰𑌾 𑌶𑌶𑍍𑌵𑌦𑌤𑍍𑌰 𑌹𑌿 ।
𑌦𑌯𑌿𑌤 𑌦𑍃𑌶𑍍𑌯𑌤𑌾𑌂 𑌦𑌿𑌕𑍍𑌷𑍁 𑌤𑌾𑌵𑌕𑌾-
𑌸𑍍𑌤𑍍𑌵𑌯𑌿 𑌧𑍃𑌤𑌾𑌸𑌵𑌸𑍍𑌤𑍍𑌵𑌾𑌂 𑌵𑌿𑌚𑌿𑌨𑍍𑌵𑌤𑍇 ॥ 1॥

𑌶𑌰𑌦𑍁𑌦𑌾𑌶𑌯𑍇 𑌸𑌾𑌧𑍁𑌜𑌾𑌤𑌸-
𑌤𑍍𑌸𑌰𑌸𑌿𑌜𑍋𑌦𑌰𑌶𑍍𑌰𑍀𑌮𑍁𑌷𑌾 𑌦𑍃𑌶𑌾 ।
𑌸𑍁𑌰𑌤𑌨𑌾𑌥 𑌤𑍇𑌽𑌶𑍁𑌲𑍍𑌕𑌦𑌾𑌸𑌿𑌕𑌾
𑌵𑌰𑌦 𑌨𑌿𑌘𑍍𑌨𑌤𑍋 𑌨𑍇𑌹 𑌕𑌿𑌂 𑌵𑌧𑌃 ॥ 2॥

𑌵𑌿𑌷𑌜𑌲𑌾𑌪𑍍𑌯𑌯𑌾𑌦𑍍𑌵𑍍𑌯𑌾𑌲𑌰𑌾𑌕𑍍𑌷𑌸𑌾-
𑌦𑍍𑌵𑌰𑍍𑌷𑌮𑌾𑌰𑍁𑌤𑌾𑌦𑍍𑌵𑍈𑌦𑍍𑌯𑍁𑌤𑌾𑌨𑌲𑌾𑌤𑍍 ।
𑌵𑍃𑌷𑌮𑌯𑌾𑌤𑍍𑌮𑌜𑌾𑌦𑍍𑌵𑌿𑌶𑍍𑌵𑌤𑍋𑌭𑌯𑌾-
𑌦𑍃𑌷𑌭 𑌤𑍇 𑌵𑌯𑌂 𑌰𑌕𑍍𑌷𑌿𑌤𑌾 𑌮𑍁𑌹𑍁𑌃 ॥ 3॥

𑌨 𑌖𑌲𑍁 𑌗𑍋𑌪𑌿𑌕𑌾𑌨𑌂𑌦𑌨𑍋 𑌭𑌵𑌾-
𑌨𑌖𑌿𑌲𑌦𑍇𑌹𑌿𑌨𑌾𑌮𑌂𑌤𑌰𑌾𑌤𑍍𑌮𑌦𑍃𑌕𑍍 ।
𑌵𑌿𑌖𑌨𑌸𑌾𑌰𑍍𑌥𑌿𑌤𑍋 𑌵𑌿𑌶𑍍𑌵𑌗𑍁𑌪𑍍𑌤𑌯𑍇
𑌸𑌖 𑌉𑌦𑍇𑌯𑌿𑌵𑌾𑌨𑍍𑌸𑌾𑌤𑍍𑌵𑌤𑌾𑌂 𑌕𑍁𑌲𑍇 ॥ 4॥

𑌵𑌿𑌰𑌚𑌿𑌤𑌾𑌭𑌯𑌂 𑌵𑍃𑌷𑍍𑌣𑌿𑌧𑍁𑌰𑍍𑌯 𑌤𑍇
𑌚𑌰𑌣𑌮𑍀𑌯𑍁𑌷𑌾𑌂 𑌸𑌂𑌸𑍃𑌤𑍇𑌰𑍍𑌭𑌯𑌾𑌤𑍍 ।
𑌕𑌰𑌸𑌰𑍋𑌰𑍁𑌹𑌂 𑌕𑌾𑌂𑌤 𑌕𑌾𑌮𑌦𑌂
𑌶𑌿𑌰𑌸𑌿 𑌧𑍇𑌹𑌿 𑌨𑌃 𑌶𑍍𑌰𑍀𑌕𑌰𑌗𑍍𑌰𑌹𑌮𑍍 ॥ 5॥

𑌵𑍍𑌰𑌜𑌜𑌨𑌾𑌰𑍍𑌤𑌿𑌹𑌨𑍍𑌵𑍀𑌰 𑌯𑍋𑌷𑌿𑌤𑌾𑌂
𑌨𑌿𑌜𑌜𑌨𑌸𑍍𑌮𑌯𑌧𑍍𑌵𑌂𑌸𑌨𑌸𑍍𑌮𑌿𑌤 ।
𑌭𑌜 𑌸𑌖𑍇 𑌭𑌵𑌤𑍍𑌕𑌿𑌂𑌕𑌰𑍀𑌃 𑌸𑍍𑌮 𑌨𑍋
𑌜𑌲𑌰𑍁𑌹𑌾𑌨𑌨𑌂 𑌚𑌾𑌰𑍁 𑌦𑌰𑍍𑌶𑌯 ॥ 6॥

𑌪𑍍𑌰𑌣𑌤𑌦𑍇𑌹𑌿𑌨𑌾𑌂 𑌪𑌾𑌪𑌕𑌰𑍍𑌶𑌨𑌂
𑌤𑍃𑌣𑌚𑌰𑌾𑌨𑍁𑌗𑌂 𑌶𑍍𑌰𑍀𑌨𑌿𑌕𑍇𑌤𑌨𑌮𑍍 ।
𑌫𑌣𑌿𑌫𑌣𑌾𑌰𑍍𑌪𑌿𑌤𑌂 𑌤𑍇 𑌪𑌦𑌾𑌂𑌬𑍁𑌜𑌂
𑌕𑍃𑌣𑍁 𑌕𑍁𑌚𑍇𑌷𑍁 𑌨𑌃 𑌕𑍃𑌂𑌧𑌿 𑌹𑍃𑌚𑍍𑌛𑌯𑌮𑍍 ॥ 𑍭॥

𑌮𑌧𑍁𑌰𑌯𑌾 𑌗𑌿𑌰𑌾 𑌵𑌲𑍍𑌗𑍁𑌵𑌾𑌕𑍍𑌯𑌯𑌾
𑌬𑍁𑌧𑌮𑌨𑍋𑌜𑍍𑌞𑌯𑌾 𑌪𑍁𑌷𑍍𑌕𑌰𑍇𑌕𑍍𑌷𑌣 ।
𑌵𑌿𑌧𑌿𑌕𑌰𑍀𑌰𑌿𑌮𑌾 𑌵𑍀𑌰 𑌮𑍁𑌹𑍍𑌯𑌤𑍀-
𑌰𑌧𑌰𑌸𑍀𑌧𑍁𑌨𑌾𑌽𑌽𑌪𑍍𑌯𑌾𑌯𑌯𑌸𑍍𑌵 𑌨𑌃 ॥ 𑍮॥

𑌤𑌵 𑌕𑌥𑌾𑌮𑍃𑌤𑌂 𑌤𑌪𑍍𑌤𑌜𑍀𑌵𑌨𑌂
𑌕𑌵𑌿𑌭𑌿𑌰𑍀𑌡𑌿𑌤𑌂 𑌕𑌲𑍍𑌮𑌷𑌾𑌪𑌹𑌮𑍍 ।
𑌶𑍍𑌰𑌵𑌣𑌮𑌂𑌗𑌲𑌂 𑌶𑍍𑌰𑍀𑌮𑌦𑌾𑌤𑌤𑌂
𑌭𑍁𑌵𑌿 𑌗𑍃𑌣𑌂𑌤𑌿 𑌤𑍇 𑌭𑍂𑌰𑌿𑌦𑌾 𑌜𑌨𑌾𑌃 ॥ 𑍯॥

𑌪𑍍𑌰𑌹𑌸𑌿𑌤𑌂 𑌪𑍍𑌰𑌿𑌯 𑌪𑍍𑌰𑍇𑌮𑌵𑍀𑌕𑍍𑌷𑌣𑌂
𑌵𑌿𑌹𑌰𑌣𑌂 𑌚 𑌤𑍇 𑌧𑍍𑌯𑌾𑌨𑌮𑌂𑌗𑌲𑌮𑍍 ।
𑌰𑌹𑌸𑌿 𑌸𑌂𑌵𑌿𑌦𑍋 𑌯𑌾 𑌹𑍃𑌦𑌿𑌸𑍍𑌪𑍃𑌶𑌃
𑌕𑍁𑌹𑌕 𑌨𑍋 𑌮𑌨𑌃 𑌕𑍍𑌷𑍋𑌭𑌯𑌂𑌤𑌿 𑌹𑌿 ॥ 10॥

𑌚𑌲𑌸𑌿 𑌯𑌦𑍍𑌵𑍍𑌰𑌜𑌾𑌚𑍍𑌚𑌾𑌰𑌯𑌨𑍍𑌪𑌶𑍂𑌨𑍍
𑌨𑌲𑌿𑌨𑌸𑍁𑌂𑌦𑌰𑌂 𑌨𑌾𑌥 𑌤𑍇 𑌪𑌦𑌮𑍍 ।
𑌶𑌿𑌲𑌤𑍃𑌣𑌾𑌂𑌕𑍁𑌰𑍈𑌃 𑌸𑍀𑌦𑌤𑍀𑌤𑌿 𑌨𑌃
𑌕𑌲𑌿𑌲𑌤𑌾𑌂 𑌮𑌨𑌃 𑌕𑌾𑌂𑌤 𑌗𑌚𑍍𑌛𑌤𑌿 ॥ 11॥

𑌦𑌿𑌨𑌪𑌰𑌿𑌕𑍍𑌷𑌯𑍇 𑌨𑍀𑌲𑌕𑍁𑌂𑌤𑌲𑍈-
𑌰𑍍𑌵𑌨𑌰𑍁𑌹𑌾𑌨𑌨𑌂 𑌬𑌿𑌭𑍍𑌰𑌦𑌾𑌵𑍃𑌤𑌮𑍍 ।
𑌘𑌨𑌰𑌜𑌸𑍍𑌵𑌲𑌂 𑌦𑌰𑍍𑌶𑌯𑌨𑍍𑌮𑍁𑌹𑍁-
𑌰𑍍𑌮𑌨𑌸𑌿 𑌨𑌃 𑌸𑍍𑌮𑌰𑌂 𑌵𑍀𑌰 𑌯𑌚𑍍𑌛𑌸𑌿 ॥ 12॥

𑌪𑍍𑌰𑌣𑌤𑌕𑌾𑌮𑌦𑌂 𑌪𑌦𑍍𑌮𑌜𑌾𑌰𑍍𑌚𑌿𑌤𑌂
𑌧𑌰𑌣𑌿𑌮𑌂𑌡𑌨𑌂 𑌧𑍍𑌯𑍇𑌯𑌮𑌾𑌪𑌦𑌿 ।
𑌚𑌰𑌣𑌪𑌂𑌕𑌜𑌂 𑌶𑌂𑌤𑌮𑌂 𑌚 𑌤𑍇
𑌰𑌮𑌣 𑌨𑌃 𑌸𑍍𑌤𑌨𑍇𑌷𑍍𑌵𑌰𑍍𑌪𑌯𑌾𑌧𑌿𑌹𑌨𑍍 ॥ 13॥

𑌸𑍁𑌰𑌤𑌵𑌰𑍍𑌧𑌨𑌂 𑌶𑍋𑌕𑌨𑌾𑌶𑌨𑌂
𑌸𑍍𑌵𑌰𑌿𑌤𑌵𑍇𑌣𑍁𑌨𑌾 𑌸𑍁𑌷𑍍𑌠𑍁 𑌚𑍁𑌂𑌬𑌿𑌤𑌮𑍍 ।
𑌇𑌤𑌰𑌰𑌾𑌗𑌵𑌿𑌸𑍍𑌮𑌾𑌰𑌣𑌂 𑌨𑍃𑌣𑌾𑌂
𑌵𑌿𑌤𑌰 𑌵𑍀𑌰 𑌨𑌸𑍍𑌤𑍇𑌽𑌧𑌰𑌾𑌮𑍃𑌤𑌮𑍍 ॥ 14॥

𑌅𑌟𑌤𑌿 𑌯𑌦𑍍𑌭𑌵𑌾𑌨𑌹𑍍𑌨𑌿 𑌕𑌾𑌨𑌨𑌂
𑌤𑍍𑌰𑍁𑌟𑌿𑌰𑍍𑌯𑍁𑌗𑌾𑌯𑌤𑍇 𑌤𑍍𑌵𑌾𑌮𑌪𑌶𑍍𑌯𑌤𑌾𑌮𑍍 ।
𑌕𑍁𑌟𑌿𑌲𑌕𑍁𑌂𑌤𑌲𑌂 𑌶𑍍𑌰𑍀𑌮𑍁𑌖𑌂 𑌚 𑌤𑍇
𑌜𑌡 𑌉𑌦𑍀𑌕𑍍𑌷𑌤𑌾𑌂 𑌪𑌕𑍍𑌷𑍍𑌮𑌕𑍃𑌦𑍍𑌦𑍃𑌶𑌾𑌮𑍍 ॥ 15॥

𑌪𑌤𑌿𑌸𑍁𑌤𑌾𑌨𑍍𑌵𑌯𑌭𑍍𑌰𑌾𑌤𑍃𑌬𑌾𑌂𑌧𑌵𑌾-
𑌨𑌤𑌿𑌵𑌿𑌲𑌂𑌘𑍍𑌯 𑌤𑍇𑌽𑌂𑌤𑍍𑌯𑌚𑍍𑌯𑍁𑌤𑌾𑌗𑌤𑌾𑌃 ।
𑌗𑌤𑌿𑌵𑌿𑌦𑌸𑍍𑌤𑌵𑍋𑌦𑍍𑌗𑍀𑌤𑌮𑍋𑌹𑌿𑌤𑌾𑌃
𑌕𑌿𑌤𑌵 𑌯𑍋𑌷𑌿𑌤𑌃 𑌕𑌸𑍍𑌤𑍍𑌯𑌜𑍇𑌨𑍍𑌨𑌿𑌶𑌿 ॥ 16॥

𑌰𑌹𑌸𑌿 𑌸𑌂𑌵𑌿𑌦𑌂 𑌹𑍃𑌚𑍍𑌛𑌯𑍋𑌦𑌯𑌂
𑌪𑍍𑌰𑌹𑌸𑌿𑌤𑌾𑌨𑌨𑌂 𑌪𑍍𑌰𑍇𑌮𑌵𑍀𑌕𑍍𑌷𑌣𑌮𑍍 ।
𑌬𑍃𑌹𑌦𑍁𑌰𑌃 𑌶𑍍𑌰𑌿𑌯𑍋 𑌵𑍀𑌕𑍍𑌷𑍍𑌯 𑌧𑌾𑌮 𑌤𑍇
𑌮𑍁𑌹𑍁𑌰𑌤𑌿𑌸𑍍𑌪𑍃𑌹𑌾 𑌮𑍁𑌹𑍍𑌯𑌤𑍇 𑌮𑌨𑌃 ॥ 1𑍭॥

𑌵𑍍𑌰𑌜𑌵𑌨𑍌𑌕𑌸𑌾𑌂 𑌵𑍍𑌯𑌕𑍍𑌤𑌿𑌰𑌂𑌗 𑌤𑍇
𑌵𑍃𑌜𑌿𑌨𑌹𑌂𑌤𑍍𑌰𑍍𑌯𑌲𑌂 𑌵𑌿𑌶𑍍𑌵𑌮𑌂𑌗𑌲𑌮𑍍 ।
𑌤𑍍𑌯𑌜 𑌮𑌨𑌾𑌕𑍍 𑌚 𑌨𑌸𑍍𑌤𑍍𑌵𑌤𑍍𑌸𑍍𑌪𑍃𑌹𑌾𑌤𑍍𑌮𑌨𑌾𑌂
𑌸𑍍𑌵𑌜𑌨𑌹𑍃𑌦𑍍𑌰𑍁𑌜𑌾𑌂 𑌯𑌨𑍍𑌨𑌿𑌷𑍂𑌦𑌨𑌮𑍍 ॥ 1𑍮॥

𑌯𑌤𑍍𑌤𑍇 𑌸𑍁𑌜𑌾𑌤𑌚𑌰𑌣𑌾𑌂𑌬𑍁𑌰𑍁𑌹𑌂 𑌸𑍍𑌤𑌨𑍇𑌷
𑌭𑍀𑌤𑌾𑌃 𑌶𑌨𑍈𑌃 𑌪𑍍𑌰𑌿𑌯 𑌦𑌧𑍀𑌮𑌹𑌿 𑌕𑌰𑍍𑌕𑌶𑍇𑌷𑍁 ।
𑌤𑍇𑌨𑌾𑌟𑌵𑍀𑌮𑌟𑌸𑌿 𑌤𑌦𑍍𑌵𑍍𑌯𑌥𑌤𑍇 𑌨 𑌕𑌿𑌂𑌸𑍍𑌵𑌿𑌤𑍍
𑌕𑍂𑌰𑍍𑌪𑌾𑌦𑌿𑌭𑌿𑌰𑍍𑌭𑍍𑌰𑌮𑌤𑌿 𑌧𑍀𑌰𑍍𑌭𑌵𑌦𑌾𑌯𑍁𑌷𑌾𑌂 𑌨𑌃 ॥ 1𑍯॥

𑌇𑌤𑌿 𑌶𑍍𑌰𑍀𑌮𑌦𑍍𑌭𑌾𑌗𑌵𑌤 𑌮𑌹𑌾𑌪𑍁𑌰𑌾𑌣𑍇 𑌪𑌾𑌰𑌮𑌹𑌂𑌸𑍍𑌯𑌾𑌂 𑌸𑌂𑌹𑌿𑌤𑌾𑌯𑌾𑌂
𑌦𑌶𑌮𑌸𑍍𑌕𑌂𑌧𑍇 𑌪𑍂𑌰𑍍𑌵𑌾𑌰𑍍𑌧𑍇 𑌰𑌾𑌸𑌕𑍍𑌰𑍀𑌡𑌾𑌯𑌾𑌂 𑌗𑍋𑌪𑍀𑌗𑍀𑌤𑌂 𑌨𑌾𑌮𑍈𑌕𑌤𑍍𑌰𑌿𑌂𑌶𑍋𑌽𑌧𑍍𑌯𑌾𑌯𑌃 ॥

Browse Related Categories: