Bhagavadgita Parayana - Dhyana Slokas (Geetha Dhyanam) - Grantha

𑌓𑌂 𑌪𑌾𑌰𑍍𑌥𑌾𑌯 𑌪𑍍𑌰𑌤𑌿𑌬𑍋𑌧𑌿𑌤𑌾𑌂 𑌭𑌗𑌵𑌤𑌾 𑌨𑌾𑌰𑌾𑌯𑌣𑍇𑌨 𑌸𑍍𑌵𑌯𑌂
𑌵𑍍𑌯𑌾𑌸𑍇𑌨 𑌗𑍍𑌰𑌥𑌿𑌤𑌾𑌂 𑌪𑍁𑌰𑌾𑌣𑌮𑍁𑌨𑌿𑌨𑌾 𑌮𑌧𑍍𑌯𑍇 𑌮𑌹𑌾𑌭𑌾𑌰𑌤𑌮𑍍 ।
𑌅𑌦𑍍𑌵𑍈𑌤𑌾𑌮𑍃𑌤𑌵𑌰𑍍𑌷𑌿𑌣𑍀𑌂 𑌭𑌗𑌵𑌤𑍀𑌂 𑌅𑌷𑍍𑌟𑌾𑌦𑌶𑌾𑌧𑍍𑌯𑌾𑌯𑌿𑌨𑍀𑌂
𑌅𑌂𑌬 𑌤𑍍𑌵𑌾𑌂 𑌅𑌨𑍁𑌸𑌂𑌦𑌧𑌾𑌮𑌿 𑌭𑌗𑌵𑌦𑍍𑌗𑍀𑌤𑍇 𑌭𑌵𑌦𑍍𑌵𑍇𑌷𑌿𑌣𑍀𑌮𑍍 ॥

𑌨𑌮𑍋𑌽𑌸𑍍𑌤𑍁𑌤𑍇 𑌵𑍍𑌯𑌾𑌸 𑌵𑌿𑌶𑌾𑌲𑌬𑍁𑌦𑍍𑌧𑍇 𑌫𑍁𑌲𑍍𑌲𑌾𑌰𑌵𑌿𑌂𑌦𑌾𑌯𑌤𑌪𑌤𑍍𑌰𑌨𑍇𑌤𑍍𑌰 ।
𑌯𑍇𑌨 𑌤𑍍𑌵𑌯𑌾 𑌭𑌾𑌰𑌤 𑌤𑍈𑌲𑌪𑍂𑌰𑍍𑌣𑌃 𑌪𑍍𑌰𑌜𑍍𑌵𑌾𑌲𑌿𑌤𑍋 𑌜𑍍𑌞𑌾𑌨𑌮𑌯𑌃 𑌪𑍍𑌰𑌦𑍀𑌪𑌃॥

𑌪𑍍𑌰𑌪𑌨𑍍𑌨𑌪𑌾𑌰𑌿𑌜𑌾𑌤𑌾𑌯 𑌤𑍋𑌤𑍍𑌰𑌵𑍇𑌤𑍍𑌰𑍈𑌕𑌪𑌾𑌣𑌯𑍇 ।
𑌜𑍍𑌞𑌾𑌨𑌮𑍁𑌦𑍍𑌰𑌾𑌯 𑌕𑍃𑌷𑍍𑌣𑌾𑌯 𑌗𑍀𑌤𑌾𑌮𑍃𑌤𑌦𑍁𑌹𑍇 𑌨𑌮𑌃 ॥

𑌵𑌸𑍁𑌦𑍇𑌵𑌸𑍁𑌤𑌂 𑌦𑍇𑌵𑌂 𑌕𑌂𑌸𑌚𑌾𑌣𑍂𑌰𑌮𑌰𑍍𑌦𑌨𑌮𑍍 ।
𑌦𑍇𑌵𑌕𑍀𑌪𑌰𑌮𑌾𑌨𑌂𑌦𑌂 𑌕𑍃𑌷𑍍𑌣𑌂 𑌵𑌂𑌦𑍇 𑌜𑌗𑌦𑍍𑌗𑍁𑌰𑍁𑌮𑍍 ॥

𑌭𑍀𑌷𑍍𑌮𑌦𑍍𑌰𑍋𑌣𑌤𑌟𑌾 𑌜𑌯𑌦𑍍𑌰𑌥𑌜𑌲𑌾 𑌗𑌾𑌂𑌧𑌾𑌰𑌨𑍀𑌲𑍋𑌤𑍍𑌪𑌲𑌾
𑌶𑌲𑍍𑌯𑌗𑍍𑌰𑌾𑌹𑌵𑌤𑍀 𑌕𑍃𑌪𑍇𑌣 𑌵𑌹𑌨𑍀 𑌕𑌰𑍍𑌣𑍇𑌨 𑌵𑍇𑌲𑌾𑌕𑍁𑌲𑌾 ।
𑌅𑌶𑍍𑌵𑌤𑍍𑌥𑌾𑌮𑌵𑌿𑌕𑌰𑍍𑌣𑌘𑍋𑌰𑌮𑌕𑌰𑌾 𑌦𑍁𑌰𑍍𑌯𑍋𑌧𑌨𑌾𑌵𑌰𑍍𑌤𑌿𑌨𑍀
𑌸𑍋𑌤𑍍𑌤𑍀𑌰𑍍𑌣𑌾 𑌖𑌲𑍁 𑌪𑌾𑌂𑌡𑌵𑍈 𑌰𑌣𑌨𑌦𑍀 𑌕𑍈𑌵𑌰𑍍𑌤𑌕𑌃 𑌕𑍇𑌶𑌵𑌃 ॥

𑌪𑌾𑌰𑌾𑌶𑌰𑍍𑌯𑌵𑌚𑌃 𑌸𑌰𑍋𑌜𑌮𑌮𑌲𑌂 𑌗𑍀𑌤𑌾𑌰𑍍𑌥𑌗𑌂𑌧𑍋𑌤𑍍𑌕𑌟𑌂
𑌨𑌾𑌨𑌾𑌖𑍍𑌯𑌾𑌨𑌕𑌕𑍇𑌸𑌰𑌂 𑌹𑌰𑌿𑌕𑌥𑌾 𑌸𑌂𑌬𑍋𑌧𑌨𑌾𑌬𑍋𑌧𑌿𑌤𑌮𑍍 ।
𑌲𑍋𑌕𑍇 𑌸𑌜𑍍𑌜𑌨𑌷𑌟𑍍𑌪𑌦𑍈𑌰𑌹𑌰𑌹𑌃 𑌪𑍇𑌪𑍀𑌯𑌮𑌾𑌨𑌂 𑌮𑍁𑌦𑌾
𑌭𑍂𑌯𑌾𑌦𑍍𑌭𑌾𑌰𑌤𑌪𑌂𑌕𑌜𑌂 𑌕𑌲𑌿𑌮𑌲 𑌪𑍍𑌰𑌧𑍍𑌵𑌂𑌸𑌿𑌨𑌃 𑌶𑍍𑌰𑍇𑌯𑌸𑍇 ॥

𑌮𑍂𑌕𑌂 𑌕𑌰𑍋𑌤𑌿 𑌵𑌾𑌚𑌾𑌲𑌂 𑌪𑌂𑌗𑍁𑌂 𑌲𑌂𑌘𑌯𑌤𑍇 𑌗𑌿𑌰𑌿𑌮𑍍 ।
𑌯𑌤𑍍𑌕𑍃𑌪𑌾 𑌤𑌮𑌹𑌂 𑌵𑌂𑌦𑍇 𑌪𑌰𑌮𑌾𑌨𑌂𑌦𑌮𑌾𑌧𑌵𑌮𑍍 ॥

𑌶𑌾𑌂𑌤𑌾𑌕𑌾𑌰𑌂 𑌭𑍁𑌜𑌗𑌶𑌯𑌨𑌂 𑌪𑌦𑍍𑌮𑌨𑌾𑌭𑌂 𑌸𑍁𑌰𑍇𑌶𑌂
𑌵𑌿𑌶𑍍𑌵𑌾𑌧𑌾𑌰𑌂 𑌗𑌗𑌨𑌸𑌦𑍃𑌶𑌂 𑌮𑍇𑌘𑌵𑌰𑍍𑌣𑌂 𑌶𑍁𑌭𑌾𑌂𑌗𑌮𑍍 ।
𑌲𑌕𑍍𑌷𑍍𑌮𑍀𑌕𑌾𑌂𑌤𑌂 𑌕𑌮𑌲𑌨𑌯𑌨𑌂 𑌯𑍋𑌗𑌿𑌹𑍃𑌦𑍍𑌧𑍍𑌯𑌾𑌨𑌗𑌮𑍍𑌯𑌂
𑌵𑌂𑌦𑍇 𑌵𑌿𑌷𑍍𑌣𑍁𑌂 𑌭𑌵𑌭𑌯𑌹𑌰𑌂 𑌸𑌰𑍍𑌵 𑌲𑍋𑌕𑍈𑌕𑌨𑌾𑌥𑌮𑍍 ॥

𑌯𑌂 𑌬𑍍𑌰𑌹𑍍𑌮𑌾𑌵𑌰𑍁𑌣𑍇𑌂𑌦𑍍𑌰𑌰𑍁𑌦𑍍𑌰𑌮𑌰𑍁𑌤𑌃 𑌸𑍍𑌤𑍁𑌨𑍍𑌵𑌂𑌤𑌿 𑌦𑌿𑌵𑍍𑌯𑍈𑌃 𑌸𑍍𑌤𑌵𑍈𑌃
𑌵𑍇𑌦𑍈𑌃 𑌸𑌾𑌂𑌗𑌪𑌦𑌕𑍍𑌰𑌮𑍋𑌪𑌨𑌿𑌷𑌦𑍈𑌃 𑌗𑌾𑌯𑌂𑌤𑌿 𑌯𑌂 𑌸𑌾𑌮𑌗𑌾𑌃 ।
𑌧𑍍𑌯𑌾𑌨𑌾𑌵𑌸𑍍𑌥𑌿𑌤 𑌤𑌦𑍍𑌗𑌤𑍇𑌨 𑌮𑌨𑌸𑌾 𑌪𑌶𑍍𑌯𑌂𑌤𑌿 𑌯𑌂 𑌯𑍋𑌗𑌿𑌨𑌃
𑌯𑌸𑍍𑌯𑌾𑌂𑌤𑌂 𑌨 𑌵𑌿𑌦𑍁𑌸𑍍𑌸𑍁𑌰𑌾𑌸𑍁𑌰𑌗𑌣𑌾𑌃 𑌦𑍇𑌵𑌾𑌯 𑌤𑌸𑍍𑌮𑍈 𑌨𑌮𑌃 ॥

𑌨𑌾𑌰𑌾𑌯𑌣𑌂 𑌨𑌮𑌸𑍍𑌕𑍃𑌤𑍍𑌯 𑌨𑌰𑌂𑌚𑍈𑌵 𑌨𑌰𑍋𑌤𑍍𑌤𑌮𑌮𑍍 ।
𑌦𑍇𑌵𑍀𑌂 𑌸𑌰𑌸𑍍𑌵𑌤𑍀𑌂 𑌵𑍍𑌯𑌾𑌸𑌂 𑌤𑌤𑍋 𑌜𑌯𑌮𑍁𑌦𑍀𑌰𑌯𑍇𑌤𑍍 ॥

𑌸𑌚𑍍𑌚𑌿𑌦𑌾𑌨𑌂𑌦𑌰𑍂𑌪𑌾𑌯 𑌕𑍃𑌷𑍍𑌣𑌾𑌯𑌾𑌕𑍍𑌲𑌿𑌷𑍍𑌟𑌕𑌾𑌰𑌿𑌣𑍇 ।
𑌨𑌮𑍋 𑌵𑍇𑌦𑌾𑌂𑌤𑌵𑍇𑌦𑍍𑌯𑌾𑌯 𑌗𑍁𑌰𑌵𑍇 𑌬𑍁𑌦𑍍𑌧𑌿𑌸𑌾𑌕𑍍𑌷𑌿𑌣𑍇॥

𑌸𑌰𑍍𑌵𑍋𑌪𑌨𑌿𑌷𑌦𑍋 𑌗𑌾𑌵𑌃 𑌦𑍋𑌗𑍍𑌧𑌾 𑌗𑍋𑌪𑌾𑌲𑌨𑌂𑌦𑌨𑌃 ।
𑌪𑌾𑌰𑍍𑌥𑍋 𑌵𑌤𑍍𑌸𑌃 𑌸𑍁𑌧𑍀𑌰𑍍𑌭𑍋𑌕𑍍𑌤𑌾 𑌦𑍁𑌗𑍍𑌧𑌂 𑌗𑍀𑌤𑌾𑌮𑍃𑌤𑌂 𑌮𑌹𑌤𑍍 ॥

𑌗𑍀𑌤𑌾𑌶𑌾𑌸𑍍𑌤𑍍𑌰𑌮𑌿𑌦𑌂 𑌪𑍁𑌣𑍍𑌯𑌂 𑌯𑌃 𑌪𑌠𑍇𑌤𑍍 𑌪𑍍𑌰𑌯𑌤𑌃 𑌪𑍁𑌮𑌾𑌨𑍍 ।
𑌵𑌿𑌷𑍍𑌣𑍋𑌃 𑌪𑌦𑌮𑌵𑌾𑌪𑍍𑌨𑍋𑌤𑌿 𑌭𑌯𑌶𑍋𑌕𑌾𑌦𑌿 𑌵𑌰𑍍𑌜𑌿𑌤𑌃 ॥

𑌏𑌕𑌂 𑌶𑌾𑌸𑍍𑌤𑍍𑌰𑌂 𑌦𑍇𑌵𑌕𑍀𑌪𑍁𑌤𑍍𑌰𑌗𑍀𑌤𑌂 𑌏𑌕𑍋 𑌦𑍇𑌵𑍋 𑌦𑍇𑌵𑌕𑍀𑌪𑍁𑌤𑍍𑌰 𑌏𑌵 ।
𑌏𑌕𑍋 𑌮𑌂𑌤𑍍𑌰𑌸𑍍𑌤𑌸𑍍𑌯 𑌨𑌾𑌮𑌾𑌨𑌿 𑌯𑌾𑌨𑌿 𑌕𑌰𑍍𑌮𑌾𑌪𑍍𑌯𑍇𑌕𑌂 𑌤𑌸𑍍𑌯 𑌦𑍇𑌵𑌸𑍍𑌯 𑌸𑍇𑌵𑌾 ॥

॥ 𑌓𑌂 𑌶𑍍𑌰𑍀 𑌕𑍃𑌷𑍍𑌣𑌾𑌯 𑌪𑌰𑌮𑌾𑌤𑍍𑌮𑌨𑍇 𑌨𑌮𑌃 ॥

Browse Related Categories: