Uddhava Geetha - Chapter 1 - Grantha

𑌨 𑌏𑌵 𑌅𑌨𑍍𑌯𑌤𑌃 𑌪𑌰𑌿𑌭𑌵𑌃 𑌅𑌸𑍍𑌯 𑌭𑌵𑍇𑌤𑍍 𑌕𑌥𑌂𑌚𑌿𑌤𑍍
𑌮𑌤𑍍 𑌸𑌂𑌶𑍍𑌰𑌯𑌸𑍍𑌯 𑌵𑌿𑌭𑌵 𑌉𑌨𑍍𑌨𑌹𑌨𑍍 𑌅𑌸𑍍𑌯 𑌨𑌿𑌤𑍍𑌯𑌮𑍍 ।
𑌅𑌂𑌤𑌃𑌕𑌲𑌿𑌂 𑌯𑌦𑍁𑌕𑍁𑌲𑌸𑍍𑌯 𑌵𑌿𑌧𑍍𑌹𑌾𑌯 𑌵𑍇𑌣𑍁𑌃
𑌤𑌂𑌬𑌸𑍍𑌯 𑌵𑌹𑍍𑌨𑌿𑌂 𑌇𑌵 𑌶𑌾𑌂𑌤𑌿𑌂 𑌉𑌪𑍈𑌮𑌿 𑌧𑌾𑌮 ॥ 4॥

𑌏𑌵𑌂 𑌵𑍍𑌯𑌵𑌸𑌿𑌤𑌃 𑌰𑌾𑌜𑌨𑍍 𑌸𑌤𑍍𑌯𑌸𑌂𑌕𑌲𑍍𑌪𑌃 𑌈𑌶𑍍𑌵𑌰𑌃 ।
𑌶𑌾𑌪𑌵𑍍𑌯𑌾𑌜𑍇𑌨 𑌵𑌿𑌪𑍍𑌰𑌾𑌣𑌾𑌂 𑌸𑌂𑌜𑌹𑍍𑌵𑍇 𑌸𑍍𑌵𑌕𑍁𑌲𑌂 𑌵𑌿𑌭𑍁𑌃 ॥ 5॥

𑌸𑍍𑌵𑌮𑍂𑌰𑍍𑌤𑍍𑌯𑌾 𑌲𑍋𑌕𑌲𑌾𑌵𑌣𑍍𑌯𑌨𑌿𑌰𑍍𑌮𑍁𑌕𑍍𑌤𑍍𑌯𑌾 𑌲𑍋𑌚𑌨𑌂 𑌨𑍃𑌣𑌾𑌮𑍍 ।
𑌗𑍀𑌰𑍍𑌭𑌿𑌃 𑌤𑌾𑌃 𑌸𑍍𑌮𑌰𑌤𑌾𑌂 𑌚𑌿𑌤𑍍𑌤𑌂 𑌪𑌦𑍈𑌃 𑌤𑌾𑌨𑍍 𑌈𑌕𑍍𑌷𑌤𑌾𑌂 𑌕𑍍𑌰𑌿𑌯𑌾 ॥ 6॥

𑌆𑌚𑍍𑌛𑌿𑌦𑍍𑌯 𑌕𑍀𑌰𑍍𑌤𑌿𑌂 𑌸𑍁𑌶𑍍𑌲𑍋𑌕𑌾𑌂 𑌵𑌿𑌤𑌤𑍍𑌯 𑌹𑌿 𑌅𑌂𑌜𑌸𑌾 𑌨𑍁 𑌕𑍌 ।
𑌤𑌮𑌃 𑌅𑌨𑌯𑌾 𑌤𑌰𑌿𑌷𑍍𑌯𑌂𑌤𑌿 𑌇𑌤𑌿 𑌅𑌗𑌾𑌤𑍍 𑌸𑍍𑌵𑌂 𑌪𑌦𑌂 𑌈𑌶𑍍𑌵𑌰𑌃 ॥ 𑍭॥

𑌰𑌾𑌜𑌾 𑌉𑌵𑌾𑌚 ।
𑌬𑍍𑌰𑌹𑍍𑌮𑌣𑍍𑌯𑌾𑌨𑌾𑌂 𑌵𑌦𑌾𑌨𑍍𑌯𑌾𑌨𑌾𑌂 𑌨𑌿𑌤𑍍𑌯𑌂 𑌵𑍃𑌦𑍍𑌧𑍌𑌪𑌸𑍇𑌵𑌿𑌨𑌾𑌮𑍍 ।
𑌵𑌿𑌪𑍍𑌰𑌶𑌾𑌪𑌃 𑌕𑌥𑌂 𑌅𑌭𑍂𑌤𑍍 𑌵𑍃𑌷𑍍𑌣𑍀𑌨𑌾𑌂 𑌕𑍃𑌷𑍍𑌣𑌚𑍇𑌤𑌸𑌾𑌮𑍍 ॥ 𑍮॥

𑌯𑌤𑍍 𑌨𑌿𑌮𑌿𑌤𑍍𑌤𑌃 𑌸𑌃 𑌵𑍈 𑌶𑌾𑌪𑌃 𑌯𑌾𑌦𑍃𑌶𑌃 𑌦𑍍𑌵𑌿𑌜𑌸𑌤𑍍𑌤𑌮 ।
𑌕𑌥𑌂 𑌏𑌕𑌾𑌤𑍍𑌮𑌨𑌾𑌂 𑌭𑍇𑌦𑌃 𑌏𑌤𑌤𑍍 𑌸𑌰𑍍𑌵𑌂 𑌵𑌦𑌸𑍍𑌵 𑌮𑍇 ॥ 𑍯॥

𑌶𑍍𑌰𑍀𑌶𑍁𑌕𑌃 𑌉𑌵𑌾𑌚 ।
𑌬𑌿𑌭𑍍𑌰𑌤𑍍 𑌵𑌪𑍁𑌃 𑌸𑌕𑌲𑌸𑍁𑌂𑌦𑌰𑌸𑌂𑌨𑌿𑌵𑍇𑌶𑌮𑍍
𑌕𑌰𑍍𑌮𑌾𑌚𑌰𑌨𑍍 𑌭𑍁𑌵𑌿 𑌸𑍁𑌮𑌂𑌗𑌲𑌂 𑌆𑌪𑍍𑌤𑌕𑌾𑌮𑌃 ।
𑌆𑌸𑍍𑌥𑌾𑌯 𑌧𑌾𑌮 𑌰𑌮𑌮𑌾𑌣𑌃 𑌉𑌦𑌾𑌰𑌕𑍀𑌰𑍍𑌤𑌿𑌃
𑌸𑌂𑌹𑌰𑍍𑌤𑍁𑌂 𑌐𑌚𑍍𑌛𑌤 𑌕𑍁𑌲𑌂 𑌸𑍍𑌥𑌿𑌤𑌕𑍃𑌤𑍍𑌯𑌶𑍇𑌷𑌃 ॥ 10॥

𑌕𑌰𑍍𑌮𑌾𑌣𑌿 𑌪𑍁𑌣𑍍𑌯𑌨𑌿𑌵𑌹𑌾𑌨𑌿 𑌸𑍁𑌮𑌂𑌗𑌲𑌾𑌨𑌿
𑌗𑌾𑌯𑌤𑍍 𑌜𑌗𑌤𑍍 𑌕𑌲𑌿𑌮𑌲𑌾𑌪𑌹𑌰𑌾𑌣𑌿 𑌕𑍃𑌤𑍍𑌵𑌾 ।
𑌕𑌾𑌲 𑌆𑌤𑍍𑌮𑌨𑌾 𑌨𑌿𑌵𑌸𑌤𑌾 𑌯𑌦𑍁𑌦𑍇𑌵𑌗𑍇𑌹𑍇
𑌪𑌿𑌂𑌡𑌾𑌰𑌕𑌂 𑌸𑌮𑌗𑌮𑌨𑍍 𑌮𑍁𑌨𑌯𑌃 𑌨𑌿𑌸𑍃𑌷𑍍𑌟𑌾𑌃 ॥ 11॥

𑌵𑌿𑌶𑍍𑌵𑌾𑌮𑌿𑌤𑍍𑌰𑌃 𑌅𑌸𑌿𑌤𑌃 𑌕𑌣𑍍𑌵𑌃 𑌦𑍁𑌰𑍍𑌵𑌾𑌸𑌾𑌃 𑌭𑍃𑌗𑍁𑌃 𑌅𑌂𑌗𑌿𑌰𑌾𑌃 ।
𑌕𑌶𑍍𑌯𑌪𑌃 𑌵𑌾𑌮𑌦𑍇𑌵𑌃 𑌅𑌤𑍍𑌰𑌿𑌃 𑌵𑌸𑌿𑌷𑍍𑌠𑌃 𑌨𑌾𑌰𑌦 𑌆𑌦𑌯𑌃 ॥ 12॥

𑌕𑍍𑌰𑍀𑌡𑌂𑌤𑌃 𑌤𑌾𑌨𑍍 𑌉𑌪𑌵𑍍𑌰𑌜𑍍𑌯 𑌕𑍁𑌮𑌾𑌰𑌾𑌃 𑌯𑌦𑍁𑌨𑌂𑌦𑌨𑌾𑌃 ।
𑌉𑌪𑌸𑌂𑌗𑍃𑌹𑍍𑌯 𑌪𑌪𑍍𑌰𑌚𑍍𑌛𑍁𑌃 𑌅𑌵𑌿𑌨𑍀𑌤𑌾 𑌵𑌿𑌨𑍀𑌤𑌵𑌤𑍍 ॥ 13॥

𑌤𑍇 𑌵𑍇𑌷𑌯𑌿𑌤𑍍𑌵𑌾 𑌸𑍍𑌤𑍍𑌰𑍀𑌵𑍇𑌷𑍈𑌃 𑌸𑌾𑌂𑌬𑌂 𑌜𑌾𑌂𑌬𑌵𑌤𑍀𑌸𑍁𑌤𑌮𑍍 ।
𑌏𑌷𑌾 𑌪𑍃𑌚𑍍𑌛𑌤𑌿 𑌵𑌃 𑌵𑌿𑌪𑍍𑌰𑌾𑌃 𑌅𑌂𑌤𑌰𑍍𑌵𑌤𑍍 𑌨𑍍𑌯𑌸𑌿𑌤 𑌈𑌕𑍍𑌷𑌣𑌾 ॥ 14॥

𑌪𑍍𑌰𑌷𑍍𑌟𑍁𑌂 𑌵𑌿𑌲𑌜𑍍𑌜𑌤𑌿 𑌸𑌾𑌕𑍍𑌷𑌾𑌤𑍍 𑌪𑍍𑌰𑌬𑍍𑌰𑍂𑌤 𑌅𑌮𑍋𑌘𑌦𑌰𑍍𑌶𑌨𑌾𑌃 ।
𑌪𑍍𑌰𑌸𑍋𑌷𑍍𑌯𑌂𑌤𑌿 𑌪𑍁𑌤𑍍𑌰𑌕𑌾𑌮𑌾 𑌕𑌿𑌂𑌸𑍍𑌵𑌿𑌤𑍍 𑌸𑌂𑌜𑌨𑌯𑌿𑌷𑍍𑌯𑌤𑌿 ॥ 15॥

𑌏𑌵𑌂 𑌪𑍍𑌰𑌲𑌬𑍍𑌧𑍍𑌵𑌾 𑌮𑍁𑌨𑌯𑌃 𑌤𑌾𑌨𑍍 𑌊𑌚𑍁𑌃 𑌕𑍁𑌪𑌿𑌤𑌾 𑌨𑍃𑌪 ।
𑌜𑌨𑌯𑌿𑌷𑍍𑌯𑌤𑌿 𑌵𑌃 𑌮𑌂𑌦𑌾𑌃 𑌮𑍁𑌸𑌲𑌂 𑌕𑍁𑌲𑌨𑌾𑌶𑌨𑌮𑍍 ॥ 16॥

𑌤𑌤𑍍 𑌶‍𑌋𑌤𑍍𑌵𑌾 𑌤𑍇 𑌅𑌤𑌿𑌸𑌂𑌤𑍍𑌰𑌸𑍍𑌤𑌾𑌃 𑌵𑌿𑌮𑍁𑌚𑍍𑌯 𑌸𑌹𑌸𑍋𑌦𑌰𑌮𑍍 ।
𑌸𑌾𑌂𑌬𑌸𑍍𑌯 𑌦𑌦𑍃𑌶𑍁𑌃 𑌤𑌸𑍍𑌮𑌿𑌨𑍍 𑌮𑍁𑌸𑌲𑌂 𑌖𑌲𑍁 𑌅𑌯𑌸𑍍𑌮𑌯𑌮𑍍 ॥ 1𑍭॥

𑌕𑌿𑌂 𑌕𑍃𑌤𑌂 𑌮𑌂𑌦𑌭𑌾𑌗𑍍𑌯𑍈𑌃 𑌕𑌿𑌂 𑌵𑌦𑌿𑌷𑍍𑌯𑌂𑌤𑌿 𑌨𑌃 𑌜𑌨𑌾𑌃 ।
𑌇𑌤𑌿 𑌵𑌿𑌹𑍍𑌵𑌲𑌿𑌤𑌾𑌃 𑌗𑍇𑌹𑌾𑌨𑍍 𑌆𑌦𑌾𑌯 𑌮𑍁𑌸𑌲𑌂 𑌯𑌯𑍁𑌃 ॥ 1𑍮॥

𑌤𑌤𑍍 𑌚 𑌉𑌪𑌨𑍀𑌯 𑌸𑌦𑌸𑌿 𑌪𑌰𑌿𑌮𑍍𑌲𑌾𑌨𑌮𑍁𑌖𑌶𑍍𑌰𑌿𑌯𑌃 ।
𑌰𑌾𑌜𑍍𑌞𑌃 𑌆𑌵𑍇𑌦𑌯𑌾𑌨𑍍 𑌚𑌕𑍍𑌰𑍁𑌃 𑌸𑌰𑍍𑌵𑌯𑌾𑌦𑌵𑌸𑌂𑌨𑌿𑌧𑍌 ॥ 1𑍯॥

𑌶𑍍𑌰𑍁𑌤𑍍𑌵𑌾 𑌅𑌮𑍋𑌘𑌂 𑌵𑌿𑌪𑍍𑌰𑌶𑌾𑌪𑌂 𑌦𑍃𑌷𑍍𑌟𑍍𑌵𑌾 𑌚 𑌮𑍁𑌸𑌲𑌂 𑌨𑍃𑌪 ।
𑌵𑌿𑌸𑍍𑌮𑌿𑌤𑌾𑌃 𑌭𑌯𑌸𑌂𑌤𑍍𑌰𑌸𑍍𑌤𑌾𑌃 𑌬𑌭𑍂𑌵𑍁𑌃 𑌦𑍍𑌵𑌾𑌰𑌕𑍌𑌕𑌸𑌃 ॥ 20॥

𑌤𑌤𑍍 𑌚𑍂𑌰𑍍𑌣𑌯𑌿𑌤𑍍𑌵𑌾 𑌮𑍁𑌸𑌲𑌂 𑌯𑌦𑍁𑌰𑌾𑌜𑌃 𑌸𑌃 𑌆𑌹𑍁𑌕𑌃 ।
𑌸𑌮𑍁𑌦𑍍𑌰𑌸𑌲𑌿𑌲𑍇 𑌪𑍍𑌰𑌾𑌸𑍍𑌯𑌤𑍍 𑌲𑍋𑌹𑌂 𑌚 𑌅𑌸𑍍𑌯 𑌅𑌵𑌶𑍇𑌷𑌿𑌤𑌮𑍍 ॥ 21॥

𑌕𑌶𑍍𑌚𑌿𑌤𑍍 𑌮𑌤𑍍𑌸𑍍𑌯𑌃 𑌅𑌗𑍍𑌰𑌸𑍀𑌤𑍍 𑌲𑍋𑌹𑌂 𑌚𑍂𑌰𑍍𑌣𑌾𑌨𑌿 𑌤𑌰𑌲𑍈𑌃 𑌤𑌤𑌃 ।
𑌉𑌹𑍍𑌯𑌮𑌾𑌨𑌾𑌨𑌿 𑌵𑍇𑌲𑌾𑌯𑌾𑌂 𑌲𑌗𑍍𑌨𑌾𑌨𑌿 𑌆𑌸𑌨𑍍 𑌕𑌿𑌲 𑌐𑌰𑌿𑌕𑌾𑌃 ॥ 22॥

𑌮𑌤𑍍𑌸𑍍𑌯𑌃 𑌗𑍃𑌹𑍀𑌤𑌃 𑌮𑌤𑍍𑌸𑍍𑌯𑌘𑍍𑌨𑍈𑌃 𑌜𑌾𑌲𑍇𑌨 𑌅𑌨𑍍𑌯𑍈𑌃 𑌸𑌹 𑌅𑌰𑍍𑌣𑌵𑍇 ।
𑌤𑌸𑍍𑌯 𑌉𑌦𑌰𑌗𑌤𑌂 𑌲𑍋𑌹𑌂 𑌸𑌃 𑌶𑌲𑍍𑌯𑍇 𑌲𑍁𑌬𑍍𑌧𑌕𑌃 𑌅𑌕𑌰𑍋𑌤𑍍 ॥ 23॥

𑌭𑌗𑌵𑌾𑌨𑍍 𑌜𑍍𑌞𑌾𑌤𑌸𑌰𑍍𑌵𑌾𑌰𑍍𑌥𑌃 𑌈𑌶𑍍𑌵𑌰𑌃 𑌅𑌪𑌿 𑌤𑌦𑌨𑍍𑌯𑌥𑌾 ।
𑌕𑌰𑍍𑌤𑍁𑌂 𑌨 𑌐𑌚𑍍𑌛𑌤𑍍 𑌵𑌿𑌪𑍍𑌰𑌶𑌾𑌪𑌂 𑌕𑌾𑌲𑌰𑍂𑌪𑍀 𑌅𑌨𑍍𑌵𑌮𑍋𑌦𑌤 ॥ 24॥

𑌇𑌤𑌿 𑌶𑍍𑌰𑍀𑌮𑌦𑍍𑌭𑌾𑌗𑌵𑌤𑍇 𑌮𑌹𑌾𑌪𑍁𑌰𑌾𑌣𑍇 𑌪𑌾𑌰𑌮𑌹𑌂𑌸𑍍𑌯𑌾𑌂
𑌸𑌂𑌹𑌿𑌤𑌾𑌯𑌾𑌮𑍇𑌕𑌾𑌦𑌶𑌸𑍍𑌕𑌂𑌧𑍇 𑌵𑌿𑌪𑍍𑌰𑌶𑌾𑌪𑍋 𑌨𑌾𑌮 𑌪𑍍𑌰𑌥𑌮𑍋𑌽𑌧𑍍𑌯𑌾𑌯𑌃 ॥

Browse Related Categories: