𑌸𑍁𑌂𑌦𑌰𑌗𑍋𑌪𑌾𑌲𑌂 𑌉𑌰𑌵𑌨𑌮𑌾𑌲𑌂 𑌨𑌯𑌨𑌵𑌿𑌶𑌾𑌲𑌂 𑌦𑍁𑌃𑌖𑌹𑌰𑌂
𑌬𑍃𑌂𑌦𑌾𑌵𑌨𑌚𑌂𑌦𑍍𑌰𑌮𑌾𑌨𑌂𑌦𑌕𑌂𑌦𑌂 𑌪𑌰𑌮𑌾𑌨𑌂𑌦𑌂 𑌧𑌰𑌣𑌿𑌧𑌰𑌮𑍍 ।
𑌵𑌲𑍍𑌲𑌭𑌘𑌨𑌶𑍍𑌯𑌾𑌮𑌂 𑌪𑍂𑌰𑍍𑌣𑌕𑌾𑌮𑌂 𑌅𑌤𑍍𑌯𑌭𑌿𑌰𑌾𑌮𑌂 𑌪𑍍𑌰𑍀𑌤𑌿𑌕𑌰𑌂
𑌭𑌜 𑌨𑌂𑌦𑌕𑍁𑌮𑌾𑌰𑌂 𑌸𑌰𑍍𑌵𑌸𑍁𑌖𑌸𑌾𑌰𑌂 𑌤𑌤𑍍𑌤𑍍𑌵𑌵𑌿𑌚𑌾𑌰𑌂 𑌬𑍍𑌰𑌹𑍍𑌮𑌪𑌰𑌮𑍍 ॥ 1 ॥
𑌸𑍁𑌂𑌦𑌰𑌵𑌾𑌰𑌿𑌜𑌵𑌦𑌨𑌂 𑌨𑌿𑌰𑍍𑌜𑌿𑌤𑌮𑌦𑌨𑌂 𑌆𑌨𑌂𑌦𑌸𑌦𑌨𑌂 𑌮𑍁𑌕𑍁𑌟𑌧𑌰𑌂
𑌗𑍁𑌂𑌜𑌾𑌕𑍃𑌤𑌿𑌹𑌾𑌰𑌂 𑌵𑌿𑌪𑌿𑌨𑌵𑌿𑌹𑌾𑌰𑌂 𑌪𑌰𑌮𑍋𑌦𑌾𑌰𑌂 𑌚𑍀𑌰𑌹𑌰𑌮𑍍 ।
𑌵𑌲𑍍𑌲𑌭𑌪𑌟𑌪𑍀𑌤𑌂 𑌕𑍃𑌤 𑌉𑌪𑌵𑍀𑌤𑌂 𑌕𑌰𑌨𑌵𑌨𑍀𑌤𑌂 𑌵𑌿𑌬𑍁𑌧𑌵𑌰𑌂
𑌭𑌜 𑌨𑌂𑌦𑌕𑍁𑌮𑌾𑌰𑌂 𑌸𑌰𑍍𑌵𑌸𑍁𑌖𑌸𑌾𑌰𑌂 𑌤𑌤𑍍𑌤𑍍𑌵𑌵𑌿𑌚𑌾𑌰𑌂 𑌬𑍍𑌰𑌹𑍍𑌮𑌪𑌰𑌮𑍍 ॥ 2 ॥
𑌶𑍋𑌭𑌿𑌤𑌸𑍁𑌖𑌮𑍂𑌲𑌂 𑌯𑌮𑍁𑌨𑌾𑌕𑍂𑌲𑌂 𑌨𑌿𑌪𑌟 𑌅𑌤𑍂𑌲𑌂 𑌸𑍁𑌖𑌦𑌤𑌰𑌂
𑌮𑍁𑌖𑌮𑌂𑌡𑌿𑌤𑌰𑍇𑌣𑍁𑌂 𑌚𑌾𑌰𑌿𑌤𑌧𑍇𑌨𑍁𑌂 𑌵𑌾𑌦𑌿𑌤𑌵𑍇𑌣𑍁𑌂 𑌮𑌧𑍁𑌰𑌸𑍁𑌰𑌮𑍍 ।
𑌵𑌲𑍍𑌲𑌭𑌮𑌤𑌿𑌵𑌿𑌮𑌲𑌂 𑌶𑍁𑌭𑌪𑌦𑌕𑌮𑌲𑌂 𑌨𑌖𑌰𑍁𑌚𑌿 𑌅𑌮𑌲𑌂 𑌤𑌿𑌮𑌿𑌰𑌹𑌰𑌂
𑌭𑌜 𑌨𑌂𑌦𑌕𑍁𑌮𑌾𑌰𑌂 𑌸𑌰𑍍𑌵𑌸𑍁𑌖𑌸𑌾𑌰𑌂 𑌤𑌤𑍍𑌤𑍍𑌵𑌵𑌿𑌚𑌾𑌰𑌂 𑌬𑍍𑌰𑌹𑍍𑌮𑌪𑌰𑌮𑍍 ॥ 3 ॥
𑌶𑌿𑌰𑌮𑍁𑌕𑍁𑌟𑌸𑍁𑌦𑍇𑌶𑌂 𑌕𑍁𑌂𑌚𑌿𑌤𑌕𑍇𑌶𑌂 𑌨𑌟𑌵𑌰𑌵𑍇𑌷𑌂 𑌕𑌾𑌮𑌵𑌰𑌂
𑌮𑌾𑌯𑌾𑌕𑍃𑌤𑌮𑌨𑍁𑌜𑌂 𑌹𑌲𑌧𑌰 𑌅𑌨𑍁𑌜𑌂 𑌪𑍍𑌰𑌤𑌿𑌹𑌤𑌦𑌨𑍁𑌜𑌂 𑌭𑌾𑌰𑌹𑌰𑌮𑍍 ।
𑌵𑌲𑍍𑌲𑌭𑌵𑍍𑌰𑌜𑌪𑌾𑌲𑌂 𑌸𑍁𑌭𑌗𑌸𑍁𑌚𑌾𑌲𑌂 𑌹𑌿𑌤𑌮𑌨𑍁𑌕𑌾𑌲𑌂 𑌭𑌾𑌵𑌵𑌰𑌂
𑌭𑌜 𑌨𑌂𑌦𑌕𑍁𑌮𑌾𑌰𑌂 𑌸𑌰𑍍𑌵𑌸𑍁𑌖𑌸𑌾𑌰𑌂 𑌤𑌤𑍍𑌤𑍍𑌵𑌵𑌿𑌚𑌾𑌰𑌂 𑌬𑍍𑌰𑌹𑍍𑌮𑌪𑌰𑌮𑍍 ॥ 4 ॥
𑌇𑌂𑌦𑍀𑌵𑌰𑌭𑌾𑌸𑌂 𑌪𑍍𑌰𑌕𑌟𑌸𑌰𑌾𑌸𑌂 𑌕𑍁𑌸𑍁𑌮𑌵𑌿𑌕𑌾𑌸𑌂 𑌵𑌂𑌶𑌧𑌰𑌂
𑌹𑍃𑌤𑍍𑌮𑌨𑍍𑌮𑌥𑌮𑌾𑌨𑌂 𑌰𑍂𑌪𑌨𑌿𑌧𑌾𑌨𑌂 𑌕𑍃𑌤𑌕𑌲𑌗𑌾𑌨𑌂 𑌚𑌿𑌤𑍍𑌤𑌹𑌰𑌮𑍍 ।
𑌵𑌲𑍍𑌲𑌭𑌮𑍃𑌦𑍁𑌹𑌾𑌸𑌂 𑌕𑍁𑌂𑌜𑌨𑌿𑌵𑌾𑌸𑌂 𑌵𑌿𑌵𑌿𑌧𑌵𑌿𑌲𑌾𑌸𑌂 𑌕𑍇𑌳𑌿𑌕𑌰𑌂
𑌭𑌜 𑌨𑌂𑌦𑌕𑍁𑌮𑌾𑌰𑌂 𑌸𑌰𑍍𑌵𑌸𑍁𑌖𑌸𑌾𑌰𑌂 𑌤𑌤𑍍𑌤𑍍𑌵𑌵𑌿𑌚𑌾𑌰𑌂 𑌬𑍍𑌰𑌹𑍍𑌮𑌪𑌰𑌮𑍍 ॥ 5 ॥
𑌅𑌤𑌿𑌪𑌰𑌮𑌪𑍍𑌰𑌵𑍀𑌣𑌂 𑌪𑌾𑌲𑌿𑌤𑌦𑍀𑌨𑌂 𑌭𑌕𑍍𑌤𑌾𑌧𑍀𑌨𑌂 𑌕𑌰𑍍𑌮𑌕𑌰𑌂
𑌮𑍋𑌹𑌨𑌮𑌤𑌿𑌧𑍀𑌰𑌂 𑌫𑌣𑌿𑌬𑌲𑌵𑍀𑌰𑌂 𑌹𑌤𑌪𑌰𑌵𑍀𑌰𑌂 𑌤𑌰𑌳𑌤𑌰𑌮𑍍 ।
𑌵𑌲𑍍𑌲𑌭𑌵𑍍𑌰𑌜𑌰𑌮𑌣𑌂 𑌵𑌾𑌰𑌿𑌜𑌵𑌦𑌨𑌂 𑌹𑌲𑌧𑌰𑌶𑌮𑌨𑌂 𑌶𑍈𑌲𑌧𑌰𑌂
𑌭𑌜 𑌨𑌂𑌦𑌕𑍁𑌮𑌾𑌰𑌂 𑌸𑌰𑍍𑌵𑌸𑍁𑌖𑌸𑌾𑌰𑌂 𑌤𑌤𑍍𑌤𑍍𑌵𑌵𑌿𑌚𑌾𑌰𑌂 𑌬𑍍𑌰𑌹𑍍𑌮𑌪𑌰𑌮𑍍 ॥ 6 ॥
𑌜𑌲𑌧𑌰𑌦𑍍𑌯𑍁𑌤𑌿𑌅𑌂𑌗𑌂 𑌲𑌲𑌿𑌤𑌤𑍍𑌰𑌿𑌭𑌂𑌗𑌂 𑌬𑌹𑍁𑌕𑍃𑌤𑌿𑌰𑌂𑌗𑌂 𑌰𑌸𑌿𑌕𑌵𑌰𑌂
𑌗𑍋𑌕𑍁𑌲𑌪𑌰𑌿𑌵𑌾𑌰𑌂 𑌮𑌦𑌨𑌾𑌕𑌾𑌰𑌂 𑌕𑍁𑌂𑌜𑌵𑌿𑌹𑌾𑌰𑌂 𑌗𑍂𑌢𑌤𑌰𑌮𑍍 ।
𑌵𑌲𑍍𑌲𑌭𑌵𑍍𑌰𑌜𑌚𑌂𑌦𑍍𑌰𑌂 𑌸𑍁𑌭𑌗𑌸𑍁𑌛𑌂𑌦𑌂 𑌕𑍃𑌤 𑌆𑌨𑌂𑌦𑌂 𑌭𑍍𑌰𑌾𑌂𑌤𑌿𑌹𑌰𑌂
𑌭𑌜 𑌨𑌂𑌦𑌕𑍁𑌮𑌾𑌰𑌂 𑌸𑌰𑍍𑌵𑌸𑍁𑌖𑌸𑌾𑌰𑌂 𑌤𑌤𑍍𑌤𑍍𑌵𑌵𑌿𑌚𑌾𑌰𑌂 𑌬𑍍𑌰𑌹𑍍𑌮𑌪𑌰𑌮𑍍 ॥ ॥
𑌵𑌂𑌦𑌿𑌤𑌯𑍁𑌗𑌚𑌰𑌣𑌂 𑌪𑌾𑌵𑌨𑌕𑌰𑌣𑌂 𑌜𑌗𑌦𑍁𑌦𑍍𑌧𑌰𑌣𑌂 𑌵𑌿𑌮𑌲𑌧𑌰𑌂
𑌕𑌾𑌳𑌿𑌯𑌶𑌿𑌰𑌗𑌮𑌨𑌂 𑌕𑍃𑌤𑌫𑌣𑌿𑌨𑌮𑌨𑌂 𑌘𑌾𑌤𑌿𑌤𑌯𑌮𑌨𑌂 𑌮𑍃𑌦𑍁𑌲𑌤𑌰𑌮𑍍 ।
𑌵𑌲𑍍𑌲𑌭𑌦𑍁𑌃𑌖𑌹𑌰𑌣𑌂 𑌨𑌿𑌰𑍍𑌮𑌲𑌚𑌰𑌣𑌂 𑌅𑌶𑌰𑌣𑌶𑌰𑌣𑌂 𑌮𑍁𑌕𑍍𑌤𑌿𑌕𑌰𑌂
𑌭𑌜 𑌨𑌂𑌦𑌕𑍁𑌮𑌾𑌰𑌂 𑌸𑌰𑍍𑌵𑌸𑍁𑌖𑌸𑌾𑌰𑌂 𑌤𑌤𑍍𑌤𑍍𑌵𑌵𑌿𑌚𑌾𑌰𑌂 𑌬𑍍𑌰𑌹𑍍𑌮𑌪𑌰𑌮𑍍 ॥ ॥
𑌇𑌤𑌿 𑌶𑍍𑌰𑍀𑌮𑌦𑍍𑌵𑌲𑍍𑌲𑌭𑌾𑌚𑌾𑌰𑍍𑌯𑌵𑌿𑌰𑌚𑌿𑌤𑌂 𑌶𑍍𑌰𑍀𑌨𑌂𑌦𑌕𑍁𑌮𑌾𑌰𑌾𑌷𑍍𑌟𑌕𑌮𑍍 ॥
