Pashupati Ashtakam - Grantha | Vaidika Vignanam

Collection of Spiritual and Devotional Literature in Various Indian Languages

View this in:

𑌪𑌶𑍁𑌪𑌤𑍍𑌯𑌷𑍍𑌟𑌕𑌮𑍍

𑌪𑌶𑍁𑌪𑌤𑍀𑌂𑌦𑍁𑌪𑌤𑌿𑌂 𑌧𑌰𑌣𑍀𑌪𑌤𑌿𑌂 𑌭𑍁𑌜𑌗𑌲𑍋𑌕𑌪𑌤𑌿𑌂 𑌚 𑌸𑌤𑍀𑌪𑌤𑌿𑌮𑍍 ।
𑌪𑍍𑌰𑌣𑌤𑌭𑌕𑍍𑌤𑌜𑌨𑌾𑌰𑍍𑌤𑌿𑌹𑌰𑌂 𑌪𑌰𑌂 𑌭𑌜𑌤 𑌰𑍇 𑌮𑌨𑍁𑌜𑌾 𑌗𑌿𑌰𑌿𑌜𑌾𑌪𑌤𑌿𑌮𑍍 ॥1॥

𑌨 𑌜𑌨𑌕𑍋 𑌜𑌨𑌨𑍀 𑌨 𑌚 𑌸𑍋𑌦𑌰𑍋 𑌨 𑌤𑌨𑌯𑍋 𑌨 𑌚 𑌭𑍂𑌰𑌿𑌬𑌲𑌂 𑌕𑍁𑌲𑌮𑍍 ।
𑌅𑌵𑌤𑌿 𑌕𑍋𑌽𑌪𑌿 𑌨 𑌕𑌾𑌲𑌵𑌶𑌂 𑌗𑌤𑌂 𑌭𑌜𑌤 𑌰𑍇 𑌮𑌨𑍁𑌜𑌾 𑌗𑌿𑌰𑌿𑌜𑌾𑌪𑌤𑌿𑌮𑍍 ॥2॥

𑌮𑍁𑌰𑌜𑌡𑌿𑌂𑌡𑌿𑌮𑌵𑌾𑌦𑍍𑌯𑌵𑌿𑌲𑌕𑍍𑌷𑌣𑌂 𑌮𑌧𑍁𑌰𑌪𑌂𑌚𑌮𑌨𑌾𑌦𑌵𑌿𑌶𑌾𑌰𑌦𑌮𑍍 ।
𑌪𑍍𑌰𑌮𑌥𑌭𑍂𑌤𑌗𑌣𑍈𑌰𑌪𑌿 𑌸𑍇𑌵𑌿𑌤𑌂 𑌭𑌜𑌤 𑌰𑍇 𑌮𑌨𑍁𑌜𑌾 𑌗𑌿𑌰𑌿𑌜𑌾𑌪𑌤𑌿𑌮𑍍 ॥3॥

𑌶𑌰𑌣𑌦𑌂 𑌸𑍁𑌖𑌦𑌂 𑌶𑌰𑌣𑌾𑌨𑍍𑌵𑌿𑌤𑌂 𑌶𑌿𑌵 𑌶𑌿𑌵𑍇𑌤𑌿 𑌶𑌿𑌵𑍇𑌤𑌿 𑌨𑌤𑌂 𑌨𑍃𑌣𑌾𑌮𑍍 ।
𑌅𑌭𑌯𑌦𑌂 𑌕𑌰𑍁𑌣𑌾𑌵𑌰𑍁𑌣𑌾𑌲𑌯𑌂 𑌭𑌜𑌤 𑌰𑍇 𑌮𑌨𑍁𑌜𑌾 𑌗𑌿𑌰𑌿𑌜𑌾𑌪𑌤𑌿𑌮𑍍 ॥4॥

𑌨𑌰𑌶𑌿𑌰𑍋𑌰𑌚𑌿𑌤𑌂 𑌮𑌣𑌿𑌕𑍁𑌂𑌡𑌲𑌂 𑌭𑍁𑌜𑌗𑌹𑌾𑌰𑌮𑍁𑌦𑌂 𑌵𑍃𑌷𑌭𑌧𑍍𑌵𑌜𑌮𑍍 ।
𑌚𑌿𑌤𑌿𑌰𑌜𑍋𑌧𑌵𑌲𑍀𑌕𑍃𑌤𑌵𑌿𑌗𑍍𑌰𑌹𑌂 𑌭𑌜𑌤 𑌰𑍇 𑌮𑌨𑍁𑌜𑌾 𑌗𑌿𑌰𑌿𑌜𑌾𑌪𑌤𑌿𑌮𑍍 ॥5॥

𑌮𑌖𑌵𑌿𑌨𑌾𑌶𑌕𑌰𑌂 𑌶𑌶𑌿𑌶𑍇𑌖𑌰𑌂 𑌸𑌤𑌤𑌮𑌧𑍍𑌵𑌰𑌭𑌾𑌜𑌿𑌫𑌲𑌪𑍍𑌰𑌦𑌮𑍍 ।
𑌪𑍍𑌰𑌳𑌯𑌦𑌗𑍍𑌧𑌸𑍁𑌰𑌾𑌸𑍁𑌰𑌮𑌾𑌨𑌵𑌂 𑌭𑌜𑌤 𑌰𑍇 𑌮𑌨𑍁𑌜𑌾 𑌗𑌿𑌰𑌿𑌜𑌾𑌪𑌤𑌿𑌮𑍍 ॥6॥

𑌮𑌦𑌮𑌪𑌾𑌸𑍍𑌯 𑌚𑌿𑌰𑌂 𑌹𑍃𑌦𑌿 𑌸𑌂𑌸𑍍𑌥𑌿𑌤𑌂 𑌮𑌰𑌣𑌜𑌨𑍍𑌮𑌜𑌰𑌾𑌮𑌯𑌪𑍀𑌡𑌿𑌤𑌮𑍍 ।
𑌜𑌗𑌦𑍁𑌦𑍀𑌕𑍍𑌷𑍍𑌯 𑌸𑌮𑍀𑌪𑌭𑌯𑌾𑌕𑍁𑌲𑌂 𑌭𑌜𑌤 𑌰𑍇 𑌮𑌨𑍁𑌜𑌾 𑌗𑌿𑌰𑌿𑌜𑌾𑌪𑌤𑌿𑌮𑍍 ॥𑍭॥

𑌹𑌰𑌿𑌵𑌿𑌰𑌂𑌚𑌿𑌸𑍁𑌰𑌾𑌧𑌿𑌪𑌪𑍂𑌜𑌿𑌤𑌂 𑌯𑌮𑌜𑌨𑍇𑌶𑌧𑌨𑍇𑌶𑌨𑌮𑌸𑍍𑌕𑍄𑌤𑌮𑍍 ।
𑌤𑍍𑌰𑌿𑌨𑌯𑌨𑌂 𑌭𑍁𑌵𑌨𑌤𑍍𑌰𑌿𑌤𑌯𑌾𑌧𑌿𑌪𑌂 𑌭𑌜𑌤 𑌰𑍇 𑌮𑌨𑍁𑌜𑌾 𑌗𑌿𑌰𑌿𑌜𑌾𑌪𑌤𑌿𑌮𑍍 ॥𑍮॥

𑌪𑌶𑍁𑌪𑌤𑍇𑌰𑌿𑌦𑌮𑌷𑍍𑌟𑌕𑌮𑌦𑍍𑌭𑍁𑌤𑌂 𑌵𑌿𑌰𑌚𑌿𑌤𑌂 𑌪𑍃𑌥𑌿𑌵𑍀𑌪𑌤𑌿𑌸𑍂𑌰𑌿𑌣𑌾 ।
𑌪𑌠𑌤𑌿 𑌸𑌂𑌶‍𑌋𑌣𑍁𑌤𑍇 𑌮𑌨𑍁𑌜𑌃 𑌸𑌦𑌾 𑌶𑌿𑌵𑌪𑍁𑌰𑍀𑌂 𑌵𑌸𑌤𑍇 𑌲𑌭𑌤𑍇 𑌮𑍁𑌦𑌮𑍍 ॥𑍯॥

𑌇𑌤𑌿 𑌶𑍍𑌰𑍀𑌪𑌶𑍁𑌪𑌤𑍍𑌯𑌷𑍍𑌟𑌕𑌂 𑌸𑌂𑌪𑍂𑌰𑍍𑌣𑌮𑍍 ॥

Browse Related Categories: