𑌸𑌤𑍍𑌯𑌂 𑌜𑍍𑌞𑌾𑌨𑌮𑌨𑌂𑌤𑌂 𑌨𑌿𑌤𑍍𑌯𑌮𑌨𑌾𑌕𑌾𑌶𑌂 𑌪𑌰𑌮𑌾𑌕𑌾𑌶𑌮𑍍 ।
𑌗𑍋𑌷𑍍𑌠𑌪𑍍𑌰𑌾𑌂𑌗𑌣𑌰𑌿𑌂𑌖𑌣𑌲𑍋𑌲𑌮𑌨𑌾𑌯𑌾𑌸𑌂 𑌪𑌰𑌮𑌾𑌯𑌾𑌸𑌮𑍍 ।
𑌮𑌾𑌯𑌾𑌕𑌲𑍍𑌪𑌿𑌤𑌨𑌾𑌨𑌾𑌕𑌾𑌰𑌮𑌨𑌾𑌕𑌾𑌰𑌂 𑌭𑍁𑌵𑌨𑌾𑌕𑌾𑌰𑌮𑍍 ।
𑌕𑍍𑌷𑍍𑌮𑌾𑌮𑌾𑌨𑌾𑌥𑌮𑌨𑌾𑌥𑌂 𑌪𑍍𑌰𑌣𑌮𑌤 𑌗𑍋𑌵𑌿𑌂𑌦𑌂 𑌪𑌰𑌮𑌾𑌨𑌂𑌦𑌮𑍍 ॥ 1 ॥
𑌮𑍃𑌤𑍍𑌸𑍍𑌨𑌾𑌮𑌤𑍍𑌸𑍀𑌹𑍇𑌤𑌿 𑌯𑌶𑍋𑌦𑌾𑌤𑌾𑌡𑌨𑌶𑍈𑌶𑌵 𑌸𑌂𑌤𑍍𑌰𑌾𑌸𑌮𑍍 ।
𑌵𑍍𑌯𑌾𑌦𑌿𑌤𑌵𑌕𑍍𑌤𑍍𑌰𑌾𑌲𑍋𑌕𑌿𑌤𑌲𑍋𑌕𑌾𑌲𑍋𑌕𑌚𑌤𑍁𑌰𑍍𑌦𑌶𑌲𑍋𑌕𑌾𑌲𑌿𑌮𑍍 ।
𑌲𑍋𑌕𑌤𑍍𑌰𑌯𑌪𑍁𑌰𑌮𑍂𑌲𑌸𑍍𑌤𑌂𑌭𑌂 𑌲𑍋𑌕𑌾𑌲𑍋𑌕𑌮𑌨𑌾𑌲𑍋𑌕𑌮𑍍 ।
𑌲𑍋𑌕𑍇𑌶𑌂 𑌪𑌰𑌮𑍇𑌶𑌂 𑌪𑍍𑌰𑌣𑌮𑌤 𑌗𑍋𑌵𑌿𑌂𑌦𑌂 𑌪𑌰𑌮𑌾𑌨𑌂𑌦𑌮𑍍 ॥ 2 ॥
𑌤𑍍𑌰𑍈𑌵𑌿𑌷𑍍𑌟𑌪𑌰𑌿𑌪𑍁𑌵𑍀𑌰𑌘𑍍𑌨𑌂 𑌕𑍍𑌷𑌿𑌤𑌿𑌭𑌾𑌰𑌘𑍍𑌨𑌂 𑌭𑌵𑌰𑍋𑌗𑌘𑍍𑌨𑌮𑍍 ।
𑌕𑍈𑌵𑌲𑍍𑌯𑌂 𑌨𑌵𑌨𑍀𑌤𑌾𑌹𑌾𑌰𑌮𑌨𑌾𑌹𑌾𑌰𑌂 𑌭𑍁𑌵𑌨𑌾𑌹𑌾𑌰𑌮𑍍 ।
𑌵𑍈𑌮𑌲𑍍𑌯𑌸𑍍𑌫𑍁𑌟𑌚𑍇𑌤𑍋𑌵𑍃𑌤𑍍𑌤𑌿𑌵𑌿𑌶𑍇𑌷𑌾𑌭𑌾𑌸𑌮𑌨𑌾𑌭𑌾𑌸𑌮𑍍 ।
𑌶𑍈𑌵𑌂 𑌕𑍇𑌵𑌲𑌶𑌾𑌂𑌤𑌂 𑌪𑍍𑌰𑌣𑌮𑌤 𑌗𑍋𑌵𑌿𑌂𑌦𑌂 𑌪𑌰𑌮𑌾𑌨𑌂𑌦𑌮𑍍 ॥ 3 ॥
𑌗𑍋𑌪𑌾𑌲𑌂 𑌪𑍍𑌰𑌭𑍁𑌲𑍀𑌲𑌾𑌵𑌿𑌗𑍍𑌰𑌹𑌗𑍋𑌪𑌾𑌲𑌂 𑌕𑍁𑌲𑌗𑍋𑌪𑌾𑌲𑌮𑍍 ।
𑌗𑍋𑌪𑍀𑌖𑍇𑌲𑌨𑌗𑍋𑌵𑌰𑍍𑌧𑌨𑌧𑍃𑌤𑌿𑌲𑍀𑌲𑌾𑌲𑌾𑌲𑌿𑌤𑌗𑍋𑌪𑌾𑌲𑌮𑍍 ।
𑌗𑍋𑌭𑌿𑌰𑍍𑌨𑌿𑌗𑌦𑌿𑌤 𑌗𑍋𑌵𑌿𑌂𑌦𑌸𑍍𑌫𑍁𑌟𑌨𑌾𑌮𑌾𑌨𑌂 𑌬𑌹𑍁𑌨𑌾𑌮𑌾𑌨𑌮𑍍 ।
𑌗𑍋𑌪𑍀𑌗𑍋𑌚𑌰𑌦𑍂𑌰𑌂 𑌪𑍍𑌰𑌣𑌮𑌤 𑌗𑍋𑌵𑌿𑌂𑌦𑌂 𑌪𑌰𑌮𑌾𑌨𑌂𑌦𑌮𑍍 ॥ 4 ॥
𑌗𑍋𑌪𑍀𑌮𑌂𑌡𑌲𑌗𑍋𑌷𑍍𑌠𑍀𑌭𑍇𑌦𑌂 𑌭𑍇𑌦𑌾𑌵𑌸𑍍𑌥𑌮𑌭𑍇𑌦𑌾𑌭𑌮𑍍 ।
𑌶𑌶𑍍𑌵𑌦𑍍𑌗𑍋𑌖𑍁𑌰𑌨𑌿𑌰𑍍𑌧𑍂𑌤𑍋𑌦𑍍𑌗𑌤 𑌧𑍂𑌳𑍀𑌧𑍂𑌸𑌰𑌸𑍌𑌭𑌾𑌗𑍍𑌯𑌮𑍍 ।
𑌶𑍍𑌰𑌦𑍍𑌧𑌾𑌭𑌕𑍍𑌤𑌿𑌗𑍃𑌹𑍀𑌤𑌾𑌨𑌂𑌦𑌮𑌚𑌿𑌂𑌤𑍍𑌯𑌂 𑌚𑌿𑌂𑌤𑌿𑌤𑌸𑌦𑍍𑌭𑌾𑌵𑌮𑍍 ।
𑌚𑌿𑌂𑌤𑌾𑌮𑌣𑌿𑌮𑌹𑌿𑌮𑌾𑌨𑌂 𑌪𑍍𑌰𑌣𑌮𑌤 𑌗𑍋𑌵𑌿𑌂𑌦𑌂 𑌪𑌰𑌮𑌾𑌨𑌂𑌦𑌮𑍍 ॥ 5 ॥
𑌸𑍍𑌨𑌾𑌨𑌵𑍍𑌯𑌾𑌕𑍁𑌲𑌯𑍋𑌷𑌿𑌦𑍍𑌵𑌸𑍍𑌤𑍍𑌰𑌮𑍁𑌪𑌾𑌦𑌾𑌯𑌾𑌗𑌮𑍁𑌪𑌾𑌰𑍂𑌢𑌮𑍍 ।
𑌵𑍍𑌯𑌾𑌦𑌿𑌤𑍍𑌸𑌂𑌤𑍀𑌰𑌥 𑌦𑌿𑌗𑍍𑌵𑌸𑍍𑌤𑍍𑌰𑌾 𑌦𑌾𑌤𑍁𑌮𑍁𑌪𑌾𑌕𑌰𑍍𑌷𑌂𑌤𑌂 𑌤𑌾𑌃
𑌨𑌿𑌰𑍍𑌧𑍂𑌤𑌦𑍍𑌵𑌯𑌶𑍋𑌕𑌵𑌿𑌮𑍋𑌹𑌂 𑌬𑍁𑌦𑍍𑌧𑌂 𑌬𑍁𑌦𑍍𑌧𑍇𑌰𑌂𑌤𑌸𑍍𑌥𑌮𑍍 ।
𑌸𑌤𑍍𑌤𑌾𑌮𑌾𑌤𑍍𑌰𑌶𑌰𑍀𑌰𑌂 𑌪𑍍𑌰𑌣𑌮𑌤 𑌗𑍋𑌵𑌿𑌂𑌦𑌂 𑌪𑌰𑌮𑌾𑌨𑌂𑌦𑌮𑍍 ॥ 6 ॥
𑌕𑌾𑌂𑌤𑌂 𑌕𑌾𑌰𑌣𑌕𑌾𑌰𑌣𑌮𑌾𑌦𑌿𑌮𑌨𑌾𑌦𑌿𑌂 𑌕𑌾𑌲𑌧𑌨𑌾𑌭𑌾𑌸𑌮𑍍 ।
𑌕𑌾𑌳𑌿𑌂𑌦𑍀𑌗𑌤𑌕𑌾𑌲𑌿𑌯𑌶𑌿𑌰𑌸𑌿 𑌸𑍁𑌨𑍃𑌤𑍍𑌯𑌂𑌤𑌂 𑌮𑍁𑌹𑍁𑌰𑌤𑍍𑌯𑌂𑌤𑌮𑍍 ।
𑌕𑌾𑌲𑌂 𑌕𑌾𑌲𑌕𑌲𑌾𑌤𑍀𑌤𑌂 𑌕𑌲𑌿𑌤𑌾𑌶𑍇𑌷𑌂 𑌕𑌲𑌿𑌦𑍋𑌷𑌘𑍍𑌨𑌮𑍍 ।
𑌕𑌾𑌲𑌤𑍍𑌰𑌯𑌗𑌤𑌿𑌹𑍇𑌤𑍁𑌂 𑌪𑍍𑌰𑌣𑌮𑌤 𑌗𑍋𑌵𑌿𑌂𑌦𑌂 𑌪𑌰𑌮𑌾𑌨𑌂𑌦𑌮𑍍 ॥ ॥
𑌬𑍃𑌂𑌦𑌾𑌵𑌨𑌭𑍁𑌵𑌿 𑌬𑍃𑌂𑌦𑌾𑌰𑌕𑌗𑌣𑌬𑍃𑌂𑌦𑌾𑌰𑌾𑌧𑌿𑌤𑌵𑌂𑌦𑍇𑌹𑌮𑍍 ।
𑌕𑍁𑌂𑌦𑌾𑌭𑌾𑌮𑌲𑌮𑌂𑌦𑌸𑍍𑌮𑍇𑌰𑌸𑍁𑌧𑌾𑌨𑌂𑌦𑌂 𑌸𑍁𑌹𑍃𑌦𑌾𑌨𑌂𑌦𑌮𑍍 ।
𑌵𑌂𑌦𑍍𑌯𑌾𑌶𑍇𑌷 𑌮𑌹𑌾𑌮𑍁𑌨𑌿 𑌮𑌾𑌨𑌸 𑌵𑌂𑌦𑍍𑌯𑌾𑌨𑌂𑌦𑌪𑌦𑌦𑍍𑌵𑌂𑌦𑍍𑌵𑌮𑍍 ।
𑌵𑌂𑌦𑍍𑌯𑌾𑌶𑍇𑌷𑌗𑍁𑌣𑌾𑌬𑍍𑌧𑌿𑌂 𑌪𑍍𑌰𑌣𑌮𑌤 𑌗𑍋𑌵𑌿𑌂𑌦𑌂 𑌪𑌰𑌮𑌾𑌨𑌂𑌦𑌮𑍍 ॥ ॥
𑌗𑍋𑌵𑌿𑌂𑌦𑌾𑌷𑍍𑌟𑌕𑌮𑍇𑌤𑌦𑌧𑍀𑌤𑍇 𑌗𑍋𑌵𑌿𑌂𑌦𑌾𑌰𑍍𑌪𑌿𑌤𑌚𑍇𑌤𑌾 𑌯𑌃 ।
𑌗𑍋𑌵𑌿𑌂𑌦𑌾𑌚𑍍𑌯𑍁𑌤 𑌮𑌾𑌧𑌵 𑌵𑌿𑌷𑍍𑌣𑍋 𑌗𑍋𑌕𑍁𑌲𑌨𑌾𑌯𑌕 𑌕𑍃𑌷𑍍𑌣𑍇𑌤𑌿 ।
𑌗𑍋𑌵𑌿𑌂𑌦𑌾𑌂𑌘𑍍𑌰𑌿 𑌸𑌰𑍋𑌜𑌧𑍍𑌯𑌾𑌨𑌸𑍁𑌧𑌾𑌜𑌲𑌧𑍌𑌤𑌸𑌮𑌸𑍍𑌤𑌾𑌘𑌃 ।
𑌗𑍋𑌵𑌿𑌂𑌦𑌂 𑌪𑌰𑌮𑌾𑌨𑌂𑌦𑌾𑌮𑍃𑌤𑌮𑌂𑌤𑌸𑍍𑌥𑌂 𑌸 𑌤𑌮𑌭𑍍𑌯𑍇𑌤𑌿 ॥
𑌇𑌤𑌿 𑌶𑍍𑌰𑍀 𑌶𑌂𑌕𑌰𑌾𑌚𑌾𑌰𑍍𑌯 𑌵𑌿𑌰𑌚𑌿𑌤 𑌶𑍍𑌰𑍀𑌗𑍋𑌵𑌿𑌂𑌦𑌾𑌷𑍍𑌟𑌕𑌂 𑌸𑌮𑌾𑌪𑍍𑌤𑌂
