𑌕𑌦𑌾𑌚𑌿𑌤𑍍-𑌕𑌾𑌲𑌿𑌂𑌦𑍀 𑌤𑌟𑌵𑌿𑌪𑌿𑌨 𑌸𑌂𑌗𑍀𑌤𑌕𑌰𑌵𑍋
𑌮𑍁𑌦𑌾𑌭𑍀𑌰𑍀 𑌨𑌾𑌰𑍀𑌵𑌦𑌨 𑌕𑌮𑌲𑌾𑌸𑍍𑌵𑌾𑌦𑌮𑌧𑍁𑌪𑌃 ।
𑌰𑌮𑌾 𑌶𑌂𑌭𑍁 𑌬𑍍𑌰𑌹𑍍𑌮𑌾𑌮𑌰𑌪𑌤𑌿 𑌗𑌣𑍇𑌶𑌾𑌰𑍍𑌚𑌿𑌤 𑌪𑌦𑍋
𑌜𑌗𑌨𑍍𑌨𑌾𑌥𑌃 𑌸𑍍𑌵𑌾𑌮𑍀 𑌨𑌯𑌨𑌪𑌥𑌗𑌾𑌮𑍀 𑌭𑌵𑌤𑍁 𑌮𑍇 ॥ 1 ॥
𑌭𑍁𑌜𑍇 𑌸𑌵𑍍𑌯𑍇 𑌵𑍇𑌣𑍁𑌂 𑌶𑌿𑌰𑌸𑌿 𑌶𑌿𑌖𑌿𑌪𑌿𑌂𑌛𑌂 𑌕𑌟𑌿𑌤𑌟𑍇
𑌦𑍁𑌕𑍂𑌲𑌂 𑌨𑍇𑌤𑍍𑌰𑌾𑌂𑌤𑍇 𑌸𑌹𑌚𑌰𑌕𑌟𑌾𑌕𑍍𑌷𑌂 𑌵𑌿𑌦𑌧𑌤𑍇 ।
𑌸𑌦𑌾 𑌶𑍍𑌰𑍀𑌮𑌦𑍍𑌵𑍃𑌂𑌦𑌾𑌵𑌨𑌵𑌸𑌤𑌿𑌲𑍀𑌲𑌾𑌪𑌰𑌿𑌚𑌯𑍋
𑌜𑌗𑌨𑍍𑌨𑌾𑌥𑌃 𑌸𑍍𑌵𑌾𑌮𑍀 𑌨𑌯𑌨𑌪𑌥𑌗𑌾𑌮𑍀 𑌭𑌵𑌤𑍁 𑌨𑍇 ॥ 2 ॥
𑌮𑌹𑌾𑌂𑌭𑍋𑌧𑍇𑌸𑍍𑌤𑍀𑌰𑍇 𑌕𑌨𑌕𑌰𑍁𑌚𑌿𑌰𑍇 𑌨𑍀𑌲𑌶𑌿𑌖𑌰𑍇
𑌵𑌸𑌨𑍍 𑌪𑍍𑌰𑌾𑌸𑌾𑌦𑌾𑌂𑌤𑌸𑍍𑌸𑌹𑌜 𑌬𑌲𑌭𑌦𑍍𑌰𑍇𑌣 𑌬𑌲𑌿𑌨𑌾 ।
𑌸𑍁𑌭𑌦𑍍𑌰𑌾 𑌮𑌧𑍍𑌯𑌸𑍍𑌥𑌸𑍍𑌸𑌕𑌲𑌸𑍁𑌰 𑌸𑍇𑌵𑌾𑌵𑌸𑌰𑌦𑍋
𑌜𑌗𑌨𑍍𑌨𑌾𑌥𑌃 𑌸𑍍𑌵𑌾𑌮𑍀 𑌨𑌯𑌨𑌪𑌥𑌗𑌾𑌮𑍀 𑌭𑌵𑌤𑍁 𑌮𑍇 ॥ 3 ॥
𑌕𑍃𑌪𑌾 𑌪𑌾𑌰𑌾𑌵𑌾𑌰𑌾𑌸𑍍𑌸𑌜𑌲 𑌜𑌲𑌦 𑌶𑍍𑌰𑍇𑌣𑌿𑌰𑍁𑌚𑌿𑌰𑍋
𑌰𑌮𑌾𑌵𑌾𑌣𑍀 𑌰𑌾𑌮𑌸𑍍𑌫𑍁𑌰𑌦𑌮𑌲 𑌪𑌂𑌕𑍇𑌰𑍁𑌹𑌮𑍁𑌖𑌃 ।
𑌸𑍁𑌰𑍇𑌂𑌦𑍍𑌰𑍈𑌰𑌾𑌰𑌾𑌧𑍍𑌯𑌃 𑌶𑍍𑌰𑍁𑌤𑌿𑌗𑌣𑌶𑌿𑌖𑌾 𑌗𑍀𑌤 𑌚𑌰𑌿𑌤𑍋
𑌜𑌗𑌨𑍍𑌨𑌾𑌥𑌃 𑌸𑍍𑌵𑌾𑌮𑍀 𑌨𑌯𑌨𑌪𑌥𑌗𑌾𑌮𑍀 𑌭𑌵𑌤𑍁 𑌮𑍇 ॥ 4 ॥
𑌰𑌥𑌾𑌰𑍂𑌢𑍋 𑌗𑌚𑍍𑌛𑌨𑍍 𑌪𑌥𑌿 𑌮𑌿𑌲𑌿𑌤 𑌭𑍂𑌦𑍇𑌵𑌪𑌟𑌲𑍈𑌃
𑌸𑍍𑌤𑍁𑌤𑌿 𑌪𑍍𑌰𑌾𑌦𑍁𑌰𑍍𑌭𑌾𑌵𑌂 𑌪𑍍𑌰𑌤𑌿𑌪𑌦𑌮𑍁𑌪𑌾𑌕𑌰𑍍𑌣𑍍𑌯 𑌸𑌦𑌯𑌃 ।
𑌦𑌯𑌾𑌸𑌿𑌂𑌧𑍁𑌰𑍍𑌬𑌂𑌧𑍁𑌸𑍍𑌸𑌕𑌲 𑌜𑌗𑌤𑌾 𑌸𑌿𑌂𑌧𑍁𑌸𑍁𑌤𑌯𑌾
𑌜𑌗𑌨𑍍𑌨𑌾𑌥𑌃 𑌸𑍍𑌵𑌾𑌮𑍀 𑌨𑌯𑌨𑌪𑌥𑌗𑌾𑌮𑍀 𑌭𑌵𑌤𑍁 𑌮𑍇 ॥ 5 ॥
𑌪𑌰𑌬𑍍𑌰𑌹𑍍𑌮𑌾𑌪𑍀𑌡𑌃 𑌕𑍁𑌵𑌲𑌯-𑌦𑌲𑍋𑌤𑍍𑌫𑍁𑌲𑍍𑌲𑌨𑌯𑌨𑍋
𑌨𑌿𑌵𑌾𑌸𑍀 𑌨𑍀𑌲𑌾𑌦𑍍𑌰𑍌 𑌨𑌿𑌹𑌿𑌤-𑌚𑌰𑌣𑍋𑌽𑌨𑌂𑌤-𑌶𑌿𑌰𑌸𑌿 ।
𑌰𑌸𑌾𑌨𑌂𑌦𑍋 𑌰𑌾𑌧𑌾-𑌸𑌰𑌸-𑌵𑌪𑍁𑌰𑌾𑌲𑌿𑌂𑌗𑌨-𑌸𑌖𑍋
𑌜𑌗𑌨𑍍𑌨𑌾𑌥𑌃 𑌸𑍍𑌵𑌾𑌮𑍀 𑌨𑌯𑌨𑌪𑌥𑌗𑌾𑌮𑍀 𑌭𑌵𑌤𑍁 𑌮𑍇 ॥ 6 ॥
𑌨 𑌵𑍈 𑌯𑌾𑌚𑍇 𑌰𑌾𑌜𑍍𑌯𑌂 𑌨 𑌚 𑌕𑌨𑌕 𑌮𑌾𑌣𑌿𑌕𑍍𑌯 𑌵𑌿𑌭𑌵𑌂
𑌨 𑌯𑌾𑌚𑍇𑌽𑌹𑌂 𑌰𑌮𑍍𑌯𑌾𑌂 𑌨𑌿𑌖𑌿𑌲𑌜𑌨-𑌕𑌾𑌮𑍍𑌯𑌾𑌂 𑌵𑌰𑌵𑌧𑍂𑌮𑍍 ।
𑌸𑌦𑌾 𑌕𑌾𑌲𑍇 𑌕𑌾𑌲𑍇 𑌪𑍍𑌰𑌮𑌥-𑌪𑌤𑌿𑌨𑌾 𑌗𑍀𑌤𑌚𑌰𑌿𑌤𑍋
𑌜𑌗𑌨𑍍𑌨𑌾𑌥𑌃 𑌸𑍍𑌵𑌾𑌮𑍀 𑌨𑌯𑌨𑌪𑌥𑌗𑌾𑌮𑍀 𑌭𑌵𑌤𑍁 𑌮𑍇 ॥ ॥
𑌹𑌰 𑌤𑍍𑌵𑌂 𑌸𑌂𑌸𑌾𑌰𑌂 𑌦𑍍𑌰𑍁𑌤𑌤𑌰𑌮𑌸𑌾𑌰𑌂 𑌸𑍁𑌰𑌪𑌤𑍇
𑌹𑌰 𑌤𑍍𑌵𑌂 𑌪𑌾𑌪𑌾𑌨𑌾𑌂 𑌵𑌿𑌤𑌤𑌿𑌮𑌪𑌰𑌾𑌂 𑌯𑌾𑌦𑌵𑌪𑌤𑍇 ।
𑌅𑌹𑍋 𑌦𑍀𑌨𑍋𑌽𑌨𑌾𑌥𑍇 𑌨𑌿𑌹𑌿𑌤𑌚𑌰𑌣𑍋 𑌨𑌿𑌶𑍍𑌚𑌿𑌤𑌮𑌿𑌦𑌂
𑌜𑌗𑌨𑍍𑌨𑌾𑌥𑌃 𑌸𑍍𑌵𑌾𑌮𑍀 𑌨𑌯𑌨𑌪𑌥𑌗𑌾𑌮𑍀 𑌭𑌵𑌤𑍁 𑌮𑍇 ॥ ॥
𑌜𑌗𑌨𑍍𑌨𑌾𑌥𑌾𑌷𑍍𑌟𑌕𑌂 𑌪𑍁𑌨𑍍𑌯𑌂 𑌯𑌃 𑌪𑌠𑍇𑌤𑍍 𑌪𑍍𑌰𑌯𑌤𑌃 𑌶𑍁𑌚𑌿𑌃 ।
𑌸𑌰𑍍𑌵𑌪𑌾𑌪 𑌵𑌿𑌶𑍁𑌦𑍍𑌧𑌾𑌤𑍍𑌮𑌾 𑌵𑌿𑌷𑍍𑌣𑍁𑌲𑍋𑌕𑌂 𑌸 𑌗𑌚𑍍𑌛𑌤𑌿 ॥
𑌇𑌤𑌿 𑌶𑍍𑌰𑍀𑌮𑌦𑍍 𑌶𑌂𑌕𑌰𑌾𑌚𑌾𑌰𑍍𑌯𑌵𑌿𑌰𑌚𑌿𑌤𑌂 𑌜𑌗𑌨𑍍𑌨𑌾𑌥𑌾𑌷𑍍𑌟𑌕𑌂 𑌸𑌂𑌪𑍂𑌰𑍍𑌣𑌂॥
