𑌪𑍍𑌰𑌭𑍁𑌂 𑌪𑍍𑌰𑌾𑌣𑌨𑌾𑌥𑌂 𑌵𑌿𑌭𑍁𑌂 𑌵𑌿𑌶𑍍𑌵𑌨𑌾𑌥𑌂 𑌜𑌗𑌨𑍍𑌨𑌾𑌥 𑌨𑌾𑌥𑌂 𑌸𑌦𑌾𑌨𑌂𑌦 𑌭𑌾𑌜𑌾𑌮𑍍 ।
𑌭𑌵𑌦𑍍𑌭𑌵𑍍𑌯 𑌭𑍂𑌤𑍇𑌶𑍍𑌵𑌰𑌂 𑌭𑍂𑌤𑌨𑌾𑌥𑌂, 𑌶𑌿𑌵𑌂 𑌶𑌂𑌕𑌰𑌂 𑌶𑌂𑌭𑍁 𑌮𑍀𑌶𑌾𑌨𑌮𑍀𑌡𑍇 ॥ 1 ॥
𑌗𑌳𑍇 𑌰𑍁𑌂𑌡𑌮𑌾𑌲𑌂 𑌤𑌨𑍌 𑌸𑌰𑍍𑌪𑌜𑌾𑌲𑌂 𑌮𑌹𑌾𑌕𑌾𑌲 𑌕𑌾𑌲𑌂 𑌗𑌣𑍇𑌶𑌾𑌦𑌿 𑌪𑌾𑌲𑌮𑍍 ।
𑌜𑌟𑌾𑌜𑍂𑌟 𑌗𑌂𑌗𑍋𑌤𑍍𑌤𑌰𑌂𑌗𑍈𑌰𑍍𑌵𑌿𑌶𑌾𑌲𑌂, 𑌶𑌿𑌵𑌂 𑌶𑌂𑌕𑌰𑌂 𑌶𑌂𑌭𑍁 𑌮𑍀𑌶𑌾𑌨𑌮𑍀𑌡𑍇 ॥ 2॥
𑌮𑍁𑌦𑌾𑌮𑌾𑌕𑌰𑌂 𑌮𑌂𑌡𑌨𑌂 𑌮𑌂𑌡𑌯𑌂𑌤𑌂 𑌮𑌹𑌾 𑌮𑌂𑌡𑌲𑌂 𑌭𑌸𑍍𑌮 𑌭𑍂𑌷𑌾𑌧𑌰𑌂 𑌤𑌮𑍍 ।
𑌅𑌨𑌾𑌦𑌿𑌂 𑌹𑍍𑌯𑌪𑌾𑌰𑌂 𑌮𑌹𑌾 𑌮𑍋𑌹𑌮𑌾𑌰𑌂, 𑌶𑌿𑌵𑌂 𑌶𑌂𑌕𑌰𑌂 𑌶𑌂𑌭𑍁 𑌮𑍀𑌶𑌾𑌨𑌮𑍀𑌡𑍇 ॥ 3 ॥
𑌵𑌟𑌾𑌧𑍋 𑌨𑌿𑌵𑌾𑌸𑌂 𑌮𑌹𑌾𑌟𑍍𑌟𑌾𑌟𑍍𑌟𑌹𑌾𑌸𑌂 𑌮𑌹𑌾𑌪𑌾𑌪 𑌨𑌾𑌶𑌂 𑌸𑌦𑌾 𑌸𑍁𑌪𑍍𑌰𑌕𑌾𑌶𑌮𑍍 ।
𑌗𑌿𑌰𑍀𑌶𑌂 𑌗𑌣𑍇𑌶𑌂 𑌸𑍁𑌰𑍇𑌶𑌂 𑌮𑌹𑍇𑌶𑌂, 𑌶𑌿𑌵𑌂 𑌶𑌂𑌕𑌰𑌂 𑌶𑌂𑌭𑍁 𑌮𑍀𑌶𑌾𑌨𑌮𑍀𑌡𑍇 ॥ 4 ॥
𑌗𑌿𑌰𑍀𑌂𑌦𑍍𑌰𑌾𑌤𑍍𑌮𑌜𑌾 𑌸𑌂𑌗𑍃𑌹𑍀𑌤𑌾𑌰𑍍𑌧𑌦𑍇𑌹𑌂 𑌗𑌿𑌰𑍌 𑌸𑌂𑌸𑍍𑌥𑌿𑌤𑌂 𑌸𑌰𑍍𑌵𑌦𑌾𑌪𑌨𑍍𑌨 𑌗𑍇𑌹𑌮𑍍 ।
𑌪𑌰𑌬𑍍𑌰𑌹𑍍𑌮 𑌬𑍍𑌰𑌹𑍍𑌮𑌾𑌦𑌿𑌭𑌿𑌰𑍍-𑌵𑌂𑌦𑍍𑌯𑌮𑌾𑌨𑌂, 𑌶𑌿𑌵𑌂 𑌶𑌂𑌕𑌰𑌂 𑌶𑌂𑌭𑍁 𑌮𑍀𑌶𑌾𑌨𑌮𑍀𑌡𑍇 ॥ 5 ॥
𑌕𑌪𑌾𑌲𑌂 𑌤𑍍𑌰𑌿𑌶𑍂𑌲𑌂 𑌕𑌰𑌾𑌭𑍍𑌯𑌾𑌂 𑌦𑌧𑌾𑌨𑌂 𑌪𑌦𑌾𑌂𑌭𑍋𑌜 𑌨𑌮𑍍𑌰𑌾𑌯 𑌕𑌾𑌮𑌂 𑌦𑌦𑌾𑌨𑌮𑍍 ।
𑌬𑌲𑍀𑌵𑌰𑍍𑌧𑌮𑌾𑌨𑌂 𑌸𑍁𑌰𑌾𑌣𑌾𑌂 𑌪𑍍𑌰𑌧𑌾𑌨𑌂, 𑌶𑌿𑌵𑌂 𑌶𑌂𑌕𑌰𑌂 𑌶𑌂𑌭𑍁 𑌮𑍀𑌶𑌾𑌨𑌮𑍀𑌡𑍇 ॥ 6 ॥
𑌶𑌰𑌚𑍍𑌚𑌂𑌦𑍍𑌰 𑌗𑌾𑌤𑍍𑌰𑌂 𑌗𑌣𑌾𑌨𑌂𑌦𑌪𑌾𑌤𑍍𑌰𑌂 𑌤𑍍𑌰𑌿𑌨𑍇𑌤𑍍𑌰𑌂 𑌪𑌵𑌿𑌤𑍍𑌰𑌂 𑌧𑌨𑍇𑌶𑌸𑍍𑌯 𑌮𑌿𑌤𑍍𑌰𑌮𑍍 ।
𑌅𑌪𑌰𑍍𑌣𑌾 𑌕𑌳𑌤𑍍𑌰𑌂 𑌸𑌦𑌾 𑌸𑌚𑍍𑌚𑌰𑌿𑌤𑍍𑌰𑌂, 𑌶𑌿𑌵𑌂 𑌶𑌂𑌕𑌰𑌂 𑌶𑌂𑌭𑍁 𑌮𑍀𑌶𑌾𑌨𑌮𑍀𑌡𑍇 ॥ ॥
𑌹𑌰𑌂 𑌸𑌰𑍍𑌪𑌹𑌾𑌰𑌂 𑌚𑌿𑌤𑌾 𑌭𑍂𑌵𑌿𑌹𑌾𑌰𑌂 𑌭𑌵𑌂 𑌵𑍇𑌦𑌸𑌾𑌰𑌂 𑌸𑌦𑌾 𑌨𑌿𑌰𑍍𑌵𑌿𑌕𑌾𑌰𑌂।
𑌶𑍍𑌮𑌶𑌾𑌨𑍇 𑌵𑌸𑌂𑌤𑌂 𑌮𑌨𑍋𑌜𑌂 𑌦𑌹𑌂𑌤𑌂, 𑌶𑌿𑌵𑌂 𑌶𑌂𑌕𑌰𑌂 𑌶𑌂𑌭𑍁 𑌮𑍀𑌶𑌾𑌨𑌮𑍀𑌡𑍇 ॥ ॥
𑌸𑍍𑌵𑌯𑌂 𑌯𑌃 𑌪𑍍𑌰𑌭𑌾𑌤𑍇 𑌨𑌰𑌶𑍍𑌶𑍂𑌲 𑌪𑌾𑌣𑍇 𑌪𑌠𑍇𑌤𑍍 𑌸𑍍𑌤𑍋𑌤𑍍𑌰𑌰𑌤𑍍𑌨𑌂 𑌤𑍍𑌵𑌿𑌹𑌪𑍍𑌰𑌾𑌪𑍍𑌯𑌰𑌤𑍍𑌨𑌮𑍍 ।
𑌸𑍁𑌪𑍁𑌤𑍍𑌰𑌂 𑌸𑍁𑌧𑌾𑌨𑍍𑌯𑌂 𑌸𑍁𑌮𑌿𑌤𑍍𑌰𑌂 𑌕𑌳𑌤𑍍𑌰𑌂 𑌵𑌿𑌚𑌿𑌤𑍍𑌰𑍈𑌸𑍍𑌸𑌮𑌾𑌰𑌾𑌧𑍍𑌯 𑌮𑍋𑌕𑍍𑌷𑌂 𑌪𑍍𑌰𑌯𑌾𑌤𑌿 ॥
