𑌕𑌰𑌾𑌰𑌵𑌿𑌂𑌦𑍇𑌨 𑌪𑌦𑌾𑌰𑌵𑌿𑌂𑌦𑌂 𑌮𑍁𑌖𑌾𑌰𑌵𑌿𑌂𑌦𑍇 𑌵𑌿𑌨𑌿𑌵𑍇𑌶𑌯𑌂𑌤𑌮𑍍 ।
𑌵𑌟𑌸𑍍𑌯 𑌪𑌤𑍍𑌰𑌸𑍍𑌯 𑌪𑍁𑌟𑍇 𑌶𑌯𑌾𑌨𑌂 𑌬𑌾𑌲𑌂 𑌮𑍁𑌕𑍁𑌂𑌦𑌂 𑌮𑌨𑌸𑌾 𑌸𑍍𑌮𑌰𑌾𑌮𑌿 ॥ 1 ॥
𑌸𑌂𑌹𑍃𑌤𑍍𑌯 𑌲𑍋𑌕𑌾𑌨𑍍𑌵𑌟𑌪𑌤𑍍𑌰𑌮𑌧𑍍𑌯𑍇 𑌶𑌯𑌾𑌨𑌮𑌾𑌦𑍍𑌯𑌂𑌤𑌵𑌿𑌹𑍀𑌨𑌰𑍂𑌪𑌮𑍍 ।
𑌸𑌰𑍍𑌵𑍇𑌶𑍍𑌵𑌰𑌂 𑌸𑌰𑍍𑌵𑌹𑌿𑌤𑌾𑌵𑌤𑌾𑌰𑌂 𑌬𑌾𑌲𑌂 𑌮𑍁𑌕𑍁𑌂𑌦𑌂 𑌮𑌨𑌸𑌾 𑌸𑍍𑌮𑌰𑌾𑌮𑌿 ॥ 2 ॥
𑌇𑌂𑌦𑍀𑌵𑌰𑌶𑍍𑌯𑌾𑌮𑌲𑌕𑍋𑌮𑌲𑌾𑌂𑌗𑌂 𑌇𑌂𑌦𑍍𑌰𑌾𑌦𑌿𑌦𑍇𑌵𑌾𑌰𑍍𑌚𑌿𑌤𑌪𑌾𑌦𑌪𑌦𑍍𑌮𑌮𑍍 ।
𑌸𑌂𑌤𑌾𑌨𑌕𑌲𑍍𑌪𑌦𑍍𑌰𑍁𑌮𑌮𑌾𑌶𑍍𑌰𑌿𑌤𑌾𑌨𑌾𑌂 𑌬𑌾𑌲𑌂 𑌮𑍁𑌕𑍁𑌂𑌦𑌂 𑌮𑌨𑌸𑌾 𑌸𑍍𑌮𑌰𑌾𑌮𑌿 ॥ 3 ॥
𑌲𑌂𑌬𑌾𑌲𑌕𑌂 𑌲𑌂𑌬𑌿𑌤𑌹𑌾𑌰𑌯𑌷𑍍𑌟𑌿𑌂 𑌶𑍃𑌂𑌗𑌾𑌰𑌲𑍀𑌲𑌾𑌂𑌕𑌿𑌤𑌦𑌂𑌤𑌪𑌂𑌕𑍍𑌤𑌿𑌮𑍍 ।
𑌬𑌿𑌂𑌬𑌾𑌧𑌰𑌂 𑌚𑌾𑌰𑍁𑌵𑌿𑌶𑌾𑌲𑌨𑍇𑌤𑍍𑌰𑌂 𑌬𑌾𑌲𑌂 𑌮𑍁𑌕𑍁𑌂𑌦𑌂 𑌮𑌨𑌸𑌾 𑌸𑍍𑌮𑌰𑌾𑌮𑌿 ॥ 4 ॥
𑌶𑌿𑌕𑍍𑌯𑍇 𑌨𑌿𑌧𑌾𑌯𑌾𑌦𑍍𑌯𑌪𑌯𑍋𑌦𑌧𑍀𑌨𑌿 𑌬𑌹𑌿𑌰𑍍𑌗𑌤𑌾𑌯𑌾𑌂 𑌵𑍍𑌰𑌜𑌨𑌾𑌯𑌿𑌕𑌾𑌯𑌾𑌮𑍍 ।
𑌭𑍁𑌕𑍍𑌤𑍍𑌵𑌾 𑌯𑌥𑍇𑌷𑍍𑌟𑌂 𑌕𑌪𑌟𑍇𑌨 𑌸𑍁𑌪𑍍𑌤𑌂 𑌬𑌾𑌲𑌂 𑌮𑍁𑌕𑍁𑌂𑌦𑌂 𑌮𑌨𑌸𑌾 𑌸𑍍𑌮𑌰𑌾𑌮𑌿 ॥ 5 ॥
𑌕𑌲𑌿𑌂𑌦𑌜𑌾𑌂𑌤𑌸𑍍𑌥𑌿𑌤𑌕𑌾𑌲𑌿𑌯𑌸𑍍𑌯 𑌫𑌣𑌾𑌗𑍍𑌰𑌰𑌂𑌗𑍇𑌨𑌟𑌨𑌪𑍍𑌰𑌿𑌯𑌂𑌤𑌮𑍍 ।
𑌤𑌤𑍍𑌪𑍁𑌚𑍍𑌛𑌹𑌸𑍍𑌤𑌂 𑌶𑌰𑌦𑌿𑌂𑌦𑍁𑌵𑌕𑍍𑌤𑍍𑌰𑌂 𑌬𑌾𑌲𑌂 𑌮𑍁𑌕𑍁𑌂𑌦𑌂 𑌮𑌨𑌸𑌾 𑌸𑍍𑌮𑌰𑌾𑌮𑌿 ॥ 6 ॥
𑌉𑌲𑍂𑌖𑌲𑍇 𑌬𑌦𑍍𑌧𑌮𑍁𑌦𑌾𑌰𑌶𑍌𑌰𑍍𑌯𑌂 𑌉𑌤𑍍𑌤𑍁𑌂𑌗𑌯𑍁𑌗𑍍𑌮𑌾𑌰𑍍𑌜𑍁𑌨 𑌭𑌂𑌗𑌲𑍀𑌲𑌮𑍍 ।
𑌉𑌤𑍍𑌫𑍁𑌲𑍍𑌲𑌪𑌦𑍍𑌮𑌾𑌯𑌤 𑌚𑌾𑌰𑍁𑌨𑍇𑌤𑍍𑌰𑌂 𑌬𑌾𑌲𑌂 𑌮𑍁𑌕𑍁𑌂𑌦𑌂 𑌮𑌨𑌸𑌾 𑌸𑍍𑌮𑌰𑌾𑌮𑌿 ॥ ॥
𑌆𑌲𑍋𑌕𑍍𑌯 𑌮𑌾𑌤𑍁𑌰𑍍𑌮𑍁𑌖𑌮𑌾𑌦𑌰𑍇𑌣 𑌸𑍍𑌤𑌨𑍍𑌯𑌂 𑌪𑌿𑌬𑌂𑌤𑌂 𑌸𑌰𑌸𑍀𑌰𑍁𑌹𑌾𑌕𑍍𑌷𑌮𑍍 ।
𑌸𑌚𑍍𑌚𑌿𑌨𑍍𑌮𑌯𑌂 𑌦𑍇𑌵𑌮𑌨𑌂𑌤𑌰𑍂𑌪𑌂 𑌬𑌾𑌲𑌂 𑌮𑍁𑌕𑍁𑌂𑌦𑌂 𑌮𑌨𑌸𑌾 𑌸𑍍𑌮𑌰𑌾𑌮𑌿 ॥ ॥
