𑌨𑌮𑌾𑌮𑍀𑌶𑌮𑍀𑌶𑌾𑌨 𑌨𑌿𑌰𑍍𑌵𑌾𑌣𑌰𑍂𑌪𑌂
𑌵𑌿𑌭𑍁𑌂 𑌵𑍍𑌯𑌾𑌪𑌕𑌂 𑌬𑍍𑌰𑌹𑍍𑌮𑌵𑍇𑌦𑌸𑍍𑌵𑌰𑍂𑌪𑌮𑍍 ।
𑌨𑌿𑌜𑌂 𑌨𑌿𑌰𑍍𑌗𑍁𑌣𑌂 𑌨𑌿𑌰𑍍𑌵𑌿𑌕𑌲𑍍𑌪𑌂 𑌨𑌿𑌰𑍀𑌹𑌂
𑌚𑌿𑌦𑌾𑌕𑌾𑌶𑌮𑌾𑌕𑌾𑌶𑌵𑌾𑌸𑌂 𑌭𑌜𑍇𑌽𑌹𑌮𑍍 ॥ 1 ॥
𑌨𑌿𑌰𑌾𑌕𑌾𑌰𑌮𑍋𑌂𑌕𑌾𑌰𑌮𑍂𑌲𑌂 𑌤𑍁𑌰𑍀𑌯𑌂
𑌗𑌿𑌰𑌾𑌜𑍍𑌞𑌾𑌨𑌗𑍋𑌤𑍀𑌤𑌮𑍀𑌶𑌂 𑌗𑌿𑌰𑍀𑌶𑌮𑍍 ।
𑌕𑌰𑌾𑌲𑌂 𑌮𑌹𑌾𑌕𑌾𑌲𑌕𑌾𑌲𑌂 𑌕𑍃𑌪𑌾𑌲𑍁𑌂
𑌗𑍁𑌣𑌾𑌗𑌾𑌰𑌸𑌂𑌸𑌾𑌰𑌪𑌾𑌰𑌂 𑌨𑌤𑍋𑌽𑌹𑌮𑍍 ॥ 2 ॥
𑌤𑍁𑌷𑌾𑌰𑌾𑌦𑍍𑌰𑌿𑌸𑌂𑌕𑌾𑌶𑌗𑍌𑌰𑌂 𑌗𑌭𑍀𑌰𑌂
𑌮𑌨𑍋𑌭𑍂𑌤𑌕𑍋𑌟𑌿𑌪𑍍𑌰𑌭𑌾𑌸𑍀 𑌶𑌰𑍀𑌰𑌮𑍍 ।
𑌸𑍍𑌫𑍁𑌰𑌨𑍍𑌮𑍌𑌲𑌿𑌕𑌲𑍍𑌲𑍋𑌲𑌿𑌨𑍀 𑌚𑌾𑌰𑍁𑌗𑌂𑌗𑌾
𑌲𑌸𑌦𑍍𑌭𑌾𑌲𑌬𑌾𑌲𑍇𑌂𑌦𑍁 𑌕𑌂𑌠𑍇 𑌭𑍁𑌜𑌂𑌗𑌮𑍍 ॥ 3 ॥
𑌚𑌲𑌤𑍍𑌕𑍁𑌂𑌡𑌲𑌂 𑌶𑍁𑌭𑍍𑌰𑌨𑍇𑌤𑍍𑌰𑌂 𑌵𑌿𑌶𑌾𑌲𑌂
𑌪𑍍𑌰𑌸𑌨𑍍𑌨𑌾𑌨𑌨𑌂 𑌨𑍀𑌲𑌕𑌂𑌠𑌂 𑌦𑌯𑌾𑌲𑍁𑌮𑍍 ।
𑌮𑍃𑌗𑌾𑌧𑍀𑌶𑌚𑌰𑍍𑌮𑌾𑌂𑌬𑌰𑌂 𑌮𑍁𑌂𑌡𑌮𑌾𑌲𑌂
𑌪𑍍𑌰𑌿𑌯𑌂 𑌶𑌂𑌕𑌰𑌂 𑌸𑌰𑍍𑌵𑌨𑌾𑌥𑌂 𑌭𑌜𑌾𑌮𑌿 ॥ 4 ॥
𑌪𑍍𑌰𑌚𑌂𑌡𑌂 𑌪𑍍𑌰𑌕𑍃𑌷𑍍𑌟𑌂 𑌪𑍍𑌰𑌗𑌲𑍍𑌭𑌂 𑌪𑌰𑍇𑌶𑌂
𑌅𑌖𑌂𑌡𑌂 𑌭𑌜𑍇 𑌭𑌾𑌨𑍁𑌕𑍋𑌟𑌿𑌪𑍍𑌰𑌕𑌾𑌶𑌮𑍍 ।
𑌤𑍍𑌰𑌯𑍀𑌶𑍂𑌲𑌨𑌿𑌰𑍍𑌮𑍂𑌲𑌨𑌂 𑌶𑍂𑌲𑌪𑌾𑌣𑌿𑌂
𑌭𑌜𑍇𑌽𑌹𑌂 𑌭𑌵𑌾𑌨𑍀𑌪𑌤𑌿𑌂 𑌭𑌾𑌵𑌗𑌮𑍍𑌯𑌮𑍍 ॥ 5 ॥
𑌕𑌲𑌾𑌤𑍀𑌤𑌕𑌲𑍍𑌯𑌾𑌣𑌕𑌲𑍍𑌪𑌾𑌂𑌤𑌕𑌾𑌰𑍀
𑌸𑌦𑌾𑌸𑌜𑍍𑌜𑌨𑌾𑌨𑌂𑌦𑌦𑌾𑌤𑌾 𑌪𑍁𑌰𑌾𑌰𑍀 ।
𑌚𑌿𑌦𑌾𑌨𑌂𑌦𑌸𑌂𑌦𑍋𑌹𑌮𑍋𑌹𑌾𑌪𑌹𑌾𑌰𑍀
𑌪𑍍𑌰𑌸𑍀𑌦 𑌪𑍍𑌰𑌸𑍀𑌦 𑌪𑍍𑌰𑌭𑍋 𑌮𑌨𑍍𑌮𑌥𑌾𑌰𑍀 ॥ 6 ॥
𑌨 𑌯𑌾𑌵𑌦𑍁𑌮𑌾𑌨𑌾𑌥𑌪𑌾𑌦𑌾𑌰𑌵𑌿𑌂𑌦𑌂
𑌭𑌜𑌂𑌤𑍀𑌹 𑌲𑍋𑌕𑍇 𑌪𑌰𑍇 𑌵𑌾 𑌨𑌰𑌾𑌣𑌾𑌮𑍍 ।
𑌨 𑌤𑌾𑌵𑌤𑍍𑌸𑍁𑌖𑌂 𑌶𑌾𑌂𑌤𑌿 𑌸𑌂𑌤𑌾𑌪𑌨𑌾𑌶𑌂
𑌪𑍍𑌰𑌸𑍀𑌦 𑌪𑍍𑌰𑌭𑍋 𑌸𑌰𑍍𑌵𑌭𑍂𑌤𑌾𑌧𑌿𑌵𑌾𑌸𑌮𑍍 ॥ ॥
𑌨 𑌜𑌾𑌨𑌾𑌮𑌿 𑌯𑍋𑌗𑌂 𑌜𑌪𑌂 𑌨𑍈𑌵 𑌪𑍂𑌜𑌾𑌂
𑌨𑌤𑍋𑌽𑌹𑌂 𑌸𑌦𑌾 𑌸𑌰𑍍𑌵𑌦𑌾 𑌦𑍇𑌵 𑌤𑍁𑌭𑍍𑌯𑌮𑍍 ।
𑌜𑌰𑌾𑌜𑌨𑍍𑌮𑌦𑍁𑌃𑌖𑍌𑌘𑌤𑌾𑌤𑌪𑍍𑌯𑌮𑌾𑌨𑌂
𑌪𑍍𑌰𑌭𑍋 𑌪𑌾𑌹𑌿 𑌶𑌾𑌪𑌾𑌨𑍍𑌨𑌮𑌾𑌮𑍀𑌶 𑌶𑌂𑌭𑍋 ॥ ॥
𑌰𑍁𑌦𑍍𑌰𑌾𑌷𑍍𑌟𑌕𑌮𑌿𑌦𑌂 𑌪𑍍𑌰𑍋𑌕𑍍𑌤𑌂 𑌵𑌿𑌪𑍍𑌰𑍇𑌣 𑌹𑌰𑌤𑍁𑌷𑍍𑌟𑌯𑍇 ।
𑌯𑍇 𑌪𑌠𑌂𑌤𑌿 𑌨𑌰𑌾 𑌭𑌕𑍍𑌤𑍍𑌯𑌾 𑌤𑍇𑌷𑌾𑌂 𑌶𑌂𑌭𑍁𑌃 𑌪𑍍𑌰𑌸𑍀𑌦𑌤𑌿 ॥ ॥
॥ 𑌇𑌤𑌿 𑌶𑍍𑌰𑍀𑌰𑌾𑌮𑌚𑌰𑌿𑌤𑌮𑌾𑌨𑌸𑍇 𑌉𑌤𑍍𑌤𑌰𑌕𑌾𑌂𑌡𑍇 𑌶𑍍𑌰𑍀𑌗𑍋𑌸𑍍𑌵𑌾𑌮𑌿𑌤𑍁𑌲𑌸𑍀𑌦𑌾𑌸𑌕𑍃𑌤𑌂
𑌶𑍍𑌰𑍀𑌰𑍁𑌦𑍍𑌰𑌾𑌷𑍍𑌟𑌕𑌂 𑌸𑌂𑌪𑍂𑌰𑍍𑌣𑌮𑍍 ॥
