𑌗𑌂𑌗𑌾 𑌤𑌰𑌂𑌗 𑌰𑌮𑌣𑍀𑌯 𑌜𑌟𑌾 𑌕𑌲𑌾𑌪𑌂
𑌗𑍌𑌰𑍀 𑌨𑌿𑌰𑌂𑌤𑌰 𑌵𑌿𑌭𑍂𑌷𑌿𑌤 𑌵𑌾𑌮 𑌭𑌾𑌗𑌂
𑌨𑌾𑌰𑌾𑌯𑌣 𑌪𑍍𑌰𑌿𑌯𑌮𑌨𑌂𑌗 𑌮𑌦𑌾𑌪𑌹𑌾𑌰𑌂
𑌵𑌾𑌰𑌾𑌣𑌶𑍀 𑌪𑍁𑌰𑌪𑌤𑌿𑌂 𑌭𑌜 𑌵𑌿𑌶𑍍𑌵𑌨𑌾𑌥𑌮𑍍 ॥ 1 ॥
𑌵𑌾𑌚𑌾𑌮𑌗𑍋𑌚𑌰𑌮𑌨𑍇𑌕 𑌗𑍁𑌣 𑌸𑍍𑌵𑌰𑍂𑌪𑌂
𑌵𑌾𑌗𑍀𑌶 𑌵𑌿𑌷𑍍𑌣𑍁 𑌸𑍁𑌰 𑌸𑍇𑌵𑌿𑌤 𑌪𑌾𑌦 𑌪𑌦𑍍𑌮𑌂
𑌵𑌾𑌮𑍇𑌣 𑌵𑌿𑌗𑍍𑌰𑌹 𑌵𑌰𑍇𑌨 𑌕𑌲𑌤𑍍𑌰𑌵𑌂𑌤𑌂
𑌵𑌾𑌰𑌾𑌣𑌶𑍀 𑌪𑍁𑌰𑌪𑌤𑌿𑌂 𑌭𑌜 𑌵𑌿𑌶𑍍𑌵𑌨𑌾𑌥𑌮𑍍 ॥ 2 ॥
𑌭𑍂𑌤𑌾𑌦𑌿𑌪𑌂 𑌭𑍁𑌜𑌗 𑌭𑍂𑌷𑌣 𑌭𑍂𑌷𑌿𑌤𑌾𑌂𑌗𑌂
𑌵𑍍𑌯𑌾𑌘𑍍𑌰𑌾𑌂𑌜𑌿𑌨𑌾𑌂 𑌬𑌰𑌧𑌰𑌂, 𑌜𑌟𑌿𑌲𑌂, 𑌤𑍍𑌰𑌿𑌨𑍇𑌤𑍍𑌰𑌂
𑌪𑌾𑌶𑌾𑌂𑌕𑍁𑌶𑌾𑌭𑌯 𑌵𑌰𑌪𑍍𑌰𑌦 𑌶𑍂𑌲𑌪𑌾𑌣𑌿𑌂
𑌵𑌾𑌰𑌾𑌣𑌶𑍀 𑌪𑍁𑌰𑌪𑌤𑌿𑌂 𑌭𑌜 𑌵𑌿𑌶𑍍𑌵𑌨𑌾𑌥𑌮𑍍 ॥ 3 ॥
𑌸𑍀𑌤𑌾𑌂𑌶𑍁 𑌶𑍋𑌭𑌿𑌤 𑌕𑌿𑌰𑍀𑌟 𑌵𑌿𑌰𑌾𑌜𑌮𑌾𑌨𑌂
𑌬𑌾𑌲𑍇𑌕𑍍𑌷𑌣𑌾𑌤𑌲 𑌵𑌿𑌶𑍋𑌷𑌿𑌤 𑌪𑌂𑌚𑌬𑌾𑌣𑌂
𑌨𑌾𑌗𑌾𑌧𑌿𑌪𑌾 𑌰𑌚𑌿𑌤 𑌬𑌾𑌸𑍁𑌰 𑌕𑌰𑍍𑌣 𑌪𑍂𑌰𑌂
𑌵𑌾𑌰𑌾𑌣𑌶𑍀 𑌪𑍁𑌰𑌪𑌤𑌿𑌂 𑌭𑌜 𑌵𑌿𑌶𑍍𑌵𑌨𑌾𑌥𑌮𑍍 ॥ 4 ॥
𑌪𑌂𑌚𑌾𑌨𑌨𑌂 𑌦𑍁𑌰𑌿𑌤 𑌮𑌤𑍍𑌤 𑌮𑌤𑌂𑌗𑌜𑌾𑌨𑌾𑌂
𑌨𑌾𑌗𑌾𑌂𑌤𑌕𑌂 𑌧𑌨𑍁𑌜 𑌪𑍁𑌂𑌗𑌵 𑌪𑌨𑍍𑌨𑌾𑌗𑌾𑌨𑌾𑌂
𑌦𑌾𑌵𑌾𑌨𑌲𑌂 𑌮𑌰𑌣 𑌶𑍋𑌕 𑌜𑌰𑌾𑌟𑌵𑍀𑌨𑌾𑌂
𑌵𑌾𑌰𑌾𑌣𑌶𑍀 𑌪𑍁𑌰𑌪𑌤𑌿𑌂 𑌭𑌜 𑌵𑌿𑌶𑍍𑌵𑌨𑌾𑌥𑌮𑍍 ॥ 5 ॥
𑌤𑍇𑌜𑍋𑌮𑌯𑌂 𑌸𑌗𑍁𑌣 𑌨𑌿𑌰𑍍𑌗𑍁𑌣𑌮𑌦𑍍𑌵𑌿𑌤𑍀𑌯𑌂
𑌆𑌨𑌂𑌦 𑌕𑌂𑌦𑌮𑌪𑌰𑌾𑌜𑌿𑌤 𑌮𑌪𑍍𑌰𑌮𑍇𑌯𑌂
𑌨𑌾𑌗𑌾𑌤𑍍𑌮𑌕𑌂 𑌸𑌕𑌲 𑌨𑌿𑌷𑍍𑌕𑌳𑌮𑌾𑌤𑍍𑌮 𑌰𑍂𑌪𑌂
𑌵𑌾𑌰𑌾𑌣𑌶𑍀 𑌪𑍁𑌰𑌪𑌤𑌿𑌂 𑌭𑌜 𑌵𑌿𑌶𑍍𑌵𑌨𑌾𑌥𑌮𑍍 ॥ 6 ॥
𑌆𑌶𑌾𑌂 𑌵𑌿𑌹𑌾𑌯 𑌪𑌰𑌿𑌹𑍃𑌤𑍍𑌯 𑌪𑌰𑌶𑍍𑌯 𑌨𑌿𑌂𑌦𑌾𑌂
𑌪𑌾𑌪𑍇 𑌰𑌥𑌿𑌂 𑌚 𑌸𑍁𑌨𑌿𑌵𑌾𑌰𑍍𑌯 𑌮𑌨𑌸𑍍𑌸𑌮𑌾𑌧𑍌
𑌆𑌧𑌾𑌯 𑌹𑍃𑌤𑍍-𑌕𑌮𑌲 𑌮𑌧𑍍𑌯 𑌗𑌤𑌂 𑌪𑌰𑍇𑌶𑌂
𑌵𑌾𑌰𑌾𑌣𑌶𑍀 𑌪𑍁𑌰𑌪𑌤𑌿𑌂 𑌭𑌜 𑌵𑌿𑌶𑍍𑌵𑌨𑌾𑌥𑌮𑍍 ॥ ॥
𑌰𑌾𑌗𑌾𑌧𑌿 𑌦𑍋𑌷 𑌰𑌹𑌿𑌤𑌂 𑌸𑍍𑌵𑌜𑌨𑌾𑌨𑍁𑌰𑌾𑌗𑌂
𑌵𑍈𑌰𑌾𑌗𑍍𑌯 𑌶𑌾𑌂𑌤𑌿 𑌨𑌿𑌲𑌯𑌂 𑌗𑌿𑌰𑌿𑌜𑌾 𑌸𑌹𑌾𑌯𑌂
𑌮𑌾𑌧𑍁𑌰𑍍𑌯 𑌧𑍈𑌰𑍍𑌯 𑌸𑍁𑌭𑌗𑌂 𑌗𑌰𑌳𑌾𑌭𑌿𑌰𑌾𑌮𑌂
𑌵𑌾𑌰𑌾𑌣𑌶𑍀 𑌪𑍁𑌰𑌪𑌤𑌿𑌂 𑌭𑌜 𑌵𑌿𑌶𑍍𑌵𑌨𑌾𑌥𑌮𑍍 ॥ ॥
𑌵𑌾𑌰𑌾𑌣𑌶𑍀 𑌪𑍁𑌰 𑌪𑌤𑍇 𑌸𑍍𑌥𑌵𑌨𑌂 𑌶𑌿𑌵𑌸𑍍𑌯
𑌵𑍍𑌯𑌾𑌖𑍍𑌯𑌾𑌤𑌂 𑌅𑌷𑍍𑌟𑌕𑌮𑌿𑌦𑌂 𑌪𑌠𑌤𑍇 𑌮𑌨𑍁𑌷𑍍𑌯
𑌵𑌿𑌦𑍍𑌯𑌾𑌂 𑌶𑍍𑌰𑌿𑌯𑌂 𑌵𑌿𑌪𑍁𑌲 𑌸𑍌𑌖𑍍𑌯𑌮𑌨𑌂𑌤 𑌕𑍀𑌰𑍍𑌤𑌿𑌂
𑌸𑌂𑌪𑍍𑌰𑌾𑌪𑍍𑌯 𑌦𑍇𑌵 𑌨𑌿𑌲𑌯𑍇 𑌲𑌭𑌤𑍇 𑌚 𑌮𑍋𑌕𑍍𑌷𑌮𑍍 ॥
𑌵𑌿𑌶𑍍𑌵𑌨𑌾𑌥𑌾𑌷𑍍𑌟𑌕𑌮𑌿𑌦𑌂 𑌪𑍁𑌣𑍍𑌯𑌂 𑌯𑌃 𑌪𑌠𑍇𑌃 𑌶𑌿𑌵 𑌸𑌨𑍍𑌨𑌿𑌧𑍌
𑌶𑌿𑌵𑌲𑍋𑌕𑌮𑌵𑌾𑌪𑍍𑌨𑍋𑌤𑌿 𑌶𑌿𑌵𑍇𑌨𑌸𑌹 𑌮𑍋𑌦𑌤𑍇 ॥
