𑌅𑌚𑍍𑌯𑍁𑌤𑌂 𑌕𑍇𑌶𑌵𑌂 𑌰𑌾𑌮𑌨𑌾𑌰𑌾𑌯𑌣𑌂
𑌕𑍃𑌷𑍍𑌣𑌦𑌾𑌮𑍋𑌦𑌰𑌂 𑌵𑌾𑌸𑍁𑌦𑍇𑌵𑌂 𑌹𑌰𑌿𑌮𑍍 ।
𑌶𑍍𑌰𑍀𑌧𑌰𑌂 𑌮𑌾𑌧𑌵𑌂 𑌗𑍋𑌪𑌿𑌕𑌾 𑌵𑌲𑍍𑌲𑌭𑌂
𑌜𑌾𑌨𑌕𑍀𑌨𑌾𑌯𑌕𑌂 𑌰𑌾𑌮𑌚𑌂𑌦𑍍𑌰𑌂 𑌭𑌜𑍇 ॥ 1 ॥
𑌅𑌚𑍍𑌯𑍁𑌤𑌂 𑌕𑍇𑌶𑌵𑌂 𑌸𑌤𑍍𑌯𑌭𑌾𑌮𑌾𑌧𑌵𑌂
𑌮𑌾𑌧𑌵𑌂 𑌶𑍍𑌰𑍀𑌧𑌰𑌂 𑌰𑌾𑌧𑌿𑌕𑌾 𑌰𑌾𑌧𑌿𑌤𑌮𑍍 ।
𑌇𑌂𑌦𑌿𑌰𑌾𑌮𑌂𑌦𑌿𑌰𑌂 𑌚𑍇𑌤𑌸𑌾 𑌸𑍁𑌂𑌦𑌰𑌂
𑌦𑍇𑌵𑌕𑍀𑌨𑌂𑌦𑌨𑌂 𑌨𑌂𑌦𑌜𑌂 𑌸𑌂𑌦𑌧𑍇 ॥ 2 ॥
[𑌪𑌲𑍍𑌲𑌵𑌿..]
𑌵𑌿𑌷𑍍𑌣𑌵𑍇 𑌜𑌿𑌷𑍍𑌣𑌵𑍇 𑌶𑌂𑌕𑌨𑍇 𑌚𑌕𑍍𑌰𑌿𑌣𑍇
𑌰𑍁𑌕𑍍𑌮𑌿𑌣𑍀 𑌰𑌾𑌗𑌿𑌣𑍇 𑌜𑌾𑌨𑌕𑍀 𑌜𑌾𑌨𑌯𑍇 ।
𑌵𑌲𑍍𑌲𑌵𑍀 𑌵𑌲𑍍𑌲𑌭𑌾𑌯𑌾𑌰𑍍𑌚𑌿𑌤𑌾 𑌯𑌾𑌤𑍍𑌮𑌨𑍇
𑌕𑌂𑌸 𑌵𑌿𑌧𑍍𑌵𑌂𑌸𑌿𑌨𑍇 𑌵𑌂𑌶𑌿𑌨𑍇 𑌤𑍇 𑌨𑌮𑌃 ॥ 3 ॥
𑌕𑍃𑌷𑍍𑌣 𑌗𑍋𑌵𑌿𑌂𑌦 𑌹𑍇 𑌰𑌾𑌮 𑌨𑌾𑌰𑌾𑌯𑌣
𑌶𑍍𑌰𑍀𑌪𑌤𑍇 𑌵𑌾𑌸𑍁𑌦𑍇𑌵𑌾𑌜𑌿𑌤 𑌶𑍍𑌰𑍀𑌨𑌿𑌧𑍇 ।
𑌅𑌚𑍍𑌯𑍁𑌤𑌾𑌨𑌂𑌤 𑌹𑍇 𑌮𑌾𑌧𑌵𑌾𑌧𑍋𑌕𑍍𑌷𑌜
𑌦𑍍𑌵𑌾𑌰𑌕𑌾𑌨𑌾𑌯𑌕 𑌦𑍍𑌰𑍌𑌪𑌦𑍀𑌰𑌕𑍍𑌷𑌕 ॥ 4 ॥
𑌰𑌾𑌕𑍍𑌷𑌸 𑌕𑍍𑌷𑍋𑌭𑌿𑌤𑌃 𑌸𑍀𑌤𑌯𑌾 𑌶𑍋𑌭𑌿𑌤𑍋
𑌦𑌂𑌡𑌕𑌾𑌰𑌣𑍍𑌯𑌭𑍂 𑌪𑍁𑌣𑍍𑌯𑌤𑌾𑌕𑌾𑌰𑌣𑌃 ।
𑌲𑌕𑍍𑌷𑍍𑌮𑌣𑍋𑌨𑌾𑌨𑍍𑌵𑌿𑌤𑍋 𑌵𑌾𑌨𑌰𑍈𑌃 𑌸𑍇𑌵𑌿𑌤𑍋
𑌅𑌗𑌸𑍍𑌤𑍍𑌯 𑌸𑌂𑌪𑍂𑌜𑌿𑌤𑍋 𑌰𑌾𑌘𑌵𑌃 𑌪𑌾𑌤𑍁 𑌮𑌾𑌮𑍍 ॥ 5 ॥
[𑌪𑌲𑍍𑌲𑌵𑌿..]
𑌧𑍇𑌨𑍁𑌕𑌾𑌰𑌿𑌷𑍍𑌟𑌕𑍋𑌽𑌨𑌿𑌷𑍍𑌟𑌕𑍃𑌦𑍍𑌦𑍍𑌵𑍇𑌷𑌿𑌣𑌾𑌂
𑌕𑍇𑌶𑌿𑌹𑌾 𑌕𑌂𑌸𑌹𑍃𑌦𑍍𑌵𑌣𑍍𑌶𑌿𑌕𑌾𑌵𑌾𑌦𑌕𑌃 ।
𑌪𑍂𑌤𑌨𑌾𑌕𑍋𑌪𑌕𑌃 𑌸𑍂𑌰𑌜𑌾𑌖𑍇𑌲𑌨𑍋
𑌬𑌾𑌲𑌗𑍋𑌪𑌾𑌲𑌕𑌃 𑌪𑌾𑌤𑍁 𑌮𑌾𑌂 𑌸𑌰𑍍𑌵𑌦𑌾 ॥ 6 ॥
𑌵𑌿𑌦𑍍𑌯𑍁𑌦𑍁𑌦𑍍𑌯𑍋𑌤𑌵𑌤𑍍𑌪𑍍𑌰𑌸𑍍𑌫𑍁𑌰𑌦𑍍𑌵𑌾𑌸𑌸𑌂
𑌪𑍍𑌰𑌾𑌵𑍃𑌡𑌂𑌭𑍋𑌦𑌵𑌤𑍍𑌪𑍍𑌰𑍋𑌲𑍍𑌲𑌸𑌦𑍍𑌵𑌿𑌗𑍍𑌰𑌹𑌮𑍍 ।
𑌵𑌨𑍍𑌯𑌯𑌾 𑌮𑌾𑌲𑌯𑌾 𑌶𑍋𑌭𑌿𑌤𑍋𑌰𑌃𑌸𑍍𑌥𑌲𑌂
𑌲𑍋𑌹𑌿𑌤𑌾𑌂𑌘𑍍𑌰𑌿𑌦𑍍𑌵𑌯𑌂 𑌵𑌾𑌰𑌿𑌜𑌾𑌕𑍍𑌷𑌂 𑌭𑌜𑍇 ॥ ॥
𑌕𑍁𑌂𑌚𑌿𑌤𑍈𑌃 𑌕𑍁𑌂𑌤𑌲𑍈 𑌭𑍍𑌰𑌾𑌜𑌮𑌾𑌨𑌾𑌨𑌨𑌂
𑌰𑌤𑍍𑌨𑌮𑍌𑌳𑌿𑌂 𑌲𑌸𑌤𑍍-𑌕𑍁𑌂𑌡𑌲𑌂 𑌗𑌂𑌡𑌯𑍋𑌃 ।
𑌹𑌾𑌰𑌕𑍇𑌯𑍂𑌰𑌕𑌂 𑌕𑌂𑌕𑌣 𑌪𑍍𑌰𑍋𑌜𑍍𑌜𑍍𑌵𑌲𑌂
𑌕𑌿𑌂𑌕𑌿𑌣𑍀 𑌮𑌂𑌜𑍁𑌲𑌂 𑌶𑍍𑌯𑌾𑌮𑌲𑌂 𑌤𑌂 𑌭𑌜𑍇 ॥ ॥
[𑌪𑌲𑍍𑌲𑌵𑌿..]
𑌅𑌚𑍍𑌯𑍁𑌤𑌸𑍍𑌯𑌾𑌷𑍍𑌟𑌕𑌂 𑌯𑌃 𑌪𑌠𑍇𑌦𑌿𑌷𑍍𑌟𑌦𑌂
𑌪𑍍𑌰𑍇𑌮𑌤𑌃 𑌪𑍍𑌰𑌤𑍍𑌯𑌹𑌂 𑌪𑍂𑌰𑍁𑌷𑌃 𑌸𑌸𑍍𑌪𑍃𑌹𑌮𑍍 ।
𑌵𑍃𑌤𑍍𑌤𑌤𑌃 𑌸𑍁𑌂𑌦𑌰𑌂 𑌕𑌰𑍍𑌤𑍃 𑌵𑌿𑌶𑍍𑌵𑌂𑌭𑌰𑌃
𑌤𑌸𑍍𑌯 𑌵𑌶𑍍𑌯𑍋 𑌹𑌰𑌿 𑌰𑍍𑌜𑌾𑌯𑌤𑍇 𑌸𑌤𑍍𑌵𑌰𑌮𑍍 ॥
𑌅𑌚𑍍𑌯𑍁𑌤𑌂 𑌕𑍇𑌶𑌵𑌂 𑌰𑌾𑌮𑌨𑌾𑌰𑌾𑌯𑌣𑌂
𑌕𑍃𑌷𑍍𑌣𑌦𑌾𑌮𑍋𑌦𑌰𑌂 𑌵𑌾𑌸𑍁𑌦𑍇𑌵𑌂 𑌹𑌰𑌿𑌮𑍍 ।
𑌶𑍍𑌰𑍀𑌧𑌰𑌂 𑌮𑌾𑌧𑌵𑌂 𑌗𑍋𑌪𑌿𑌕𑌾 𑌵𑌲𑍍𑌲𑌭𑌂
𑌜𑌾𑌨𑌕𑍀𑌨𑌾𑌯𑌕𑌂 𑌰𑌾𑌮𑌚𑌂𑌦𑍍𑌰𑌂 𑌭𑌜𑍇 ॥ 1 ।
॥ 𑌇𑌤𑌿 𑌶𑍍𑌰𑍀𑌶𑌂𑌕𑌰𑌾𑌚𑌾𑌰𑍍𑌯𑌵𑌿𑌰𑌚𑌿𑌤𑌮𑌚𑍍𑌯𑍁𑌤𑌾𑌷𑍍𑌟𑌕𑌂 𑌸𑌂𑌪𑍂𑌰𑍍𑌣𑌮𑍍 ॥
