Krishna Ashtakam - Grantha | Vaidika Vignanam

Collection of Spiritual and Devotional Literature in Various Indian Languages

View this in:

𑌕𑍃𑌷𑍍𑌣𑌾𑌷𑍍𑌟𑌕𑌮𑍍

𑌵𑌸𑍁𑌦𑍇𑌵 𑌸𑍁𑌤𑌂 𑌦𑍇𑌵𑌂 𑌕𑌂𑌸 𑌚𑌾𑌣𑍂𑌰 𑌮𑌰𑍍𑌦𑌨𑌮𑍍 ।
𑌦𑍇𑌵𑌕𑍀 𑌪𑌰𑌮𑌾𑌨𑌂𑌦𑌂 𑌕𑍃𑌷𑍍𑌣𑌂 𑌵𑌂𑌦𑍇 𑌜𑌗𑌦𑍍𑌗𑍁𑌰𑍁𑌮𑍍 ॥

𑌅𑌤𑌸𑍀 𑌪𑍁𑌷𑍍𑌪 𑌸𑌂𑌕𑌾𑌶𑌂 𑌹𑌾𑌰 𑌨𑍂𑌪𑍁𑌰 𑌶𑍋𑌭𑌿𑌤𑌮𑍍 ।
𑌰𑌤𑍍𑌨 𑌕𑌂𑌕𑌣 𑌕𑍇𑌯𑍂𑌰𑌂 𑌕𑍃𑌷𑍍𑌣𑌂 𑌵𑌂𑌦𑍇 𑌜𑌗𑌦𑍍𑌗𑍁𑌰𑍁𑌮𑍍 ॥

𑌕𑍁𑌟𑌿𑌲𑌾𑌲𑌕 𑌸𑌂𑌯𑍁𑌕𑍍𑌤𑌂 𑌪𑍂𑌰𑍍𑌣𑌚𑌂𑌦𑍍𑌰 𑌨𑌿𑌭𑌾𑌨𑌨𑌮𑍍 ।
𑌵𑌿𑌲𑌸𑌤𑍍 𑌕𑍁𑌂𑌡𑌲𑌧𑌰𑌂 𑌕𑍃𑌷𑍍𑌣𑌂 𑌵𑌂𑌦𑍇 𑌜𑌗𑌦𑍍𑌗𑍁𑌰𑌮𑍍 ॥

𑌮𑌂𑌦𑌾𑌰 𑌗𑌂𑌧 𑌸𑌂𑌯𑍁𑌕𑍍𑌤𑌂 𑌚𑌾𑌰𑍁𑌹𑌾𑌸𑌂 𑌚𑌤𑍁𑌰𑍍𑌭𑍁𑌜𑌮𑍍 ।
𑌬𑌰𑍍𑌹𑌿 𑌪𑌿𑌂𑌛𑌾𑌵 𑌚𑍂𑌡𑌾𑌂𑌗𑌂 𑌕𑍃𑌷𑍍𑌣𑌂 𑌵𑌂𑌦𑍇 𑌜𑌗𑌦𑍍𑌗𑍁𑌰𑍁𑌮𑍍 ॥

𑌉𑌤𑍍𑌫𑍁𑌲𑍍𑌲 𑌪𑌦𑍍𑌮𑌪𑌤𑍍𑌰𑌾𑌕𑍍𑌷𑌂 𑌨𑍀𑌲 𑌜𑍀𑌮𑍂𑌤 𑌸𑌨𑍍𑌨𑌿𑌭𑌮𑍍 ।
𑌯𑌾𑌦𑌵𑌾𑌨𑌾𑌂 𑌶𑌿𑌰𑍋𑌰𑌤𑍍𑌨𑌂 𑌕𑍃𑌷𑍍𑌣𑌂 𑌵𑌂𑌦𑍇 𑌜𑌗𑌦𑍍𑌗𑍁𑌰𑍁𑌮𑍍 ॥

𑌰𑍁𑌕𑍍𑌮𑌿𑌣𑍀 𑌕𑍇𑌳𑌿 𑌸𑌂𑌯𑍁𑌕𑍍𑌤𑌂 𑌪𑍀𑌤𑌾𑌂𑌬𑌰 𑌸𑍁𑌶𑍋𑌭𑌿𑌤𑌮𑍍 ।
𑌅𑌵𑌾𑌪𑍍𑌤 𑌤𑍁𑌲𑌸𑍀 𑌗𑌂𑌧𑌂 𑌕𑍃𑌷𑍍𑌣𑌂 𑌵𑌂𑌦𑍇 𑌜𑌗𑌦𑍍𑌗𑍁𑌰𑍁𑌮𑍍 ॥

𑌗𑍋𑌪𑌿𑌕𑌾𑌨𑌾𑌂 𑌕𑍁𑌚𑌦𑍍𑌵𑌂𑌦 𑌕𑍁𑌂𑌕𑍁𑌮𑌾𑌂𑌕𑌿𑌤 𑌵𑌕𑍍𑌷𑌸𑌮𑍍 ।
𑌶𑍍𑌰𑍀𑌨𑌿𑌕𑍇𑌤𑌂 𑌮𑌹𑍇𑌷𑍍𑌵𑌾𑌸𑌂 𑌕𑍃𑌷𑍍𑌣𑌂 𑌵𑌂𑌦𑍇 𑌜𑌗𑌦𑍍𑌗𑍁𑌰𑍁𑌮𑍍 ॥

𑌶𑍍𑌰𑍀𑌵𑌤𑍍𑌸𑌾𑌂𑌕𑌂 𑌮𑌹𑍋𑌰𑌸𑍍𑌕𑌂 𑌵𑌨𑌮𑌾𑌲𑌾 𑌵𑌿𑌰𑌾𑌜𑌿𑌤𑌮𑍍 ।
𑌶𑌂𑌖𑌚𑌕𑍍𑌰 𑌧𑌰𑌂 𑌦𑍇𑌵𑌂 𑌕𑍃𑌷𑍍𑌣𑌂 𑌵𑌂𑌦𑍇 𑌜𑌗𑌦𑍍𑌗𑍁𑌰𑍁𑌮𑍍 ॥

𑌕𑍃𑌷𑍍𑌣𑌾𑌷𑍍𑌟𑌕 𑌮𑌿𑌦𑌂 𑌪𑍁𑌣𑍍𑌯𑌂 𑌪𑍍𑌰𑌾𑌤𑌰𑍁𑌤𑍍𑌥𑌾𑌯 𑌯𑌃 𑌪𑌠𑍇𑌤𑍍 ।
𑌕𑍋𑌟𑌿𑌜𑌨𑍍𑌮 𑌕𑍃𑌤𑌂 𑌪𑌾𑌪𑌂 𑌸𑍍𑌮𑌰𑌣𑍇𑌨 𑌵𑌿𑌨𑌶𑍍𑌯𑌤𑌿 ॥

Browse Related Categories: