𑌵𑌿𑌦𑌿𑌤𑌾𑌖𑌿𑌲 𑌶𑌾𑌸𑍍𑌤𑍍𑌰 𑌸𑍁𑌧𑌾 𑌜𑌲𑌧𑍇
𑌮𑌹𑌿𑌤𑍋𑌪𑌨𑌿𑌷𑌤𑍍-𑌕𑌥𑌿𑌤𑌾𑌰𑍍𑌥 𑌨𑌿𑌧𑍇 ।
𑌹𑍃𑌦𑌯𑍇 𑌕𑌲𑌯𑍇 𑌵𑌿𑌮𑌲𑌂 𑌚𑌰𑌣𑌂
𑌭𑌵 𑌶𑌂𑌕𑌰 𑌦𑍇𑌶𑌿𑌕 𑌮𑍇 𑌶𑌰𑌣𑌮𑍍 ॥ 1 ॥
𑌕𑌰𑍁𑌣𑌾 𑌵𑌰𑍁𑌣𑌾𑌲𑌯 𑌪𑌾𑌲𑌯 𑌮𑌾𑌂
𑌭𑌵𑌸𑌾𑌗𑌰 𑌦𑍁𑌃𑌖 𑌵𑌿𑌦𑍂𑌨 𑌹𑍃𑌦𑌮𑍍 ।
𑌰𑌚𑌯𑌾𑌖𑌿𑌲 𑌦𑌰𑍍𑌶𑌨 𑌤𑌤𑍍𑌤𑍍𑌵𑌵𑌿𑌦𑌂
𑌭𑌵 𑌶𑌂𑌕𑌰 𑌦𑍇𑌶𑌿𑌕 𑌮𑍇 𑌶𑌰𑌣𑌮𑍍 ॥ 2 ॥
𑌭𑌵𑌤𑌾 𑌜𑌨𑌤𑌾 𑌸𑍁𑌹𑌿𑌤𑌾 𑌭𑌵𑌿𑌤𑌾
𑌨𑌿𑌜𑌬𑍋𑌧 𑌵𑌿𑌚𑌾𑌰𑌣 𑌚𑌾𑌰𑍁𑌮𑌤𑍇 ।
𑌕𑌲𑌯𑍇𑌶𑍍𑌵𑌰 𑌜𑍀𑌵 𑌵𑌿𑌵𑍇𑌕 𑌵𑌿𑌦𑌂
𑌭𑌵 𑌶𑌂𑌕𑌰 𑌦𑍇𑌶𑌿𑌕 𑌮𑍇 𑌶𑌰𑌣𑌮𑍍 ॥ 3 ॥
𑌭𑌵 𑌏𑌵 𑌭𑌵𑌾𑌨𑌿𑌤𑌿 𑌮𑍇 𑌨𑌿𑌤𑌰𑌾𑌂
𑌸𑌮𑌜𑌾𑌯𑌤 𑌚𑍇𑌤𑌸𑌿 𑌕𑍌𑌤𑍁𑌕𑌿𑌤𑌾 ।
𑌮𑌮 𑌵𑌾𑌰𑌯 𑌮𑍋𑌹 𑌮𑌹𑌾𑌜𑌲𑌧𑌿𑌂
𑌭𑌵 𑌶𑌂𑌕𑌰 𑌦𑍇𑌶𑌿𑌕 𑌮𑍇 𑌶𑌰𑌣𑌮𑍍 ॥ 4 ॥
𑌸𑍁𑌕𑍃𑌤𑍇𑌽𑌧𑌿𑌕𑍃𑌤𑍇 𑌬𑌹𑍁𑌧𑌾 𑌭𑌵𑌤𑍋
𑌭𑌵𑌿𑌤𑌾 𑌸𑌮𑌦𑌰𑍍𑌶𑌨 𑌲𑌾𑌲𑌸𑌤𑌾 ।
𑌅𑌤𑌿 𑌦𑍀𑌨𑌮𑌿𑌮𑌂 𑌪𑌰𑌿𑌪𑌾𑌲𑌯 𑌮𑌾𑌂
𑌭𑌵 𑌶𑌂𑌕𑌰 𑌦𑍇𑌶𑌿𑌕 𑌮𑍇 𑌶𑌰𑌣𑌮𑍍 ॥ 5 ॥
𑌜𑌗𑌤𑍀𑌮𑌵𑌿𑌤𑍁𑌂 𑌕𑌲𑌿𑌤𑌾𑌕𑍃𑌤𑌯𑍋
𑌵𑌿𑌚𑌰𑌂𑌤𑌿 𑌮𑌹𑌾𑌮𑌾𑌹 𑌸𑌚𑍍𑌛𑌲𑌤𑌃 ।
𑌅𑌹𑌿𑌮𑌾𑌂𑌶𑍁𑌰𑌿𑌵𑌾𑌤𑍍𑌰 𑌵𑌿𑌭𑌾𑌸𑌿 𑌗𑍁𑌰𑍋
𑌭𑌵 𑌶𑌂𑌕𑌰 𑌦𑍇𑌶𑌿𑌕 𑌮𑍇 𑌶𑌰𑌣𑌮𑍍 ॥ 6 ॥
𑌗𑍁𑌰𑍁𑌪𑍁𑌂𑌗𑌵 𑌪𑍁𑌂𑌗𑌵𑌕𑍇𑌤𑌨 𑌤𑍇
𑌸𑌮𑌤𑌾𑌮𑌯𑌤𑌾𑌂 𑌨 𑌹𑌿 𑌕𑍋𑌽𑌪𑌿 𑌸𑍁𑌧𑍀𑌃 ।
𑌶𑌰𑌣𑌾𑌗𑌤 𑌵𑌤𑍍𑌸𑌲 𑌤𑌤𑍍𑌤𑍍𑌵𑌨𑌿𑌧𑍇
𑌭𑌵 𑌶𑌂𑌕𑌰 𑌦𑍇𑌶𑌿𑌕 𑌮𑍇 𑌶𑌰𑌣𑌮𑍍 ॥ ॥
𑌵𑌿𑌦𑌿𑌤𑌾 𑌨 𑌮𑌯𑌾 𑌵𑌿𑌶𑌦𑍈𑌕 𑌕𑌲𑌾
𑌨 𑌚 𑌕𑌿𑌂𑌚𑌨 𑌕𑌾𑌂𑌚𑌨𑌮𑌸𑍍𑌤𑌿 𑌗𑍁𑌰𑍋 ।
𑌦𑍃𑌤𑌮𑍇𑌵 𑌵𑌿𑌧𑍇𑌹𑌿 𑌕𑍃𑌪𑌾𑌂 𑌸𑌹𑌜𑌾𑌂
𑌭𑌵 𑌶𑌂𑌕𑌰 𑌦𑍇𑌶𑌿𑌕 𑌮𑍇 𑌶𑌰𑌣𑌮𑍍 ॥ ॥
