𑌶𑍍𑌰𑍀 𑌕𑌾𑌶𑍀 𑌵𑌿𑌶𑍍𑌵𑌨𑌾𑌥 𑌸𑍁𑌪𑍍𑌰𑌾𑌭𑌾𑌤𑌮𑍍

𑌉𑌤𑍍𑌤𑌿𑌷𑍍𑌠 𑌕𑌾𑌶𑌿 𑌭𑌗𑌵𑌾𑌨𑍍 𑌪𑍍𑌰𑌭𑍁𑌵𑌿𑌶𑍍𑌵𑌨𑌾𑌥𑍋
𑌗𑌂𑌗𑍋𑌰𑍍𑌮𑌿-𑌸𑌂𑌗𑌤𑌿-𑌶𑍁𑌭𑍈𑌃 𑌪𑌰𑌿𑌭𑍂𑌷𑌿𑌤𑍋𑌽𑌬𑍍𑌜𑍈𑌃 ।
𑌶𑍍𑌰𑍀𑌢𑍁𑌂𑌢𑌿-𑌭𑍈𑌰𑌵-𑌮𑍁𑌖𑍈𑌃 𑌸𑌹𑌿𑌤𑌾𑌽𑌽𑌨𑍍𑌨𑌪𑍂𑌰𑍍𑌣𑌾
𑌮𑌾𑌤𑌾 𑌚 𑌵𑌾𑌂𑌛𑌤𑌿 𑌮𑍁𑌦𑌾 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 2 ॥

𑌬𑍍𑌰𑌹𑍍𑌮𑌾 𑌮𑍁𑌰𑌾𑌰𑌿𑌸𑍍𑌤𑍍𑌰𑌿𑌪𑍁𑌰𑌾𑌂𑌤𑌕𑌾𑌰𑌿𑌃
𑌭𑌾𑌨𑍁𑌃 𑌶𑌶𑍀 𑌭𑍂𑌮𑌿𑌸𑍁𑌤𑍋 𑌬𑍁𑌧𑌶𑍍𑌚 ।
𑌗𑍁𑌰𑍁𑌶𑍍𑌚 𑌶𑍁𑌕𑍍𑌰𑌃 𑌶𑌨𑌿-𑌰𑌾𑌹𑍁-𑌕𑍇𑌤𑌵𑌃
𑌕𑍁𑌰𑍍𑌵𑌂𑌤𑍁 𑌸𑌰𑍍𑌵𑍇 𑌭𑍁𑌵𑌿 𑌸𑍁𑌪𑍍𑌰𑌭𑌾𑌤𑌮𑍍 ॥ 3 ॥

𑌵𑌾𑌰𑌾𑌣𑌸𑍀-𑌸𑍍𑌥𑌿𑌤-𑌗𑌜𑌾𑌨𑌨-𑌢𑍁𑌂𑌢𑌿𑌰𑌾𑌜
𑌤𑌾𑌪𑌤𑍍𑌰𑌯𑌾𑌪𑌹𑌰𑌣𑍇 𑌪𑍍𑌰𑌥𑌿𑌤-𑌪𑍍𑌰𑌭𑌾𑌵 ।
𑌆𑌨𑌂𑌦-𑌕𑌂𑌦𑌲𑌕𑍁𑌲-𑌪𑍍𑌰𑌸𑌵𑍈𑌕𑌭𑍂𑌮𑍇
𑌨𑌿𑌤𑍍𑌯𑌂 𑌸𑌮𑌸𑍍𑌤-𑌜𑌗𑌤𑌃 𑌕𑍁𑌰𑍁 𑌸𑍁𑌪𑍍𑌰𑌭𑌾𑌤𑌮𑍍 ॥ 4 ॥

𑌬𑍍𑌰𑌹𑍍𑌮𑌦𑍍𑌰𑌵𑍋𑌪𑌮𑌿𑌤-𑌗𑌾𑌂𑌗-𑌪𑌯𑌃-𑌪𑍍𑌰𑌵𑌾𑌹𑍈𑌃
𑌪𑍁𑌣𑍍𑌯𑍈𑌃 𑌸𑌦𑍈𑌵 𑌪𑌰𑌿𑌚𑍁𑌂𑌬𑌿𑌤-𑌪𑌾𑌦𑌪𑌦𑍍𑌮𑍇 ।
𑌮𑌧𑍍𑌯𑍇-𑌽𑌖𑌿𑌲𑌾𑌮𑌰𑌗𑌣𑍈𑌃 𑌪𑌰𑌿𑌸𑍇𑌵𑍍𑌯𑌮𑌾𑌨𑍇
𑌶𑍍𑌰𑍀𑌕𑌾𑌶𑌿𑌕𑍇 𑌕𑍁𑌰𑍁 𑌸𑌦𑌾 𑌭𑍁𑌵𑌿 𑌸𑍁𑌪𑍍𑌰𑌭𑌾𑌤𑌮𑍍 ॥ 5 ॥

𑌪𑍍𑌰𑌤𑍍𑌨𑍈𑌰𑌸𑌂𑌖𑍍𑌯-𑌮𑌠-𑌮𑌂𑌦𑌿𑌰-𑌤𑍀𑌰𑍍𑌥-𑌕𑍁𑌂𑌡-
𑌪𑍍𑌰𑌾𑌸𑌾𑌦-𑌘𑌟𑍍𑌟-𑌨𑌿𑌵𑌹𑍈𑌃 𑌵𑌿𑌦𑍁𑌷𑌾𑌂 𑌵𑌰𑍈𑌶𑍍𑌚
𑌆𑌵𑌰𑍍𑌜𑌯𑌸𑍍𑌯𑌖𑌿𑌲-𑌵𑌿𑌶𑍍𑌵-𑌮𑌨𑌾𑌂𑌸𑌿 𑌨𑌿𑌤𑍍𑌯𑌂
𑌶𑍍𑌰𑍀𑌕𑌾𑌶𑌿𑌕𑍇 𑌕𑍁𑌰𑍁 𑌸𑌦𑌾 𑌭𑍁𑌵𑌿 𑌸𑍁𑌪𑍍𑌰𑌭𑌾𑌤𑌮𑍍 ॥ 6 ॥

𑌕𑍇 𑌵𑌾 𑌨𑌰𑌾 𑌨𑍁 𑌸𑍁𑌧𑌿𑌯𑌃 𑌕𑍁𑌧𑌿𑌯𑍋𑌽𑌧𑌿𑌯𑍋 𑌵𑌾
𑌵𑌾𑌂𑌛𑌂𑌤𑌿 𑌨𑌾𑌂𑌤𑌸𑌮𑌯𑍇 𑌶𑌰𑌣𑌂 𑌭𑌵𑌤𑍍𑌯𑌾𑌃 ।
𑌹𑍇 𑌕𑍋𑌟𑌿-𑌕𑍋𑌟𑌿-𑌜𑌨-𑌮𑍁𑌕𑍍𑌤𑌿-𑌵𑌿𑌧𑌾𑌨-𑌦𑌕𑍍𑌷𑍇
𑌶𑍍𑌰𑍀𑌕𑌾𑌶𑌿𑌕𑍇 𑌕𑍁𑌰𑍁 𑌸𑌦𑌾 𑌭𑍁𑌵𑌿 𑌸𑍁𑌪𑍍𑌰𑌭𑌾𑌤𑌮𑍍 ॥ 𑍭 ॥

𑌯𑌾 𑌦𑍇𑌵𑍈𑌰𑌸𑍁𑌰𑍈𑌰𑍍𑌮𑍁𑌨𑍀𑌂𑌦𑍍𑌰𑌤𑌨𑌯𑍈𑌰𑍍𑌗𑌂𑌧𑌰𑍍𑌵-𑌯𑌕𑍍𑌷𑍋𑌰𑌗𑍈𑌃
𑌨𑌾𑌗𑍈𑌰𑍍𑌭𑍂𑌤𑌲𑌵𑌾𑌸𑌿𑌭𑌿𑌰𑍍𑌦𑍍𑌵𑌿𑌜𑌵𑌰𑍈𑌸𑍍𑌸𑌂𑌸𑍇𑌵𑌿𑌤𑌾 𑌸𑌿𑌦𑍍𑌧𑌯𑍇 ।
𑌯𑌾 𑌗𑌂𑌗𑍋𑌤𑍍𑌤𑌰𑌵𑌾𑌹𑌿𑌨𑍀-𑌪𑌰𑌿𑌸𑌰𑍇 𑌤𑍀𑌰𑍍𑌥𑍈𑌰𑌸𑌂𑌖𑍍𑌯𑍈𑌰𑍍𑌵𑍃𑌤𑌾
𑌸𑌾 𑌕𑌾𑌶𑍀 𑌤𑍍𑌰𑌿𑌪𑍁𑌰𑌾𑌰𑌿𑌰𑌾𑌜-𑌨𑌗𑌰𑍀 𑌦𑍇𑌯𑌾𑌤𑍍 𑌸𑌦𑌾 𑌮𑌂𑌗𑌲𑌮𑍍 ॥ 𑍮 ॥

𑌤𑍀𑌰𑍍𑌥𑌾𑌨𑌾𑌂 𑌪𑍍𑌰𑌵𑌰𑌾 𑌮𑌨𑍋𑌰𑌥𑌕𑌰𑍀 𑌸𑌂𑌸𑌾𑌰-𑌪𑌾𑌰𑌾𑌪𑌰𑌾
𑌨𑌂𑌦𑌾-𑌨𑌂𑌦𑌿-𑌗𑌣𑍇𑌶𑍍𑌵𑌰𑍈𑌰𑍁𑌪𑌹𑌿𑌤𑌾 𑌦𑍇𑌵𑍈𑌰𑌶𑍇𑌷𑍈𑌃-𑌸𑍍𑌤𑍁𑌤𑌾 ।
𑌯𑌾 𑌶𑌂𑌭𑍋𑌰𑍍𑌮𑌣𑌿-𑌕𑍁𑌂𑌡𑌲𑍈𑌕-𑌕𑌣𑌿𑌕𑌾 𑌵𑌿𑌷𑍍𑌣𑍋𑌸𑍍𑌤𑌪𑍋-𑌦𑍀𑌰𑍍𑌘𑌿𑌕𑌾
𑌸𑍇𑌯𑌂 𑌶𑍍𑌰𑍀𑌮𑌣𑌿𑌕𑌰𑍍𑌣𑌿𑌕𑌾 𑌭𑌗𑌵𑌤𑍀 𑌦𑍇𑌯𑌾𑌤𑍍 𑌸𑌦𑌾 𑌮𑌂𑌗𑌲𑌮𑍍 ॥ 𑍯 ॥

𑌅𑌭𑌿𑌨𑌵-𑌬𑌿𑌸-𑌵𑌲𑍍𑌲𑍀 𑌪𑌾𑌦-𑌪𑌦𑍍𑌮𑌸𑍍𑌯 𑌵𑌿𑌷𑍍𑌣𑍋𑌃
𑌮𑌦𑌨-𑌮𑌥𑌨-𑌮𑍌𑌲𑍇𑌰𑍍𑌮𑌾𑌲𑌤𑍀 𑌪𑍁𑌷𑍍𑌪𑌮𑌾𑌲𑌾 ।
𑌜𑌯𑌤𑌿 𑌜𑌯-𑌪𑌤𑌾𑌕𑌾 𑌕𑌾𑌪𑍍𑌯𑌸𑍌 𑌮𑍋𑌕𑍍𑌷𑌲𑌕𑍍𑌷𑍍𑌮𑍍𑌯𑌾𑌃
𑌕𑍍𑌷𑌪𑌿𑌤-𑌕𑌲𑌿-𑌕𑌲𑌂𑌕𑌾 𑌜𑌾𑌹𑍍𑌨𑌵𑍀 𑌨𑌃 𑌪𑍁𑌨𑌾𑌤𑍁 ॥ 10 ॥

𑌗𑌾𑌂𑌗𑌂 𑌵𑌾𑌰𑌿 𑌮𑌨𑍋𑌹𑌾𑌰𑌿 𑌮𑍁𑌰𑌾𑌰𑌿-𑌚𑌰𑌣𑌚𑍍𑌯𑍁𑌤𑌮𑍍 ।
𑌤𑍍𑌰𑌿𑌪𑍁𑌰𑌾𑌰𑌿-𑌶𑌿𑌰𑌶𑍍𑌚𑌾𑌰𑌿 𑌪𑌾𑌪𑌹𑌾𑌰𑌿 𑌪𑍁𑌨𑌾𑌤𑍁 𑌮𑌾𑌮𑍍 ॥ 11 ॥

𑌵𑌿𑌘𑍍𑌨𑌾𑌵𑌾𑌸-𑌨𑌿𑌵𑌾𑌸𑌕𑌾𑌰𑌣-𑌮𑌹𑌾𑌗𑌂𑌡𑌸𑍍𑌥𑌲𑌾𑌲𑌂𑌬𑌿𑌤𑌃
𑌸𑌿𑌂𑌦𑍂𑌰𑌾𑌰𑍁𑌣-𑌪𑍁𑌂𑌜-𑌚𑌂𑌦𑍍𑌰𑌕𑌿𑌰𑌣-𑌪𑍍𑌰𑌚𑍍𑌛𑌾𑌦𑌿-𑌨𑌾𑌗𑌚𑍍𑌛𑌵𑌿𑌃 ।
𑌶𑍍𑌰𑍀𑌵𑌿𑌘𑍍𑌨𑍇𑌶𑍍𑌵𑌰-𑌵𑌲𑍍𑌲𑌭𑍋 𑌗𑌿𑌰𑌿𑌜𑌯𑌾 𑌸𑌾𑌨𑌂𑌦𑌮𑌾𑌨𑌂𑌦𑌿𑌤𑌃 (𑌪𑌾𑌠𑌭𑍇𑌦 𑌵𑌿𑌶𑍍𑌵𑍇𑌶𑍍𑌵𑌰)
𑌸𑍍𑌮𑍇𑌰𑌾𑌸𑍍𑌯𑌸𑍍𑌤𑌵 𑌢𑍁𑌂𑌢𑌿𑌰𑌾𑌜-𑌮𑍁𑌦𑌿𑌤𑍋 𑌦𑍇𑌯𑌾𑌤𑍍 𑌸𑌦𑌾 𑌮𑌂𑌗𑌲𑌮𑍍 ॥ 12 ॥

𑌕𑌂𑌠𑍇 𑌯𑌸𑍍𑌯 𑌲𑌸𑌤𑍍𑌕𑌰𑌾𑌲-𑌗𑌰𑌲𑌂 𑌗𑌂𑌗𑌾𑌜𑌲𑌂 𑌮𑌸𑍍𑌤𑌕𑍇
𑌵𑌾𑌮𑌾𑌂𑌗𑍇 𑌗𑌿𑌰𑌿𑌰𑌾𑌜𑌰𑌾𑌜-𑌤𑌨𑌯𑌾 𑌜𑌾𑌯𑌾 𑌭𑌵𑌾𑌨𑍀 𑌸𑌤𑍀 ।
𑌨𑌂𑌦𑌿-𑌸𑍍𑌕𑌂𑌦-𑌗𑌣𑌾𑌧𑌿𑌰𑌾𑌜-𑌸𑌹𑌿𑌤𑌃 𑌶𑍍𑌰𑍀𑌵𑌿𑌶𑍍𑌵𑌨𑌾𑌥𑌪𑍍𑌰𑌭𑍁𑌃
𑌕𑌾𑌶𑍀-𑌮𑌂𑌦𑌿𑌰-𑌸𑌂𑌸𑍍𑌥𑌿𑌤𑍋𑌽𑌖𑌿𑌲𑌗𑍁𑌰𑍁𑌃 𑌦𑍇𑌯𑌾𑌤𑍍 𑌸𑌦𑌾 𑌮𑌂𑌗𑌲𑌮𑍍 ॥ 13 ॥

𑌶𑍍𑌰𑍀𑌵𑌿𑌶𑍍𑌵𑌨𑌾𑌥 𑌕𑌰𑍁𑌣𑌾𑌮𑍃𑌤-𑌪𑍂𑌰𑍍𑌣-𑌸𑌿𑌂𑌧𑍋
𑌶𑍀𑌤𑌾𑌂𑌶𑍁-𑌖𑌂𑌡-𑌸𑌮𑌲𑌂𑌕𑍃𑌤-𑌭𑌵𑍍𑌯𑌚𑍂𑌡 ।
𑌉𑌤𑍍𑌤𑌿𑌷𑍍𑌠 𑌵𑌿𑌶𑍍𑌵𑌜𑌨-𑌮𑌂𑌗𑌲-𑌸𑌾𑌧𑌨𑌾𑌯
𑌨𑌿𑌤𑍍𑌯𑌂 𑌸𑌰𑍍𑌵𑌜𑌗𑌤𑌃 𑌕𑍁𑌰𑍁 𑌸𑍁𑌪𑍍𑌰𑌭𑌾𑌤𑌮𑍍 ॥ 14 ॥

𑌶𑍍𑌰𑍀𑌵𑌿𑌶𑍍𑌵𑌨𑌾𑌥 𑌵𑍃𑌷𑌭-𑌧𑍍𑌵𑌜 𑌵𑌿𑌶𑍍𑌵𑌵𑌂𑌦𑍍𑌯
𑌸𑍃𑌷𑍍𑌟𑌿-𑌸𑍍𑌥𑌿𑌤𑌿-𑌪𑍍𑌰𑌲𑌯-𑌕𑌾𑌰𑌕 𑌦𑍇𑌵𑌦𑍇𑌵 ।
𑌵𑌾𑌚𑌾𑌮𑌗𑍋𑌚𑌰 𑌮𑌹𑌰𑍍𑌷𑌿-𑌨𑍁𑌤𑌾𑌂𑌘𑍍𑌰𑌿-𑌪𑌦𑍍𑌮
𑌵𑌾𑌰𑌾𑌣𑌸𑍀𑌪𑍁𑌰𑌪𑌤𑍇 𑌕𑍁𑌰𑍁 𑌸𑍁𑌪𑍍𑌰𑌭𑌾𑌤𑌮𑍍 ॥ 15 ॥

𑌶𑍍𑌰𑍀𑌵𑌿𑌶𑍍𑌵𑌨𑌾𑌥 𑌭𑌵𑌭𑌂𑌜𑌨 𑌦𑌿𑌵𑍍𑌯𑌭𑌾𑌵
𑌗𑌂𑌗𑌾𑌧𑌰 𑌪𑍍𑌰𑌮𑌥-𑌵𑌂𑌦𑌿𑌤 𑌸𑍁𑌂𑌦𑌰𑌾𑌂𑌗 ।
𑌨𑌾𑌗𑍇𑌂𑌦𑍍𑌰-𑌹𑌾𑌰 𑌨𑌤-𑌭𑌕𑍍𑌤-𑌭𑌯𑌾𑌪𑌹𑌾𑌰
𑌵𑌾𑌰𑌾𑌣𑌸𑍀𑌪𑍁𑌰𑌪𑌤𑍇 𑌕𑍁𑌰𑍁 𑌸𑍁𑌪𑍍𑌰𑌭𑌾𑌤𑌮𑍍 ॥ 16 ॥

𑌶𑍍𑌰𑍀𑌵𑌿𑌶𑍍𑌵𑌨𑌾𑌥 𑌤𑌵 𑌪𑌾𑌦𑌯𑍁𑌗𑌂 𑌨𑌮𑌾𑌮𑌿
𑌨𑌿𑌤𑍍𑌯𑌂 𑌤𑌵𑍈𑌵 𑌶𑌿𑌵 𑌨𑌾𑌮 𑌹𑍃𑌦𑌾 𑌸𑍍𑌮𑌰𑌾𑌮𑌿 ।
𑌵𑌾𑌚𑌂 𑌤𑌵𑍈𑌵 𑌯𑌶𑌸𑌾𑌽𑌨𑌘 𑌭𑍂𑌷𑌯𑌾𑌮𑌿
𑌵𑌾𑌰𑌾𑌣𑌸𑍀𑌪𑍁𑌰𑌪𑌤𑍇 𑌕𑍁𑌰𑍁 𑌸𑍁𑌪𑍍𑌰𑌭𑌾𑌤𑌮𑍍 ॥ 1𑍭 ॥

𑌕𑌾𑌶𑍀-𑌨𑌿𑌵𑌾𑌸-𑌮𑍁𑌨𑌿-𑌸𑍇𑌵𑌿𑌤-𑌪𑌾𑌦-𑌪𑌦𑍍𑌮
𑌗𑌂𑌗𑌾-𑌜𑌲𑍌𑌘-𑌪𑌰𑌿𑌷𑌿𑌕𑍍𑌤-𑌜𑌟𑌾𑌕𑌲𑌾𑌪 ।
𑌅𑌸𑍍𑌯𑌾𑌖𑌿𑌲𑌸𑍍𑌯 𑌜𑌗𑌤𑌃 𑌸𑌚𑌰𑌾𑌚𑌰𑌸𑍍𑌯
𑌵𑌾𑌰𑌾𑌣𑌸𑍀𑌪𑍁𑌰𑌪𑌤𑍇 𑌕𑍁𑌰𑍁 𑌸𑍁𑌪𑍍𑌰𑌭𑌾𑌤𑌮𑍍 ॥ 1𑍮 ॥

𑌗𑌂𑌗𑌾𑌧𑌰𑌾𑌦𑍍𑌰𑌿𑌤𑌨𑌯𑌾-𑌪𑍍𑌰𑌿𑌯 𑌶𑌾𑌂𑌤𑌮𑍂𑌰𑍍𑌤𑍇
𑌵𑍇𑌦𑌾𑌂𑌤-𑌵𑍇𑌦𑍍𑌯 𑌸𑌕𑌲𑍇𑌶𑍍𑌵𑌰 𑌵𑌿𑌶𑍍𑌵𑌮𑍂𑌰𑍍𑌤𑍇 ।
𑌕𑍂𑌟𑌸𑍍𑌥 𑌨𑌿𑌤𑍍𑌯 𑌨𑌿𑌖𑌿𑌲𑌾𑌗𑌮-𑌗𑍀𑌤-𑌕𑍀𑌰𑍍𑌤𑍇
𑌵𑌾𑌰𑌾𑌣𑌸𑍀𑌪𑍁𑌰𑌪𑌤𑍇 𑌕𑍁𑌰𑍁 𑌸𑍁𑌪𑍍𑌰𑌭𑌾𑌤𑌮𑍍 ॥ 1𑍯 ॥

𑌵𑌿𑌶𑍍𑌵𑌂 𑌸𑌮𑌸𑍍𑌤𑌮𑌿𑌦𑌮𑌦𑍍𑌯 𑌘𑌨𑌾𑌂𑌧𑌕𑌾𑌰𑍇
𑌮𑍋𑌹𑌾𑌤𑍍𑌮𑌕𑍇 𑌨𑌿𑌪𑌤𑌿𑌤𑌂 𑌜𑌡𑌤𑌾𑌮𑍁𑌪𑍇𑌤𑌮𑍍 ।
𑌭𑌾𑌸𑌾 𑌵𑌿𑌭𑌾𑌸𑍍𑌯 𑌪𑌰𑌯𑌾 𑌤𑌦𑌮𑍋𑌘-𑌶𑌕𑍍𑌤𑍇
𑌵𑌾𑌰𑌾𑌣𑌸𑍀𑌪𑍁𑌰𑌪𑌤𑍇 𑌕𑍁𑌰𑍁 𑌸𑍁𑌪𑍍𑌰𑌭𑌾𑌤𑌮𑍍 ॥ 20 ॥

𑌸𑍂𑌨𑍁𑌃 𑌸𑌮𑌸𑍍𑌤-𑌜𑌨-𑌵𑌿𑌘𑍍𑌨-𑌵𑌿𑌨𑌾𑌶-𑌦𑌕𑍍𑌷𑍋
𑌭𑌾𑌰𑍍𑌯𑌾𑌽𑌨𑍍𑌨𑌦𑌾𑌨-𑌨𑌿𑌰𑌤𑌾-𑌽𑌵𑌿𑌰𑌤𑌂 𑌜𑌨𑍇𑌭𑍍𑌯𑌃 ।
𑌖𑍍𑌯𑌾𑌤𑌃 𑌸𑍍𑌵𑌯𑌂 𑌚 𑌶𑌿𑌵𑌕𑍃𑌤𑍍 𑌸𑌕𑌲𑌾𑌰𑍍𑌥𑌿-𑌭𑌾𑌜𑌾𑌂
𑌵𑌾𑌰𑌾𑌣𑌸𑍀𑌪𑍁𑌰𑌪𑌤𑍇 𑌕𑍁𑌰𑍁 𑌸𑍁𑌪𑍍𑌰𑌭𑌾𑌤𑌮𑍍 ॥ 21 ॥

𑌯𑍇 𑌨𑍋 𑌨𑌮𑌂𑌤𑌿 𑌨 𑌜𑌪𑌂𑌤𑌿 𑌨 𑌚𑌾𑌮𑌨𑌂𑌤𑌿
𑌨𑍋 𑌵𑌾 𑌲𑌪𑌂𑌤𑌿 𑌵𑌿𑌲𑌪𑌂𑌤𑌿 𑌨𑌿𑌵𑍇𑌦𑌯𑌂𑌤𑌿 ।
𑌤𑍇𑌷𑌾𑌮𑌬𑍋𑌧-𑌶𑌿𑌶𑍁-𑌤𑍁𑌲𑍍𑌯-𑌧𑌿𑌯𑌾𑌂 𑌨𑌰𑌾𑌣𑌾𑌂
𑌵𑌾𑌰𑌾𑌣𑌸𑍀𑌪𑍁𑌰𑌪𑌤𑍇 𑌕𑍁𑌰𑍁 𑌸𑍁𑌪𑍍𑌰𑌭𑌾𑌤𑌮𑍍 ॥ 22 ॥

𑌶𑍍𑌰𑍀𑌕𑌂𑌠 𑌕𑌂𑌠-𑌧𑍃𑌤-𑌪𑌨𑍍𑌨𑌗 𑌨𑍀𑌲𑌕𑌂𑌠
𑌸𑍋𑌤𑍍𑌕𑌂𑌠-𑌭𑌕𑍍𑌤-𑌨𑌿𑌵𑌹𑍋𑌪𑌹𑌿𑌤𑍋𑌪-𑌕𑌂𑌠 ।
𑌭𑌸𑍍𑌮𑌾𑌂𑌗𑌰𑌾𑌗-𑌪𑌰𑌿𑌶𑍋𑌭𑌿𑌤-𑌸𑌰𑍍𑌵𑌦𑍇𑌹
𑌵𑌾𑌰𑌾𑌣𑌸𑍀𑌪𑍁𑌰𑌪𑌤𑍇 𑌕𑍁𑌰𑍁 𑌸𑍁𑌪𑍍𑌰𑌭𑌾𑌤𑌮𑍍 ॥ 23 ॥

𑌶𑍍𑌰𑍀𑌪𑌾𑌰𑍍𑌵𑌤𑍀-𑌹𑍃𑌦𑌯-𑌵𑌲𑍍𑌲𑌭 𑌪𑌂𑌚-𑌵𑌕𑍍𑌤𑍍𑌰
𑌶𑍍𑌰𑍀𑌨𑍀𑌲-𑌕𑌂𑌠 𑌨𑍃-𑌕𑌪𑌾𑌲-𑌕𑌲𑌾𑌪-𑌮𑌾𑌲 ।
𑌶𑍍𑌰𑍀𑌵𑌿𑌶𑍍𑌵𑌨𑌾𑌥 𑌮𑍃𑌦𑍁-𑌪𑌂𑌕𑌜-𑌮𑌂𑌜𑍁-𑌪𑌾𑌦
𑌵𑌾𑌰𑌾𑌣𑌸𑍀𑌪𑍁𑌰𑌪𑌤𑍇 𑌕𑍁𑌰𑍁 𑌸𑍁𑌪𑍍𑌰𑌭𑌾𑌤𑌮𑍍 ॥ 24 ॥

𑌦𑍁𑌗𑍍𑌧-𑌪𑍍𑌰𑌵𑌾𑌹-𑌕𑌮𑌨𑍀𑌯-𑌤𑌰𑌂𑌗-𑌭𑌂𑌗𑍇
𑌪𑍁𑌣𑍍𑌯-𑌪𑍍𑌰𑌵𑌾𑌹-𑌪𑌰𑌿𑌪𑌾𑌵𑌿𑌤-𑌭𑌕𑍍𑌤-𑌸𑌂𑌗𑍇 ।
𑌨𑌿𑌤𑍍𑌯𑌂 𑌤𑌪𑌸𑍍𑌵𑌿-𑌜𑌨-𑌸𑍇𑌵𑌿𑌤-𑌪𑌾𑌦-𑌪𑌦𑍍𑌮𑍇
𑌗𑌂𑌗𑍇 𑌶𑌰𑌣𑍍𑌯-𑌶𑌿𑌵𑌦𑍇 𑌕𑍁𑌰𑍁 𑌸𑍁𑌪𑍍𑌰𑌭𑌾𑌤𑌮𑍍 ॥ 25 ॥

𑌸𑌾𑌨𑌂𑌦𑌮𑌾𑌨𑌂𑌦-𑌵𑌨𑍇 𑌵𑌸𑌂𑌤𑌂 𑌆𑌨𑌂𑌦-𑌕𑌂𑌦𑌂 𑌹𑌤-𑌪𑌾𑌪-𑌵𑍃𑌂𑌦𑌮𑍍 ।
𑌵𑌾𑌰𑌾𑌣𑌸𑍀-𑌨𑌾𑌥𑌮𑌨𑌾𑌥-𑌨𑌾𑌥𑌂 𑌶𑍍𑌰𑍀𑌵𑌿𑌶𑍍𑌵𑌨𑌾𑌥𑌂 𑌶𑌰𑌣𑌂 𑌪𑍍𑌰𑌪𑌦𑍍𑌯𑍇 ॥ 26 ॥

𑌇𑌤𑌿 𑌶𑍍𑌰𑍀𑌕𑌾𑌶𑍀𑌵𑌿𑌶𑍍𑌵𑌨𑌾𑌥𑌸𑍁𑌪𑍍𑌰𑌭𑌾𑌤𑌂 𑌸𑌂𑌪𑍂𑌰𑍍𑌣𑌮𑍍 ।

Browse Related Categories: