𑌭𑌵𑌾𑌯 𑌚𑌂𑌦𑍍𑌰𑌚𑍂𑌡𑌾𑌯 𑌨𑌿𑌰𑍍𑌗𑍁𑌣𑌾𑌯 𑌗𑍁𑌣𑌾𑌤𑍍𑌮𑌨𑍇 ।
𑌕𑌾𑌲𑌕𑌾𑌲𑌾𑌯 𑌰𑍁𑌦𑍍𑌰𑌾𑌯 𑌨𑍀𑌲𑌗𑍍𑌰𑍀𑌵𑌾𑌯 𑌮𑌂𑌗𑌳𑌮𑍍 ॥ 1 ॥
𑌵𑍃𑌷𑌾𑌰𑍂𑌢𑌾𑌯 𑌭𑍀𑌮𑌾𑌯 𑌵𑍍𑌯𑌾𑌘𑍍𑌰𑌚𑌰𑍍𑌮𑌾𑌂𑌬𑌰𑌾𑌯 𑌚 ।
𑌪𑌶𑍂𑌨𑌾𑌂𑌪𑌤𑌯𑍇 𑌤𑍁𑌭𑍍𑌯𑌂 𑌗𑍌𑌰𑍀𑌕𑌾𑌂𑌤𑌾𑌯 𑌮𑌂𑌗𑌳𑌮𑍍 ॥ 2 ॥
𑌭𑌸𑍍𑌮𑍋𑌦𑍍𑌧𑍂𑌳𑌿𑌤𑌦𑍇𑌹𑌾𑌯 𑌨𑌾𑌗𑌯𑌜𑍍𑌞𑍋𑌪𑌵𑍀𑌤𑌿𑌨𑍇 ।
𑌰𑍁𑌦𑍍𑌰𑌾𑌕𑍍𑌷𑌮𑌾𑌲𑌾𑌭𑍂𑌷𑌾𑌯 𑌵𑍍𑌯𑍋𑌮𑌕𑍇𑌶𑌾𑌯 𑌮𑌂𑌗𑌳𑌮𑍍 ॥ 3 ॥
𑌸𑍂𑌰𑍍𑌯𑌚𑌂𑌦𑍍𑌰𑌾𑌗𑍍𑌨𑌿𑌨𑍇𑌤𑍍𑌰𑌾𑌯 𑌨𑌮𑌃 𑌕𑍈𑌲𑌾𑌸𑌵𑌾𑌸𑌿𑌨𑍇 ।
𑌸𑌚𑍍𑌚𑌿𑌦𑌾𑌨𑌂𑌦𑌰𑍂𑌪𑌾𑌯 𑌪𑍍𑌰𑌮𑌥𑍇𑌶𑌾𑌯 𑌮𑌂𑌗𑌳𑌮𑍍 ॥ 4 ॥
𑌮𑍃𑌤𑍍𑌯𑍁𑌂𑌜𑌯𑌾𑌯 𑌸𑌾𑌂𑌬𑌾𑌯 𑌸𑍃𑌷𑍍𑌟𑌿𑌸𑍍𑌥𑌿𑌤𑍍𑌯𑌂𑌤𑌕𑌾𑌰𑌿𑌣𑍇 ।
𑌤𑍍𑌰𑌯𑌂𑌬𑌕𑌾𑌯 𑌶𑌾𑌂𑌤𑌾𑌯 𑌤𑍍𑌰𑌿𑌲𑍋𑌕𑍇𑌶𑌾𑌯 𑌮𑌂𑌗𑌳𑌮𑍍 ॥ 5 ॥
𑌗𑌂𑌗𑌾𑌧𑌰𑌾𑌯 𑌸𑍋𑌮𑌾𑌯 𑌨𑌮𑍋 𑌹𑌰𑌿𑌹𑌰𑌾𑌤𑍍𑌮𑌨𑍇 ।
𑌉𑌗𑍍𑌰𑌾𑌯 𑌤𑍍𑌰𑌿𑌪𑍁𑌰𑌘𑍍𑌨𑌾𑌯 𑌵𑌾𑌮𑌦𑍇𑌵𑌾𑌯 𑌮𑌂𑌗𑌳𑌮𑍍 ॥ 6 ॥
𑌸𑌦𑍍𑌯𑍋𑌜𑌾𑌤𑌾𑌯 𑌶𑌰𑍍𑌵𑌾𑌯 𑌭𑌵𑍍𑌯 𑌜𑍍𑌞𑌾𑌨𑌪𑍍𑌰𑌦𑌾𑌯𑌿𑌨𑍇 ।
𑌈𑌶𑌾𑌨𑌾𑌯 𑌨𑌮𑌸𑍍𑌤𑍁𑌭𑍍𑌯𑌂 𑌪𑌂𑌚𑌵𑌕𑍍𑌰𑌾𑌯 𑌮𑌂𑌗𑌳𑌮𑍍 ॥ ॥
𑌸𑌦𑌾𑌶𑌿𑌵 𑌸𑍍𑌵𑌰𑍂𑌪𑌾𑌯 𑌨𑌮𑌸𑍍𑌤𑌤𑍍𑌪𑍁𑌰𑍁𑌷𑌾𑌯 𑌚 ।
𑌅𑌘𑍋𑌰𑌾𑌯 𑌚 𑌘𑍋𑌰𑌾𑌯 𑌮𑌹𑌾𑌦𑍇𑌵𑌾𑌯 𑌮𑌂𑌗𑌳𑌮𑍍 ॥ ॥
𑌶𑍍𑌰𑍀𑌚𑌾𑌮𑍁𑌂𑌡𑌾𑌪𑍍𑌰𑍇𑌰𑌿𑌤𑍇𑌨 𑌰𑌚𑌿𑌤𑌂 𑌮𑌂𑌗𑌳𑌾𑌸𑍍𑌪𑌦𑌮𑍍 ।
𑌤𑌸𑍍𑌯𑌾𑌭𑍀𑌷𑍍𑌟𑌪𑍍𑌰𑌦𑌂 𑌶𑌂𑌭𑍋𑌃 𑌯𑌃 𑌪𑌠𑍇𑌨𑍍𑌮𑌂𑌗𑌳𑌾𑌷𑍍𑌟𑌕𑌮𑍍 ॥ ॥
𑌮𑌹𑌾𑌦𑍇𑌵𑌸𑍍𑌯 𑌦𑍇𑌵𑌸𑍍𑌯 𑌯𑌃 𑌪𑌠𑍇𑌨𑍍𑌮𑌂𑌗𑌳𑌾𑌷𑍍𑌟𑌕𑌮𑍍 ।
𑌸𑌰𑍍𑌵𑌾𑌰𑍍𑌥 𑌸𑌿𑌦𑍍𑌧𑌿 𑌮𑌾𑌪𑍍𑌨𑍋𑌤𑌿 𑌸 𑌸𑌾𑌯𑍁𑌜𑍍𑌯𑌂 𑌤𑌤𑌃 𑌪𑌰𑌮𑍍 ॥ 10 ॥
