𑌦𑍍𑌵𑌾𑌦𑌶 𑌜𑍍𑌯𑍋𑌤𑌿𑌰𑍍𑌲𑌿𑌂𑌗 𑌸𑍍𑌤𑍋𑌤𑍍𑌰𑌮𑍍

𑌲𑌘𑍁 𑌸𑍍𑌤𑍋𑌤𑍍𑌰𑌮𑍍
𑌸𑍌𑌰𑌾𑌷𑍍𑌟𑍍𑌰𑍇 𑌸𑍋𑌮𑌨𑌾𑌧𑌂𑌚 𑌶𑍍𑌰𑍀𑌶𑍈𑌲𑍇 𑌮𑌲𑍍𑌲𑌿𑌕𑌾𑌰𑍍𑌜𑍁𑌨𑌮𑍍 ।
𑌉𑌜𑍍𑌜𑌯𑌿𑌨𑍍𑌯𑌾𑌂 𑌮𑌹𑌾𑌕𑌾𑌲𑌂 𑌓𑌂𑌕𑌾𑌰𑍇𑌤𑍍𑌵𑌮𑌾𑌮𑌲𑍇𑌶𑍍𑌵𑌰𑌮𑍍 ॥
𑌪𑌰𑍍𑌲𑍍𑌯𑌾𑌂 𑌵𑍈𑌦𑍍𑌯𑌨𑌾𑌧𑌂𑌚 𑌢𑌾𑌕𑌿𑌨𑍍𑌯𑌾𑌂 𑌭𑍀𑌮 𑌶𑌂𑌕𑌰𑌮𑍍 ।
𑌸𑍇𑌤𑍁𑌬𑌂𑌧𑍇𑌤𑍁 𑌰𑌾𑌮𑍇𑌶𑌂 𑌨𑌾𑌗𑍇𑌶𑌂 𑌦𑌾𑌰𑍁𑌕𑌾𑌵𑌨𑍇 ॥
𑌵𑌾𑌰𑌣𑌾𑌶𑍍𑌯𑌾𑌂𑌤𑍁 𑌵𑌿𑌶𑍍𑌵𑍇𑌶𑌂 𑌤𑍍𑌰𑌯𑌂𑌬𑌕𑌂 𑌗𑍌𑌤𑌮𑍀𑌤𑌟𑍇 ।
𑌹𑌿𑌮𑌾𑌲𑌯𑍇𑌤𑍁 𑌕𑍇𑌦𑌾𑌰𑌂 𑌘𑍃𑌷𑍍𑌣𑍇𑌶𑌂𑌤𑍁 𑌵𑌿𑌶𑌾𑌲𑌕𑍇 ॥

𑌏𑌤𑌾𑌨𑌿 𑌜𑍍𑌯𑍋𑌤𑌿𑌰𑍍𑌲𑌿𑌂𑌗𑌾𑌨𑌿 𑌸𑌾𑌯𑌂 𑌪𑍍𑌰𑌾𑌤𑌃 𑌪𑌠𑍇𑌨𑍍𑌨𑌰𑌃 ।
𑌸𑌪𑍍𑌤 𑌜𑌨𑍍𑌮 𑌕𑍃𑌤𑌂 𑌪𑌾𑌪𑌂 𑌸𑍍𑌮𑌰𑌣𑍇𑌨 𑌵𑌿𑌨𑌶𑍍𑌯𑌤𑌿 ॥

𑌸𑌂𑌪𑍂𑌰𑍍𑌣 𑌸𑍍𑌤𑍋𑌤𑍍𑌰𑌮𑍍
𑌸𑍌𑌰𑌾𑌷𑍍𑌟𑍍𑌰𑌦𑍇𑌶𑍇 𑌵𑌿𑌶𑌦𑍇𑌽𑌤𑌿𑌰𑌮𑍍𑌯𑍇 𑌜𑍍𑌯𑍋𑌤𑌿𑌰𑍍𑌮𑌯𑌂 𑌚𑌂𑌦𑍍𑌰𑌕𑌳𑌾𑌵𑌤𑌂𑌸𑌮𑍍 ।
𑌭𑌕𑍍𑌤𑌪𑍍𑌰𑌦𑌾𑌨𑌾𑌯 𑌕𑍃𑌪𑌾𑌵𑌤𑍀𑌰𑍍𑌣𑌂 𑌤𑌂 𑌸𑍋𑌮𑌨𑌾𑌥𑌂 𑌶𑌰𑌣𑌂 𑌪𑍍𑌰𑌪𑌦𑍍𑌯𑍇 ॥ 1 ॥

𑌶𑍍𑌰𑍀𑌶𑍈𑌲𑌶𑍃𑌂𑌗𑍇 𑌵𑌿𑌵𑌿𑌧𑌪𑍍𑌰𑌸𑌂𑌗𑍇 𑌶𑍇𑌷𑌾𑌦𑍍𑌰𑌿𑌶𑍃𑌂𑌗𑍇𑌽𑌪𑌿 𑌸𑌦𑌾 𑌵𑌸𑌂𑌤𑌮𑍍 ।
𑌤𑌮𑌰𑍍𑌜𑍁𑌨𑌂 𑌮𑌲𑍍𑌲𑌿𑌕𑌪𑍂𑌰𑍍𑌵𑌮𑍇𑌨𑌂 𑌨𑌮𑌾𑌮𑌿 𑌸𑌂𑌸𑌾𑌰𑌸𑌮𑍁𑌦𑍍𑌰𑌸𑍇𑌤𑍁𑌮𑍍 ॥ 2 ॥

𑌅𑌵𑌂𑌤𑌿𑌕𑌾𑌯𑌾𑌂 𑌵𑌿𑌹𑌿𑌤𑌾𑌵𑌤𑌾𑌰𑌂 𑌮𑍁𑌕𑍍𑌤𑌿𑌪𑍍𑌰𑌦𑌾𑌨𑌾𑌯 𑌚 𑌸𑌜𑍍𑌜𑌨𑌾𑌨𑌾𑌮𑍍 ।
𑌅𑌕𑌾𑌲𑌮𑍃𑌤𑍍𑌯𑍋𑌃 𑌪𑌰𑌿𑌰𑌕𑍍𑌷𑌣𑌾𑌰𑍍𑌥𑌂 𑌵𑌂𑌦𑍇 𑌮𑌹𑌾𑌕𑌾𑌲𑌮𑌹𑌾𑌸𑍁𑌰𑍇𑌶𑌮𑍍 ॥ 3 ॥

𑌕𑌾𑌵𑍇𑌰𑌿𑌕𑌾𑌨𑌰𑍍𑌮𑌦𑌯𑍋𑌃 𑌪𑌵𑌿𑌤𑍍𑌰𑍇 𑌸𑌮𑌾𑌗𑌮𑍇 𑌸𑌜𑍍𑌜𑌨𑌤𑌾𑌰𑌣𑌾𑌯 ।
𑌸𑌦𑍈𑌵 𑌮𑌾𑌂𑌧𑌾𑌤𑍃𑌪𑍁𑌰𑍇 𑌵𑌸𑌂𑌤𑌂 𑌓𑌂𑌕𑌾𑌰𑌮𑍀𑌶𑌂 𑌶𑌿𑌵𑌮𑍇𑌕𑌮𑍀𑌡𑍇 ॥ 4 ॥

𑌪𑍂𑌰𑍍𑌵𑍋𑌤𑍍𑌤𑌰𑍇 𑌪𑍍𑌰𑌜𑍍𑌵𑌲𑌿𑌕𑌾𑌨𑌿𑌧𑌾𑌨𑍇 𑌸𑌦𑌾 𑌵𑌸𑌂 𑌤𑌂 𑌗𑌿𑌰𑌿𑌜𑌾𑌸𑌮𑍇𑌤𑌮𑍍 ।
𑌸𑍁𑌰𑌾𑌸𑍁𑌰𑌾𑌰𑌾𑌧𑌿𑌤𑌪𑌾𑌦𑌪𑌦𑍍𑌮𑌂 𑌶𑍍𑌰𑍀𑌵𑍈𑌦𑍍𑌯𑌨𑌾𑌥𑌂 𑌤𑌮𑌹𑌂 𑌨𑌮𑌾𑌮𑌿 ॥ 5 ॥

𑌯𑌂 𑌡𑌾𑌕𑌿𑌨𑌿𑌶𑌾𑌕𑌿𑌨𑌿𑌕𑌾𑌸𑌮𑌾𑌜𑍇 𑌨𑌿𑌷𑍇𑌵𑍍𑌯𑌮𑌾𑌣𑌂 𑌪𑌿𑌶𑌿𑌤𑌾𑌶𑌨𑍈𑌶𑍍𑌚 ।
𑌸𑌦𑍈𑌵 𑌭𑍀𑌮𑌾𑌦𑌿𑌪𑌦𑌪𑍍𑌰𑌸𑌿𑌦𑍍𑌧𑌂 𑌤𑌂 𑌶𑌂𑌕𑌰𑌂 𑌭𑌕𑍍𑌤𑌹𑌿𑌤𑌂 𑌨𑌮𑌾𑌮𑌿 ॥ 6 ॥

𑌶𑍍𑌰𑍀𑌤𑌾𑌮𑍍𑌰𑌪𑌰𑍍𑌣𑍀𑌜𑌲𑌰𑌾𑌶𑌿𑌯𑍋𑌗𑍇 𑌨𑌿𑌬𑌧𑍍𑌯 𑌸𑍇𑌤𑍁𑌂 𑌵𑌿𑌶𑌿𑌖𑍈𑌰𑌸𑌂𑌖𑍍𑌯𑍈𑌃 ।
𑌶𑍍𑌰𑍀𑌰𑌾𑌮𑌚𑌂𑌦𑍍𑌰𑍇𑌣 𑌸𑌮𑌰𑍍𑌪𑌿𑌤𑌂 𑌤𑌂 𑌰𑌾𑌮𑍇𑌶𑍍𑌵𑌰𑌾𑌖𑍍𑌯𑌂 𑌨𑌿𑌯𑌤𑌂 𑌨𑌮𑌾𑌮𑌿 ॥ 𑍭 ॥

𑌯𑌾𑌮𑍍𑌯𑍇 𑌸𑌦𑌂𑌗𑍇 𑌨𑌗𑌰𑍇𑌽𑌤𑌿𑌰𑌮𑍍𑌯𑍇 𑌵𑌿𑌭𑍂𑌷𑌿𑌤𑌾𑌂𑌗𑌂 𑌵𑌿𑌵𑌿𑌧𑍈𑌶𑍍𑌚 𑌭𑍋𑌗𑍈𑌃 ।
𑌸𑌦𑍍𑌭𑌕𑍍𑌤𑌿𑌮𑍁𑌕𑍍𑌤𑌿𑌪𑍍𑌰𑌦𑌮𑍀𑌶𑌮𑍇𑌕𑌂 𑌶𑍍𑌰𑍀𑌨𑌾𑌗𑌨𑌾𑌥𑌂 𑌶𑌰𑌣𑌂 𑌪𑍍𑌰𑌪𑌦𑍍𑌯𑍇 ॥ 𑍮 ॥

𑌸𑌾𑌨𑌂𑌦𑌮𑌾𑌨𑌂𑌦𑌵𑌨𑍇 𑌵𑌸𑌂𑌤𑌂 𑌆𑌨𑌂𑌦𑌕𑌂𑌦𑌂 𑌹𑌤𑌪𑌾𑌪𑌬𑍃𑌂𑌦𑌮𑍍 ।
𑌵𑌾𑌰𑌾𑌣𑌸𑍀𑌨𑌾𑌥𑌮𑌨𑌾𑌥𑌨𑌾𑌥𑌂 𑌶𑍍𑌰𑍀𑌵𑌿𑌶𑍍𑌵𑌨𑌾𑌥𑌂 𑌶𑌰𑌣𑌂 𑌪𑍍𑌰𑌪𑌦𑍍𑌯𑍇 ॥ 𑍯 ॥

𑌸𑌹𑍍𑌯𑌾𑌦𑍍𑌰𑌿𑌶𑍀𑌰𑍍𑌷𑍇 𑌵𑌿𑌮𑌲𑍇 𑌵𑌸𑌂𑌤𑌂 𑌗𑍋𑌦𑌾𑌵𑌰𑌿𑌤𑍀𑌰𑌪𑌵𑌿𑌤𑍍𑌰𑌦𑍇𑌶𑍇 ।
𑌯𑌦𑍍𑌦𑌰𑍍𑌶𑌨𑌾𑌤𑍍 𑌪𑌾𑌤𑌕𑌂 𑌪𑌾𑌶𑍁 𑌨𑌾𑌶𑌂 𑌪𑍍𑌰𑌯𑌾𑌤𑌿 𑌤𑌂 𑌤𑍍𑌰𑍍𑌯𑌂𑌬𑌕𑌮𑍀𑌶𑌮𑍀𑌡𑍇 ॥ 10 ॥

𑌮𑌹𑌾𑌦𑍍𑌰𑌿𑌪𑌾𑌰𑍍𑌶𑍍𑌵𑍇 𑌚 𑌤𑌟𑍇 𑌰𑌮𑌂𑌤𑌂 𑌸𑌂𑌪𑍂𑌜𑍍𑌯𑌮𑌾𑌨𑌂 𑌸𑌤𑌤𑌂 𑌮𑍁𑌨𑍀𑌂𑌦𑍍𑌰𑍈𑌃 ।
𑌸𑍁𑌰𑌾𑌸𑍁𑌰𑍈𑌰𑍍𑌯𑌕𑍍𑌷 𑌮𑌹𑍋𑌰𑌗𑌾𑌢𑍍𑌯𑍈𑌃 𑌕𑍇𑌦𑌾𑌰𑌮𑍀𑌶𑌂 𑌶𑌿𑌵𑌮𑍇𑌕𑌮𑍀𑌡𑍇 ॥ 11 ॥

𑌇𑌲𑌾𑌪𑍁𑌰𑍇 𑌰𑌮𑍍𑌯𑌵𑌿𑌶𑌾𑌲𑌕𑍇𑌽𑌸𑍍𑌮𑌿𑌨𑍍 𑌸𑌮𑍁𑌲𑍍𑌲𑌸𑌂𑌤𑌂 𑌚 𑌜𑌗𑌦𑍍𑌵𑌰𑍇𑌣𑍍𑌯𑌮𑍍 ।
𑌵𑌂𑌦𑍇 𑌮𑌹𑍋𑌦𑌾𑌰𑌤𑌰𑌸𑍍𑌵𑌭𑌾𑌵𑌂 𑌘𑍃𑌷𑍍𑌣𑍇𑌶𑍍𑌵𑌰𑌾𑌖𑍍𑌯𑌂 𑌶𑌰𑌣𑌂 𑌪𑍍𑌰𑌪𑌦𑍍𑌯𑍇 ॥ 12 ॥

𑌜𑍍𑌯𑍋𑌤𑌿𑌰𑍍𑌮𑌯𑌦𑍍𑌵𑌾𑌦𑌶𑌲𑌿𑌂𑌗𑌕𑌾𑌨𑌾𑌂 𑌶𑌿𑌵𑌾𑌤𑍍𑌮𑌨𑌾𑌂 𑌪𑍍𑌰𑍋𑌕𑍍𑌤𑌮𑌿𑌦𑌂 𑌕𑍍𑌰𑌮𑍇𑌣 ।
𑌸𑍍𑌤𑍋𑌤𑍍𑌰𑌂 𑌪𑌠𑌿𑌤𑍍𑌵𑌾 𑌮𑌨𑍁𑌜𑍋𑌽𑌤𑌿𑌭𑌕𑍍𑌤𑍍𑌯𑌾 𑌫𑌲𑌂 𑌤𑌦𑌾𑌲𑍋𑌕𑍍𑌯 𑌨𑌿𑌜𑌂 𑌭𑌜𑍇𑌚𑍍𑌚 ॥

Browse Related Categories: