𑌶𑌿𑌷𑍍𑌯 𑌉𑌵𑌾𑌚
𑌅𑌖𑌂𑌡𑍇 𑌸𑌚𑍍𑌚𑌿𑌦𑌾𑌨𑌂𑌦𑍇 𑌨𑌿𑌰𑍍𑌵𑌿𑌕𑌲𑍍𑌪𑍈𑌕𑌰𑍂𑌪𑌿𑌣𑌿 ।
𑌸𑍍𑌥𑌿𑌤𑍇𑌽𑌦𑍍𑌵𑌿𑌤𑍀𑌯𑌭𑌾𑌵𑍇𑌽𑌪𑌿 𑌕𑌥𑌂 𑌪𑍂𑌜𑌾 𑌵𑌿𑌧𑍀𑌯𑌤𑍇 ॥ 1 ॥

𑌪𑍂𑌰𑍍𑌣𑌸𑍍𑌯𑌾𑌵𑌾𑌹𑌨𑌂 𑌕𑍁𑌤𑍍𑌰 𑌸𑌰𑍍𑌵𑌾𑌧𑌾𑌰𑌸𑍍𑌯 𑌚𑌾𑌸𑌨𑌮𑍍 ।
𑌸𑍍𑌵𑌚𑍍𑌛𑌸𑍍𑌯 𑌪𑌾𑌦𑍍𑌯𑌮𑌰𑍍𑌘𑍍𑌯𑌂 𑌚 𑌶𑍁𑌦𑍍𑌧𑌸𑍍𑌯𑌾𑌚𑌮𑌨𑌂 𑌕𑍁𑌤𑌃 ॥ 2 ॥

𑌨𑌿𑌰𑍍𑌮𑌲𑌸𑍍𑌯 𑌕𑍁𑌤𑌃 𑌸𑍍𑌨𑌾𑌨𑌂 𑌵𑌾𑌸𑍋 𑌵𑌿𑌶𑍍𑌵𑍋𑌦𑌰𑌸𑍍𑌯 𑌚 ।
𑌅𑌗𑍋𑌤𑍍𑌰𑌸𑍍𑌯 𑌤𑍍𑌵𑌵𑌰𑍍𑌣𑌸𑍍𑌯 𑌕𑍁𑌤𑌸𑍍𑌤𑌸𑍍𑌯𑍋𑌪𑌵𑍀𑌤𑌕𑌮𑍍 ॥ 3 ॥

𑌨𑌿𑌰𑍍𑌲𑍇𑌪𑌸𑍍𑌯 𑌕𑍁𑌤𑍋 𑌗𑌂𑌧𑌃 𑌪𑍁𑌷𑍍𑌪𑌂 𑌨𑌿𑌰𑍍𑌵𑌾𑌸𑌨𑌸𑍍𑌯 𑌚 ।
𑌨𑌿𑌰𑍍𑌵𑌿𑌶𑍇𑌷𑌸𑍍𑌯 𑌕𑌾 𑌭𑍂𑌷𑌾 𑌕𑍋𑌽𑌲𑌂𑌕𑌾𑌰𑍋 𑌨𑌿𑌰𑌾𑌕𑍃𑌤𑍇𑌃 ॥ 4 ॥

𑌨𑌿𑌰𑌂𑌜𑌨𑌸𑍍𑌯 𑌕𑌿𑌂 𑌧𑍂𑌪𑍈𑌰𑍍𑌦𑍀𑌪𑍈𑌰𑍍𑌵𑌾 𑌸𑌰𑍍𑌵𑌸𑌾𑌕𑍍𑌷𑌿𑌣𑌃 ।
𑌨𑌿𑌜𑌾𑌨𑌂𑌦𑍈𑌕𑌤𑍃𑌪𑍍𑌤𑌸𑍍𑌯 𑌨𑍈𑌵𑍇𑌦𑍍𑌯𑌂 𑌕𑌿𑌂 𑌭𑌵𑍇𑌦𑌿𑌹 ॥ 5 ॥

𑌵𑌿𑌶𑍍𑌵𑌾𑌨𑌂𑌦𑌯𑌿𑌤𑍁𑌸𑍍𑌤𑌸𑍍𑌯 𑌕𑌿𑌂 𑌤𑌾𑌂𑌬𑍂𑌲𑌂 𑌪𑍍𑌰𑌕𑌲𑍍𑌪𑌤𑍇 ।
𑌸𑍍𑌵𑌯𑌂𑌪𑍍𑌰𑌕𑌾𑌶𑌚𑌿𑌦𑍍𑌰𑍂𑌪𑍋 𑌯𑍋𑌽𑌸𑌾𑌵𑌰𑍍𑌕𑌾𑌦𑌿𑌭𑌾𑌸𑌕𑌃 ॥ 6 ॥

𑌗𑍀𑌯𑌤𑍇 𑌶𑍍𑌰𑍁𑌤𑌿𑌭𑌿𑌸𑍍𑌤𑌸𑍍𑌯 𑌨𑍀𑌰𑌾𑌜𑌨𑌵𑌿𑌧𑌿𑌃 𑌕𑍁𑌤𑌃 ।
𑌪𑍍𑌰𑌦𑌕𑍍𑌷𑌿𑌣𑌮𑌨𑌂𑌤𑌸𑍍𑌯 𑌪𑍍𑌰𑌣𑌾𑌮𑍋𑌽𑌦𑍍𑌵𑌯𑌵𑌸𑍍𑌤𑍁𑌨𑌃 ॥ 𑍭 ॥

𑌵𑍇𑌦𑌵𑌾𑌚𑌾𑌮𑌵𑍇𑌦𑍍𑌯𑌸𑍍𑌯 𑌕𑌿𑌂 𑌵𑌾 𑌸𑍍𑌤𑍋𑌤𑍍𑌰𑌂 𑌵𑌿𑌧𑍀𑌯𑌤𑍇 ।
𑌅𑌂𑌤𑌰𑍍𑌬𑌹𑌿𑌃 𑌸𑌂𑌸𑍍𑌥𑌿𑌤𑌸𑍍𑌯 𑌉𑌦𑍍𑌵𑌾𑌸𑌨𑌵𑌿𑌧𑌿𑌃 𑌕𑍁𑌤𑌃 ॥ 𑍮 ॥

𑌶𑍍𑌰𑍀 𑌗𑍁𑌰𑍁𑌰𑍁𑌵𑌾𑌚
𑌆𑌰𑌾𑌧𑌯𑌾𑌮𑌿 𑌮𑌣𑌿𑌸𑌂𑌨𑌿𑌭𑌮𑌾𑌤𑍍𑌮𑌲𑌿𑌂𑌗𑌮𑍍
𑌮𑌾𑌯𑌾𑌪𑍁𑌰𑍀𑌹𑍃𑌦𑌯𑌪𑌂𑌕𑌜𑌸𑌂𑌨𑌿𑌵𑌿𑌷𑍍𑌟𑌮𑍍 ।
𑌶𑍍𑌰𑌦𑍍𑌧𑌾𑌨𑌦𑍀𑌵𑌿𑌮𑌲𑌚𑌿𑌤𑍍𑌤𑌜𑌲𑌾𑌭𑌿𑌷𑍇𑌕𑍈-
𑌰𑍍𑌨𑌿𑌤𑍍𑌯𑌂 𑌸𑌮𑌾𑌧𑌿𑌕𑍁𑌸𑍁𑌮𑍈𑌰𑍍𑌨𑌪𑍁𑌨𑌰𑍍𑌭𑌵𑌾𑌯 ॥ 𑍯 ॥

𑌅𑌯𑌮𑍇𑌕𑍋𑌽𑌵𑌶𑌿𑌷𑍍𑌟𑍋𑌽𑌸𑍍𑌮𑍀𑌤𑍍𑌯𑍇𑌵𑌮𑌾𑌵𑌾𑌹𑌯𑍇𑌚𑍍𑌛𑌿𑌵𑌮𑍍 ।
𑌆𑌸𑌨𑌂 𑌕𑌲𑍍𑌪𑌯𑍇𑌤𑍍𑌪𑌶𑍍𑌚𑌾𑌤𑍍𑌸𑍍𑌵𑌪𑍍𑌰𑌤𑌿𑌷𑍍𑌠𑌾𑌤𑍍𑌮𑌚𑌿𑌂𑌤𑌨𑌮𑍍 ॥ 10 ॥

𑌪𑍁𑌣𑍍𑌯𑌪𑌾𑌪𑌰𑌜𑌃𑌸𑌂𑌗𑍋 𑌮𑌮 𑌨𑌾𑌸𑍍𑌤𑍀𑌤𑌿 𑌵𑍇𑌦𑌨𑌮𑍍 ।
𑌪𑌾𑌦𑍍𑌯𑌂 𑌸𑌮𑌰𑍍𑌪𑌯𑍇𑌦𑍍𑌵𑌿𑌦𑍍𑌵𑌨𑍍𑌸𑌰𑍍𑌵𑌕𑌲𑍍𑌮𑌷𑌨𑌾𑌶𑌨𑌮𑍍 ॥ 11 ॥

𑌅𑌨𑌾𑌦𑌿𑌕𑌲𑍍𑌪𑌵𑌿𑌧𑍃𑌤𑌮𑍂𑌲𑌾𑌜𑍍𑌞𑌾𑌨𑌜𑌲𑌾𑌂𑌜𑌲𑌿𑌮𑍍 ।
𑌵𑌿𑌸𑍃𑌜𑍇𑌦𑌾𑌤𑍍𑌮𑌲𑌿𑌂𑌗𑌸𑍍𑌯 𑌤𑌦𑍇𑌵𑌾𑌰𑍍𑌘𑍍𑌯𑌸𑌮𑌰𑍍𑌪𑌣𑌮𑍍 ॥ 12 ॥

𑌬𑍍𑌰𑌹𑍍𑌮𑌾𑌨𑌂𑌦𑌾𑌬𑍍𑌧𑌿𑌕𑌲𑍍𑌲𑍋𑌲𑌕𑌣𑌕𑍋𑌟𑍍𑌯𑌂𑌶𑌲𑍇𑌶𑌕𑌮𑍍 ।
𑌪𑌿𑌬𑌂𑌤𑍀𑌂𑌦𑍍𑌰𑌾𑌦𑌯 𑌇𑌤𑌿 𑌧𑍍𑌯𑌾𑌨𑌮𑌾𑌚𑌮𑌨𑌂 𑌮𑌤𑌮𑍍 ॥ 13 ॥

𑌬𑍍𑌰𑌹𑍍𑌮𑌾𑌨𑌂𑌦𑌜𑌲𑍇𑌨𑍈𑌵 𑌲𑍋𑌕𑌾𑌃 𑌸𑌰𑍍𑌵𑍇 𑌪𑌰𑌿𑌪𑍍𑌲𑍁𑌤𑌾𑌃 ।
𑌅𑌚𑍍𑌛𑍇𑌦𑍍𑌯𑍋𑌽𑌯𑌮𑌿𑌤𑌿 𑌧𑍍𑌯𑌾𑌨𑌮𑌭𑌿𑌷𑍇𑌚𑌨𑌮𑌾𑌤𑍍𑌮𑌨𑌃 ॥ 14 ॥

𑌨𑌿𑌰𑌾𑌵𑌰𑌣𑌚𑍈𑌤𑌨𑍍𑌯𑌂 𑌪𑍍𑌰𑌕𑌾𑌶𑍋𑌽𑌸𑍍𑌮𑍀𑌤𑌿 𑌚𑌿𑌂𑌤𑌨𑌮𑍍 ।
𑌆𑌤𑍍𑌮𑌲𑌿𑌂𑌗𑌸𑍍𑌯 𑌸𑌦𑍍𑌵𑌸𑍍𑌤𑍍𑌰𑌮𑌿𑌤𑍍𑌯𑍇𑌵𑌂 𑌚𑌿𑌂𑌤𑌯𑍇𑌨𑍍𑌮𑍁𑌨𑌿𑌃 ॥ 15 ॥

𑌤𑍍𑌰𑌿𑌗𑍁𑌣𑌾𑌤𑍍𑌮𑌾𑌶𑍇𑌷𑌲𑍋𑌕𑌮𑌾𑌲𑌿𑌕𑌾𑌸𑍂𑌤𑍍𑌰𑌮𑌸𑍍𑌮𑍍𑌯𑌹𑌮𑍍 ।
𑌇𑌤𑌿 𑌨𑌿𑌶𑍍𑌚𑌯𑌮𑍇𑌵𑌾𑌤𑍍𑌰 𑌹𑍍𑌯𑍁𑌪𑌵𑍀𑌤𑌂 𑌪𑌰𑌂 𑌮𑌤𑌮𑍍 ॥ 16 ॥

𑌅𑌨𑍇𑌕𑌵𑌾𑌸𑌨𑌾𑌮𑌿𑌶𑍍𑌰𑌪𑍍𑌰𑌪𑌂𑌚𑍋𑌽𑌯𑌂 𑌧𑍃𑌤𑍋 𑌮𑌯𑌾 ।
𑌨𑌾𑌨𑍍𑌯𑍇𑌨𑍇𑌤𑍍𑌯𑌨𑍁𑌸𑌂𑌧𑌾𑌨𑌮𑌾𑌤𑍍𑌮𑌨𑌶𑍍𑌚𑌂𑌦𑌨𑌂 𑌭𑌵𑍇𑌤𑍍 ॥ 1𑍭 ॥

𑌰𑌜𑌃𑌸𑌤𑍍𑌤𑍍𑌵𑌤𑌮𑍋𑌵𑍃𑌤𑍍𑌤𑌿𑌤𑍍𑌯𑌾𑌗𑌰𑍂𑌪𑍈𑌸𑍍𑌤𑌿𑌲𑌾𑌕𑍍𑌷𑌤𑍈𑌃 ।
𑌆𑌤𑍍𑌮𑌲𑌿𑌂𑌗𑌂 𑌯𑌜𑍇𑌨𑍍𑌨𑌿𑌤𑍍𑌯𑌂 𑌜𑍀𑌵𑌨𑍍𑌮𑍁𑌕𑍍𑌤𑌿𑌪𑍍𑌰𑌸𑌿𑌦𑍍𑌧𑌯𑍇 ॥ 1𑍮 ॥

𑌈𑌶𑍍𑌵𑌰𑍋 𑌗𑍁𑌰𑍁𑌰𑌾𑌤𑍍𑌮𑍇𑌤𑌿 𑌭𑍇𑌦𑌤𑍍𑌰𑌯𑌵𑌿𑌵𑌰𑍍𑌜𑌿𑌤𑍈𑌃 ।
𑌬𑌿𑌲𑍍𑌵𑌪𑌤𑍍𑌰𑍈𑌰𑌦𑍍𑌵𑌿𑌤𑍀𑌯𑍈𑌰𑌾𑌤𑍍𑌮𑌲𑌿𑌂𑌗𑌂 𑌯𑌜𑍇𑌚𑍍𑌛𑌿𑌵𑌮𑍍 ॥ 1𑍯 ॥

𑌸𑌮𑌸𑍍𑌤𑌵𑌾𑌸𑌨𑌾𑌤𑍍𑌯𑌾𑌗𑌂 𑌧𑍂𑌪𑌂 𑌤𑌸𑍍𑌯 𑌵𑌿𑌚𑌿𑌂𑌤𑌯𑍇𑌤𑍍 ।
𑌜𑍍𑌯𑍋𑌤𑌿𑌰𑍍𑌮𑌯𑌾𑌤𑍍𑌮𑌵𑌿𑌜𑍍𑌞𑌾𑌨𑌂 𑌦𑍀𑌪𑌂 𑌸𑌂𑌦𑌰𑍍𑌶𑌯𑍇𑌦𑍍𑌬𑍁𑌧𑌃 ॥ 20 ॥

𑌨𑍈𑌵𑍇𑌦𑍍𑌯𑌮𑌾𑌤𑍍𑌮𑌲𑌿𑌂𑌗𑌸𑍍𑌯 𑌬𑍍𑌰𑌹𑍍𑌮𑌾𑌂𑌡𑌾𑌖𑍍𑌯𑌂 𑌮𑌹𑍋𑌦𑌨𑌮𑍍 ।
𑌪𑌿𑌬𑌾𑌨𑌂𑌦𑌰𑌸𑌂 𑌸𑍍𑌵𑌾𑌦𑍁 𑌮𑍃𑌤𑍍𑌯𑍁𑌰𑌸𑍍𑌯𑍋𑌪𑌸𑍇𑌚𑌨𑌮𑍍 ॥ 21 ॥

𑌅𑌜𑍍𑌞𑌾𑌨𑍋𑌚𑍍𑌛𑌿𑌷𑍍𑌟𑌕𑌰𑌸𑍍𑌯 𑌕𑍍𑌷𑌾𑌲𑌨𑌂 𑌜𑍍𑌞𑌾𑌨𑌵𑌾𑌰𑌿𑌣𑌾 ।
𑌵𑌿𑌶𑍁𑌦𑍍𑌧𑌸𑍍𑌯𑌾𑌤𑍍𑌮𑌲𑌿𑌂𑌗𑌸𑍍𑌯 𑌹𑌸𑍍𑌤𑌪𑍍𑌰𑌕𑍍𑌷𑌾𑌲𑌨𑌂 𑌸𑍍𑌮𑌰𑍇𑌤𑍍 ॥ 22 ॥

𑌰𑌾𑌗𑌾𑌦𑌿𑌗𑍁𑌣𑌶𑍂𑌨𑍍𑌯𑌸𑍍𑌯 𑌶𑌿𑌵𑌸𑍍𑌯 𑌪𑌰𑌮𑌾𑌤𑍍𑌮𑌨𑌃 ।
𑌸𑌰𑌾𑌗𑌵𑌿𑌷𑌯𑌾𑌭𑍍𑌯𑌾𑌸𑌤𑍍𑌯𑌾𑌗𑌸𑍍𑌤𑌾𑌂𑌬𑍂𑌲𑌚𑌰𑍍𑌵𑌣𑌮𑍍 ॥ 23 ॥

𑌅𑌜𑍍𑌞𑌾𑌨𑌧𑍍𑌵𑌾𑌂𑌤𑌵𑌿𑌧𑍍𑌵𑌂𑌸𑌪𑍍𑌰𑌚𑌂𑌡𑌮𑌤𑌿𑌭𑌾𑌸𑍍𑌕𑌰𑌮𑍍 ।
𑌆𑌤𑍍𑌮𑌨𑍋 𑌬𑍍𑌰𑌹𑍍𑌮𑌤𑌾𑌜𑍍𑌞𑌾𑌨𑌂 𑌨𑍀𑌰𑌾𑌜𑌨𑌮𑌿𑌹𑌾𑌤𑍍𑌮𑌨𑌃 ॥ 24 ॥

𑌵𑌿𑌵𑌿𑌧𑌬𑍍𑌰𑌹𑍍𑌮𑌸𑌂𑌦𑍃𑌷𑍍𑌟𑌿𑌰𑍍𑌮𑌾𑌲𑌿𑌕𑌾𑌭𑌿𑌰𑌲𑌂𑌕𑍃𑌤𑌮𑍍 ।
𑌪𑍂𑌰𑍍𑌣𑌾𑌨𑌂𑌦𑌾𑌤𑍍𑌮𑌤𑌾𑌦𑍃𑌷𑍍𑌟𑌿𑌂 𑌪𑍁𑌷𑍍𑌪𑌾𑌂𑌜𑌲𑌿𑌮𑌨𑍁𑌸𑍍𑌮𑌰𑍇𑌤𑍍 ॥ 25 ॥

𑌪𑌰𑌿𑌭𑍍𑌰𑌮𑌂𑌤𑌿 𑌬𑍍𑌰𑌹𑍍𑌮𑌾𑌂𑌡𑌸𑌹𑌸𑍍𑌰𑌾𑌣𑌿 𑌮𑌯𑍀𑌶𑍍𑌵𑌰𑍇 ।
𑌕𑍂𑌟𑌸𑍍𑌥𑌾𑌚𑌲𑌰𑍂𑌪𑍋𑌽𑌹𑌮𑌿𑌤𑌿 𑌧𑍍𑌯𑌾𑌨𑌂 𑌪𑍍𑌰𑌦𑌕𑍍𑌷𑌿𑌣𑌮𑍍 ॥ 26 ॥

𑌵𑌿𑌶𑍍𑌵𑌵𑌂𑌦𑍍𑌯𑍋𑌽𑌹𑌮𑍇𑌵𑌾𑌸𑍍𑌮𑌿 𑌨𑌾𑌸𑍍𑌤𑌿 𑌵𑌂𑌦𑍍𑌯𑍋 𑌮𑌦𑌨𑍍𑌯𑌤𑌃 ।
𑌇𑌤𑍍𑌯𑌾𑌲𑍋𑌚𑌨𑌮𑍇𑌵𑌾𑌤𑍍𑌰 𑌸𑍍𑌵𑌾𑌤𑍍𑌮𑌲𑌿𑌂𑌗𑌸𑍍𑌯 𑌵𑌂𑌦𑌨𑌮𑍍 ॥ 2𑍭 ॥

𑌆𑌤𑍍𑌮𑌨𑌃 𑌸𑌤𑍍𑌕𑍍𑌰𑌿𑌯𑌾 𑌪𑍍𑌰𑍋𑌕𑍍𑌤𑌾 𑌕𑌰𑍍𑌤𑌵𑍍𑌯𑌾𑌭𑌾𑌵𑌭𑌾𑌵𑌨𑌾 ।
𑌨𑌾𑌮𑌰𑍂𑌪𑌵𑍍𑌯𑌤𑍀𑌤𑌾𑌤𑍍𑌮𑌚𑌿𑌂𑌤𑌨𑌂 𑌨𑌾𑌮𑌕𑍀𑌰𑍍𑌤𑌨𑌮𑍍 ॥ 2𑍮 ॥

𑌶𑍍𑌰𑌵𑌣𑌂 𑌤𑌸𑍍𑌯 𑌦𑍇𑌵𑌸𑍍𑌯 𑌶𑍍𑌰𑍋𑌤𑌵𑍍𑌯𑌾𑌭𑌾𑌵𑌚𑌿𑌂𑌤𑌨𑌮𑍍 ।
𑌮𑌨𑌨𑌂 𑌤𑍍𑌵𑌾𑌤𑍍𑌮𑌲𑌿𑌂𑌗𑌸𑍍𑌯 𑌮𑌂𑌤𑌵𑍍𑌯𑌾𑌭𑌾𑌵𑌚𑌿𑌂𑌤𑌨𑌮𑍍 ॥ 2𑍯 ॥

𑌧𑍍𑌯𑌾𑌤𑌵𑍍𑌯𑌾𑌭𑌾𑌵𑌵𑌿𑌜𑍍𑌞𑌾𑌨𑌂 𑌨𑌿𑌦𑌿𑌧𑍍𑌯𑌾𑌸𑌨𑌮𑌾𑌤𑍍𑌮𑌨𑌃 ।
𑌸𑌮𑌸𑍍𑌤𑌭𑍍𑌰𑌾𑌂𑌤𑌿𑌵𑌿𑌕𑍍𑌷𑍇𑌪𑌰𑌾𑌹𑌿𑌤𑍍𑌯𑍇𑌨𑌾𑌤𑍍𑌮𑌨𑌿𑌷𑍍𑌠𑌤𑌾 ॥ 30 ॥

𑌸𑌮𑌾𑌧𑌿𑌰𑌾𑌤𑍍𑌮𑌨𑍋 𑌨𑌾𑌮 𑌨𑌾𑌨𑍍𑌯𑌚𑍍𑌚𑌿𑌤𑍍𑌤𑌸𑍍𑌯 𑌵𑌿𑌭𑍍𑌰𑌮𑌃 ।
𑌤𑌤𑍍𑌰𑍈𑌵 𑌬𑌹𑍍𑌮𑌣𑌿 𑌸𑌦𑌾 𑌚𑌿𑌤𑍍𑌤𑌵𑌿𑌶𑍍𑌰𑌾𑌂𑌤𑌿𑌰𑌿𑌷𑍍𑌯𑌤𑍇 ॥ 31 ॥

𑌏𑌵𑌂 𑌵𑍇𑌦𑌾𑌂𑌤𑌕𑌲𑍍𑌪𑍋𑌕𑍍𑌤𑌸𑍍𑌵𑌾𑌤𑍍𑌮𑌲𑌿𑌂𑌗𑌪𑍍𑌰𑌪𑍂𑌜𑌨𑌮𑍍 ।
𑌕𑍁𑌰𑍍𑌵𑌨𑍍𑌨𑌾 𑌮𑌰𑌣𑌂 𑌵𑌾𑌪𑌿 𑌕𑍍𑌷𑌣𑌂 𑌵𑌾 𑌸𑍁𑌸𑌮𑌾𑌹𑌿𑌤𑌃 ॥ 32 ॥

𑌸𑌰𑍍𑌵𑌦𑍁𑌰𑍍𑌵𑌾𑌸𑌨𑌾𑌜𑌾𑌲𑌂 𑌪𑌦𑌪𑌾𑌂𑌸𑍁𑌮𑌿𑌵 𑌤𑍍𑌯𑌜𑍇𑌤𑍍 ।
𑌵𑌿𑌧𑍂𑌯𑌾𑌜𑍍𑌞𑌾𑌨𑌦𑍁𑌃𑌖𑍌𑌘𑌂 𑌮𑍋𑌕𑍍𑌷𑌾𑌨𑌂𑌦𑌂 𑌸𑌮𑌶𑍍𑌨𑍁𑌤𑍇 ॥ 33 ॥