Uma Maheswara Stotram - Grantha

Collection of Spiritual and Devotional Literature in Various Indian Languages

View this in:

𑌉𑌮𑌾 𑌮𑌹𑍇𑌶𑍍𑌵𑌰 𑌸𑍍𑌤𑍋𑌤𑍍𑌰𑌮𑍍

𑌨𑌮𑌃 𑌶𑌿𑌵𑌾𑌭𑍍𑌯𑌾𑌂 𑌨𑌵𑌯𑍌𑌵𑌨𑌾𑌭𑍍𑌯𑌾𑌂
𑌪𑌰𑌸𑍍𑌪𑌰𑌾𑌶𑍍𑌲𑌿𑌷𑍍𑌟𑌵𑌪𑍁𑌰𑍍𑌧𑌰𑌾𑌭𑍍𑌯𑌾𑌮𑍍 ।
𑌨𑌗𑍇𑌂𑌦𑍍𑌰𑌕𑌨𑍍𑌯𑌾𑌵𑍃𑌷𑌕𑍇𑌤𑌨𑌾𑌭𑍍𑌯𑌾𑌂
𑌨𑌮𑍋 𑌨𑌮𑌃 𑌶𑌂𑌕𑌰𑌪𑌾𑌰𑍍𑌵𑌤𑍀𑌭𑍍𑌯𑌾𑌮𑍍 ॥ 1 ॥

𑌨𑌮𑌃 𑌶𑌿𑌵𑌾𑌭𑍍𑌯𑌾𑌂 𑌸𑌰𑌸𑍋𑌤𑍍𑌸𑌵𑌾𑌭𑍍𑌯𑌾𑌂
𑌨𑌮𑌸𑍍𑌕𑍃𑌤𑌾𑌭𑍀𑌷𑍍𑌟𑌵𑌰𑌪𑍍𑌰𑌦𑌾𑌭𑍍𑌯𑌾𑌮𑍍 ।
𑌨𑌾𑌰𑌾𑌯𑌣𑍇𑌨𑌾𑌰𑍍𑌚𑌿𑌤𑌪𑌾𑌦𑍁𑌕𑌾𑌭𑍍𑌯𑌾𑌂
𑌨𑌮𑍋 𑌨𑌮𑌃 𑌶𑌂𑌕𑌰𑌪𑌾𑌰𑍍𑌵𑌤𑍀𑌭𑍍𑌯𑌾𑌮𑍍 ॥ 2 ॥

𑌨𑌮𑌃 𑌶𑌿𑌵𑌾𑌭𑍍𑌯𑌾𑌂 𑌵𑍃𑌷𑌵𑌾𑌹𑌨𑌾𑌭𑍍𑌯𑌾𑌂
𑌵𑌿𑌰𑌿𑌂𑌚𑌿𑌵𑌿𑌷𑍍𑌣𑍍𑌵𑌿𑌂𑌦𑍍𑌰𑌸𑍁𑌪𑍂𑌜𑌿𑌤𑌾𑌭𑍍𑌯𑌾𑌮𑍍 ।
𑌵𑌿𑌭𑍂𑌤𑌿𑌪𑌾𑌟𑍀𑌰𑌵𑌿𑌲𑍇𑌪𑌨𑌾𑌭𑍍𑌯𑌾𑌂
𑌨𑌮𑍋 𑌨𑌮𑌃 𑌶𑌂𑌕𑌰𑌪𑌾𑌰𑍍𑌵𑌤𑍀𑌭𑍍𑌯𑌾𑌮𑍍 ॥ 3 ॥

𑌨𑌮𑌃 𑌶𑌿𑌵𑌾𑌭𑍍𑌯𑌾𑌂 𑌜𑌗𑌦𑍀𑌶𑍍𑌵𑌰𑌾𑌭𑍍𑌯𑌾𑌂
𑌜𑌗𑌤𑍍𑌪𑌤𑌿𑌭𑍍𑌯𑌾𑌂 𑌜𑌯𑌵𑌿𑌗𑍍𑌰𑌹𑌾𑌭𑍍𑌯𑌾𑌮𑍍 ।
𑌜𑌂𑌭𑌾𑌰𑌿𑌮𑍁𑌖𑍍𑌯𑍈𑌰𑌭𑌿𑌵𑌂𑌦𑌿𑌤𑌾𑌭𑍍𑌯𑌾𑌂
𑌨𑌮𑍋 𑌨𑌮𑌃 𑌶𑌂𑌕𑌰𑌪𑌾𑌰𑍍𑌵𑌤𑍀𑌭𑍍𑌯𑌾𑌮𑍍 ॥ 4 ॥

𑌨𑌮𑌃 𑌶𑌿𑌵𑌾𑌭𑍍𑌯𑌾𑌂 𑌪𑌰𑌮𑍌𑌷𑌧𑌾𑌭𑍍𑌯𑌾𑌂
𑌪𑌂𑌚𑌾𑌕𑍍𑌷𑌰𑍀𑌪𑌂𑌜𑌰𑌰𑌂𑌜𑌿𑌤𑌾𑌭𑍍𑌯𑌾𑌮𑍍 ।
𑌪𑍍𑌰𑌪𑌂𑌚𑌸𑍃𑌷𑍍𑌟𑌿𑌸𑍍𑌥𑌿𑌤𑌿𑌸𑌂𑌹𑍃𑌤𑌾𑌭𑍍𑌯𑌾𑌂
𑌨𑌮𑍋 𑌨𑌮𑌃 𑌶𑌂𑌕𑌰𑌪𑌾𑌰𑍍𑌵𑌤𑍀𑌭𑍍𑌯𑌾𑌮𑍍 ॥ 5 ॥

𑌨𑌮𑌃 𑌶𑌿𑌵𑌾𑌭𑍍𑌯𑌾𑌮𑌤𑌿𑌸𑍁𑌂𑌦𑌰𑌾𑌭𑍍𑌯𑌾𑌂
𑌅𑌤𑍍𑌯𑌂𑌤𑌮𑌾𑌸𑌕𑍍𑌤𑌹𑍃𑌦𑌂𑌬𑍁𑌜𑌾𑌭𑍍𑌯𑌾𑌮𑍍 ।
𑌅𑌶𑍇𑌷𑌲𑍋𑌕𑍈𑌕𑌹𑌿𑌤𑌂𑌕𑌰𑌾𑌭𑍍𑌯𑌾𑌂
𑌨𑌮𑍋 𑌨𑌮𑌃 𑌶𑌂𑌕𑌰𑌪𑌾𑌰𑍍𑌵𑌤𑍀𑌭𑍍𑌯𑌾𑌮𑍍 ॥ 6 ॥

𑌨𑌮𑌃 𑌶𑌿𑌵𑌾𑌭𑍍𑌯𑌾𑌂 𑌕𑌲𑌿𑌨𑌾𑌶𑌨𑌾𑌭𑍍𑌯𑌾𑌂
𑌕𑌂𑌕𑌾𑌳𑌕𑌲𑍍𑌯𑌾𑌣𑌵𑌪𑍁𑌰𑍍𑌧𑌰𑌾𑌭𑍍𑌯𑌾𑌮𑍍 ।
𑌕𑍈𑌲𑌾𑌸𑌶𑍈𑌲𑌸𑍍𑌥𑌿𑌤𑌦𑍇𑌵𑌤𑌾𑌭𑍍𑌯𑌾𑌂
𑌨𑌮𑍋 𑌨𑌮𑌃 𑌶𑌂𑌕𑌰𑌪𑌾𑌰𑍍𑌵𑌤𑍀𑌭𑍍𑌯𑌾𑌮𑍍 ॥ 𑍭 ॥

𑌨𑌮𑌃 𑌶𑌿𑌵𑌾𑌭𑍍𑌯𑌾𑌮𑌶𑍁𑌭𑌾𑌪𑌹𑌾𑌭𑍍𑌯𑌾𑌂
𑌅𑌶𑍇𑌷𑌲𑍋𑌕𑍈𑌕𑌵𑌿𑌶𑍇𑌷𑌿𑌤𑌾𑌭𑍍𑌯𑌾𑌮𑍍 ।
𑌅𑌕𑍁𑌂𑌠𑌿𑌤𑌾𑌭𑍍𑌯𑌾𑌂 𑌸𑍍𑌮𑍃𑌤𑌿𑌸𑌂𑌭𑍃𑌤𑌾𑌭𑍍𑌯𑌾𑌂
𑌨𑌮𑍋 𑌨𑌮𑌃 𑌶𑌂𑌕𑌰𑌪𑌾𑌰𑍍𑌵𑌤𑍀𑌭𑍍𑌯𑌾𑌮𑍍 ॥ 𑍮 ॥

𑌨𑌮𑌃 𑌶𑌿𑌵𑌾𑌭𑍍𑌯𑌾𑌂 𑌰𑌥𑌵𑌾𑌹𑌨𑌾𑌭𑍍𑌯𑌾𑌂
𑌰𑌵𑍀𑌂𑌦𑍁𑌵𑍈𑌶𑍍𑌵𑌾𑌨𑌰𑌲𑍋𑌚𑌨𑌾𑌭𑍍𑌯𑌾𑌮𑍍 ।
𑌰𑌾𑌕𑌾𑌶𑌶𑌾𑌂𑌕𑌾𑌭𑌮𑍁𑌖𑌾𑌂𑌬𑍁𑌜𑌾𑌭𑍍𑌯𑌾𑌂
𑌨𑌮𑍋 𑌨𑌮𑌃 𑌶𑌂𑌕𑌰𑌪𑌾𑌰𑍍𑌵𑌤𑍀𑌭𑍍𑌯𑌾𑌮𑍍 ॥ 𑍯 ॥

𑌨𑌮𑌃 𑌶𑌿𑌵𑌾𑌭𑍍𑌯𑌾𑌂 𑌜𑌟𑌿𑌲𑌂𑌧𑌰𑌾𑌭𑍍𑌯𑌾𑌂
𑌜𑌰𑌾𑌮𑍃𑌤𑌿𑌭𑍍𑌯𑌾𑌂 𑌚 𑌵𑌿𑌵𑌰𑍍𑌜𑌿𑌤𑌾𑌭𑍍𑌯𑌾𑌮𑍍 ।
𑌜𑌨𑌾𑌰𑍍𑌦𑌨𑌾𑌬𑍍𑌜𑍋𑌦𑍍𑌭𑌵𑌪𑍂𑌜𑌿𑌤𑌾𑌭𑍍𑌯𑌾𑌂
𑌨𑌮𑍋 𑌨𑌮𑌃 𑌶𑌂𑌕𑌰𑌪𑌾𑌰𑍍𑌵𑌤𑍀𑌭𑍍𑌯𑌾𑌮𑍍 ॥ 10 ॥

𑌨𑌮𑌃 𑌶𑌿𑌵𑌾𑌭𑍍𑌯𑌾𑌂 𑌵𑌿𑌷𑌮𑍇𑌕𑍍𑌷𑌣𑌾𑌭𑍍𑌯𑌾𑌂
𑌬𑌿𑌲𑍍𑌵𑌚𑍍𑌛𑌦𑌾𑌮𑌲𑍍𑌲𑌿𑌕𑌦𑌾𑌮𑌭𑍃𑌦𑍍𑌭𑍍𑌯𑌾𑌮𑍍 ।
𑌶𑍋𑌭𑌾𑌵𑌤𑍀𑌶𑌾𑌂𑌤𑌵𑌤𑍀𑌶𑍍𑌵𑌰𑌾𑌭𑍍𑌯𑌾𑌂
𑌨𑌮𑍋 𑌨𑌮𑌃 𑌶𑌂𑌕𑌰𑌪𑌾𑌰𑍍𑌵𑌤𑍀𑌭𑍍𑌯𑌾𑌮𑍍 ॥ 11 ॥

𑌨𑌮𑌃 𑌶𑌿𑌵𑌾𑌭𑍍𑌯𑌾𑌂 𑌪𑌶𑍁𑌪𑌾𑌲𑌕𑌾𑌭𑍍𑌯𑌾𑌂
𑌜𑌗𑌤𑍍𑌰𑌯𑍀𑌰𑌕𑍍𑌷𑌣𑌬𑌦𑍍𑌧𑌹𑍃𑌦𑍍𑌭𑍍𑌯𑌾𑌮𑍍 ।
𑌸𑌮𑌸𑍍𑌤𑌦𑍇𑌵𑌾𑌸𑍁𑌰𑌪𑍂𑌜𑌿𑌤𑌾𑌭𑍍𑌯𑌾𑌂
𑌨𑌮𑍋 𑌨𑌮𑌃 𑌶𑌂𑌕𑌰𑌪𑌾𑌰𑍍𑌵𑌤𑍀𑌭𑍍𑌯𑌾𑌮𑍍 ॥ 12 ॥

𑌸𑍍𑌤𑍋𑌤𑍍𑌰𑌂 𑌤𑍍𑌰𑌿𑌸𑌂𑌧𑍍𑌯𑌂 𑌶𑌿𑌵𑌪𑌾𑌰𑍍𑌵𑌤𑍀𑌭𑍍𑌯𑌾𑌂
𑌭𑌕𑍍𑌤𑍍𑌯𑌾 𑌪𑌠𑍇𑌦𑍍𑌦𑍍𑌵𑌾𑌦𑌶𑌕𑌂 𑌨𑌰𑍋 𑌯𑌃 ।
𑌸 𑌸𑌰𑍍𑌵𑌸𑍌𑌭𑌾𑌗𑍍𑌯𑌫𑌲𑌾𑌨𑌿
𑌭𑍁𑌂𑌕𑍍𑌤𑍇 𑌶𑌤𑌾𑌯𑍁𑌰𑌾𑌂𑌤𑍇 𑌶𑌿𑌵𑌲𑍋𑌕𑌮𑍇𑌤𑌿 ॥ 13 ॥

Browse Related Categories: