Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

𑌶𑌿𑌵 𑌤𑌾𑌂𑌡𑌵 𑌸𑍍𑌤𑍋𑌤𑍍𑌰𑌮𑍍

𑌜𑌟𑌾𑌟𑌵𑍀𑌗𑌲𑌜𑍍𑌜𑌲𑌪𑍍𑌰𑌵𑌾𑌹𑌪𑌾𑌵𑌿𑌤𑌸𑍍𑌥𑌲𑍇
𑌗𑌲𑍇𑌵𑌲𑌂𑌬𑍍𑌯 𑌲𑌂𑌬𑌿𑌤𑌾𑌂 𑌭𑍁𑌜𑌂𑌗𑌤𑍁𑌂𑌗𑌮𑌾𑌲𑌿𑌕𑌾𑌮𑍍 ।
𑌡𑌮𑌡𑍍𑌡𑌮𑌡𑍍𑌡𑌮𑌡𑍍𑌡𑌮𑌨𑍍𑌨𑌿𑌨𑌾𑌦𑌵𑌡𑍍𑌡𑌮𑌰𑍍𑌵𑌯𑌂
𑌚𑌕𑌾𑌰 𑌚𑌂𑌡𑌤𑌾𑌂𑌡𑌵𑌂 𑌤𑌨𑍋𑌤𑍁 𑌨𑌃 𑌶𑌿𑌵𑌃 𑌶𑌿𑌵𑌮𑍍 ॥ 1 ॥

𑌜𑌟𑌾𑌕𑌟𑌾𑌹𑌸𑌂𑌭𑍍𑌰𑌮𑌭𑍍𑌰𑌮𑌨𑍍𑌨𑌿𑌲𑌿𑌂𑌪𑌨𑌿𑌰𑍍𑌝𑌰𑍀-
-𑌵𑌿𑌲𑍋𑌲𑌵𑍀𑌚𑌿𑌵𑌲𑍍𑌲𑌰𑍀𑌵𑌿𑌰𑌾𑌜𑌮𑌾𑌨𑌮𑍂𑌰𑍍𑌧𑌨𑌿 ।
𑌧𑌗𑌦𑍍𑌧𑌗𑌦𑍍𑌧𑌗𑌜𑍍𑌜𑍍𑌵𑌲𑌲𑍍𑌲𑌲𑌾𑌟𑌪𑌟𑍍𑌟𑌪𑌾𑌵𑌕𑍇
𑌕𑌿𑌶𑍋𑌰𑌚𑌂𑌦𑍍𑌰𑌶𑍇𑌖𑌰𑍇 𑌰𑌤𑌿𑌃 𑌪𑍍𑌰𑌤𑌿𑌕𑍍𑌷𑌣𑌂 𑌮𑌮 ॥ 2 ॥

𑌧𑌰𑌾𑌧𑌰𑍇𑌂𑌦𑍍𑌰𑌨𑌂𑌦𑌿𑌨𑍀𑌵𑌿𑌲𑌾𑌸𑌬𑌂𑌧𑍁𑌬𑌂𑌧𑍁𑌰
𑌸𑍍𑌫𑍁𑌰𑌦𑍍𑌦𑌿𑌗𑌂𑌤𑌸𑌂𑌤𑌤𑌿𑌪𑍍𑌰𑌮𑍋𑌦𑌮𑌾𑌨𑌮𑌾𑌨𑌸𑍇 ।
𑌕𑍃𑌪𑌾𑌕𑌟𑌾𑌕𑍍𑌷𑌧𑍋𑌰𑌣𑍀𑌨𑌿𑌰𑍁𑌦𑍍𑌧𑌦𑍁𑌰𑍍𑌧𑌰𑌾𑌪𑌦𑌿
𑌕𑍍𑌵𑌚𑌿𑌦𑍍𑌦𑌿𑌗𑌂𑌬𑌰𑍇 𑌮𑌨𑍋 𑌵𑌿𑌨𑍋𑌦𑌮𑍇𑌤𑍁 𑌵𑌸𑍍𑌤𑍁𑌨𑌿 ॥ 3 ॥

𑌜𑌟𑌾𑌭𑍁𑌜𑌂𑌗𑌪𑌿𑌂𑌗𑌳𑌸𑍍𑌫𑍁𑌰𑌤𑍍𑌫𑌣𑌾𑌮𑌣𑌿𑌪𑍍𑌰𑌭𑌾
𑌕𑌦𑌂𑌬𑌕𑍁𑌂𑌕𑍁𑌮𑌦𑍍𑌰𑌵𑌪𑍍𑌰𑌲𑌿𑌪𑍍𑌤𑌦𑌿𑌗𑍍𑌵𑌧𑍂𑌮𑍁𑌖𑍇 ।
𑌮𑌦𑌾𑌂𑌧𑌸𑌿𑌂𑌧𑍁𑌰𑌸𑍍𑌫𑍁𑌰𑌤𑍍𑌤𑍍𑌵𑌗𑍁𑌤𑍍𑌤𑌰𑍀𑌯𑌮𑍇𑌦𑍁𑌰𑍇
𑌮𑌨𑍋 𑌵𑌿𑌨𑍋𑌦𑌮𑌦𑍍𑌭𑍁𑌤𑌂 𑌬𑌿𑌭𑌰𑍍𑌤𑍁 𑌭𑍂𑌤𑌭𑌰𑍍𑌤𑌰𑌿 ॥ 4 ॥

𑌸𑌹𑌸𑍍𑌰𑌲𑍋𑌚𑌨𑌪𑍍𑌰𑌭𑍃𑌤𑍍𑌯𑌶𑍇𑌷𑌲𑍇𑌖𑌶𑍇𑌖𑌰
𑌪𑍍𑌰𑌸𑍂𑌨𑌧𑍂𑌳𑌿𑌧𑍋𑌰𑌣𑍀 𑌵𑌿𑌧𑍂𑌸𑌰𑌾𑌂𑌘𑍍𑌰𑌿𑌪𑍀𑌠𑌭𑍂𑌃 ।
𑌭𑍁𑌜𑌂𑌗𑌰𑌾𑌜𑌮𑌾𑌲𑌯𑌾 𑌨𑌿𑌬𑌦𑍍𑌧𑌜𑌾𑌟𑌜𑍂𑌟𑌕
𑌶𑍍𑌰𑌿𑌯𑍈 𑌚𑌿𑌰𑌾𑌯 𑌜𑌾𑌯𑌤𑌾𑌂 𑌚𑌕𑍋𑌰𑌬𑌂𑌧𑍁𑌶𑍇𑌖𑌰𑌃 ॥ 5 ॥

𑌲𑌲𑌾𑌟𑌚𑌤𑍍𑌵𑌰𑌜𑍍𑌵𑌲𑌦𑍍𑌧𑌨𑌂𑌜𑌯𑌸𑍍𑌫𑍁𑌲𑌿𑌂𑌗𑌭𑌾-
-𑌨𑌿𑌪𑍀𑌤𑌪𑌂𑌚𑌸𑌾𑌯𑌕𑌂 𑌨𑌮𑌨𑍍𑌨𑌿𑌲𑌿𑌂𑌪𑌨𑌾𑌯𑌕𑌮𑍍 ।
𑌸𑍁𑌧𑌾𑌮𑌯𑍂𑌖𑌲𑍇𑌖𑌯𑌾 𑌵𑌿𑌰𑌾𑌜𑌮𑌾𑌨𑌶𑍇𑌖𑌰𑌂
𑌮𑌹𑌾𑌕𑌪𑌾𑌲𑌿𑌸𑌂𑌪𑌦𑍇𑌶𑌿𑌰𑍋𑌜𑌟𑌾𑌲𑌮𑌸𑍍𑌤𑍁 𑌨𑌃 ॥ 6 ॥

𑌕𑌰𑌾𑌲𑌫𑌾𑌲𑌪𑌟𑍍𑌟𑌿𑌕𑌾𑌧𑌗𑌦𑍍𑌧𑌗𑌦𑍍𑌧𑌗𑌜𑍍𑌜𑍍𑌵𑌲-
𑌦𑍍𑌧𑌨𑌂𑌜𑌯𑌾𑌧𑌰𑍀𑌕𑍃𑌤𑌪𑍍𑌰𑌚𑌂𑌡𑌪𑌂𑌚𑌸𑌾𑌯𑌕𑍇 ।
𑌧𑌰𑌾𑌧𑌰𑍇𑌂𑌦𑍍𑌰𑌨𑌂𑌦𑌿𑌨𑍀𑌕𑍁𑌚𑌾𑌗𑍍𑌰𑌚𑌿𑌤𑍍𑌰𑌪𑌤𑍍𑌰𑌕-
-𑌪𑍍𑌰𑌕𑌲𑍍𑌪𑌨𑍈𑌕𑌶𑌿𑌲𑍍𑌪𑌿𑌨𑌿 𑌤𑍍𑌰𑌿𑌲𑍋𑌚𑌨𑍇 𑌮𑌤𑌿𑌰𑍍𑌮𑌮 ॥ 𑍭 ॥

𑌨𑌵𑍀𑌨𑌮𑍇𑌘𑌮𑌂𑌡𑌲𑍀 𑌨𑌿𑌰𑍁𑌦𑍍𑌧𑌦𑍁𑌰𑍍𑌧𑌰𑌸𑍍𑌫𑍁𑌰𑌤𑍍-
𑌕𑍁𑌹𑍂𑌨𑌿𑌶𑍀𑌥𑌿𑌨𑍀𑌤𑌮𑌃 𑌪𑍍𑌰𑌬𑌂𑌧𑌬𑌂𑌧𑍁𑌕𑌂𑌧𑌰𑌃 ।
𑌨𑌿𑌲𑌿𑌂𑌪𑌨𑌿𑌰𑍍𑌝𑌰𑍀𑌧𑌰𑌸𑍍𑌤𑌨𑍋𑌤𑍁 𑌕𑍃𑌤𑍍𑌤𑌿𑌸𑌿𑌂𑌧𑍁𑌰𑌃
𑌕𑌳𑌾𑌨𑌿𑌧𑌾𑌨𑌬𑌂𑌧𑍁𑌰𑌃 𑌶𑍍𑌰𑌿𑌯𑌂 𑌜𑌗𑌦𑍍𑌧𑍁𑌰𑌂𑌧𑌰𑌃 ॥ 𑍮 ॥

𑌪𑍍𑌰𑌫𑍁𑌲𑍍𑌲𑌨𑍀𑌲𑌪𑌂𑌕𑌜𑌪𑍍𑌰𑌪𑌂𑌚𑌕𑌾𑌲𑌿𑌮𑌪𑍍𑌰𑌭𑌾-
-𑌵𑌿𑌲𑌂𑌬𑌿𑌕𑌂𑌠𑌕𑌂𑌦𑌲𑍀𑌰𑍁𑌚𑌿𑌪𑍍𑌰𑌬𑌦𑍍𑌧𑌕𑌂𑌧𑌰𑌮𑍍 ।
𑌸𑍍𑌮𑌰𑌚𑍍𑌛𑌿𑌦𑌂 𑌪𑍁𑌰𑌚𑍍𑌛𑌿𑌦𑌂 𑌭𑌵𑌚𑍍𑌛𑌿𑌦𑌂 𑌮𑌖𑌚𑍍𑌛𑌿𑌦𑌂
𑌗𑌜𑌚𑍍𑌛𑌿𑌦𑌾𑌂𑌧𑌕𑌚𑍍𑌛𑌿𑌦𑌂 𑌤𑌮𑌂𑌤𑌕𑌚𑍍𑌛𑌿𑌦𑌂 𑌭𑌜𑍇 ॥ 𑍯 ॥

𑌅𑌗𑌰𑍍𑌵𑌸𑌰𑍍𑌵𑌮𑌂𑌗𑌳𑌾𑌕𑌳𑌾𑌕𑌦𑌂𑌬𑌮𑌂𑌜𑌰𑍀
𑌰𑌸𑌪𑍍𑌰𑌵𑌾𑌹𑌮𑌾𑌧𑍁𑌰𑍀 𑌵𑌿𑌜𑍃𑌂𑌭𑌣𑌾𑌮𑌧𑍁𑌵𑍍𑌰𑌤𑌮𑍍 ।
𑌸𑍍𑌮𑌰𑌾𑌂𑌤𑌕𑌂 𑌪𑍁𑌰𑌾𑌂𑌤𑌕𑌂 𑌭𑌵𑌾𑌂𑌤𑌕𑌂 𑌮𑌖𑌾𑌂𑌤𑌕𑌂
𑌗𑌜𑌾𑌂𑌤𑌕𑌾𑌂𑌧𑌕𑌾𑌂𑌤𑌕𑌂 𑌤𑌮𑌂𑌤𑌕𑌾𑌂𑌤𑌕𑌂 𑌭𑌜𑍇 ॥ 10 ॥

𑌜𑌯𑌤𑍍𑌵𑌦𑌭𑍍𑌰𑌵𑌿𑌭𑍍𑌰𑌮𑌭𑍍𑌰𑌮𑌦𑍍𑌭𑍁𑌜𑌂𑌗𑌮𑌶𑍍𑌵𑌸-
-𑌦𑍍𑌵𑌿𑌨𑌿𑌰𑍍𑌗𑌮𑌤𑍍𑌕𑍍𑌰𑌮𑌸𑍍𑌫𑍁𑌰𑌤𑍍𑌕𑌰𑌾𑌲𑌫𑌾𑌲𑌹𑌵𑍍𑌯𑌵𑌾𑌟𑍍 ।
𑌧𑌿𑌮𑌿𑌦𑍍𑌧𑌿𑌮𑌿𑌦𑍍𑌧𑌿𑌮𑌿𑌧𑍍𑌵𑌨𑌨𑍍𑌮𑍃𑌦𑌂𑌗𑌤𑍁𑌂𑌗𑌮𑌂𑌗𑌳
𑌧𑍍𑌵𑌨𑌿𑌕𑍍𑌰𑌮𑌪𑍍𑌰𑌵𑌰𑍍𑌤𑌿𑌤 𑌪𑍍𑌰𑌚𑌂𑌡𑌤𑌾𑌂𑌡𑌵𑌃 𑌶𑌿𑌵𑌃 ॥ 11 ॥

𑌦𑍃𑌷𑌦𑍍𑌵𑌿𑌚𑌿𑌤𑍍𑌰𑌤𑌲𑍍𑌪𑌯𑍋𑌰𑍍𑌭𑍁𑌜𑌂𑌗𑌮𑍌𑌕𑍍𑌤𑌿𑌕𑌸𑍍𑌰𑌜𑍋𑌰𑍍-
-𑌗𑌰𑌿𑌷𑍍𑌠𑌰𑌤𑍍𑌨𑌲𑍋𑌷𑍍𑌠𑌯𑍋𑌃 𑌸𑍁𑌹𑍃𑌦𑍍𑌵𑌿𑌪𑌕𑍍𑌷𑌪𑌕𑍍𑌷𑌯𑍋𑌃 ।
𑌤𑍃𑌷𑍍𑌣𑌾𑌰𑌵𑌿𑌂𑌦𑌚𑌕𑍍𑌷𑍁𑌷𑍋𑌃 𑌪𑍍𑌰𑌜𑌾𑌮𑌹𑍀𑌮𑌹𑍇𑌂𑌦𑍍𑌰𑌯𑍋𑌃
𑌸𑌮𑌂 𑌪𑍍𑌰𑌵𑌰𑍍𑌤𑌯𑌨𑍍𑌮𑌨𑌃 𑌕𑌦𑌾 𑌸𑌦𑌾𑌶𑌿𑌵𑌂 𑌭𑌜𑍇 ॥ 12 ॥

𑌕𑌦𑌾 𑌨𑌿𑌲𑌿𑌂𑌪𑌨𑌿𑌰𑍍𑌝𑌰𑍀𑌨𑌿𑌕𑍁𑌂𑌜𑌕𑍋𑌟𑌰𑍇 𑌵𑌸𑌨𑍍
𑌵𑌿𑌮𑍁𑌕𑍍𑌤𑌦𑍁𑌰𑍍𑌮𑌤𑌿𑌃 𑌸𑌦𑌾 𑌶𑌿𑌰𑌃𑌸𑍍𑌥𑌮𑌂𑌜𑌲𑌿𑌂 𑌵𑌹𑌨𑍍 ।
𑌵𑌿𑌮𑍁𑌕𑍍𑌤𑌲𑍋𑌲𑌲𑍋𑌚𑌨𑍋 𑌲𑌲𑌾𑌟𑌫𑌾𑌲𑌲𑌗𑍍𑌨𑌕𑌃
𑌶𑌿𑌵𑍇𑌤𑌿 𑌮𑌂𑌤𑍍𑌰𑌮𑍁𑌚𑍍𑌚𑌰𑌨𑍍 𑌸𑌦𑌾 𑌸𑍁𑌖𑍀 𑌭𑌵𑌾𑌮𑍍𑌯𑌹𑌮𑍍 ॥ 13 ॥

𑌇𑌮𑌂 𑌹𑌿 𑌨𑌿𑌤𑍍𑌯𑌮𑍇𑌵𑌮𑍁𑌕𑍍𑌤𑌮𑍁𑌤𑍍𑌤𑌮𑍋𑌤𑍍𑌤𑌮𑌂 𑌸𑍍𑌤𑌵𑌂
𑌪𑌠𑌨𑍍𑌸𑍍𑌮𑌰𑌨𑍍𑌬𑍍𑌰𑍁𑌵𑌨𑍍𑌨𑌰𑍋 𑌵𑌿𑌶𑍁𑌦𑍍𑌧𑌿𑌮𑍇𑌤𑌿𑌸𑌂𑌤𑌤𑌮𑍍 ।
𑌹𑌰𑍇 𑌗𑍁𑌰𑍌 𑌸𑍁𑌭𑌕𑍍𑌤𑌿𑌮𑌾𑌶𑍁 𑌯𑌾𑌤𑌿 𑌨𑌾𑌨𑍍𑌯𑌥𑌾 𑌗𑌤𑌿𑌂
𑌵𑌿𑌮𑍋𑌹𑌨𑌂 𑌹𑌿 𑌦𑍇𑌹𑌿𑌨𑌾𑌂 𑌸𑍁𑌶𑌂𑌕𑌰𑌸𑍍𑌯 𑌚𑌿𑌂𑌤𑌨𑌮𑍍 ॥ 14 ॥

𑌪𑍂𑌜𑌾𑌵𑌸𑌾𑌨𑌸𑌮𑌯𑍇 𑌦𑌶𑌵𑌕𑍍𑌤𑍍𑌰𑌗𑍀𑌤𑌂 𑌯𑌃
𑌶𑌂𑌭𑍁𑌪𑍂𑌜𑌨𑌪𑌰𑌂 𑌪𑌠𑌤𑌿 𑌪𑍍𑌰𑌦𑍋𑌷𑍇 ।
𑌤𑌸𑍍𑌯 𑌸𑍍𑌥𑌿𑌰𑌾𑌂 𑌰𑌥𑌗𑌜𑍇𑌂𑌦𑍍𑌰𑌤𑍁𑌰𑌂𑌗𑌯𑍁𑌕𑍍𑌤𑌾𑌂
𑌲𑌕𑍍𑌷𑍍𑌮𑍀𑌂 𑌸𑌦𑍈𑌵 𑌸𑍁𑌮𑍁𑌖𑌿𑌂 𑌪𑍍𑌰𑌦𑌦𑌾𑌤𑌿 𑌶𑌂𑌭𑍁𑌃 ॥ 15 ॥


Browse Related Categories: