SrI Srisaila Mallikarjuna Suprabhatam - Grantha

𑌕𑌲𑌾𑌭𑍍𑌯𑌾𑌂 𑌚𑍂𑌡𑌾𑌲𑌂𑌕𑍃𑌤𑌶𑌶𑌿𑌕𑌲𑌾𑌭𑍍𑌯𑌾𑌂 𑌨𑌿𑌜𑌤𑌪𑌃
𑌫𑌲𑌾𑌭𑍍𑌯𑌾𑌂 𑌭𑌕𑍍𑌤𑍇𑌷𑍁 𑌪𑍍𑌰𑌕𑌟𑌿𑌤𑌫𑌲𑌾𑌭𑍍𑌯𑌾𑌂 𑌭𑌵𑌤𑍁 𑌮𑍇 ।
𑌶𑌿𑌵𑌾𑌭𑍍𑌯𑌾𑌮𑌾𑌸𑍍𑌤𑍀𑌕𑌤𑍍𑌰𑌿𑌭𑍁𑌵𑌨𑌶𑌿𑌵𑌾𑌭𑍍𑌯𑌾𑌂 𑌹𑍃𑌦𑌿 𑌪𑍁𑌨-
𑌰𑍍𑌭𑌵𑌾𑌭𑍍𑌯𑌾𑌮𑌾𑌨𑌂𑌦𑌸𑍍𑌫𑍁𑌰𑌦𑌨𑍁𑌭𑌵𑌾𑌭𑍍𑌯𑌾𑌂 𑌨𑌤𑌿𑌰𑌿𑌯𑌮𑍍 ॥ 2॥

𑌨𑌮𑌸𑍍𑌤𑍇 𑌨𑌮𑌸𑍍𑌤𑍇 𑌮𑌹𑌾𑌦𑍇𑌵! 𑌶𑌂𑌭𑍋!
𑌨𑌮𑌸𑍍𑌤𑍇 𑌨𑌮𑌸𑍍𑌤𑍇 𑌦𑌯𑌾𑌪𑍂𑌰𑍍𑌣𑌸𑌿𑌂𑌧𑍋!
𑌨𑌮𑌸𑍍𑌤𑍇 𑌨𑌮𑌸𑍍𑌤𑍇 𑌪𑍍𑌰𑌪𑌨𑍍𑌨𑌾𑌤𑍍𑌮𑌬𑌂𑌧𑍋!
𑌨𑌮𑌸𑍍𑌤𑍇 𑌨𑌮𑌸𑍍𑌤𑍇 𑌨𑌮𑌸𑍍𑌤𑍇 𑌮𑌹𑍇𑌶 ॥ 3॥

𑌶𑌶𑍍𑌵𑌚𑍍𑌛𑍍𑌰𑍀𑌗𑌿𑌰𑌿𑌮𑍂𑌰𑍍𑌧𑌨𑌿 𑌤𑍍𑌰𑌿𑌜𑌗𑌤𑌾𑌂 𑌰𑌕𑍍𑌷𑌾𑌕𑍃𑌤𑍌 𑌲𑌕𑍍𑌷𑌿𑌤𑌾𑌂
𑌸𑌾𑌕𑍍𑌷𑌾𑌦𑌕𑍍𑌷𑌤𑌸𑌤𑍍𑌕𑌟𑌾𑌕𑍍𑌷𑌸𑌰𑌣𑌿𑌶𑍍𑌰𑍀𑌮𑌤𑍍𑌸𑍁𑌧𑌾𑌵𑌰𑍍𑌷𑌿𑌣𑍀𑌮𑍍 ।
𑌸𑍋𑌮𑌾𑌰𑍍𑌧𑌾𑌂𑌕𑌿𑌤𑌮𑌸𑍍𑌤𑌕𑌾𑌂 𑌪𑍍𑌰𑌣𑌮𑌤𑌾𑌂 𑌨𑌿𑌸𑍍𑌸𑍀𑌮𑌸𑌂𑌪𑌤𑍍𑌪𑍍𑌰𑌦𑌾𑌂
𑌸𑍁𑌶𑍍𑌲𑍋𑌕𑌾𑌂 𑌭𑍍𑌰𑌮𑌰𑌾𑌂𑌬𑌿𑌕𑌾𑌂 𑌸𑍍𑌮𑌿𑌤𑌮𑍁𑌖𑍀𑌂 𑌶𑌂𑌭𑍋𑌸𑍍𑌸𑌖𑍀𑌂 𑌤𑍍𑌵𑌾𑌂 𑌸𑍍𑌤𑍁𑌮𑌃 ॥ 4॥

𑌮𑌾𑌤𑌃! 𑌪𑍍𑌰𑌸𑍀𑌦, 𑌸𑌦𑌯𑌾 𑌭𑌵, 𑌭𑌵𑍍𑌯𑌶𑍀𑌲𑍇 !
𑌲𑍀𑌲𑌾𑌲𑌵𑌾𑌕𑍁𑌲𑌿𑌤𑌦𑍈𑌤𑍍𑌯𑌕𑍁𑌲𑌾𑌪𑌹𑌾𑌰𑍇 !
𑌶𑍍𑌰𑍀𑌚𑌕𑍍𑌰𑌰𑌾𑌜𑌨𑌿𑌲𑌯𑍇 ! 𑌶𑍍𑌰𑍁𑌤𑌿𑌗𑍀𑌤𑌕𑍀𑌰𑍍𑌤𑍇 !
𑌶𑍍𑌰𑍀𑌶𑍈𑌲𑌨𑌾𑌥𑌦𑌯𑌿𑌤𑍇 ! 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 5॥

𑌶𑌂𑌭𑍋 ! 𑌸𑍁𑌰𑍇𑌂𑌦𑍍𑌰𑌨𑍁𑌤 ! 𑌶𑌂𑌕𑌰 ! 𑌶𑍂𑌲𑌪𑌾𑌣𑍇 !
𑌚𑌂𑌦𑍍𑌰𑌾𑌵𑌤𑌂𑌸 ! 𑌶𑌿𑌵 ! 𑌶𑌰𑍍𑌵 ! 𑌪𑌿𑌨𑌾𑌕𑌪𑌾𑌣𑍇 !
𑌗𑌂𑌗𑌾𑌧𑌰 ! 𑌕𑍍𑌰𑌤𑍁𑌪𑌤𑍇 ! 𑌗𑌰𑍁𑌡𑌧𑍍𑌵𑌜𑌾𑌪𑍍𑌤 !
𑌶𑍍𑌰𑍀𑌮𑌲𑍍𑌲𑌿𑌕𑌾𑌰𑍍𑌜𑍁𑌨 𑌵𑌿𑌭𑍋 ! 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 6॥

𑌵𑌿𑌶𑍍𑌵𑍇𑌶 ! 𑌵𑌿𑌶𑍍𑌵𑌜𑌨𑌸𑍇𑌵𑌿𑌤 ! 𑌵𑌿𑌶𑍍𑌵𑌮𑍂𑌰𑍍𑌤𑍇 !
𑌵𑌿𑌶𑍍𑌵𑌂𑌭𑌰 ! 𑌤𑍍𑌰𑌿𑌪𑍁𑌰𑌭𑍇𑌦𑌨 ! 𑌵𑌿𑌶𑍍𑌵𑌯𑍋𑌨𑍇 !
𑌫𑌾𑌲𑌾𑌕𑍍𑌷 ! 𑌭𑌵𑍍𑌯𑌗𑍁𑌣 ! 𑌭𑍋𑌗𑌿𑌵𑌿𑌭𑍂𑌷𑌣𑍇𑌶 !
𑌶𑍍𑌰𑍀𑌮𑌲𑍍𑌲𑌿𑌕𑌾𑌰𑍍𑌜𑍁𑌨 𑌵𑌿𑌭𑍋 ! 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 𑍭॥

𑌕𑌲𑍍𑌯𑌾𑌣𑌰𑍂𑌪 ! 𑌕𑌰𑍁𑌣𑌾𑌕𑌰 ! 𑌕𑌾𑌲𑌕𑌂𑌠 !
𑌕𑌲𑍍𑌪𑌦𑍍𑌰𑍁𑌮𑌪𑍍𑌰𑌸𑌵𑌪𑍂𑌜𑌿𑌤 ! 𑌕𑌾𑌮𑌦𑌾𑌯𑌿𑌨𑍍 !
𑌦𑍁𑌰𑍍𑌨𑍀𑌤𑌿𑌦𑍈𑌤𑍍𑌯𑌦𑌲𑌨𑍋𑌦𑍍𑌯𑌤 ! 𑌦𑍇𑌵 𑌦𑍇𑌵 !
𑌶𑍍𑌰𑍀𑌮𑌲𑍍𑌲𑌿𑌕𑌾𑌰𑍍𑌜𑍁𑌨 𑌵𑌿𑌭𑍋 ! 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 𑍮॥

𑌗𑍌𑌰𑍀𑌮𑌨𑍋𑌹𑌰 ! 𑌗𑌣𑍇𑌶𑍍𑌵𑌰𑌸𑍇𑌵𑌿𑌤𑌾𑌂𑌘𑍍𑌰𑍇 !
𑌗𑌂𑌧𑌰𑍍𑌵𑌯𑌕𑍍𑌷𑌸𑍁𑌰𑌕𑌿𑌨𑍍𑌨𑌰𑌗𑍀𑌤𑌕𑍀𑌰𑍍𑌤𑍇 !
𑌗𑌂𑌡𑌾𑌵𑌲𑌂𑌬𑌿𑌫𑌣𑌿𑌕𑍁𑌂𑌡𑌲𑌮𑌂𑌡𑌿𑌤𑌾𑌸𑍍𑌯 !
𑌶𑍍𑌰𑍀𑌮𑌲𑍍𑌲𑌿𑌕𑌾𑌰𑍍𑌜𑍁𑌨 𑌵𑌿𑌭𑍋 ! 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 𑍯॥

𑌨𑌾𑌗𑍇𑌂𑌦𑍍𑌰𑌭𑍂𑌷𑌣 ! 𑌨𑌿𑌰𑍀𑌹𑌿𑌤 ! 𑌨𑌿𑌰𑍍𑌵𑌿𑌕𑌾𑌰 !
𑌨𑌿𑌰𑍍𑌮𑌾𑌯 ! 𑌨𑌿𑌶𑍍𑌚𑌲 ! 𑌨𑌿𑌰𑌰𑍍𑌗𑌲 ! 𑌨𑌾𑌗𑌭𑍇𑌦𑌿𑌨𑍍 ।
𑌨𑌾𑌰𑌾𑌯𑌣𑍀𑌪𑍍𑌰𑌿𑌯 ! 𑌨𑌤𑍇𑌷𑍍𑌟𑌦 ! 𑌨𑌿𑌰𑍍𑌮𑌲𑌾𑌤𑍍𑌮𑌨𑍍 !
𑌶𑍍𑌰𑍀𑌪𑌰𑍍𑌵𑌤𑌾𑌧𑌿𑌪 ! 𑌵𑌿𑌭𑍋 ! 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 10॥

𑌸𑍃𑌷𑍍𑌟𑌂 𑌤𑍍𑌵𑌯𑍈𑌵 𑌜𑌗𑌦𑍇𑌤𑌦𑌶𑍇𑌷𑌮𑍀𑌶 !
𑌰𑌕𑍍𑌷𑌾𑌵𑌿𑌧𑌿𑌶𑍍𑌚 𑌵𑌿𑌧𑌿𑌗𑍋𑌚𑌰 ! 𑌤𑌾𑌵𑌕𑍀𑌨𑌃 ।
𑌸𑌂𑌹𑌾𑌰𑌶𑌕𑍍𑌤𑌿𑌰𑌪𑌿 𑌶𑌂𑌕𑌰 ! 𑌕𑌿𑌂𑌕𑌰𑍀 𑌤𑍇
𑌶𑍍𑌰𑍀𑌶𑍈𑌲𑌶𑍇𑌖𑌰 𑌵𑌿𑌭𑍋 ! 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 11॥

𑌏𑌕𑌸𑍍𑌤𑍍𑌵𑌮𑍇𑌵 𑌬𑌹𑍁𑌧𑌾 𑌭𑌵 ! 𑌭𑌾𑌸𑌿 𑌲𑍋𑌕𑍇
𑌨𑌿𑌶𑍍𑌶𑌂𑌕𑌧𑍀𑌰𑍍𑌵𑍃𑌷𑌭𑌕𑍇𑌤𑌨 ! 𑌮𑌲𑍍𑌲𑌿𑌨𑌾𑌥 !
𑌶𑍍𑌰𑍀𑌭𑍍𑌰𑌾𑌮𑌰𑍀𑌪𑍍𑌰𑌯 ! 𑌸𑍁𑌖𑌾𑌶𑍍𑌰𑌯 ! 𑌲𑍋𑌕𑌨𑌾𑌥 !
𑌶𑍍𑌰𑍀𑌶𑍈𑌲𑌶𑍇𑌖𑌰 𑌵𑌿𑌭𑍋 ! 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 12॥

𑌪𑌾𑌤𑌾𑌲𑌗𑌾𑌂𑌗𑌜𑌲𑌮𑌜𑍍𑌜𑌨𑌨𑌿𑌰𑍍𑌮𑌲𑌾𑌂𑌗𑌾𑌃
𑌭𑌸𑍍𑌮𑌤𑍍𑌰𑌿𑌪𑍁𑌂𑌡𑍍𑌰𑌸𑌮𑌲𑌂𑌕𑍃𑌤𑌫𑌾𑌲𑌭𑌾𑌗𑌾𑌃 ।
𑌗𑌾𑌯𑌂𑌤𑌿 𑌦𑍇𑌵𑌮𑍁𑌨𑌿𑌭𑌕𑍍𑌤𑌜𑌨𑌾 𑌭𑌵𑌂𑌤𑌂
𑌶𑍍𑌰𑍀𑌮𑌲𑍍𑌲𑌿𑌕𑌾𑌰𑍍𑌜𑍁𑌨 𑌵𑌿𑌭𑍋 ! 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 13॥

𑌸𑌾𑌰𑌸𑍍𑌵𑌤𑌾𑌂𑌬𑍁𑌯𑍁𑌤𑌭𑍋𑌗𑌵𑌤𑍀𑌶𑍍𑌰𑌿𑌤𑌾𑌯𑌾𑌃
𑌬𑍍𑌰𑌹𑍍𑌮𑍇𑌶𑌵𑌿𑌷𑍍𑌣𑍁𑌗𑌿𑌰𑌿𑌚𑍁𑌂𑌬𑌿𑌤𑌕𑍃𑌷𑍍𑌣𑌵𑍇𑌣𑍍𑌯𑌾𑌃 ।
𑌸𑍋𑌪𑌾𑌨𑌮𑌾𑌰𑍍𑌗𑌮𑌧𑌿𑌰𑍁𑌹𑍍𑌯 𑌭𑌜𑌂𑌤𑌿 𑌭𑌕𑍍𑌤𑌾𑌃
𑌶𑍍𑌰𑍀𑌮𑌲𑍍𑌲𑌿𑌕𑌾𑌰𑍍𑌜𑍁𑌨 𑌵𑌿𑌭𑍋 ! 𑌤𑌵 𑌸𑍁𑌪𑍍𑌰𑌭𑌾𑌤𑌮𑍍 ॥ 14॥

𑌶𑍍𑌰𑍀𑌮𑌲𑍍𑌲𑌿𑌕𑌾𑌰𑍍𑌜𑍁𑌨𑌮𑌹𑍇𑌶𑍍𑌵𑌰𑌸𑍁𑌪𑍍𑌰𑌭𑌾𑌤-
𑌸𑍍𑌤𑍋𑌤𑍍𑌰𑌂 𑌪𑌠𑌂𑌤𑌿 𑌭𑍁𑌵𑌿 𑌯𑍇 𑌮𑌨𑍁𑌜𑌾𑌃 𑌪𑍍𑌰𑌭𑌾𑌤𑍇 ।
𑌤𑍇 𑌸𑌰𑍍𑌵 𑌸𑍌𑌖𑍍𑌯𑌮𑌨𑍁𑌭𑍂𑌯 𑌪𑌰𑌾𑌨𑌵𑌾𑌪𑍍𑌯𑌂
𑌶𑍍𑌰𑍀𑌶𑌾𑌂𑌭𑌵𑌂 𑌪𑌦𑌮𑌵𑌾𑌪𑍍𑌯 𑌮𑍁𑌦𑌂 𑌲𑌭𑌂𑌤𑍇 ॥ 15॥

𑌇𑌤𑌿 𑌶𑍍𑌰𑍀𑌮𑌲𑍍𑌲𑌿𑌕𑌾𑌰𑍍𑌜𑍁𑌨𑌸𑍁𑌪𑍍𑌰𑌭𑌾𑌤𑌂 𑌸𑌂𑌪𑍂𑌰𑍍𑌣𑌮𑍍 ।

Browse Related Categories: