𑌶𑌿𑌵 𑌮𑌾𑌨𑌸 𑌪𑍂𑌜

𑌰𑌤𑍍𑌨𑍈𑌃 𑌕𑌲𑍍𑌪𑌿𑌤𑌮𑌾𑌸𑌨𑌂 𑌹𑌿𑌮𑌜𑌲𑍈𑌃 𑌸𑍍𑌨𑌾𑌨𑌂 𑌚 𑌦𑌿𑌵𑍍𑌯𑌾𑌂𑌬𑌰𑌂
𑌨𑌾𑌨𑌾𑌰𑌤𑍍𑌨 𑌵𑌿𑌭𑍂𑌷𑌿𑌤𑌂 𑌮𑍃𑌗𑌮𑌦𑌾 𑌮𑍋𑌦𑌾𑌂𑌕𑌿𑌤𑌂 𑌚𑌂𑌦𑌨𑌮𑍍 ।
𑌜𑌾𑌤𑍀 𑌚𑌂𑌪𑌕 𑌬𑌿𑌲𑍍𑌵𑌪𑌤𑍍𑌰 𑌰𑌚𑌿𑌤𑌂 𑌪𑍁𑌷𑍍𑌪𑌂 𑌚 𑌧𑍂𑌪𑌂 𑌤𑌥𑌾
𑌦𑍀𑌪𑌂 𑌦𑍇𑌵 𑌦𑌯𑌾𑌨𑌿𑌧𑍇 𑌪𑌶𑍁𑌪𑌤𑍇 𑌹𑍃𑌤𑍍𑌕𑌲𑍍𑌪𑌿𑌤𑌂 𑌗𑍃𑌹𑍍𑌯𑌤𑌾𑌮𑍍 ॥ 1 ॥

𑌸𑍌𑌵𑌰𑍍𑌣𑍇 𑌨𑌵𑌰𑌤𑍍𑌨𑌖𑌂𑌡 𑌰𑌚𑌿𑌤𑍇 𑌪𑌾𑌤𑍍𑌰𑍇 𑌘𑍃𑌤𑌂 𑌪𑌾𑌯𑌸𑌂
𑌭𑌕𑍍𑌷𑍍𑌯𑌂 𑌪𑌂𑌚𑌵𑌿𑌧𑌂 𑌪𑌯𑍋𑌦𑌧𑌿𑌯𑍁𑌤𑌂 𑌰𑌂𑌭𑌾𑌫𑌲𑌂 𑌪𑌾𑌨𑌕𑌮𑍍 ।
𑌶𑌾𑌕𑌾𑌨𑌾𑌮𑌯𑍁𑌤𑌂 𑌜𑌲𑌂 𑌰𑍁𑌚𑌿𑌕𑌰𑌂 𑌕𑌰𑍍𑌪𑍂𑌰 𑌖𑌂𑌡𑍋𑌜𑍍𑌜𑍍𑌚𑌲𑌂
𑌤𑌾𑌂𑌬𑍂𑌲𑌂 𑌮𑌨𑌸𑌾 𑌮𑌯𑌾 𑌵𑌿𑌰𑌚𑌿𑌤𑌂 𑌭𑌕𑍍𑌤𑍍𑌯𑌾 𑌪𑍍𑌰𑌭𑍋 𑌸𑍍𑌵𑍀𑌕𑍁𑌰𑍁 ॥ 2 ॥

𑌛𑌤𑍍𑌰𑌂 𑌚𑌾𑌮𑌰𑌯𑍋𑌰𑍍𑌯𑍁𑌗𑌂 𑌵𑍍𑌯𑌜𑌨𑌕𑌂 𑌚𑌾𑌦𑌰𑍍𑌶𑌕𑌂 𑌨𑌿𑌰𑍍𑌮𑌲𑌂
𑌵𑍀𑌣𑌾 𑌭𑍇𑌰𑌿 𑌮𑍃𑌦𑌂𑌗 𑌕𑌾𑌹𑌲𑌕𑌲𑌾 𑌗𑍀𑌤𑌂 𑌚 𑌨𑍃𑌤𑍍𑌯𑌂 𑌤𑌥𑌾 ।
𑌸𑌾𑌷𑍍𑌟𑌾𑌂𑌗𑌂 𑌪𑍍𑌰𑌣𑌤𑌿𑌃 𑌸𑍍𑌤𑍁𑌤𑌿-𑌰𑍍𑌬𑌹𑍁𑌵𑌿𑌧𑌾-𑌹𑍍𑌯𑍇𑌤𑌤𑍍-𑌸𑌮𑌸𑍍𑌤𑌂 𑌮𑌯𑌾
𑌸𑌂𑌕𑌲𑍍𑌪𑍇𑌨 𑌸𑌮𑌰𑍍𑌪𑌿𑌤𑌂 𑌤𑌵 𑌵𑌿𑌭𑍋 𑌪𑍂𑌜𑌾𑌂 𑌗𑍃𑌹𑌾𑌣 𑌪𑍍𑌰𑌭𑍋 ॥ 3 ॥

𑌆𑌤𑍍𑌮𑌾 𑌤𑍍𑌵𑌂 𑌗𑌿𑌰𑌿𑌜𑌾 𑌮𑌤𑌿𑌃 𑌸𑌹𑌚𑌰𑌾𑌃 𑌪𑍍𑌰𑌾𑌣𑌾𑌃 𑌶𑌰𑍀𑌰𑌂 𑌗𑍃𑌹𑌂
𑌪𑍂𑌜𑌾 𑌤𑍇 𑌵𑌿𑌷𑌯𑍋𑌪𑌭𑍋𑌗-𑌰𑌚𑌨𑌾 𑌨𑌿𑌦𑍍𑌰𑌾 𑌸𑌮𑌾𑌧𑌿𑌸𑍍𑌥𑌿𑌤𑌿𑌃 ।
𑌸𑌂𑌚𑌾𑌰𑌃 𑌪𑌦𑌯𑍋𑌃 𑌪𑍍𑌰𑌦𑌕𑍍𑌷𑌿𑌣𑌵𑌿𑌧𑌿𑌃 𑌸𑍍𑌤𑍋𑌤𑍍𑌰𑌾𑌣𑌿 𑌸𑌰𑍍𑌵𑌾 𑌗𑌿𑌰𑍋
𑌯𑌦𑍍𑌯𑌤𑍍𑌕𑌰𑍍𑌮 𑌕𑌰𑍋𑌮𑌿 𑌤𑌤𑍍𑌤𑌦𑌖𑌿𑌲𑌂 𑌶𑌂𑌭𑍋 𑌤𑌵𑌾𑌰𑌾𑌧𑌨𑌮𑍍 ॥ 4 ॥

𑌕𑌰 𑌚𑌰𑌣 𑌕𑍃𑌤𑌂 𑌵𑌾𑌕𑍍𑌕𑌾𑌯𑌜𑌂 𑌕𑌰𑍍𑌮𑌜𑌂 𑌵𑌾
𑌶𑍍𑌰𑌵𑌣 𑌨𑌯𑌨𑌜𑌂 𑌵𑌾 𑌮𑌾𑌨𑌸𑌂 𑌵𑌾𑌪𑌰𑌾𑌧𑌮𑍍 ।
𑌵𑌿𑌹𑌿𑌤𑌮𑌵𑌿𑌹𑌿𑌤𑌂 𑌵𑌾 𑌸𑌰𑍍𑌵𑌮𑍇𑌤𑌤𑍍-𑌕𑍍𑌷𑌮𑌸𑍍𑌵
𑌜𑌯 𑌜𑌯 𑌕𑌰𑍁𑌣𑌾𑌬𑍍𑌧𑍇 𑌶𑍍𑌰𑍀 𑌮𑌹𑌾𑌦𑍇𑌵 𑌶𑌂𑌭𑍋 ॥ 5 ॥

Browse Related Categories: