అనన్తసంసారసముద్రతార-
నౌకాయితాభ్యాం గురుభక్తిదాభ్యామ్ ।
వైరాగ్యసామ్రాజ్యదపూజనాభ్యాం
నమో నమః శ్రీగురుపాదుకాభ్యామ్ ॥ 1 ॥
కవిత్వవారాశినిశాకరాభ్యాం
దౌర్భాగ్యదావామ్బుదమాలికాభ్యామ్ ।
దూరీకృతానమ్రవిపత్తితాభ్యాం
నమో నమః శ్రీగురుపాదుకాభ్యామ్ ॥ 2 ॥
నతా యయోః శ్రీపతితాం సమీయుః
కదాచిదప్యాశు దరిద్రవర్యాః ।
మూకాశ్చ వాచస్పతితాం హి తాభ్యాం
నమో నమః శ్రీగురుపాదుకాభ్యామ్ ॥ 3 ॥
నాలీకనీకాశపదాహృతాభ్యాం
నానావిమోహాదినివారికాభ్యామ్ ।
నమజ్జనాభీష్టతతిప్రదాభ్యాం
నమో నమః శ్రీగురుపాదుకాభ్యామ్ ॥ 4 ॥
నృపాలిమౌలివ్రజరత్నకాన్తి-
సరిద్విరాజజ్ఝషకన్యకాభ్యామ్ ।
నృపత్వదాభ్యాం నతలోకపఙ్క్తేః
నమో నమః శ్రీగురుపాదుకాభ్యామ్ ॥ 5 ॥
పాపాన్ధకారార్కపరమ్పరాభ్యాం
తాపత్రయాహీన్ద్రఖగేశ్వరాభ్యామ్ ।
జాడ్యాబ్ధిసంశోషణవాడవాభ్యామ్
నమో నమః శ్రీగురుపాదుకాభ్యామ్ ॥ 6 ॥
శమాదిషట్కప్రదవైభవాభ్యాం
సమాధిదానవ్రతదీక్షితాభ్యామ్ ।
రమాధవాఙ్ఘ్రిస్థిరభక్తిదాభ్యాం
నమో నమః శ్రీగురుపాదుకాభ్యామ్ ॥ 7 ॥
స్వార్చాపరాణామఖిలేష్టదాభ్యాం
స్వాహాసహాయాక్షధురన్ధరాభ్యామ్ ।
స్వాన్తాచ్ఛభావప్రదపూజనాభ్యాం
నమో నమః శ్రీగురుపాదుకాభ్యామ్ ॥ 8 ॥
కామాదిసర్పవ్రజగారుడాభ్యాం
వివేకవైరాగ్యనిధిప్రదాభ్యామ్ ।
బోధప్రదాభ్యాం ద్రుతమోక్షదాభ్యాం
నమో నమః శ్రీగురుపాదుకాభ్యామ్ ॥ 9 ॥
