అథశ్రీలలితాహృదయస్తోత్రమ్ ॥

శ్రీలలితామ్బికాయై నమః ।
దేవ్యువాచ ।
దేవదేవ మహాదేవ సచ్చిదానన్దవిగ్రహా ।
సున్దర్యాహృదయం స్తోత్రం పరం కౌతూహలం విభో ॥ 1॥

ఈశ్వరౌవాచ ।

సాధు సాధుత్వయా ప్రాజ్ఞే లోకానుగ్రహకారకమ్ ।
రహస్యమపివక్ష్యామి సావధానమనాఃశ‍ఋణు ॥ 2॥

శ్రీవిద్యాం జగతాం ధాత్రీం సర్గ్గస్థితిలయేశ్వరీమ్ ।
నమామిలలితాం నిత్యాం భక్తానామిష్టదాయినీమ్ ॥ 3॥

బిన్దుత్రికోణసమ్యుక్తం వసుకోణసమన్వితమ్ ।
దశకోణద్వయోపేతం చతుర్ద్దశ సమన్వితమ్ ॥ 4॥

దలాష్టకేసరోపేతం దలషోడశకాన్వితమ్ ।
వృత్తత్రయయాన్వితమ్భూమిసదనత్రయభూషితమ్ ॥ 5॥

నమామి లలితాచక్రం భక్తానామిష్టదాయకమ్ ।
అమృతామ్భోనిధిన్తత్ర రత్నద్వీపం నమామ్యహమ్ ॥ 6॥

నానావృక్షమహోద్యానం వన్దేహం కల్పవాటికామ్ ।
సన్తానవాటికాంవన్దే హరిచన్దనవాటికామ్ ॥ 7॥

మన్దారవాటికాం పారిజాతవాటీం ముదా భజే ।
నమామితవ దేవేశి కదమ్బవనవాటికామ్ ॥ 8॥

పుష్యరాగమహారత్నప్రాకారం ప్రణమామ్యహమ్ ।
పద్మరాగాదిమణిభిఃప్రాకారం సర్వదా భజే ॥ 9॥

గోమేదరత్నప్రాకారం వజ్రప్రాకారమాశ్రయే ।
వైడూర్యరత్నప్రాకారమ్ప్రణమామి కులేశ్వరీ ॥ 10॥

ఇన్ద్రనీలాఖ్యరత్నానాం ప్రాకారం ప్రణమామ్యహమ్ ।
ముక్తాఫలమహారత్నప్రాకారమ్ప్రణమామ్యహమ్ ॥ 11॥

మరతాఖ్యమహారత్నప్రాకారాయ నమోనమః ।
విద్రుమాఖ్యమహారత్నప్రాకారమ్ప్రణమామ్యహమ్ ॥ 12॥

మాణిక్యమణ్డపం రత్నసహస్రస్తమ్భమణ్డపమ్ ।
లలితే!తవదేవేశి భజామ్యమృతవాపికామ్ ॥ 13॥

ఆనన్దవాపికాం వన్దేవిమర్శవాపికాం భజే ।
భజేబాలాతపోల్గారం చన్ద్రికోగారికాం భజే ॥ 14॥

మహాశ‍ఋఙ్గారపరిఖాం మహాపత్మాటవీం భజే ।
చిన్తామణిమహారత్నగృహరాజం నమామ్యహమ్ ॥ 15॥

పూర్వాన్నాయమయం పూర్వ్వద్వారం దేవి నమామ్యహమ్ ।
దక్షిణాన్నాయరూపన్తేదక్షిణద్వారమాశ్రయే ॥ 16॥

నమామి పశ్చిమద్వారం పశ్చిమామ్నాయ రూపకమ్ ।
వన్దేహముత్తరద్వారముత్తరామ్నాయరూపకమ్ ॥ 17॥

ఊర్ద్ధ్వామ్నాయమయం వన్దే హ్యూర్ద్ధద్వారం కులేశ్వరి ।
లలితేతవ దేవేశి మహాసింహాసనం భజే ॥ 18॥

బ్రహ్మాత్మకం మఞ్చపాదమేకం తవ నమామ్యహమ్ ।
ఏకంవిష్ణుమయం మఞ్చపాదమన్యం నమామ్యహమ్ ॥ 19॥

ఏకం రుద్రమయం మఞ్చపాదమన్యం నమామ్యహమ్ ।
మఞ్చపాదమ్మమామ్యేకం తవ దేవీశ్వరాత్మకమ్ ॥ 20॥

మఞ్చైకఫలకం వన్దే సదాశివమయం శుభమ్ ।
నమామితేహంసతూలతల్పకం పరమేశ్వరీ! ॥ 21॥

నమామితే హంసతూలమహోపాధానముత్తమమ్ ।
కౌస్తుభాస్తరణంవన్దే తవ నిత్యం కులేశ్వరీ ॥ 22॥

మహావితానికాం వన్దే మహాయవినికాం భజే ।
ఏవం పూజాగృహం ధ్యాత్వా శ్రీచక్రే శ్రీశివాం భజే ॥ 23॥

స్వదక్షిణే స్థాపయామి భాగే పుష్పాక్షతాదికాన్ ।
అమితాంస్తేమహాదేవి దీపాన్ సన్దర్శయామ్యహమ్ ॥ 24॥

మూలేన త్రిపురాచక్రం తవ సమ్పూజ్యయామ్యహమ్ ।
త్రిభిఃఖణ్డైస్తవఖ్యాతైః పూజయామి మహేశ్వరి! ॥ 25॥

వాయ్వగ్ని జలసమ్యుక్తం ప్రాణాయామైరహం శివై ।
శోషాణాన్దాహనం చైవ కరోమి ప్లావనం తథా ॥ 26॥

త్రివారం మూలమన్త్రేణ ప్రాణాయామం కరోమ్యహమ్ ।
పాషణ్డకారిణోభూతా భూమౌయే చాన్తరిక్షకే ॥ 27॥

కరోమ్యనేన మన్త్రేణ తాలత్రయమహం శివే ।
నారాయణోఽహమ్బ్రహ్మాహం భైరవోఽహం శివోస్మ్యహమ్ ॥ 28॥

దేవోహం పరమానన్దోఽస్మ్యహం త్రిపురసున్దరి ।
ధ్యాత్వావై వజ్రకవచం న్యాసం తవ కరోమ్యహమ్ ॥ 29॥

కుమారీబీజసమ్యుక్తం మహాత్రిపురసున్దరి! ।
మాంరక్షరక్షేతి హృది కరోమ్యజ్ఞలిమీశ్వరి! ॥ 30॥

మహాదేవ్యాసనాయేతి ప్రకరోమ్యాసనం శివే ।
చక్రాసనన్నమస్యామి సర్వమన్త్రాసనం శివే ॥ 31॥

సాద్ధ్యసిద్ధాసనం మన్త్రైరేభిర్యుక్తం మహేశ్వరి ।
కరోమ్యస్మిఞ్చక్రమన్త్రైర్దేవతాసనముత్తమమ్ ॥ 32॥

కరోమ్యథ షడఙ్గాఖ్యం మాతృకాం చ కలాం న్యసే ।
శ్రీకణ్టఙ్కేశవం చైవ ప్రపఞ్చం యోగమాతృకామ్ ॥ 33॥

తత్త్వన్యాసం తతః కూర్వ్వే చతుష్పీటం యథాచరే ।
లఘుషోఢాన్తతః కూర్వ్వే శక్తిన్యాసం మహోత్తమమ్ ॥ 34॥

పీటన్యాసం తతః కుర్వే దేవతావాహనం ప్రియే ।
కుఙ్కుమన్యాసకఞ్చైవ చక్రన్యాసమథాచరే ॥ 35॥

చక్రన్యాసం తతః కుర్వ్వే న్యాసం కామకలాద్వయమ్ ।
షోడశార్ణ్ణమహామన్త్రైరఙ్గన్యాసఙ్కరోమ్యహమ్ ॥ 36॥

మహాషోఢాం తతః కుర్వ్వే శామ్భవం చ మహాప్రియే ।
తతోమూలమ్ప్రజప్త్వాథ పాదుకాఞ్చ తతః పరమ్ ॥ 37॥

గురవే సమ్యగర్చ్యాథ దేవతాం హృదిసమ్భజే ।
కరోమిమణ్డలం వృత్తం చతురశ్రం శివప్రియే ॥ 38॥

పుష్పైరభ్యర్చ్చ్యసాధారం శఙ్ఖం సమ్పూజయామహమ్ ।
అర్చ్చయామిషడఙ్గేన జలమాపూరయామ్యహమ్ ॥ 39॥

దదామి చాదిమం బిన్దుం కుర్వే మూలాభిమన్త్రితమ్ ।
తజ్జలేనజగన్మాతస్త్రికోణం వృత్తసమ్యుతమ్ ॥ 40॥

షల్కోణం చతురశ్రఞ్చ మణ్డలం ప్రణమామ్యహమ్ ।
విద్యయాపూజయామీహ త్రిఖణ్డేన తు పూజనమ్ ॥ 41॥

బీజేనవృత్తషల్కోణం పూజయామి తవప్రియే ।
తస్మిన్దేవీకలాత్మానాం మణిమణ్డలమాశ్రయే ॥ 42॥

ధూమ్రార్చ్చిషం నమస్యామి ఊష్మాం చ జ్వలనీం తథా ।
జ్వాలినీఞ్చ నమస్యామి వన్దేహం విస్పులిఙ్గినీమ్ ॥ 43॥

సుశ్రియం చ సురూపాఞ్చకమ్పిలాం ప్రణమామ్యహమ్ ।
నౌమిహవ్యవహాం నిత్యాం భజే కవ్యవహాం కలామ్ ॥ 44॥

సూర్యాగ్నిమణ్డలాం తత్ర సకలాద్వాదశాత్మకమ్ ।
అర్ఘ్యపాద్యమహన్తత్ర తపినీం తాపినీం భజే ॥ 45॥

ధూమ్రాం మరీచీం వన్దేహం జ్వాలినీం మరుహం భజే ।
సుషుమ్నామ్భోగదాం వన్దే భజే విశ్వాం చ బోధినీమ్ ॥ 46॥

ధారిణీం చ క్షమాం వన్దే సౌరీరేతాః కలాభజే ।
ఆశ్రయేమణ్మలం చాన్ద్రం తల్కలాషోడశాత్మకమ్ ॥ 47॥

అమృతాం మానదాం వన్దే పూషాం తుష్టీం భజామ్యహమ్ ।
పుష్టిమ్భజే మహాదేవి భజేఽహం చ రతిం ధృతిమ్ ॥ 48॥

రశనిం చన్ద్రికాం వన్దే కాన్తీం జోత్సనా శ్రియం భజే ।
నేఔమిప్రీతిఞ్చాగతదాఞ్చపూర్ణ్ణిమామమృతామ్భజే ॥ 49॥

త్రికోణలేఖనం కుర్వ్వే ఆకారాదిసురేఖకమ్ ।
హలక్షవర్ణ్ణసమ్యుక్తంస్పీతం తం హంసభాస్కరమ్ ॥ 50॥

వాక్కామశక్తి సంయుక్తం హంసమారాధయామ్యహమ్ ।
వృత్తాద్బహిఃషడశ్రస్యలేఖనం ప్రకరోమ్యహమ్ ॥ 51॥

పురతోగ్న్యాదిషల్ఖ఼ఓణం కఖగేనార్చ్చయామ్యహమ్ ।
శ్రీవిద్యయాసప్తవారం కరోమ్యత్రాభి మన్త్రితమ్ ॥ 52॥

సమర్ప్పయామి దేవేశి తస్మాత్ గన్ధాక్షతాదికమ్ ।
ధ్యాయామిపూజాద్రవ్యేషు తత్ సర్వం విద్యయాయుతమ్ ॥ 53॥

చతుర్న్నవతిసన్మన్త్రాన్ స్పృష్ట్వా తత్ ప్రజపామ్యహమ్ ।
వహ్నేర్ద్దశకలాఃసూర్యకలాద్వాదశకం భజే ॥ 54॥

ఆశ్రయే శోడషకలాస్తత్ర చన్ద్రమసస్తదా ।
సృష్టిమ్వృద్ధిం స్మృతిం వన్దే మేధాం కాన్తీం తథైవ చ ॥ 55॥

లక్ష్మీం ద్యుథిం స్థితాం వన్దే స్థితిం సిద్ధిం భజామ్యహమ్ ।
ఏతాబ్రహ్మకలావన్దే జరాన్థాం పాలినీం భజే ॥ 56॥

శాన్తిం నమామీశ్వరీం చ రతీం వన్దే చ కారికామ్ ।
వరదాంహ్లాదినీం వన్దే ప్రీతిం దీర్ఘాం భజాభమ్యహమ్ ॥ 57॥

ఏతా విష్ణుఅకలావన్దే తీక్షణాం రౌద్రిం భయాం భజే ।
నిద్రాన్తన్ద్రీం క్షుధాం వన్దే నమామి క్రోధినీం క్రియామ్ ॥ 58॥

ఉల్కారీం మృత్యురూపాం చ ఏతా రుద్రకలా భజే ।
నీలామ్పీతాం భజే శ్వేతాం వన్దేహమరుణాం కలామ్ ॥ 59॥

అనన్తఖ్యాం కలాఞ్చేతి ఈశ్వరస్య కలాభజే ।
నివృత్తిఞ్చప్రతిష్ఠాఞ్చవిద్యాంశాన్తిం భజామ్యహమ్ ॥ 60॥

రోధికాం దీపికాం వన్దే రేచికాం మోచికాం భజే ।
పరాంసూక్షామృతాం సూక్షాం ప్రణామి కులేశ్వరి! ॥ 61॥

జ్ఞానాఖ్యాఞ్చనమస్యామి నౌమిజ్ఞానామృతాం కలామ్ ।
ఆప్యాయినీంవ్యాపినీం చ మోదినీం ప్రణమామ్యహమ్ ॥ 62॥

కలాః సదాశివస్యైతాః షోడశ ప్రణమామ్యహమ్ ।
విష్ణుయోనిన్నమస్యామి మూలవిద్యాం నమామ్యహమ్ ॥ 63॥

త్రైయమ్బకం నమస్యామి తద్విష్ణుం ప్రణమామ్యహమ్ ।
విష్ణుయోనిమ్నమస్యామి మూలవిద్యాం నమామ్యహమ్ ॥ 64॥

అమృతం మన్త్రితం వన్దే చతుర్న్నవతిభిస్తథా ।
అఖణ్డైకరసానన్దకరేపరసుధాత్మని ॥ 65॥

స్వచ్ఛన్దస్పపురణం మన్త్రం నీధేహి కులరూపిణి ।
అకులస్థామృతాకారేసిద్ధిజ్ఞానకరేపరే ॥ 66॥

అమృతం నిధేహ్యస్మిన్ వస్తునిక్లిన్నరూపిణి ।
తద్రూపాణేకరస్యత్వఙ్కృత్వాహ్యేతత్స్వరూపిణి ॥ 67॥

భూత్వా పరామృతాకారమయి చిత్ స్పురణం కురు ।
ఏభిర్మ్మనూత్తమైర్వన్దేమన్త్రితం పరమామృతమ్ ॥ 68॥

జోతిమ్మయమిదం వన్దే పరమర్ఘ్యఞ్చ సున్దరి ।
తద్విన్దుభిర్మేశిరసి గురుం సన్తర్ప్పయామ్యహమ్ ॥ 69॥

బ్రహ్మాస్మిన్ తద్విన్దుం కుణ్డలిన్యాం జుహోమ్యహమ్ ।
హృచ్చక్రస్తాం-మహాదేవీమ్మహాత్రిపురసున్దరీమ్ ॥ 70॥

నిరస్తమోహతిమిరాం సాక్షాత్ సంవిత్స్వరూపిణీమ్ ।
నాసాపుటాత్పరకలామథనిర్గ్గమయామ్యహమ్ ॥ 71॥

నమామియోనిమద్ధ్యాస్థాం త్రిఖణ్డకుసుమాంఞ్జలిమ్ ।
జగన్మాతర్మహాదేవియన్త్రేత్వాం స్థాపయామ్యహమ్ ॥ 72॥

సుధాచైతన్యమూర్త్తీం తే కల్పయామిమనుం తవ ।
అనేనదేవిమన్త్రయన్త్రేత్వాం స్థాపయామ్యహమ్ ॥ 73॥

మహాపద్మవనాన్తస్థే కారణానన్తవిగ్రహే ।
సర్వభూతహితేమాతరేహ్యపి పరమేశ్వరి ॥ 74॥

దేవేశీ భక్తసులభే సర్వాభరణభూషితే ।
యావత్వమ్పూజయామీహతావత్త్వం సుస్థిరాభవ ॥ 75॥

అనేన మన్త్రయుగ్మేన త్వామత్రావాహయామ్యహమ్ ।
కల్పయామినమః పాదమర్ఘ్యం తే కల్పయామ్యహమ్ ॥ 76॥

గన్ధతైలాభ్యఞ్జనఞ్చమజ్జశాలాప్రవేశమ్ ।
కల్పయామినమస్తస్మై మణిపీఠోప్రవేశనమ్ ॥ 77॥

దివ్యస్నానీయమీశాని గృహాణోద్వర్త్తనం శుభే ।
గృహాణోష్ణాదకస్నానఙ్కల్పయామ్యభిషేచనమ్ ॥ 78॥

హేమకుమ్భాయుతైః స్నిగ్ద్ధైః కల్పయామ్యభిషేచనమ్ ।
కల్పయామినమస్తుభ్యం ధేఔతేన పరిమార్జ్జనమ్ ॥ 79॥

బాలభాను ప్రతీకాశం దుకూలం పరిధానకమ్ ।
అరుణేనదుకులేనోత్తరీయం కల్పయామ్యహమ్ ॥ 80॥

ప్రవేశనం కల్పయామి సర్వాఙ్గాని విలేపనమ్ ।
నమస్తేకల్పయామ్యత్ర మణిపీఠోపవేశనమ్ ॥ 81॥

అష్టగన్ధైః కల్పయామి తవలేఖనమమ్బికే ।
కాలాగరుమహాధూపఙ్కల్పయామి నమశ్శివే ॥ 82॥

మల్లికామాలాతీజాతి చమ్పకాది మనోరమైః ।
అర్చ్చితాఙ్కుసుమైర్మ్మాలాం కల్పయామి నమశ్శివే ॥ 83॥

ప్రవేశనం కల్పయామి నమో భూషణమణ్డపే ।
ఉపవేశ్యంరత్నపీఠే తత్రతే కల్పయామ్యహమ్ ॥ 84॥

నవమాణిక్యమకుటం తత్రతే కల్పయామ్యహమ్ ।
శరచ్చన్ద్రనిభంయుక్తం తచ్చన్ద్రశకలం తవ ॥ 85॥

తత సీమన్తసిన్దూరం కస్తూరీతిలకం తవ ।
కాలాజ్ఞనఙ్కల్పయామి పాలీయుగలముత్తమమ్ ॥ 86॥

మణికుణ్డలయుగ్మఞ్చ నాసాభరణమీశ్వరీ! ।
తాటఙ్కయుగలన్దేవి లలితే ధారయామ్యహమ్ ॥ 87॥

అథాద్యాం భూషణం కణ్ఠే మహాచిన్తాకముత్తమమ్ ।
పదకన్తే కల్పయామి మహాపదకముత్తమమ్ ॥ 88॥

ముక్తావలీం కల్పయామి చైకావలి సమన్వితామ్ ।
ఛన్నవీరఞ్చకేయూరయుగలానాం చతుష్టయమ్ ॥ 89॥

వలయావలిమాలానీం చోర్మికావలిమీశ్వరి ।
కాఞ్చీదామకటీసూత్రంసౌభగ్యాభరణం చ తే ॥ 90॥

త్రిపురే పాదకటకం కల్పయే రత్ననూపురమ్ ।
పాదాఙ్గులీయకన్తుభ్యం పాశమేకం కరేతవ ॥ 91॥

అన్యే కరేఙ్కుశం దేవి పూణ్డ్రేక్షుధనుషం తవ ।
అపరేపుష్పబాణఞ్చ శ్రీమన్మాణిక్యపాదుకే ॥ 92॥

తదావరణ దేవేశి మహామఞ్చాదిరోహణమ్ ।
కామేశ్వరాఙ్కపర్యఙ్కముపవేశనముత్తమమ్ ॥ 93॥

సుధయా పూర్ణ్ణచషకం తతస్తత్ పానముత్తమమ్ ।
కర్ప్పూరవీటికాన్తుభ్యం కల్పయామి నమః శివే ॥ 94॥

ఆనన్దోల్లాసవిలసద్ధంసం తే కల్పయామ్యహమ్ ।
మఙ్గలారాత్రికంవన్దే ఛత్రం తే కల్పయామ్యహమ్ ॥ 95॥

చామరం యూగలం దేవిదర్ప్పణం కల్పయామ్యహమ్ ।
తాలవ్రిన్తఙ్కల్పయామిగన్ధపుష్పాక్షతైరపి ॥ 96॥

ధూపం దీపశ్చనైవేద్యం కల్పయామి శివప్రియే ।
అథాహమ్బైన్దవే చక్రే సర్వానన్దమయాత్మకే ॥ 97॥

రత్నసింహాసనే రమ్యే సమాసీనాం శివప్రియామ్ ।
ఉద్యద్భానుసహస్రాభాఞ్జపాపుష్పసమప్రభామ్ ॥ 98॥

నవరత్నప్రభాయుక్తమకుటేన విరాజితామ్ ।
చన్ద్రరేఖాసమోపేతాఙ్కస్తూరితిలకాఙ్కితామ్ ॥ 99॥

కామకోదణ్డసౌన్దర్యనిర్జ్జితభ్రూలతాయుతామ్ ।
అఞ్జనాఞ్చితనేత్రాన్తుపద్మపత్రనిభేషణామ్ ॥ 100॥

మణికుణ్డలసమ్యుక్త కర్ణ్ణద్వయవిరాజితామ్ ।
తామ్బూలపూరితముఖీంసుస్మితాస్యవిరాజితామ్ ॥ 101॥

ఆద్యభూషణసమ్యుక్తాం హేమచిన్తాకసంయుతామ్ ।
పదకేనసమోపేతాం మహాపదకసంయుతామ్ ॥ 102॥

ముక్తాఫలసమోపేతామేకావలిసమన్వితామ్ ।
కౌసుభాఙ్గదసంయుక్తచతుర్బాహుసమన్వితామ్ ॥ 103॥

అష్టగన్ధసమోపేతాం శ్రీచన్దనవిరాజితామ్ ।
హేమకుమ్భోపమప్రఖ్యస్తనద్వన్దవిరాజితామ్ ॥ 104॥

రక్తవస్త్రపరీధానాం రక్తకఞ్చుకసంయుతామ్ ।
సూక్ష్మరోమావలియుక్తతనుమద్ధ్యవిరాజితామ్ ॥ 105॥

ముక్తామాణిక్యఖచిత కాఞ్చీయుతనితమ్బనీమ్ ।
సదాశివాఙకస్థబృహన్మహాజఘనమణ్డలామ్ ॥ 106॥

కదలిస్తమ్భసంరాజదూరుద్వయవిరాజితామ్ ।
కపాలీకాన్తిసఙ్కాశజఙ్ఘాయుగలశోభితామ్ ॥ 107॥

గ్రూఢగుల్ఫద్వేయోపేతాం రక్తపాదసమన్వితామ్ ।
బ్రహ్మవిష్ణుమహేశాదికిరీటస్ఫూర్జ్జితాఙ్ఘ్రికామ్ ॥ 108॥

కాన్త్యా విరాజితపదాం భక్తత్రాణ పరాయణామ్ ।
ఇక్షుకార్ముకపుష్పేషుపాశాఙ్కుశధరాంశుభామ్ ॥ 109॥

సంవిత్స్వరూపిణీం వన్దే ధ్యాయామి పరమేశ్వరీమ్ ।
ప్రదర్శయామ్యథశివేదశాముద్రాః ఫలప్రదాః ॥ 110॥

త్వాం తర్ప్పయామి త్రిపురే త్రిధనా పార్వ్వతి ।
అగ్నౌమహేశదిగ్భాగే నైరృత్ర్యాం మారుతే తథా ॥ 111॥

ఇన్ద్రాశావారుణీ భాగే షడఙ్గాన్యర్చ్చయే క్రమాత్ ।
ఆద్యాఙ్కామేశ్వరీం వన్దే నమామి భగమాలినీమ్ ॥ 112॥

నిత్యక్లిన్నాం నమస్యామి భేరుణ్డాం ప్రణమామ్యహమ్ ।
వహ్నివాసాన్నమస్యామి మహావిద్యేశ్వరీం భజే ॥ 113॥

శివదూతిం నమస్యామి త్వరితాం కుల సున్దరీమ్ ।
నిత్యాన్నీలపతాకాఞ్చ విజయాం సర్వమఙ్గలామ్ ॥ 114॥

జ్వాలామాలాఞ్చ చిత్రాఞ్చ మహానిత్యాం చ సంస్తువే ।
ప్రకాశానన్దనాథాఖ్యామ్పరాశక్తినమామ్యహమ్ ॥ 115॥

శుక్లదేవీం నమస్యామి ప్రణమామి కులేశ్వరీమ్ ।
పరశివానన్దనాథాఖ్యామ్పరాశక్తి నమామ్యహమ్ ॥ 116॥

కౌలేశ్వరానన్దనాథం నౌమి కామేశ్వరీం సదా ।
భోగానన్దన్నమస్యామి సిద్ధౌఘఞ్చ వరాననే ॥ 117॥

క్లిన్నానన్దం నమస్యామి సమయానన్దమేవచ ।
సహజానన్దనాథఞ్చప్రణమామి ముహుర్ముహు ॥ 118॥

మానవౌఘం నమస్యామి గగనానన్దగప్యహమ్ ।
విశ్వానన్దన్నమస్యామి విమలానన్దమేవచ ॥ 119॥

మదనానన్దనాథఞ్చ భువనానన్దరూపిణీమ్ ।
లీలానన్దన్నమస్యామి స్వాత్మానన్దం మహేశ్వరి ॥ 120॥

ప్రణమామిప్రియానన్దం సర్వకామఫలప్రదమ్ ।
పరమేష్టిగురుంవన్దే పరమఙ్గురుమాశ్రయే ॥ 121॥

శ్రీగురుం ప్రణమస్యామి మూర్ద్ధ్ని బ్రహ్మబిలేశ్వరీమ్ ।
శ్రీమదానన్దనాథాఖ్యశ్రిగురోపాదుకాం తథా ॥ 122॥

అథ ప్రాథమికే దేవి చతురశ్రే కులేశ్వరి ।
అణిమాంలఖిమాం వన్దే మహిమాం ప్రణమామ్యహమ్ ॥ 123॥

ఈశిత్వసిద్ధిం కలయే వశిత్వం ప్రణమామ్యహమ్ ।
ప్రాకామ్యసిద్ధిమ్భుక్తిఞ్చ ఇచ్ఛాప్రాప్ర్తిమహం భజే ॥ 124॥

సర్వకామప్రదాం సర్వకామసిద్ధిమహం భజే ।
మద్ధ్యమేచతురశ్రేహం బ్రాహ్మీం మాహేశ్వరీం భజే ॥ 125॥

కౌమారీం వైష్ణవీం వన్దే వారాహీం ప్రణమామ్యహమ్ ।
మాహేన్ద్రీమపిచాముణ్డామ్మహాలక్ష్మీమహం భజే ॥ 126॥

తృతీయే చతురశ్రే తు సర్వసఙ్క్షోభిణీం భజే ।
సర్వవిద్రాపిణీమ్ముద్రాం సర్వాకర్షిణికాం భజే ॥ 127॥

ముద్రాం వశఙ్కరీం వన్దే సర్వోన్మాదినికాం భజే ।
భజేమహాఙ్కుశాం ముద్రాం ఖేచరీం ప్రణమామ్యహమ్ ॥ 128॥

బీజాముద్రాం యోనిముద్రాం భజే సర్వత్రిఖణ్డినీమ్ ।
త్రైలోక్యమోహనఞ్చక్రం నమామి లలితే తవ ॥ 129॥

నమామి యోగినీం తత్ర ప్రఖటాఖ్యామభీష్టదామ్ ।
సుధార్ణ్ణవాసనంవన్దే తత్ర తే పరమేశ్వరి ॥ 130॥

చక్రేశ్వరి మహం వన్దే త్రిపురాం ప్రణమామ్యహమ్ ।
సర్వసఙ్క్షోభిణీమ్ముద్రాం తతోహం కలయే శివే ॥ 131॥

అథాహం షోడశదలే కామాకర్షిణికాం భజే ।
బుద్ధ్యాకర్షిణికాం వన్దేఽహఙ్కారాకర్షిణీం భజే ॥ 132॥

శబ్దాకర్షిణికాం వన్దే స్పర్శాకర్షిణికాం భజే ।
రూపాకర్షిణికాంవన్దే రసాకర్షిణికాం భజే ॥ 133॥

గన్ధాకర్షిణికాం వన్దే చిత్తాకర్షిణికాం భజే ।
ధైర్యాకర్షిణికాంవన్దే స్మృత్యాకర్షిణికాం భజే ॥ 134॥

నామాకర్షిణికాం వన్దే బీజాకర్షిణికాం భజే ।
ఆత్మాకర్షిణికాంవన్దే అమృతాకర్షిణికాం భజే ॥ 135॥

శరీరాకర్షిణికాం వన్దే నిత్యాం శ్రీపరమేశ్వరి ।
సర్వాశాపూరకంవన్దే కల్పయేహం తవేశ్వరి ॥ 136॥

గుప్తాఖ్యాం యోగినీం వన్దే మాతరం గుప్తపూజ్యతామ్ ।
పోతామ్బుజాసనన్తత్ర నమామి లలితే తవ ॥ 137॥

త్రిపురేశీం నమస్యామి భజామిష్టార్త్థసిద్ధిదామ్ ।
సర్వవిద్రావిణిముద్రాన్తత్రాహం తే విచన్తయే ॥ 138॥

సివే తవాష్టపత్రేహమనఙ్గకుసుమాం భజే ।
అనఙ్గమేఖలాంవన్దే అనఙ్గమదనాం భజే ॥ 139॥

నమోహం ప్రణస్యామి అనఙ్గమదనాతురామ్ ।
అనఙ్గరేఖాఙ్కలయే భజేనఙ్గాం చ వేగినీమ్ ॥ 140॥

అనఙ్గాకుశవన్దేఽహమనఙ్గమాలినీం భజే ।
తత్రాహమ్ప్రణస్యామి దేవ్యా ఆసనముత్తమమ్ ॥ 141॥

నమామి జగతీశానీం తత్ర త్రిపురసున్దరీమ్ ।
సర్వాకర్షిణికామ్ముద్రాం తత్రాహ కల్పయామితే ॥ 142॥

భువనాశ్రయే తవ శివే సర్వసఙ్క్షోభిణీం భజే ।
సర్వవిద్రావిణీంవన్దే సర్వకర్షిణికాం భజే ॥ 143॥

సర్వహ్లాదినీం వన్దే సర్వసమ్మోహినీం భజే ।
సకలస్తమ్భినీం వన్దే కలయే సర్వజృమ్భిణీమ్ ॥ 144॥

వశఙ్కరీం నమస్యామి సర్వరజ్ఞినికాం భజే ।
సకలోన్మదినీం వన్దే భజే సర్వార్థసాధకే ॥ 145॥

సమ్పత్తిపురికాం వన్దే సర్వమన్త్రమయీం భజే ।
భజామ్యేవతతశ్శక్తిం సర్వద్వన్ద్వక్ష్యఙ్కరీమ్ ॥ 146॥

తత్రాహం కలయే చక్రం సర్వసౌభాగ్యదాయకమ్ ।
నమామిజగతాం ధాత్రీం సమ్ప్రదాయాఖ్యయోగినిమ్ ॥ 147॥

నమామి పరమేశానీం మహాత్రిపురవాసినిమ్ ।
కలయేహన్తవ శివే ముద్రాం సర్వశఙ్కరీమ్ ॥ 148॥

బహిర్ద్దశారే తే దేవి సర్వసిద్ధిప్రదాం భజే ।
సర్వసమ్పత్ప్రదాం వన్దే సర్వప్రియఙ్కరీం భజే ॥ 149॥

నమామ్యహం తతో దేవీం సర్వమఙ్గలకారిణీమ్ ।
సర్వకామప్రదాంవన్దే సర్వదుఃఖవిమోచినిమ్ ॥ 150॥

సర్వమృత్యుప్రశమనీం సర్వవిఘ్ననివారిణీమ్ ।
సర్వాఙ్గసున్దరీంవన్దే సర్వసౌభాగ్యదాయినీమ్ ॥ 151॥

సర్వార్త్థసాధకం చక్రం తత్రాహం నే విచిన్తయే ।
తత్రాహన్తే నమస్యామి కులోత్తీర్ణాఖ్య యోగినీమ్ ॥ 152॥

సర్వమన్త్రసనం వన్దే త్రిపురాశ్రియమాశ్రయే ।
కలయామితతో ముద్రాం సర్వోన్మాదన కారిణీమ్ ॥ 153॥

అన్తర్ద్దశారే తే దేవి సర్వజ్ఞాం ప్రణమామ్యహమ్ ।
సర్వశక్తిన్నమస్యామి సర్వైశ్వర్యప్రదాం భజే ॥ 154॥

సర్వజ్ఞానమయీం వన్దే సర్వవ్యాధివినాశినీమ్ ।
సర్వాధారస్వరూపాఞ్చసర్వపాపహరామ్భజే ॥ 155॥

సర్వానన్దమయిం వన్దే సర్వరక్షాస్వరూపిణీమ్ ।
ప్రణమామిమహాదేవీం సర్వేప్సిత ఫలప్రదామ్ ॥ 156॥

సర్వరక్షాకరం చక్రం సున్దరీం కలయే సదా ।
నిగర్భయోనీంవన్దే తత్రాహం ప్రణమామ్యహమ్ ॥ 157॥

సాద్ధ్యసిద్ధాసనం వన్దే భజే త్రిపురమాలినీమ్ ।
కలయామితతో దేవీం ముద్రాం సర్వమహాఙ్కుశామ్ ॥ 158॥

అష్టారే వశినీం వన్దే మహా కామేశ్వరీం భజే ।
మోదినీంవిమలాంవన్దే అరుణాజయినీం భజే ॥ 159॥

సర్వేశ్వరీం నమస్యామి కౌలినీం ప్రణమామ్యహమ్ ।
సర్వరోగహరఞ్చక్రం తత్రాహం కలయే సదా ॥ 160॥

నమామి త్రిపురా సిద్ధిం భజే ముద్రాం చ ఖేచరీమ్ ।
మహాత్రికోణవత్బాహుచతురశ్రే కులేశ్వరి ॥ 161॥

నమామి జృమ్భణాబాణం సర్వసమ్మోహినీం భజే ।
పాశఞ్చాపం భజే నిత్యం భజే స్తమ్భనమఙ్కుశమ్ ॥ 162॥

త్రికోణేహం జగద్ధాత్రీం మహాకామేశ్వరీం భజే ।
మహావజ్రేశ్వరీంవన్దే మహాశ్రీభగమాలినీమ్ ॥ 163॥

మహాశ్రీసున్దరీం వన్దే సర్వకామఫలప్రదామ్ ।
సర్వసిద్ధిప్రదఞ్చక్రం తవదేవి నమామ్యహమ్ ॥ 164॥

నమామ్యతిరహస్యాఖ్యాం యోగినీం తవకామదామ్ ।
త్రిపురామ్బాన్నమస్యామి బీజాముద్రామహామ్భజే ॥ 165॥

మూలమన్త్రేణ లలితే తల్బిన్దౌ పూజయామ్యహమ్ ।
సర్వానన్దమయఞ్చక్రం తవదేవి భజామ్యహమ్ ॥ 166॥

పరాం పరరహస్యాఖ్యాం యోగినీం తత్రకామదామ్ ।
మహాచక్రేశ్వరీంవన్దే యోనిముద్రామహం భజే ॥ 167॥

ధూపదీపాదికం సర్వమర్ప్పితం కల్పయామ్యహమ్ ।
త్వల్ప్రీతయేమహాముద్రాం దర్శయామి తతశ్శివే ॥ 168॥

శాల్యన్నం మధుసమ్యుక్తం పాయసాపూప సమ్యుక్తమ్ ।
ఘృతసూపసమాయుక్తన్దధిక్షీరసమన్వితమ్ ॥ 169॥

సర్వభక్ష్యసమాయుక్తం బహుశాకసమన్వితమ్ ।
నిక్షిప్యకాఞ్చనే పాత్రే నైవేద్యం కల్పయామి తే ॥ 170॥

సఙ్కల్పబిన్దునా చక్రం కుచౌ బిన్దుద్వయేన చ ।
యోనిశ్చసపరార్ద్ధేన కృత్వా శ్రీలలితే తవ ॥ 171॥

ఏతత్ కామకలా రూపం భక్తానాం సర్వకామదమ్ ।
సర్వసౌభాగ్యదంవన్దే తత్ర త్రిపురసున్దరీమ్ ॥ 172॥

వామభాగే మహేశాని వృత్తం చ చతురస్రకమ్ ।
కృత్వాగన్ధాక్షతాద్యైశ్చాప్యర్చ్చయామి మహేశ్వరీమ్ ॥ 173॥

వాగ్దవాద్యం నమస్యామి తత్ర వ్యాపకమణ్డలమ్ ।
జలయుక్తేనపాణౌ చ శుద్ధముద్రా సమన్వితమ్ ॥ 174॥

తత్ర మన్త్రేణ దాస్యామి దేవి తే బలిముత్తమమ్ ।
నమస్తేదేవదేవేశి నమ స్త్రైలోక్యవన్దితే ॥ 175॥

నమశ్శివవరాఙ్కస్థే నమస్త్రీపురసున్దరి ।
ప్రదక్షిణనమస్కారమనేనాహం కరోమి తే ॥ 176॥

తత సఙ్కల్పమన్త్రాణాం సమాజం పరమేశ్వరి ।
ప్రజపామిమహావిద్యాం త్వత్ ప్రీత్యర్త్థమహం శివే ॥ 177॥

తవ విద్యాం ప్రజప్త్వాథ నౌమి త్వాం పరమేశ్వరి ।
మహాదేవిమహేశాని మహాశివమయే ప్రియే ॥ 178॥

మహానిత్యే మహాసిద్ధే త్వామహం శరణం శివే ।
జయత్వన్త్రిపురే దేవి లలితే పరమేశ్వరి ॥ 179॥

సదాశివ ప్రియఙ్కరి పాహిమాం కరుణానిధే ।
జగన్మాతర్జ్జగద్రూపేజగదీశ్వరవల్లభే ॥ 180॥

జగన్మయి జగత్ స్తుత్యే గౌరి త్వామహమాశ్రయే ।
అనాద్యేసర్వలోకానామాద్యే భక్తేష్టదాయిని ॥ 181॥

గిరిరాజేన్ద్రతనయే నమస్తీపురసున్దరి ।
జయారీఞ్జయదేవేశిబ్రహ్మమాతర్మహేశ్వరి ॥ 182॥

విష్ణుమాతరమాద్యన్తే హరమాతస్సురేశ్వరి ।
బ్రహ్మ్యాదిమాతృసంస్తుత్యే సర్వాభరణ సమ్యుక్తే ॥ 183॥

జ్యోతిర్మయి మహారూపే పాహిమాం త్రిపురే సదా ।
లక్ష్మీవాణ్యాదిసం పూజ్యే బ్రహ్మవిష్ణుశివప్రియ ॥ 184॥

భజామి తవ పాదాబ్జం దేవి త్రిపురసున్దరి ।
త్వల్ప్రీత్యర్త్థంయతః కాఞ్చీచ్ఛక్తిం వైపూజయామ్యహమ్ ॥ 185॥

తతశ్చ కేతనాం శక్తిం తర్పయామి మహేశ్వరి ।
తథాపిత్వాం భజంస్తోషం చిదగ్నౌ చ దదామ్యహమ్ ॥ 186॥

త్వల్ప్రీత్యర్థ్యం మహాదేవి మమాభీష్టార్త్థ సిద్ధయే ।
బద్ధ్వాత్వాం ఖైచరీముద్రాం క్షమస్వోద్వాసయామ్యహమ్ ॥ 187॥

తిష్ఠమే హృదయేనిత్యం త్రిపురే పరమేశ్వరి ।
జగదమ్బమహారాజ్ఞి మహాశక్తి శివప్రియే ॥ 188॥

హృచ్చక్రే తిష్తమే నిత్యం మహాత్రిపురసున్దరి ।
ఏతత్త్రిపురసున్దర్యా హృదయం సర్వకామదమ్ ॥ 189॥

మహారహస్యం సతతం దుర్ల్లభం దైవతైరపి ।
సాక్షాత్సదాశివేనోక్తం గుహ్యాత్ గుహ్యమనుత్తమమ్ ॥ 190॥

యః పతేత్ శ్రద్ధయా నిత్యం శ‍ఋణుయాద్వా సమాహితః ।
నిత్యపూజాఫలన్దేవ్యాస్సలభేన్నాత్ర సంశయః ॥ 191॥

పాపైః సముచ్యతే సద్యః కాయవాక్క్ సిత్తసమ్భవైః ।
పూర్వజన్మసముత్ భ్రదతైర్జ్ఞానాజ్ఞకృతైరపి ॥ 192॥

సర్వక్రతుషుయత్ పుణ్యం సర్వతీర్త్థేషు యర్ఫలమ్ ।
తత్పుణ్యం లభతే నిత్యం మానవో నాత్ర సంశయః ॥ 193॥

అచలాం లభతే లక్ష్మీం త్రైలోక్యేనాతి దుర్లభామ్ ।
సాక్షాద్విష్ణుర్మహాలక్ష్యాశీఘ్రమేవ భవిష్యతి ॥ 194॥

అష్టైశ్వర్య మవాప్నోతి స శీఘ్రం మానవోత్తమః ।
ఘణ్డికాపాదుకాసిద్ధ్యాదిష్టకంశీఘ్రమశ్నుతే ॥ 195॥

శ్రీమత్త్రిపురామ్బికాయై నమః ।
॥ శ్రీలలితాహృదయస్తోత్రం సమ్పూర్ణమ్ ॥

ఓం తత్ సత్ ॥