Bala Mukundashtakam - Shuddha Telugu

Collection of Spiritual and Devotional Literature in Various Indian Languages

View this in:

This document is in శుద్ధ తెలుగు with the right anusvaras marked. View this in సరళ తెలుగు, with simplified anusvaras for easier reading.

బాల ముకున్దాష్టకమ్

కరారవిన్దేన పదారవిన్దం ముఖారవిన్దే వినివేశయన్తమ్ ।
వటస్య పత్రస్య పుటే శయానం బాలం ముకున్దం మనసా స్మరామి ॥ 1 ॥

సంహృత్య లోకాన్వటపత్రమధ్యే శయానమాద్యన్తవిహీనరూపమ్ ।
సర్వేశ్వరం సర్వహితావతారం బాలం ముకున్దం మనసా స్మరామి ॥ 2 ॥

ఇన్దీవరశ్యామలకోమలాఙ్గం ఇన్ద్రాదిదేవార్చితపాదపద్మమ్ ।
సన్తానకల్పద్రుమమాశ్రితానాం బాలం ముకున్దం మనసా స్మరామి ॥ 3 ॥

లమ్బాలకం లమ్బితహారయష్టిం శృఙ్గారలీలాఙ్కితదన్తపఙ్క్తిమ్ ।
బిమ్బాధరం చారువిశాలనేత్రం బాలం ముకున్దం మనసా స్మరామి ॥ 4 ॥

శిక్యే నిధాయాద్యపయోదధీని బహిర్గతాయాం వ్రజనాయికాయామ్ ।
భుక్త్వా యథేష్టం కపటేన సుప్తం బాలం ముకున్దం మనసా స్మరామి ॥ 5 ॥

కలిన్దజాన్తస్థితకాలియస్య ఫణాగ్రరఙ్గేనటనప్రియన్తమ్ ।
తత్పుచ్ఛహస్తం శరదిన్దువక్త్రం బాలం ముకున్దం మనసా స్మరామి ॥ 6 ॥

ఉలూఖలే బద్ధముదారశౌర్యం ఉత్తుఙ్గయుగ్మార్జున భఙ్గలీలమ్ ।
ఉత్ఫుల్లపద్మాయత చారునేత్రం బాలం ముకున్దం మనసా స్మరామి ॥ 7 ॥

ఆలోక్య మాతుర్ముఖమాదరేణ స్తన్యం పిబన్తం సరసీరుహాక్షమ్ ।
సచ్చిన్మయం దేవమనన్తరూపం బాలం ముకున్దం మనసా స్మరామి ॥ 8 ॥

Browse Related Categories: