𑌮𑌂𑌗𑌳𑌂 𑌕𑍌𑌸𑌲𑍇𑌂𑌦𑍍𑌰𑌾𑌯 𑌮𑌹𑌨𑍀𑌯 𑌗𑍁𑌣𑌾𑌤𑍍𑌮𑌨𑍇 ।
𑌚𑌕𑍍𑌰𑌵𑌰𑍍𑌤𑌿 𑌤𑌨𑍂𑌜𑌾𑌯 𑌸𑌾𑌰𑍍𑌵𑌭𑍌𑌮𑌾𑌯 𑌮𑌂𑌗𑌳𑌮𑍍 ॥ 1 ॥
𑌵𑍇𑌦𑌵𑍇𑌦𑌾𑌂𑌤 𑌵𑍇𑌦𑍍𑌯𑌾𑌯 𑌮𑍇𑌘𑌶𑍍𑌯𑌾𑌮𑌲 𑌮𑍂𑌰𑍍𑌤𑌯𑍇 ।
𑌪𑍁𑌂𑌸𑌾𑌂 𑌮𑍋𑌹𑌨 𑌰𑍂𑌪𑌾𑌯 𑌪𑍁𑌣𑍍𑌯𑌶𑍍𑌲𑍋𑌕𑌾𑌯 𑌮𑌂𑌗𑌳𑌮𑍍 ॥ 2 ॥
𑌵𑌿𑌶𑍍𑌵𑌾𑌮𑌿𑌤𑍍𑌰𑌾𑌂𑌤𑌰𑌂𑌗𑌾𑌯 𑌮𑌿𑌥𑌿𑌲𑌾 𑌨𑌗𑌰𑍀 𑌪𑌤𑍇 ।
𑌭𑌾𑌗𑍍𑌯𑌾𑌨𑌾𑌂 𑌪𑌰𑌿𑌪𑌾𑌕𑌾𑌯 𑌭𑌵𑍍𑌯𑌰𑍂𑌪𑌾𑌯 𑌮𑌂𑌗𑌳𑌮𑍍 ॥ 3 ॥
𑌪𑌿𑌤𑍃𑌭𑌕𑍍𑌤𑌾𑌯 𑌸𑌤𑌤𑌂 𑌭𑌾𑌤𑍃𑌭𑌿𑌃 𑌸𑌹 𑌸𑍀𑌤𑌯𑌾 ।
𑌨𑌂𑌦𑌿𑌤𑌾𑌖𑌿𑌲 𑌲𑍋𑌕𑌾𑌯 𑌰𑌾𑌮𑌭𑌦𑍍𑌰𑌾𑌯 𑌮𑌂𑌗𑌳𑌮𑍍 ॥ 4 ॥
𑌤𑍍𑌯𑌕𑍍𑌤 𑌸𑌾𑌕𑍇𑌤 𑌵𑌾𑌸𑌾𑌯 𑌚𑌿𑌤𑍍𑌰𑌕𑍂𑌟 𑌵𑌿𑌹𑌾𑌰𑌿𑌣𑍇 ।
𑌸𑍇𑌵𑍍𑌯𑌾𑌯 𑌸𑌰𑍍𑌵𑌯𑌮𑌿𑌨𑌾𑌂 𑌧𑍀𑌰𑍋𑌦𑌾𑌤𑍍𑌤𑌾𑌯 𑌮𑌂𑌗𑌳𑌮𑍍 ॥ 5 ॥
𑌸𑍌𑌮𑌿𑌤𑍍𑌰𑌿𑌣𑌾𑌚 𑌜𑌾𑌨𑌕𑍍𑌯𑌾𑌚𑌾𑌪 𑌬𑌾𑌣𑌾𑌸𑌿 𑌧𑌾𑌰𑌿𑌣𑍇 ।
𑌸𑌂𑌸𑍇𑌵𑍍𑌯𑌾𑌯 𑌸𑌦𑌾 𑌭𑌕𑍍𑌤𑍍𑌯𑌾 𑌸𑍍𑌵𑌾𑌮𑌿𑌨𑍇 𑌮𑌮 𑌮𑌂𑌗𑌳𑌮𑍍 ॥ 6 ॥
𑌦𑌂𑌡𑌕𑌾𑌰𑌣𑍍𑌯 𑌵𑌾𑌸𑌾𑌯 𑌖𑌰𑌦𑍂𑌷𑌣 𑌶𑌤𑍍𑌰𑌵𑍇 ।
𑌗𑍃𑌧𑍍𑌰𑌰𑌾𑌜𑌾𑌯 𑌭𑌕𑍍𑌤𑌾𑌯 𑌮𑍁𑌕𑍍𑌤𑌿 𑌦𑌾𑌯𑌾𑌸𑍍𑌤𑍁 𑌮𑌂𑌗𑌳𑌮𑍍 ॥ ॥
𑌸𑌾𑌦𑌰𑌂 𑌶𑌬𑌰𑍀 𑌦𑌤𑍍𑌤 𑌫𑌲𑌮𑍂𑌲 𑌭𑌿𑌲𑌾𑌷𑌿𑌣𑍇 ।
𑌸𑍌𑌲𑌭𑍍𑌯 𑌪𑌰𑌿𑌪𑍂𑌰𑍍𑌣𑌾𑌯 𑌸𑌤𑍍𑌯𑍋𑌦𑍍𑌰𑌿𑌕𑍍𑌤𑌾𑌯 𑌮𑌂𑌗𑌳𑌮𑍍 ॥ ॥
𑌹𑌨𑍁𑌂𑌤𑍍𑌸𑌮𑌵𑍇𑌤𑌾𑌯 𑌹𑌰𑍀𑌶𑌾𑌭𑍀𑌷𑍍𑌟 𑌦𑌾𑌯𑌿𑌨𑍇 ।
𑌵𑌾𑌲𑌿 𑌪𑍍𑌰𑌮𑌧𑌨𑌾𑌯𑌾𑌸𑍍𑌤𑍁 𑌮𑌹𑌾𑌧𑍀𑌰𑌾𑌯 𑌮𑌂𑌗𑌳𑌮𑍍 ॥ ॥
𑌶𑍍𑌰𑍀𑌮𑌤𑍇 𑌰𑌘𑍁𑌵𑍀𑌰𑌾𑌯 𑌸𑍇𑌤𑍂𑌲𑍍𑌲𑌂𑌘𑌿𑌤 𑌸𑌿𑌂𑌧𑌵𑍇 ।
𑌜𑌿𑌤𑌰𑌾𑌕𑍍𑌷𑌸 𑌰𑌾𑌜𑌾𑌯 𑌰𑌣𑌧𑍀𑌰𑌾𑌯 𑌮𑌂𑌗𑌳𑌮𑍍 ॥ 10 ॥
𑌵𑌿𑌭𑍀𑌷𑌣𑌕𑍃𑌤𑍇 𑌪𑍍𑌰𑍀𑌤𑍍𑌯𑌾 𑌲𑌂𑌕𑌾𑌭𑍀𑌷𑍍𑌟 𑌪𑍍𑌰𑌦𑌾𑌯𑌿𑌨𑍇 ।
𑌸𑌰𑍍𑌵𑌲𑍋𑌕 𑌶𑌰𑌣𑍍𑌯𑌾𑌯 𑌶𑍍𑌰𑍀𑌰𑌾𑌘𑌵𑌾𑌯 𑌮𑌂𑌗𑌳𑌮𑍍 ॥ 11 ॥
𑌆𑌗𑌤𑍍𑌯𑌨𑌗𑌰𑍀𑌂 𑌦𑌿𑌵𑍍𑌯𑌾𑌮𑌭𑌿𑌷𑌿𑌕𑍍𑌤𑌾𑌯 𑌸𑍀𑌤𑌯𑌾 ।
𑌰𑌾𑌜𑌾𑌧𑌿𑌰𑌾𑌜𑌰𑌾𑌜𑌾𑌯 𑌰𑌾𑌮𑌭𑌦𑍍𑌰𑌾𑌯 𑌮𑌂𑌗𑌳𑌮𑍍 ॥ 12 ॥
𑌬𑍍𑌰𑌹𑍍𑌮𑌾𑌦𑌿 𑌦𑍇𑌵𑌸𑍇𑌵𑍍𑌯𑌾𑌯 𑌬𑍍𑌰𑌹𑍍𑌮𑌣𑍍𑌯𑌾𑌯 𑌮𑌹𑌾𑌤𑍍𑌮𑌨𑍇 ।
𑌜𑌾𑌨𑌕𑍀 𑌪𑍍𑌰𑌾𑌣𑌨𑌾𑌥𑌾𑌯 𑌰𑌘𑍁𑌨𑌾𑌥𑌾𑌯 𑌮𑌂𑌗𑌳𑌮𑍍 ॥ 13 ॥
𑌶𑍍𑌰𑍀𑌸𑍌𑌮𑍍𑌯 𑌜𑌾𑌮𑌾𑌤𑍃𑌮𑍁𑌨𑍇𑌃 𑌕𑍃𑌪𑌯𑌾𑌸𑍍𑌮𑌾𑌨𑍁 𑌪𑍇𑌯𑍁𑌷𑍇 ।
𑌮𑌹𑌤𑍇 𑌮𑌮 𑌨𑌾𑌥𑌾𑌯 𑌰𑌘𑍁𑌨𑌾𑌥𑌾𑌯 𑌮𑌂𑌗𑌳𑌮𑍍 ॥ 14 ॥
𑌮𑌂𑌗𑌳𑌾𑌶𑌾𑌸𑌨 𑌪𑌰𑍈𑌰𑍍𑌮𑌦𑌾𑌚𑌾𑌰𑍍𑌯 𑌪𑍁𑌰𑍋𑌗𑌮𑍈𑌃 ।
𑌸𑌰𑍍𑌵𑍈𑌶𑍍𑌚 𑌪𑍂𑌰𑍍𑌵𑍈𑌰𑌾𑌚𑌾𑌰𑍍𑌰𑍍𑌯𑍈𑌃 𑌸𑌤𑍍𑌕𑍃𑌤𑌾𑌯𑌾𑌸𑍍𑌤𑍁 𑌮𑌂𑌗𑌳𑌮𑍍 ॥ 15 ॥
𑌰𑌮𑍍𑌯𑌜𑌾 𑌮𑌾𑌤𑍃 𑌮𑍁𑌨𑌿𑌨𑌾 𑌮𑌂𑌗𑌳𑌾𑌶𑌾𑌸𑌨𑌂 𑌕𑍃𑌤𑌮𑍍 ।
𑌤𑍍𑌰𑍈𑌲𑍋𑌕𑍍𑌯𑌾𑌧𑌿𑌪𑌤𑌿𑌃 𑌶𑍍𑌰𑍀𑌮𑌾𑌨𑍍 𑌕𑌰𑍋𑌤𑍁 𑌮𑌂𑌗𑌳𑌂 𑌸𑌦𑌾 ॥
