Nasadiya Suktam - Shuddha Telugu

Collection of Spiritual and Devotional Literature in Various Indian Languages

View this in:

This document is in శుద్ధ తెలుగు with the right anusvaras marked. View this in సరళ తెలుగు, with simplified anusvaras for easier reading.

నాసదీయ సూక్తమ్

(ఋ.10.129)

నాస॑దాసీ॒న్నో సదా॑సీత్త॒దానీ॒-న్నాసీ॒ద్రజో॒ నో వ్యో॑మా ప॒రో యత్ ।
కిమావ॑రీవః॒ కుహ॒ కస్య॒ శర్మ॒న్నమ్భః॒ కిమా॑సీ॒ద్గహ॑న-ఙ్గభీ॒రమ్ ॥ 1 ॥

న మృ॒త్యురా॑సీద॒మృత॒-న్న తర్హి॒ న రాత్ర్యా॒ అహ్న॑ ఆసీత్ప్రకే॒తః ।
ఆనీ॑దవా॒తం స్వ॒ధయా॒ తదేక॒-న్తస్మా॑ద్ధా॒న్యన్న ప॒రః కి-ఞ్చ॒నాస॑ ॥ 2 ॥

తమ॑ ఆసీ॒త్తమ॑సా గూ॒ళ్హమగ్రే॑-ఽప్రకే॒తం స॑లి॒లం సర్వ॑మా ఇ॒దమ్ ।
తు॒చ్ఛ్యేనా॒భ్వపి॑హితం॒-యఀదాసీ॒త్తప॑స॒స్తన్మ॑హి॒నాజా॑య॒తైక॑మ్ ॥ 3 ॥

కామ॒స్తదగ్రే॒ సమ॑వర్త॒తాధి॒ మన॑సో॒ రేతః॑ ప్రథ॒మం-యఀదాసీ॑త్ ।
స॒తో బన్ధు॒మస॑తి॒ నిర॑విన్దన్ హృ॒ది ప్ర॒తీష్యా॑ క॒వయో॑ మనీ॒షా ॥ 4 ॥

తి॒ర॒శ్చీనో॒ విత॑తో ర॒శ్మిరే॑షామ॒ధ-స్స్వి॑దా॒సీ 3 దు॒పరి॑ స్విదాసీ 3 త్ ।
రే॒తో॒ధా ఆ॑సన్మహి॒మాన॑ ఆసన్త్స్వ॒ధా అ॒వస్తా॒త్ప్రయ॑తిః ప॒రస్తా॑త్ ॥ 5 ॥

కో అ॒ద్ధా వే॑ద॒ క ఇ॒హ ప్ర వో॑చ॒త్కుత॒ ఆజా॑తా॒ కుత॑ ఇ॒యం-విఀసృ॑ష్టిః ।
అ॒ర్వాగ్దే॒వా అ॒స్య వి॒సర్జ॑నే॒నాథా॒ కో వే॑ద॒ యత॑ ఆబ॒భూవ॑ ॥ 6 ॥

ఇ॒యం-విఀసృ॑ష్టి॒ర్యత॑ ఆబ॒భూవ॒ యది॑ వా ద॒ధే యది॑ వా॒ న ।
యో అ॒స్యాధ్య॑ఖ్షః పర॒మే వ్యో॑మ॒న్త్సో అ॒ఙ్గ వే॑ద॒ యది॑ వా॒ న వేద॑ ॥ 7 ॥

Browse Related Categories: