[కృష్ణయజుర్వేద-న్తైత్తరీయ బ్రాహ్మణ 3-4-1-1]

శ్రీ గురుభ్యో నమః । హరిః ఓమ్ ।

బ్రహ్మ॑ణే బ్రాహ్మ॒ణమాల॑భతే । ఖ్ష॒త్త్రాయ॑ రాజ॒న్యమ్᳚ ।
మ॒రుద్భ్యో॒ వైశ్యమ్᳚ । తప॑సే శూ॒ద్రమ్ ।
తమ॑సే॒ తస్క॑రమ్ । నార॑కాయ వీర॒హణమ్᳚ ।
పా॒ప్మనే᳚ క్లీ॒బమ్ । ఆ॒క్ర॒యాయా॑యో॒గూమ్ ।
కామా॑య పుగ్గ్‍శ్చ॒లూమ్ । అతి॑క్రుష్టాయ మాగ॒ధమ్ ॥ 1 ॥

గీ॒తాయ॑ సూ॒తమ్ । నృ॒త్తాయ॑ శైలూ॒షమ్ ।
ధర్మా॑య సభాచ॒రమ్ । న॒ర్మాయ॑ రే॒భమ్ ।
నరి॑ష్ఠాయై భీమ॒లమ్ । హసా॑య॒ కారిమ్᳚ ।
ఆ॒న॒న్దాయ॑ స్త్రీష॒ఖమ్ । ప్ర॒ముదే॑ కుమారీపు॒త్రమ్ ।
మే॒ధాయై॑ రథకా॒రమ్ । ధైర్యా॑య॒ తఖ్షా॑ణమ్ ॥ 2 ॥

శ్రమా॑య కౌలా॒లమ్ । మా॒యాయై॑ కార్మా॒రమ్ ।
రూ॒పాయ॑ మణికా॒రమ్ । శుభే॑ వ॒పమ్ ।
శ॒ర॒వ్యా॑యా ఇషుకా॒రమ్ । హే॒త్యై ధ॑న్వకా॒రమ్ ।
కర్మ॑ణే జ్యాకా॒రమ్ । ది॒ష్టాయ॑ రజ్జుస॒ర్గమ్ ।
మృ॒త్యవే॑ మృగ॒యుమ్ । అన్త॑కాయ శ్వ॒నితమ్᳚ ॥ 3 ॥

స॒న్ధయే॑ జా॒రమ్ । గే॒హాయో॑పప॒తిమ్ ।
నిర్-ఋ॑త్యై పరివి॒త్తమ్ । ఆర్త్యై॑ పరివివిదా॒నమ్ ।
అరా᳚ధ్యై దిధిషూ॒పతిమ్᳚ । ప॒విత్రా॑య భి॒షజమ్᳚ ।
ప్ర॒జ్ఞానా॑య నఖ్షత్రద॒ర్​శమ్ । నిష్కృ॑త్యై పేశస్కా॒రీమ్ ।
బలా॑యోప॒దామ్ । వర్ణా॑యానూ॒రుధమ్᳚ ॥ 4 ॥

న॒దీభ్యః॑ పౌఞ్జి॒ష్టమ్ । ఋ॒ఖ్షీకా᳚భ్యో॒ నైషా॑దమ్ ।
పు॒రు॒ష॒వ్యా॒ఘ్రాయ॑ దు॒ర్మదమ్᳚ । ప్ర॒యుద్భ్య॒ ఉన్మ॑త్తమ్ ।
గ॒న్ధ॒ర్వా॒ప్స॒రాభ్యో॒ వ్రాత్యమ్᳚ । స॒ర్ప॒దే॒వ॒జ॒నేభ్యో-ఽప్ర॑తిపదమ్ ।
అవే᳚భ్యః కిత॒వమ్ । ఇ॒ర్యతా॑యా॒ అకి॑తవమ్ ।
పి॒శా॒చేభ్యో॑ బిదలకా॒రమ్ । యా॒తు॒ధానే᳚భ్యః కణ్టకకా॒రమ్ ॥ 5 ॥

ఉ॒థ్సా॒దేభ్యః॑ కు॒బ్జమ్ । ప్ర॒ముదే॑ వామ॒నమ్ ।
ద్వా॒ర్భ్య-స్స్రా॒మమ్ । స్వప్నా॑యా॒న్ధమ్ ।
అధ॑ర్మాయ బధి॒రమ్ । స॒ఞ్జ్ఞానా॑య స్మరకా॒రీమ్ ।
ప్ర॒కా॒మోద్యా॑యోప॒సదమ్᳚ । ఆ॒శి॒ఖ్షాయై᳚ ప్ర॒శ్నినమ్᳚ ।
ఉ॒ప॒శి॒ఖ్షాయా॑ అభిప్ర॒శ్నినమ్᳚ । మ॒ర్యాదా॑యై ప్రశ్నవివా॒కమ్ ॥ 6 ॥

ఋత్యై᳚ స్తే॒నహృ॑దయమ్ । వైర॑హత్యాయ॒ పిశు॑నమ్ ।
వివి॑త్త్యై ఖ్ష॒త్తారమ్᳚ । ఔప॑ద్రష్టాయ సఙ్గ్రహీ॒తారమ్᳚ ।
బలా॑యానుచ॒రమ్ । భూ॒మ్నే ప॑రిష్క॒న్దమ్ ।
ప్రి॒యాయ॑ ప్రియవా॒దినమ్᳚ । అరి॑ష్ట్యా అశ్వసా॒దమ్ ।
మేధా॑య వాసః పల్పూ॒లీమ్ । ప్ర॒కా॒మాయ॑ రజయి॒త్రీమ్ ॥ 7 ॥

భాయై॑ దార్వాహా॒రమ్ । ప్ర॒భాయా॑ ఆగ్నే॒న్ధమ్ ।
నాక॑స్య పృ॒ష్ఠాయా॑భిషే॒క్తారమ్᳚ ।
బ్ర॒ధ్నస్య॑ వి॒ష్టపా॑య పాత్రనిర్ణే॒గమ్ ।
దే॒వ॒లో॒కాయ॑ పేశి॒తారమ్᳚ । మ॒ను॒ష్య॒లో॒కాయ॑ ప్రకరి॒తారమ్᳚ ।
సర్వే᳚భ్యో లో॒కేభ్య॑ ఉపసే॒క్తారమ్᳚ ।
అవ॑ర్త్యై వ॒ధాయో॑పమన్థి॒తారమ్᳚ । సు॒వ॒ర్గాయ॑ లో॒కాయ॑ భాగ॒దుఘమ్᳚ ।
వర్​షి॑ష్ఠాయ॒ నాకా॑య పరివే॒ష్టారమ్᳚ ॥ 8 ॥

అర్మే᳚భ్యో హస్తి॒పమ్ । జ॒వాయా᳚శ్వ॒పమ్ ।
పుష్ట్యై॑ గోపా॒లమ్ । తేజ॑సే-ఽజపా॒లమ్ ।
వీ॒ర్యా॑యావిపా॒లమ్ । ఇరా॑యై కీ॒నాశమ్᳚ ।
కీ॒లాలా॑య సురాకా॒రమ్ । భ॒ద్రాయ॑ గృహ॒పమ్ ।
శ్రేయ॑సే విత్త॒ధమ్ । అధ్య॑ఖ్షాయానుఖ్ష॒త్తారమ్᳚ ॥ 9 ॥

మ॒న్యవే॑-ఽయస్తా॒పమ్ । క్రోధా॑య నిస॒రమ్ ।
శోకా॑యాభిస॒రమ్ । ఉ॒త్కూ॒ల॒వి॒కూ॒లాభ్యా᳚-న్త్రి॒స్థినమ్᳚ ।
యోగా॑య యో॒క్తారమ్᳚ । ఖ్షేమా॑య విమో॒క్తారమ్᳚ ।
వపు॑షే మానస్కృ॒తమ్ । శీలా॑యాఞ్జనీకా॒రమ్ ।
నిర్-ఋ॑త్యై కోశకా॒రీమ్ । య॒మాయా॒సూమ్ ॥ 10 ॥

య॒మ్యై॑ యమ॒సూమ్ । అథ॑ర్వ॒భ్యో-ఽవ॑తోకామ్ ।
సం॒​వఀ॒థ్స॒రాయ॑ పర్యా॒రిణీ᳚మ్ । ప॒రి॒వ॒థ్స॒రాయావి॑జాతామ్ ।
ఇ॒దా॒వ॒థ్స॒రాయా॑ప॒స్కద్వ॑రీమ్ । ఇ॒ద్వ॒త్స॒రాయా॒తీత్వ॑రీమ్ ।
వ॒థ్స॒రాయ॒ విజ॑ర్జరామ్ । సం॒​వఀ॒థ్స॒రాయ॒ పలి॑క్నీమ్ ।
వనా॑య వన॒పమ్ । అ॒న్యతో॑-ఽరణ్యాయ దావ॒పమ్ ॥ 11 ॥

సరో᳚భ్యో ధైవ॒రమ్ । వేశ॑న్తాభ్యో॒ దాశమ్᳚ ।
ఉ॒ప॒స్థావ॑రీభ్యో॒ బైన్దమ్᳚ । న॒డ్వ॒లాభ్య॑-శ్శౌష్క॒లమ్ ।
పా॒ర్యా॑య కైవ॒ర్తమ్ । అ॒వా॒ర్యా॑య మార్గా॒రమ్ ।
తీ॒ర్థేభ్య॑ ఆ॒న్దమ్ । విష॑మేభ్యో మైనా॒లమ్ ।
స్వనే᳚భ్యః॒ పర్ణ॑కమ్ । గుహా᳚భ్యః॒ కిరా॑తమ్ ।
సాను॑భ్యో॒ జమ్భ॑కమ్ । పర్వ॑తేభ్యః॒ కిమ్పూ॑రుషమ్ ॥ 12 ॥

ప్ర॒తి॒శ్రుత్కా॑యా..ఋతు॒లమ్ । ఘోషా॑య భ॒షమ్ ।
అన్తా॑య బహువా॒దినమ్᳚ । అ॒న॒న్తాయ॒ మూకమ్᳚ ।
మహ॑సే వీణావా॒దమ్ । క్రోశా॑య తూణవ॒ధ్మమ్ ।
ఆ॒క్ర॒న్దాయ॑ దున్దుభ్యాఘా॒తమ్ । అ॒వ॒ర॒స్ప॒రాయ॑ శఙ్ఖ॒ధ్మమ్ ।
ఋ॒భుభ్యో॑-ఽజినసన్ధా॒యమ్ । సా॒ధ్యేభ్య॑శ్చర్మ॒మ్ణమ్ ॥ 13 ॥

బీ॒భ॒థ్సాయై॑ పౌల్క॒సమ్ । భూత్యై॑ జాగర॒ణమ్ ।
అభూ᳚త్యై స్వప॒నమ్ । తు॒లాయై॑ వాణి॒జమ్ ।
వర్ణా॑య హిరణ్యకా॒రమ్ । విశ్వే᳚భ్యో దే॒వేభ్య॑-స్సిధ్మ॒లమ్ ।
ప॒శ్చా॒ద్దో॒షాయ॑ గ్లా॒వమ్ । ఋత్యై॑ జనవా॒దినమ్᳚ ।
వ్యృ॑ద్ధ్యా అపగ॒ల్భమ్ । స॒గ్ం॒‍శ॒రాయ॑ ప్ర॒చ్ఛిదమ్᳚ ॥ 14 ॥

హసా॑య పుగ్గ్‍శ్చ॒లూమాల॑భతే । వీ॒ణా॒వా॒ద-ఙ్గణ॑క-ఙ్గీ॒తాయ॑ ।
యాద॑సే శాబు॒ల్యామ్ । న॒ర్మాయ॑ భద్రవ॒తీమ్ ।
తూ॒ష్ణ॒వ॒ధ్మ-ఙ్గ్రా॑మ॒ణ్య॑-మ్పాణిసఙ్ఘా॒త-న్నృ॒త్తాయ॑ ।
మోదా॑యాను॒క్రోశ॑కమ్ । ఆ॒న॒న్దాయ॑ తల॒వమ్ ॥ 15 ॥

అ॒ఖ్ష॒రా॒జాయ॑ కిత॒వమ్ । కృ॒తాయ॑ సభా॒వినమ్᳚ ।
త్రేతా॑యా ఆదినవద॒ర్​శమ్ । ద్వా॒ప॒రాయ॑ బహి॒-స్సదమ్᳚ ।
కల॑యే సభాస్థా॒ణుమ్ । దు॒ష్కృ॒తాయ॑ చ॒రకా॑చార్యమ్ ।
అధ్వ॑నే బ్రహ్మచా॒రిణమ్᳚ । పి॒శా॒చేభ్య॑-స్సైల॒గమ్ ।
పి॒పా॒సాయై॑ గోవ్య॒చ్ఛమ్ । నిర్-ఋ॑త్యై గోఘా॒తమ్ ।
ఖ్షు॒ధే గో॑విక॒ర్తమ్ । ఖ్షు॒త్తృ॒ష్ణాభ్యా॒-న్తమ్ ।
యో గాం-విఀ॒కృన్త॑న్త-మ్మా॒గ్ం॒స-మ్భిఖ్ష॑మాణ ఉప॒తిష్ఠ॑తే ॥ 16 ॥

భూమ్యై॑ పీఠస॒ర్పిణ॒మాల॑భతే । అ॒గ్నయే-ఽగ్ం॑స॒లమ్ ।
వా॒యవే॑ చాణ్డా॒లమ్ । అ॒న్తరి॑ఖ్షాయ వగ్ంశన॒ర్తినమ్᳚ ।
ది॒వే ఖ॑ల॒తిమ్ । సూర్యా॑య హర్య॒ఖ్షమ్ ।
చ॒న్ద్రమ॑సే మిర్మి॒రమ్ । నఖ్ష॑త్రేభ్యః కి॒లాసమ్᳚ ।
అహ్నే॑ శు॒క్ల-మ్పి॑ఙ్గ॒లమ్ । రాత్రి॑యై కృ॒ష్ణ-మ్పి॑ఙ్గా॒ఖ్షమ్ ॥ 17 ॥

వా॒చే పురు॑ష॒మాల॑భతే । ప్రా॒ణమ॑పా॒నం-వ్యాఀ॒నము॑దా॒నగ్ం స॑మా॒న-న్తాన్వా॒యవే᳚ ।
సూర్యా॑య॒ చఖ్షు॒రాల॑భతే । మన॑శ్చ॒న్ద్రమ॑సే ।
ది॒గ్భ్య-శ్శ్రోత్రమ్᳚ । ప్ర॒జాప॑తయే॒ పురు॑షమ్ ॥ 18 ॥

అథై॒తానరూ॑పేభ్య॒ ఆల॑భతే । అతి॑హ్రస్వ॒మతి॑దీర్ఘమ్ ।
అతి॑కృశ॒మత్యగ్ం॑సలమ్ । అతి॑శుక్ల॒మతి॑కృష్ణమ్ ।
అతి॑శ్లఖ్ష్ణ॒మతి॑లోమశమ్ । అతి॑కిరిట॒మతి॑దన్తురమ్ ।
అతి॑మిర్మిర॒మతి॑మేమిషమ్ । ఆ॒శాయై॑ జా॒మిమ్ । ప్ర॒తీ॒ఖ్షాయై॑ కుమా॒రీమ్ ॥ 19 ॥