(ఋ.6.28.1)
ఆ గావో॑ అగ్మన్ను॒త భ॒ద్రమ॑క్ర॒న్త్సీద॑న్తు గో॒ష్ఠే ర॒ణయ॑న్త్వ॒స్మే ।
ప్ర॒జావ॑తీః పురు॒రుపా॑ ఇ॒హ స్యు॒రిన్ద్రా॑య పూ॒ర్వీరు॒షసో॒ దుహా॑నాః ॥ 1
ఇన్ద్రో॒ యజ్వ॑నే పృణ॒తే చ॑ శిఖ్ష॒త్యుపేద్ద॑దాతి॒ న స్వ-మ్మా॑షుయతి ।
భూయో॑భూయో ర॒యిమిద॑స్య వ॒ర్ధయ॒న్నభి॑న్నే ఖి॒ల్యే ని ద॑ధాతి దేవ॒యుమ్ ॥ 2
న తా న॑శన్తి॒ న ద॑భాతి॒ తస్క॑రో॒ నాసా॑మామి॒త్రో వ్యథి॒రా ద॑ధర్షతి ।
దే॒వాంశ్చ॒ యాభి॒ర్యజ॑తే॒ దదా॑తి చ॒ జ్యోగిత్తాభి॑-స్సచతే॒ గోప॑తి-స్స॒హ ॥ 3
న తా అర్వా॑ రే॒ణుక॑కాటో అశ్నుతే॒ న సం॑స్కృత॒త్రముప॑ యన్తి॒ తా అ॒భి ।
ఉ॒రు॒గా॒యమభ॑య॒-న్తస్య॒ తా అను॒ గావో॒ మర్త॑స్య॒ వి చ॑రన్తి॒ యజ్వ॑నః ॥ 4
గావో॒ భగో॒ గావ॒ ఇన్ద్రో॑ మ అచ్ఛా॒-న్గావ॒-స్సోమ॑స్య ప్రథ॒మస్య॑ భ॒ఖ్షః ।
ఇ॒మా యా గావ॒-స్స జ॑నాస॒ ఇన్ద్ర॑ ఇ॒చ్ఛామీద్ధృ॒దా మన॑సా చి॒దిన్ద్ర॑మ్ ॥ 5
యూ॒య-ఙ్గా॑వో మేదయథా కృ॒శ-ఞ్చి॑దశ్రీ॒ర-ఞ్చి॑త్కృణుథా సు॒ప్రతీ॑కమ్ ।
భ॒ద్ర-ఙ్గృ॒హ-ఙ్కృ॑ణుథ భద్రవాచో బృ॒హద్వో॒ వయ॑ ఉచ్యతే స॒భాసు॑ ॥ 6
ప్ర॒జావ॑తీ-స్సూ॒యవ॑సం రి॒శన్తీ॑-శ్శు॒ద్ధా అ॒ప-స్సు॑ప్రపా॒ణే పిబ॑న్తీః ।
మా వ॑-స్స్తే॒న ఈ॑శత॒ మాఘశం॑సః॒ పరి॑ వో హే॒తి రు॒ద్రస్య॑ వృజ్యాః ॥ 7
ఉపే॒దము॑ప॒పర్చ॑నమా॒సు గోషూప॑ పృచ్యతామ్ ।
ఉప॑ ఋష॒భస్య॒ రేత॒స్యుపే॑న్ద్ర॒ తవ॑ వీ॒ర్యే॑ ॥ 8
ఓం శాన్తి॒-శ్శాన్తి॒-శ్శాన్తిః॑ ॥
