ఓ-మ్ప్రా॒తర॒గ్ని-మ్ప్రా॒తరిన్ద్రగ్ం॑ హవామహే ప్రా॒తర్మి॒త్రా వరు॑ణా ప్రా॒తర॒శ్వినా᳚ ।
ప్రా॒తర్భగ॑-మ్పూ॒షణ॒-మ్బ్రహ్మ॑ణ॒స్పతి॑-మ్ప్రా॒త-స్సోమ॑ము॒త రు॒ద్రగ్ం హు॑వేమ ॥ 1 ॥
ప్రా॒త॒ర్జిత॒-మ్భ॑గము॒గ్రగ్ం హు॑వేమ వ॒య-మ్పు॒త్రమది॑తే॒ర్యో వి॑ధ॒ర్తా ।
ఆ॒ద్ధ్రశ్చి॒ద్య-మ్మన్య॑మానస్తు॒రశ్చి॒ద్రాజా॑ చి॒ద్య-మ్భగ॑-మ్భ॒ఖ్షీత్యాహ॑ ॥ 2 ॥
భగ॒ ప్రణే॑త॒ర్భగ॒ సత్య॑రాధో॒ భగే॒మా-న్ధియ॒ముద॑వ॒దద॑న్నః ।
భగ॒ప్రణో॑ జనయ॒ గోభి॒రశ్వై॒ర్భగ॒ప్రనృభి॑ర్నృ॒వన్త॑స్స్యామ ॥ 3 ॥
ఉ॒తేదానీ॒-మ్భగ॑వన్తస్స్యామో॒త ప్రపి॒త్వ ఉ॒త మధ్యే॒ అహ్నా᳚మ్ ।
ఉ॒తోది॑తా మఘవ॒న్థ్సూర్య॑స్య వ॒య-న్దే॒వానాగ్ం॑ సుమ॒తౌ స్యా॑మ ॥ 4 ॥
భగ॑ ఏ॒వ భగ॑వాగ్ం అస్తు దేవా॒స్తేన॑ వ॒య-మ్భగ॑వన్తస్స్యామ ।
త-న్త్వా॑ భగ॒ సర్వ॒ ఇజ్జో॑హవీమి॒ సనో॑ భగ పుర ఏ॒తా భ॑వేహ ॥ 5 ॥
సమ॑ధ్వ॒రాయో॒షసో॑-ఽనమన్త దధి॒క్రావే॑వ॒ శుచయే॑ ప॒దాయ॑ ।
అ॒ర్వా॒చీ॒నం-వఀ ॑సు॒విద॒-మ్భగ॑న్నో॒ రథ॑మి॒వా-ఽశ్వా॑వా॒జిన॒ ఆవ॑హన్తు ॥ 6 ॥
అశ్వా॑వతీ॒ర్గోమ॑తీర్న ఉ॒షాసో॑ వీ॒రవ॑తీ॒స్సద॑ముచ్ఛన్తు భ॒ద్రాః ।
ఘృ॒త-న్దుహా॑నా వి॒శ్వతః॒ ప్రపీ॑నా యూ॒య-మ్పా॑త స్వ॒స్తిభి॒స్సదా॑ నః ॥ 7 ॥
యో మా᳚-ఽగ్నే భా॒గినగ్ం॑ స॒న్తమథా॑భా॒గ॑-ఞ్చికీ॑ఋషతి ।
అభా॒గమ॑గ్నే॒ త-ఙ్కు॑రు॒ మామ॑గ్నే భా॒గిన॑-ఙ్కురు ॥ 8 ॥
ఓం శాన్తి॒-శ్శాన్తి॒-శ్శాన్తిః॑ ॥
