-(ఋ.వే.6.61)
ఇ॒యమ్॑దదాద్రభ॒సమృ॑ణ॒చ్యుత॒-న్దివో᳚దాసం-వఀద్ర్య॒శ్వాయ॑ దా॒శుషే᳚ ।
యా శశ్వ᳚న్తమాచ॒ఖశదా᳚వ॒స-మ్ప॒ణి-న్తా తే᳚ దా॒త్రాణి॑ తవి॒షా స॑రస్వతి ॥ 1 ॥

ఇ॒యం శుష్మే᳚భిర్బిస॒ఖా ఇ॑వారుజ॒త్సాను॑ గిరీ॒ణా-న్త॑వి॒షేభి॑రూ॒ర్మిభిః॑ ।
పా॒రా॒వ॒త॒ఘ్నీమవ॑సే సువృ॒క్తిభి॑స్సర॑స్వతీ॒ మా వి॑వాసేమ ధీ॒తిభిః॑ ॥ 2 ॥

సర॑స్వతి దేవ॒నిదో॒ ని బ॑ర్​హయ ప్ర॒జాం-విఀశ్వ॑స్య॒ బృస॑యస్య మా॒యినః॑ ।
ఉ॒త ఖ్షి॒తిభ్యో॒-ఽవనీ᳚రవిన్దో వి॒షమే᳚భ్యో అస్రవో వాజినీవతి ॥ 3 ॥

ప్రణో᳚ దే॒వీ సర॑స్వతీ॒ వాజే᳚భిర్వా॒జినీ᳚వతీ ।
ధీ॒నామ॑వి॒త్ర్య॑వతు ॥ 4 ॥

యస్త్వా᳚ దేవి సరస్వత్యుపబ్రూ॒తే ధనే᳚ హి॒తే ।
ఇన్ద్ర॒-న్న వృ॑త్ర॒తూర్యే᳚ ॥ 5 ॥

త్వ-న్దే᳚వి సరస్వ॒త్యవా॒ వాజే᳚షు వాజిని ।
రదా᳚ పూ॒షేవ॑ న-స్స॒నిమ్ ॥ 6 ॥

ఉ॒త స్యా న॒-స్సర॑స్వతీ ఘో॒రా హిర᳚ణ్యవర్తనిః ।
వృ॒త్ర॒ఘ్నీ వ॑ష్టి సుష్టు॒తిమ్ ॥ 7 ॥

యస్యా᳚ అన॒న్తో అహ్రు॑తస్త్వే॒షశ్చ॑రి॒ష్ణుర᳚ర్ణ॒వః ।
అమ॒శ్చర॑తి॒ రోరు॑వత్ ॥ 8 ॥

సా నో॒ విశ్వా॒ అతి॒ ద్విష॒-స్స్వసౄ᳚ర॒న్యా ఋ॒తావ॑రీ ।
అత॒న్నహే᳚వ॒ సూర్యః॑ ॥ 9 ॥

ఉ॒త నః॑ ప్రి॒యా ప్రి॒యాసు॑ స॒ప్తస్వ॑సా॒ సుజు॑ష్టా ।
సర॑స్వతీ॒ స్తోమ్యా᳚ భూత్ ॥ 10 ॥

ఆ॒ప॒ప్రుషీ॒ పార్థి॑వాన్యు॒రు రజో᳚ అ॒న్తరి॑ఖ్షమ్ ।
సర॑స్వతీ ని॒దస్పా᳚తు ॥ 11 ॥

త్రి॒ష॒ధస్థా᳚ స॒ప్తధా᳚తుః॒ పఞ్చ॑ జా॒తా వ॒ర్ధయ᳚న్తీ ।
వాజే᳚వాజే॒ హవ్యా᳚ భూత్ ॥ 12 ॥

ప్ర యా మ॑హి॒మ్నా మ॒హినా᳚సు॒ చేకి॑తే ద్యు॒మ్నేభి॑ర॒న్యా అ॒పసా᳚మ॒పస్త॑మా ।
రథ॑ ఇవ బృహ॒తీ వి॒భ్వనే᳚ కృ॒తోప॒స్తుత్యా᳚ చికి॒తుషా॒ సర॑స్వతీ ॥ 13 ॥

సర॑స్వత్య॒భి నో᳚ నేషి॒ వస్యో॒ మాప॑ స్ఫరీః॒ పయ॑సా॒ మా న॒ ఆ ధ॑క్ ।
జు॒షస్వ॑ న-స్స॒ఖ్యా వే॒శ్యా᳚ చ॒ మా త్వ-త్ఖ్షేత్రా॒ణ్యర॑ణాని గన్మ ॥ 14 ॥

–(ఋ.వే.7.95)
ప్ర ఖ్షోద॑సా॒ ధాయ॑సా సస్ర ఏ॒షా సర॑స్వతీ ధ॒రుణ॒మాయ॑సీ॒ పూః ।
ప్ర॒బాబ॑ధానా ర॒థ్యే᳚వ యాతి॒ విశ్వా᳚ అ॒పో మ॑హి॒నా సిన్ధు॑ర॒న్యాః ॥ 15 ॥

ఏకా᳚చేత॒త్సర॑స్వతీ న॒దీనాం॒ శుచి᳚ర్య॒తీ గి॒రిభ్య॒ ఆ స॑ము॒ద్రాత్ ।
రా॒యశ్చేత᳚న్తీ॒ భువ॑నస్య॒ భూరే᳚ర్ఘృ॒త-మ్పయో᳚ దుదుహే॒ నాహు॑షాయ ॥ 16 ॥

స వా᳚వృధే॒ నర్యో॒ యోష॑ణాసు॒ వృషా॒ శిశు᳚ర్వృష॒భో య॒జ్ఞియా᳚సు ।
స వా॒జిన᳚-మ్మ॒ఘవ॑ద్భ్యో దధాతి॒ వి సా॒తయే᳚ త॒న్వ᳚-మ్మామృజీత ॥ 17 ॥

ఉ॒త స్యా న॒-స్సర॑స్వతీ జుషా॒ణోప॑ శ్రవత్సు॒భగా᳚ య॒జ్ఞే అ॒స్మిన్న్ ।
మి॒తజ్ఞు॑భిర్నమ॒స్యై᳚రియా॒నా రా॒యా యు॒జా చి॒దుత్త॑రా॒ సఖి॑భ్యః ॥ 18 ॥

ఇ॒మా జుహ్వా᳚నా యు॒ష్మదా నమో᳚భిః॒ ప్రతి॒ స్తోమం᳚ సరస్వతి జుషస్వ ।
తవ॒ శర్మ᳚న్ప్రి॒యత॑మే॒ దధా᳚నా॒ ఉప॑ స్థేయామ శర॒ణ-న్న వృ॒ఖ్షమ్ ॥ 19 ॥

అ॒యము॑ తే సరస్వతి॒ వసి॑ష్ఠో॒ ద్వారా᳚వృ॒తస్య॑ సుభగే॒ వ్యా᳚వః ।
వర్ధ॑ శుభ్రే స్తువ॒తే రా᳚సి॒ వాజా॑న్యూ॒య-మ్పా᳚త స్వ॒స్తిభి॒-స్సదా᳚ నః ॥ 20 ॥

(ఋ.వే.7.96)
బృ॒హదు॑ గాయిషే॒ వచో᳚-ఽసు॒ర్యా᳚ న॒దీనా᳚మ్ ।
సర॑స్వతీ॒మిన్మ॑హయా సువృ॒క్తిభి॒స్స్తోమై᳚ర్వసిష్ఠ॒ రోద॑సీ ॥ 21 ॥

ఉ॒భే యత్తే᳚ మహి॒నా శు॑భ్రే॒ అన్ధ॑సీ అధిఖ్షి॒యన్తి॑ పూ॒రవః॑ ।
సా నో᳚ బోధ్యవి॒త్రీ మ॒రుత్స॑ఖా॒ చోద॒ రాధో᳚ మ॒ఘోనా᳚మ్ ॥ 22 ॥

భ॒ద్రమిద్భ॒ద్రా కృ॑ణవ॒త్సర॑స్వ॒త్యక॑వారీ చేతతి వా॒జినీ᳚వతీ ।
గృ॒ణా॒నా జ॑మదగ్ని॒వత్స్తు॑వా॒నా చ॑ వసిష్ఠ॒వత్ ॥ 23 ॥

జ॒నీ॒యన్తో॒ న్వగ్ర॑వః పుత్రీ॒యన్త॑-స్సు॒దాన॑వః ।
సర॑స్వన్తం హవామహే ॥ 24 ॥

యే తే᳚ సరస్వ ఊ॒ర్మయో॒ మధు॑మన్తో ఘృత॒శ్చుతః॑ ।
తేభి᳚ర్నో-ఽవి॒తా భ॒వ ॥ 25 ॥

పీ॒పి॒వాంసం॒ సర॑స్వత॒-స్స్తనం॒-యోఀ వి॒శ్వద॑ర్​శతః ।
భ॒ఖ్షీ॒మహి॑ ప్ర॒జామిషమ్᳚ ॥ 26 ॥

(ఋ.వే.2.41.16)
అమ్బి॑తమే॒ నదీ᳚తమే॒ దేవి॑తమే॒ సర॑స్వతి ।
అ॒ప్ర॒శ॒స్తా ఇ॑వ స్మసి॒ ప్రశ॑స్తిమమ్బ నస్కృధి ॥ 27 ॥

త్వే విశ్వా᳚ సరస్వతి శ్రి॒తాయూం᳚షి దే॒వ్యామ్ ।
శు॒నహో᳚త్రేషు మత్స్వ ప్ర॒జా-న్దే᳚వి దిదిడ్ఢి నః ॥ 28 ॥

ఇ॒మా బ్రహ్మ॑ సరస్వతి జు॒షస్వ॑ వాజినీవతి ।
యా తే॒ మన్మ॑ గృత్సమ॒దా ఋ॑తావరి ప్రి॒యా దే॒వేషు॒ జుహ్వ॑తి ॥ 29 ॥

(ఋ.వే.1.3.10)
పా॒వ॒కా న॒-స్సర॑స్వతీ॒ వాజే᳚భిర్వా॒జినీ᳚వతీ ।
య॒జ్ఞం-వఀ ॑ష్టు ధి॒యావ॑సుః ॥ 30 ॥

చో॒ద॒యి॒త్రీ సూ॒నృతా᳚నా॒-ఞ్చేత᳚న్తీ సుమతీ॒నామ్ ।
య॒జ్ఞ-న్ద॑ధే॒ సర॑స్వతీ ॥ 31 ॥

మ॒హో అర్ణ॒-స్సర॑స్వతీ॒ ప్ర చే᳚తయతి కే॒తునా᳚ ।
ధియో॒ విశ్వా॒ వి రా᳚జతి ॥ 32 ॥

(ఋ.వే.10.17.7)
సర॑స్వతీ-న్దేవ॒యన్తో᳚ హవన్తే॒ సర॑స్వతీమధ్వ॒రే తా॒యమా᳚నే ।
సర॑స్వతీం సు॒కృతో᳚ అహ్వయన్త॒ సర॑స్వతీ దా॒శుషే॒ వార్య᳚-న్దాత్ ॥ 33 ॥

సర॑స్వతి॒ యా స॒రథం᳚-యఀ॒యాథ॑ స్వ॒ధాభి॑ర్దేవి పి॒తృభి॒ర్మద᳚న్తీ ।
ఆ॒సద్యా॒స్మిన్బ॒ర్​హిషి॑ మాదయస్వానమీ॒వా ఇష॒ ఆ ధే᳚హ్య॒స్మే ॥ 34 ॥

సర॑స్వతీం॒-యాఀ-మ్పి॒తరో॒ హవ᳚న్తే దఖ్షి॒ణా య॒జ్ఞమ॑భి॒నఖ్ష॑మాణాః ।
స॒హ॒స్రా॒ర్ఘమి॒ళో అత్ర॑ భా॒గం రా॒యస్పోషం॒-యఀజ॑మానేషు ధేహి ॥ 35 ॥

(ఋ.వే.5.43.11)
ఆ నో᳚ ది॒వో బృ॑హ॒తః పర్వ॑తా॒దా సర॑స్వతీ యజ॒తా గ᳚న్తు య॒జ్ఞమ్ ।
హవ᳚-న్దే॒వీ జు॑జుషా॒ణా ఘృ॒తాచీ᳚ శ॒గ్మా-న్నో॒ వాచ॑ముశ॒తీ శృ॑ణోతు ॥ 36 ॥

(ఋ.వే.2.32.4)
రా॒కామ॒హం సు॒హవాం᳚ సుష్టు॒తీ హు॑వే శృ॒ణోతు॑ న-స్సు॒భగా॒ బోధ॑తు॒ త్మనా᳚ ।
సీవ్య॒త్వప॑-స్సూ॒చ్యాచ్ఛి॑ద్యమానయా॒ దదా᳚తు వీ॒రం శ॒తదా᳚యము॒క్థ్యమ్᳚ ॥ 37 ॥

యాస్తే᳚ రాకే సుమ॒తయ॑-స్సు॒పేశ॑సో॒ యాభి॒ర్దదా᳚సి దా॒శుషే॒ వసూ᳚ని ।
తాభి᳚ర్నో అ॒ద్య సు॒మనా᳚ ఉ॒పాగ॑హి సహస్రపో॒షం సు॑భగే॒ రరా᳚ణా ॥ 38 ॥

సినీ᳚వాలి॒ పృథు॑ష్టుకే॒ యా దే॒వానా॒మసి॒ స్వసా᳚ ।
జు॒షస్వ॑ హ॒వ్యమాహు॑త-మ్ప్ర॒జా-న్దే᳚వి దిదిడ్ఢి నః ॥ 39 ॥

యా సు॑బా॒హు-స్స్వ᳚ఙ్గు॒రి-స్సు॒షూమా᳚ బహు॒సూవ॑రీ ।
తస్యై᳚ వి॒శ్పత్న్యై᳚ హ॒వి-స్సి॑నీవా॒ల్యై జు॑హోతన ॥ 40 ॥

యా గు॒ఙ్గూర్యా సి॑నీవా॒లీ యా రా॒కా యా సర॑స్వతీ ।
ఇ॒న్ద్రా॒ణీమ॑హ్వ ఊ॒తయే᳚ వరుణా॒నీం స్వ॒స్తయే᳚ ॥ 41 ॥

ఓం శాన్తి॒-శ్శాన్తి॒-శ్శాన్తిః॑ ॥