హిర॑ణ్యశృఙ్గం॒-వఀరు॑ణ॒-మ్ప్రప॑ద్యే తీ॒ర్థ-మ్మే॑ దేహి॒ యాచి॑తః ।
య॒న్మయా॑ భు॒క్తమ॒సాధూ॑నా-మ్పా॒పేభ్య॑శ్చ ప్ర॒తిగ్ర॑హః ।
యన్మే॒ మన॑సా వా॒చా॒ క॒ర్మ॒ణా వా దు॑ష్కృత॒-ఙ్కృతమ్ ।
తన్న॒ ఇన్ద్రో॒ వరు॑ణో॒ బృహ॒స్పతి॑-స్సవి॒తా చ॑ పునన్తు॒ పునః॑ పునః ।
నమో॒-ఽగ్నయే᳚-ఽప్సు॒మతే॒ నమ॒ ఇన్ద్రా॑య॒ నమో॒ వరు॑ణాయ॒ నమో వారుణ్యై॑ నమో॒-ఽద్భ్యః ॥
యద॒పా-ఙ్క్రూ॒రం-యఀద॑మే॒ధ్యం-యఀద॑శా॒న్త-న్తదప॑గచ్ఛతాత్ ।
అ॒త్యా॒శ॒నాద॑తీ-పా॒నా॒-ద్య॒చ్చ ఉ॒గ్రాత్ప్ర॑తి॒గ్రహా᳚త్ ।
తన్నో॒ వరు॑ణో రా॒జా॒ పా॒ణినా᳚ హ్యవ॒మర్శతు ।
సో॑-ఽహమ॑పా॒పో వి॒రజో॒ నిర్ము॒క్తో ము॑క్తకి॒ల్బిషః॑ ।
నాక॑స్య పృ॒ష్ఠ-మారు॑హ్య॒ గచ్ఛే॒ద్ బ్రహ్మ॑సలో॒కతామ్ ।
యశ్చా॒ప్సు వరు॑ణ॒స్స పు॒నాత్వ॑ఘమర్ష॒ణః ।
ఇ॒మ-మ్మే॑ గఙ్గే యమునే సరస్వతి॒ శుతు॑ద్రి॒-స్తోమగ్ం॑ సచతా॒ పరు॒ష్ణియా ।
అ॒సి॒క్ని॒యా మ॑రుద్వృధే వి॒తస్త॒యా-ఽఽర్జీ॑కీయే శృణు॒హ్యా సు॒షోమ॑యా ।
ఋ॒త-ఞ్చ॑ స॒త్య-ఞ్చా॒భీ᳚ద్ధా॒-త్తప॒సో-ఽధ్య॑జాయత ।
తతో॒ రాత్రి॑రజాయత॒ తత॑-స్సము॒ద్రో అ॑ర్ణ॒వః ॥
స॒ము॒ద్రాద॑ర్ణ॒వా దధి॑ సంవఀథ్స॒రో అ॑జాయత ।
అ॒హో॒రా॒త్రాణి॑ వి॒దధ॒ద్విశ్వ॑స్య మిష॒తో వ॒శీ ।
సూ॒ర్యా॒చ॒న్ద్ర॒మసౌ॑ ధా॒తా య॑థా పూ॒ర్వమ॑కల్పయత్ ।
దివ॑-ఞ్చ పృథి॒వీ-ఞ్చా॒న్తరి॑ఖ్ష॒-మథో॒ సువః॑ ।
యత్పృ॑థి॒వ్యాగ్ం రజ॑-స్స్వ॒మాన్తరి॑ఖ్షే వి॒రోద॑సీ ।
ఇ॒మాగ్గ్ం స్తదా॒పో వ॑రుణః పు॒నాత్వ॑ఘమర్ష॒ణః ।
పు॒నన్తు॒ వస॑వః పు॒నాతు॒ వరు॑ణః పు॒నాత్వ॑ఘమర్ష॒ణః ।
ఏ॒ష భూ॒తస్య॑ మ॒ధ్యే భువ॑నస్య గో॒ప్తా ।
ఏ॒ష పు॒ణ్యకృ॑తాం-లోఀ॒కా॒నే॒ష మృ॒త్యోర్ హి॑ర॒ణ్మయమ్᳚ ।
ద్యావా॑పృథి॒వ్యోర్ హి॑ర॒ణ్మయ॒గ్ం॒ సగ్గ్ం శ్రి॑త॒గ్ం॒ సువః॑ ॥
సన॒-స్సువ॒-స్సగ్ంశి॑శాధి ।
ఆర్ద్ర॒-ఞ్జ్వల॑తి॒ జ్యోతి॑ర॒హమ॑స్మి ।
జ్యోతి॒ర్జ్వల॑తి॒ బ్రహ్మా॒హమ॑స్మి ।
యో॑-ఽహమ॑స్మి॒ బ్రహ్మా॒హమ॑స్మి ।
అ॒హమ॑స్మి॒ బ్రహ్మా॒హమ॑స్మి ।
అ॒హమే॒వాహ-మ్మా-ఞ్జు॑హోమి॒ స్వాహా᳚ ।
అ॒కా॒ర్య॒కా॒ర్య॑వకీ॒ర్ణీస్తే॒నో భ్రూ॑ణ॒హా గు॑రుత॒ల్పగః ।
వరు॑ణో॒-ఽపామ॑ఘమర్ష॒ణ-స్తస్మా᳚-త్పా॒పా-త్ప్రము॑చ్యతే ।
ర॒జోభూమి॑-స్త్వ॒మాగ్ం రోద॑యస్వ॒ ప్రవ॑దన్తి॒ ధీరాః᳚ ।
ఆక్రా᳚న్థ్సము॒ద్రః ప్ర॑థ॒మే విధ॑ర్మఞ్జ॒నయ॑-న్ప్ర॒జా భువ॑నస్య॒ రాజా᳚ ।
వృషా॑ ప॒విత్రే॒ అధి॒సానో॒ అవ్యే॑ బృ॒హత్సోమో॑ వావృధే సువా॒న ఇన్దుః॑ ॥
