తైత్తిరీయారణ్యకమ్ - 4, ప్రపాఠకః - 10, అనువాకః - 41-44
ఓం-యఀశ్ఛన్ద॑సామృష॒భో వి॒శ్వరూ॑పః ।
ఛన్దో॒భ్యో-ఽధ్య॒మృతా᳚థ్సమ్బ॒భూవ॑ ।
స మేన్ద్రో॑ మే॒ధయా᳚ స్పృణోతు ।
అ॒మృత॑స్య దేవ॒ధార॑ణో భూయాసమ్ ।
శరీ॑ర-మ్మే॒ విచ॑ర్షణమ్ ।
జి॒హ్వా మే॒ మధు॑మత్తమా ।
కర్ణా᳚భ్యాం॒ భూరి॒విశ్రు॑వమ్ ।
బ్రహ్మ॑ణః కో॒శో॑-ఽసి మే॒ధయా పి॑హితః ।
శ్రు॒త-మ్మే॑ గోపాయ ॥
ఓం శాన్తి॒-శ్శాన్తి॒-శ్శాన్తిః॑ ॥
ఓ-మ్మే॒ధాదే॒వీ జు॒షమా॑ణా న॒ ఆగా᳚-ద్వి॒శ్వాచీ॑ భ॒ద్రా సు॑మన॒స్య మా॑నా ।
త్వయా॒ జుష్టా॑ ను॒దమా॑నా దు॒రుక్తా᳚-న్బృ॒హద్వ॑దేమ వి॒దథే॑ సు॒వీరాః᳚ ।
త్వయా॒ జుష్ట॑ ఋ॒షిర్భ॑వతి దేవి॒ త్వయా॒ బ్రహ్మా॑-ఽఽగ॒తశ్రీ॑రు॒త త్వయా᳚ ।
త్వయా॒ జుష్ట॑శ్చి॒త్రం-విఀ ॑న్దతే వసు॒ సా నో॑ జుషస్వ॒ ద్రవి॑ణో న మేధే ॥
మే॒ధా-మ్మ॒ ఇన్ద్రో॑ దదాతు మే॒ధా-న్దే॒వీ సర॑స్వతీ ।
మే॒ధా-మ్మే॑ అ॒శ్వినా॑వు॒భా-వాధ॑త్తా॒-మ్పుష్క॑రస్రజా ।
అ॒ప్స॒రాసు॑ చ॒ యా మే॒ధా గ॑న్ధ॒ర్వేషు॑ చ॒ యన్మనః॑ ।
దైవీ᳚-మ్మే॒ధా సర॑స్వతీ॒ సా మా᳚-మ్మే॒ధా సు॒రభి॑-ర్జుషతా॒గ్॒ స్వాహా᳚ ॥
ఆమా᳚-మ్మే॒ధా సు॒రభి॑-ర్వి॒శ్వరూ॑పా॒ హిర॑ణ్యవర్ణా॒ జగ॑తీ జగ॒మ్యా ।
ఊర్జ॑స్వతీ॒ పయ॑సా॒ పిన్వ॑మానా॒ సా మా᳚-మ్మే॒ధా సు॒ప్రతీ॑కా జుషన్తామ్ ॥
మయి॑ మే॒ధా-మ్మయి॑ ప్ర॒జా-మ్మయ్య॒గ్ని-స్తేజో॑ దధాతు॒,
మయి॑ మే॒ధా-మ్మయి॑ ప్ర॒జా-మ్మయీన్ద్ర॑ ఇన్ద్రి॒య-న్ద॑ధాతు॒,
మయి॑ మే॒ధా-మ్మయి॑ ప్ర॒జా-మ్మయి॒ సూర్యో॒ భ్రాజో॑ దధాతు ॥
[ఓం హం॒స॒ హం॒సాయ॑ వి॒ద్మహే॑ పరమహం॒సాయ॑ ధీమహి ।
తన్నో॑ హంసః ప్రచో॒దయా᳚త్ ॥ (హంసగాయత్రీ)]
ఓం శాన్తి॒-శ్శాన్తి॒-శ్శాన్తిః॑ ॥
