సా బ్రహ్మేతి హోవాచ బ్రహ్మణో వా ఏతద్విజయే మహీయధ్వమితి తతో హైవ విదాఞ్చకార బ్రహ్మేతి ॥ 1॥
తస్మాద్వా ఏతే దేవా అతితరామివాన్యాన్దేవాన్యదగ్నిర్వాయురిన్ద్రస్తే హ్యేనన్నేదిష్ఠ-మ్పస్పర్శుస్తే హ్యేనత్ప్రథమో విదాఞ్చకార బ్రహ్మేతి ॥ 2॥
తస్మాద్వా ఇన్ద్రో-ఽతితరామివాన్యాన్దేవాన్స హ్యేనన్నేదిష్ఠ-మ్పస్పర్శ స హ్యేనత్ప్రథమో విదాఞ్చకార బ్రహ్మేతి ॥ 3॥
తస్యైష ఆదేశో యదేతద్విద్యుతో వ్యద్యుతదా(3) ఇతీ-న్న్యమీమిషదా(3) ఇత్యధిదైవతమ్ ॥ 4॥
అథాధ్యాత్మం-యఀద్దేతద్గచ్ఛతీవ చ మనో-ఽనేన చైతదుపస్మరత్యభీఖ్ష్ణం సఙ్కల్పః ॥ 5॥
తద్ధ తద్వన-న్నామ తద్వనమిత్యుపాసితవ్యం స య ఏతదేవం-వేఀదాభి హైనగ్ం సర్వాణి భూతాని సంవాఀఞ్ఛన్తి ॥ 6॥
ఉపనిషద-మ్భో బ్రూహీత్యుక్తా త ఉపనిషద్బ్రాహ్మీం-వాఀవ త ఉపనిషదమబ్రూమేతి ॥ 7॥
తసై తపో దమః కర్మేతి ప్రతిష్ఠా వేదా-స్సర్వాఙ్గాని సత్యమాయతనమ్ ॥ 8॥
యో వా ఏతామేవం-వేఀదాపహత్య పాప్మానమనన్తే స్వర్గే లోకే జ్యేయే ప్రతితిష్ఠతి ప్రతితిష్ఠతి ॥ 9॥
॥ ఇతి కేనోపనిషది చతుర్థః ఖణ్డః ॥
ఓం ఆప్యాయన్తు మమాఙ్గాని వాక్ప్రాణశ్చఖ్షు-శ్శ్రోత్రమథో బలమిన్ద్రియాణి చ సర్వాణి । సర్వ-మ్బ్రహ్మౌపనిషద-మ్మా-ఽహ-మ్బ్రహ్మ నిరాకుర్యా-మ్మా మా బ్రహ్మ నిరాకరోదనిరాకరణమస్త్వనిరాకరణ-మ్మే-ఽస్తు । తదాత్మని నిరతే య ఉపనిషత్సు ధర్మాస్తే మయి సన్తు తే మయి సన్తు ।
ఓం శాన్తి॒-శ్శాన్తి॒-శ్శాన్తిః॑ ॥
॥ ఇతి కేనోపనిషత్ ॥
