Annamayya Keerthanas Bhaavamu Lona - Telugu

రాగం: దేసాక్షి / సుద్ద ధన్యాసి
22 ఖరహరప్రియ జన్య
ఆ: స గ2 మ1 ప ని2 ప స
అవ: స ని2 ప మ1 గ2 స
తాళం: ఆది

పల్లవి
భావములోనా బాహ్యమునందును ।
గోవింద గోవిందయని కొలువవో మనసా ॥ (2.5)

చరణం 1
హరి యవతారములే యఖిల దేవతలు
హరి లోనివే బ్రహ్మాండంబులు । (2)
హరి నామములే అన్ని మంత్రములు (2)
హరి హరి హరి హరి యనవో మనసా ॥ (2)
భావములోనా బాహ్యమునందును ..(ప..) (1.5)

చరణం 2
విష్ణుని మహిమలే విహిత కర్మములు
విష్ణుని పొగడెడి వేదంబులు । (2)
విష్ణుడొక్కడే విశ్వాంతరాత్ముడు (2)
విష్ణువు విష్ణువని వెదకవో మనసా ॥ (2)
భావములోనా బాహ్యమునందును ..(ప..) (1.5)

చరణం 3
అచ్యుతుడితడే ఆదియు నంత్యము
అచ్యుతుడే యసురాంతకుడు । (2)
అచ్యుతుడు శ్రీవేంకటాద్రి మీదనిదె (2)
అచ్యుత యచ్యుత శరణనవో మనసా ॥ (2)

భావములోనా బాహ్యమునందును
గోవింద గోవిందయని కొలువవో మనసా ॥

Browse Related Categories: