Annamayya Keerthanas Hari Yavataara Mitadu - Telugu

హరి యవతార మీతడు అన్నమయ్య ।
అరయ మా గురుడీతడు అన్నమయ్య ।

వైకుంఠ నాథుని వద్ద వడి పడు చున్న వాడు
ఆకరమై తాళ్ళపాక అన్నమయ్య ।
ఆకసపు విష్ణు పాదమందు నిత్యమై ఉన్న వాడు
ఆకడీకడ తాళ్ళపాక అన్నమయ్య ॥

ఈవల సంసార లీల ఇందిరేశుతో నున్న వాడు
ఆవటించి తాళ్ళపాక అన్నమయ్య ।
భావింప శ్రీ వేంకటేశు పదములందే యున్నవాడు
హావ భావమై తాళ్ళపాక అన్నమయ్య ॥

క్షీరాబ్ధిశాయి బట్టి సేవింపుచు నున్నవాడు
ఆరితేరి తాళ్ళపాక అన్నమయ్య ।
ధీరుడై సూర్యమండల తేజము వద్ద నున్నవాడు
ఆరీతుల తాళ్ళపాక అన్నమయ్య ॥

Browse Related Categories: