Annamayya Keerthanas Kanti Nakhilaanda - Telugu

రాగం: మధ్యమావతి,బిలహరి
ఆ: స రి2 మ1 ప ని2 స
అవ: స ని2 ప మ1 రి2 స
రాగం: బిలహరి
ఆ: స రి2 గ3 ప ద2 స
అవ: స ని3 ద2 ప మ1 గ3 రి2 స
తాళం:

పల్లవి
కంటి నఖిలాండ తతి కర్తనధికుని గంటి ।
కంటి నఘములు వీడుకొంటి నిజమూర్తి గంటి ॥ (2)

చరణం 1
మహనీయ ఘన ఫణామణుల శైలము గంటి ।
బహు విభవముల మంటపములు గంటి । (2)
సహజ నవరత్న కాంచన వేదికలు గంటి ।
రహి వహించిన గోపురములవె కంటి ॥ (2)
కంటి నఖిలాండ తతి కర్తనధికుని గంటి । (ఫా..)

చరణం 2
పావనంబైన పాపవినాశము గంటి ।
కైవశంబగు గగన గంగ గంటి । (2)
దైవికపు పుణ్యతీర్థములెల్ల బొడగంటి ।
కోవిదులు గొనియాడు కోనేరి గంటి ॥ (2)
కంటి నఖిలాండ తతి కర్తనధికుని గంటి । (ఫా..)

చరణం 3
పరమ యోగీంద్రులకు భావగోచరమైన ।
సరిలేని పాదాంబుజముల గంటి ।
తిరమైన గిరిచూపు దివ్యహస్తము గంటి ।
తిరు వేంకటాచలాధిపు జూడగంటి ॥
కంటి నఖిలాండ తతి కర్తనధికుని గంటి । (ఫా..)
కంటి నఘములు వీడుకొంటి నిజమూర్తి గంటి ॥

Browse Related Categories: