Annamayya Keerthanas Vinnapaalu Vinavale - Telugu

రాగం: భూపాళ / భూపాళం
ఆ: స రి1 గ2 ప ద1 స
అవ: స ద1 ప గ2 రి1 స
తాళం: ఝంప

పల్లవి
విన్నపాలు వినవలె వింత వింతలు ।
పన్నగపు దోమతెర పైకెత్తవేలయ్యా ॥ (1.5)

చరణం 1
తెల్లవారె జామెక్కె దేవతలు మునులు ।
అల్లనల్ల నంతనింత నదిగోవారే । (2)
చల్లని తమ్మిరేకులు సారసపు గన్నులు ।
మెల్లమెల్లనె విచ్చి మేలుకొనవేలయ్యా ॥ (1.5)

విన్నపాలు వినవలె వింత వింతలు ।
పన్నగపు దోమతెర పైకెత్తవేలయ్యా ॥ (1.5)

చరణం 2
గరుడ కిన్నరయక్ష కామినులు గములై ।
విరహపు గీతముల వింతాలాపాల । (2)
పరిపరివిధముల బాడేరు నిన్నదివో ।
సిరిమొగము దెరచి చిత్తగించవేలయ్యా ॥ (1.5)

విన్నపాలు వినవలె వింత వింతలు ।
పన్నగపు దోమతెర పైకెత్తవేలయ్యా ॥ (1.5)

చరణం 3
పొంకపు శేషాదులు తుంబురు నారదాదులు ।
పంకజభవాదులు నీ పాదాలు చేరి । (2)
అంకెలనున్నారు లేచి అలమేలుమంగను ।
వేంకటేశుడా రెప్పలు విచ్చి చూచి లేవయ్యా ॥ (2)

విన్నపాలు వినవలె వింత వింతలు ।
పన్నగపు దోమతెర పైకెత్తవేలయ్యా ॥ (1.5)

Browse Related Categories: