Vishnu Shatpadi - Grantha | Vaidika Vignanam

Collection of Spiritual and Devotional Literature in Various Indian Languages

View this in:

𑌵𑌿𑌷𑍍𑌣𑍁 𑌷𑌟𑍍𑌪𑌦𑌿

𑌅𑌵𑌿𑌨𑌯𑌮𑌪𑌨𑌯 𑌵𑌿𑌷𑍍𑌣𑍋 𑌦𑌮𑌯 𑌮𑌨𑌃 𑌶𑌮𑌯 𑌵𑌿𑌷𑌯𑌮𑍃𑌗𑌤𑍃𑌷𑍍𑌣𑌾𑌮𑍍 ।
𑌭𑍂𑌤𑌦𑌯𑌾𑌂 𑌵𑌿𑌸𑍍𑌤𑌾𑌰𑌯 𑌤𑌾𑌰𑌯 𑌸𑌂𑌸𑌾𑌰𑌸𑌾𑌗𑌰𑌤𑌃 ॥ 1 ॥

𑌦𑌿𑌵𑍍𑌯𑌧𑍁𑌨𑍀𑌮𑌕𑌰𑌂𑌦𑍇 𑌪𑌰𑌿𑌮𑌳𑌪𑌰𑌿𑌭𑍋𑌗𑌸𑌚𑍍𑌚𑌿𑌦𑌾𑌨𑌂𑌦𑍇 ।
𑌶𑍍𑌰𑍀𑌪𑌤𑌿𑌪𑌦𑌾𑌰𑌵𑌿𑌂𑌦𑍇 𑌭𑌵𑌭𑌯𑌖𑍇𑌦𑌚𑍍𑌛𑌿𑌦𑍇 𑌵𑌂𑌦𑍇 ॥ 2 ॥

𑌸𑌤𑍍𑌯𑌪𑌿 𑌭𑍇𑌦𑌾𑌪𑌗𑌮𑍇 𑌨𑌾𑌥 𑌤𑌵𑌾𑌽𑌹𑌂 𑌨 𑌮𑌾𑌮𑌕𑍀𑌨𑌸𑍍𑌤𑍍𑌵𑌮𑍍 ।
𑌸𑌾𑌮𑍁𑌦𑍍𑌰𑍋 𑌹𑌿 𑌤𑌰𑌂𑌗𑌃 𑌕𑍍𑌵𑌚𑌨 𑌸𑌮𑍁𑌦𑍍𑌰𑍋 𑌨 𑌤𑌾𑌰𑌂𑌗𑌃 ॥ 3 ॥

𑌉𑌦𑍍𑌧𑍃𑌤𑌨𑌗 𑌨𑌗𑌭𑌿𑌦𑌨𑍁𑌜 𑌦𑌨𑍁𑌜𑌕𑍁𑌲𑌾𑌮𑌿𑌤𑍍𑌰 𑌮𑌿𑌤𑍍𑌰𑌶𑌶𑌿𑌦𑍃𑌷𑍍𑌟𑍇 ।
𑌦𑍃𑌷𑍍𑌟𑍇 𑌭𑌵𑌤𑌿 𑌪𑍍𑌰𑌭𑌵𑌤𑌿 𑌨 𑌭𑌵𑌤𑌿 𑌕𑌿𑌂 𑌭𑌵𑌤𑌿𑌰𑌸𑍍𑌕𑌾𑌰𑌃 ॥ 4 ॥

𑌮𑌤𑍍𑌸𑍍𑌯𑌾𑌦𑌿𑌭𑌿𑌰𑌵𑌤𑌾𑌰𑍈𑌰𑌵𑌤𑌾𑌰𑌵𑌤𑌾𑌽𑌵𑌤𑌾 𑌸𑌦𑌾 𑌵𑌸𑍁𑌧𑌾𑌮𑍍 ।
𑌪𑌰𑌮𑍇𑌶𑍍𑌵𑌰 𑌪𑌰𑌿𑌪𑌾𑌲𑍍𑌯𑍋 𑌭𑌵𑌤𑌾 𑌭𑌵𑌤𑌾𑌪𑌭𑍀𑌤𑍋𑌽𑌹𑌮𑍍 ॥ 5 ॥

𑌦𑌾𑌮𑍋𑌦𑌰 𑌗𑍁𑌣𑌮𑌂𑌦𑌿𑌰 𑌸𑍁𑌂𑌦𑌰𑌵𑌦𑌨𑌾𑌰𑌵𑌿𑌂𑌦 𑌗𑍋𑌵𑌿𑌂𑌦 ।
𑌭𑌵𑌜𑌲𑌧𑌿𑌮𑌥𑌨𑌮𑌂𑌦𑌰 𑌪𑌰𑌮𑌂 𑌦𑌰𑌮𑌪𑌨𑌯 𑌤𑍍𑌵𑌂 𑌮𑍇 ॥ 6 ॥

𑌨𑌾𑌰𑌾𑌯𑌣 𑌕𑌰𑍁𑌣𑌾𑌮𑌯 𑌶𑌰𑌣𑌂 𑌕𑌰𑌵𑌾𑌣𑌿 𑌤𑌾𑌵𑌕𑍌 𑌚𑌰𑌣𑍌 ।
𑌇𑌤𑌿 𑌷𑌟𑍍𑌪𑌦𑍀 𑌮𑌦𑍀𑌯𑍇 𑌵𑌦𑌨𑌸𑌰𑍋𑌜𑍇 𑌸𑌦𑌾 𑌵𑌸𑌤𑍁 ॥

𑌇𑌤𑌿 𑌶𑍍𑌰𑍀𑌮𑌚𑍍𑌚𑌂𑌕𑌰𑌾𑌚𑌾𑌰𑍍𑌯 𑌵𑌿𑌰𑌚𑌿𑌤𑌂 𑌶𑍍𑌰𑍀 𑌵𑌿𑌷𑍍𑌣𑍁 𑌷𑌟𑍍𑌪𑌦𑍀 𑌸𑍍𑌤𑍋𑌤𑍍𑌰𑌂 𑌸𑌂𑌪𑍂𑌰𑍍𑌣𑌮𑍍

Browse Related Categories: