Devi Mahatmyam Durga Saptasati Chapter 11 - Grantha

𑌦𑍇𑌵𑍍𑌯𑌾 𑌹𑌤𑍇 𑌤𑌤𑍍𑌰 𑌮𑌹𑌾𑌸𑍁𑌰𑍇𑌂𑌦𑍍𑌰𑍇
𑌸𑍇𑌂𑌦𑍍𑌰𑌾𑌃 𑌸𑍁𑌰𑌾 𑌵𑌹𑍍𑌨𑌿𑌪𑍁𑌰𑍋𑌗𑌮𑌾𑌸𑍍𑌤𑌾𑌮𑍍।
𑌕𑌾𑌤𑍍𑌯𑌾𑌯𑌨𑍀𑌂 𑌤𑍁𑌷𑍍𑌟𑍁𑌵𑍁𑌰𑌿𑌷𑍍𑌟𑌲𑌾𑌭𑌾-
𑌦𑍍𑌵𑌿𑌕𑌾𑌸𑌿𑌵𑌕𑍍𑌤𑍍𑌰𑌾𑌬𑍍𑌜 𑌵𑌿𑌕𑌾𑌸𑌿𑌤𑌾𑌶𑌾𑌃 ॥ 2 ॥

𑌦𑍇𑌵𑌿 𑌪𑍍𑌰𑌪𑌨𑍍𑌨𑌾𑌰𑍍𑌤𑌿𑌹𑌰𑍇 𑌪𑍍𑌰𑌸𑍀𑌦
𑌪𑍍𑌰𑌸𑍀𑌦 𑌮𑌾𑌤𑌰𑍍𑌜𑌗𑌤𑍋𑌽𑌭𑌿𑌲𑌸𑍍𑌯।
𑌪𑍍𑌰𑌸𑍀𑌦𑌵𑌿𑌶𑍍𑌵𑍇𑌶𑍍𑌵𑌰𑌿 𑌪𑌾𑌹𑌿𑌵𑌿𑌶𑍍𑌵𑌂
𑌤𑍍𑌵𑌮𑍀𑌶𑍍𑌵𑌰𑍀 𑌦𑍇𑌵𑌿 𑌚𑌰𑌾𑌚𑌰𑌸𑍍𑌯 ॥3॥

𑌆𑌧𑌾𑌰 𑌭𑍂𑌤𑌾 𑌜𑌗𑌤𑌸𑍍𑌤𑍍𑌵𑌮𑍇𑌕𑌾
𑌮𑌹𑍀𑌸𑍍𑌵𑌰𑍂𑌪𑍇𑌣 𑌯𑌤𑌃 𑌸𑍍𑌥𑌿𑌤𑌾𑌸𑌿
𑌅𑌪𑌾𑌂 𑌸𑍍𑌵𑌰𑍂𑌪 𑌸𑍍𑌥𑌿𑌤𑌯𑌾 𑌤𑍍𑌵𑌯𑍈𑌤
𑌦𑌾𑌪𑍍𑌯𑌾𑌯𑌤𑍇 𑌕𑍃𑌤𑍍𑌸𑍍𑌨𑌮𑌲𑌂𑌘𑍍𑌯 𑌵𑍀𑌰𑍍𑌯𑍇 ॥4॥

𑌤𑍍𑌵𑌂 𑌵𑍈𑌷𑍍𑌣𑌵𑍀𑌶𑌕𑍍𑌤𑌿𑌰𑌨𑌂𑌤𑌵𑍀𑌰𑍍𑌯𑌾
𑌵𑌿𑌶𑍍𑌵𑌸𑍍𑌯 𑌬𑍀𑌜𑌂 𑌪𑌰𑌮𑌾𑌸𑌿 𑌮𑌾𑌯𑌾।
𑌸𑌮𑍍𑌮𑍋𑌹𑌿𑌤𑌂 𑌦𑍇𑌵𑌿𑌸𑌮𑌸𑍍𑌤 𑌮𑍇𑌤𑌤𑍍-
𑌤𑍍𑌤𑍍𑌵𑌂 𑌵𑍈 𑌪𑍍𑌰𑌸𑌨𑍍𑌨𑌾 𑌭𑍁𑌵𑌿 𑌮𑍁𑌕𑍍𑌤𑌿𑌹𑍇𑌤𑍁𑌃 ॥5॥

𑌵𑌿𑌦𑍍𑌯𑌾𑌃 𑌸𑌮𑌸𑍍𑌤𑌾𑌸𑍍𑌤𑌵 𑌦𑍇𑌵𑌿 𑌭𑍇𑌦𑌾𑌃।
𑌸𑍍𑌤𑍍𑌰𑌿𑌯𑌃 𑌸𑌮𑌸𑍍𑌤𑌾𑌃 𑌸𑌕𑌲𑌾 𑌜𑌗𑌤𑍍𑌸𑍁।
𑌤𑍍𑌵𑌯𑍈𑌕𑌯𑌾 𑌪𑍂𑌰𑌿𑌤𑌮𑌂𑌬𑌯𑍈𑌤𑌤𑍍
𑌕𑌾𑌤𑍇 𑌸𑍍𑌤𑍁𑌤𑌿𑌃 𑌸𑍍𑌤𑌵𑍍𑌯𑌪𑌰𑌾𑌪𑌰𑍋𑌕𑍍𑌤𑌿𑌃 ॥6॥

𑌸𑌰𑍍𑌵 𑌭𑍂𑌤𑌾 𑌯𑌦𑌾 𑌦𑍇𑌵𑍀 𑌭𑍁𑌕𑍍𑌤𑌿 𑌮𑍁𑌕𑍍𑌤𑌿𑌪𑍍𑌰𑌦𑌾𑌯𑌿𑌨𑍀।
𑌤𑍍𑌵𑌂 𑌸𑍍𑌤𑍁𑌤𑌾 𑌸𑍍𑌤𑍁𑌤𑌯𑍇 𑌕𑌾 𑌵𑌾 𑌭𑌵𑌂𑌤𑍁 𑌪𑌰𑌮𑍋𑌕𑍍𑌤𑌯𑌃 ॥𑍭॥

𑌸𑌰𑍍𑌵𑌸𑍍𑌯 𑌬𑍁𑌦𑍍𑌧𑌿𑌰𑍂𑌪𑍇𑌣 𑌜𑌨𑌸𑍍𑌯 𑌹𑍃𑌦𑌿 𑌸𑌂𑌸𑍍𑌥𑌿𑌤𑍇।
𑌸𑍍𑌵𑌰𑍍𑌗𑌾𑌪𑌵𑌰𑍍𑌗𑌦𑍇 𑌦𑍇𑌵𑌿 𑌨𑌾𑌰𑌾𑌯𑌣𑌿 𑌨𑌮𑍋𑌽𑌸𑍍𑌤𑍁𑌤𑍇 ॥𑍮॥

𑌕𑌲𑌾𑌕𑌾𑌷𑍍𑌠𑌾𑌦𑌿𑌰𑍂𑌪𑍇𑌣 𑌪𑌰𑌿𑌣𑌾𑌮 𑌪𑍍𑌰𑌦𑌾𑌯𑌿𑌨𑌿।
𑌵𑌿𑌶𑍍𑌵𑌸𑍍𑌯𑍋𑌪𑌰𑌤𑍌 𑌶𑌕𑍍𑌤𑍇 𑌨𑌾𑌰𑌾𑌯𑌣𑌿 𑌨𑌮𑍋𑌸𑍍𑌤𑍁𑌤𑍇 ॥𑍯॥

𑌸𑌰𑍍𑌵 𑌮𑌂𑌗𑌳 𑌮𑌾𑌂𑌗𑌳𑍍𑌯𑍇 𑌶𑌿𑌵𑍇 𑌸𑌰𑍍𑌵𑌾𑌰𑍍𑌥 𑌸𑌾𑌧𑌿𑌕𑍇।
𑌶𑌰𑌣𑍍𑌯𑍇 𑌤𑍍𑌰𑌯𑌂𑌬𑌕𑍇 𑌗𑍌𑌰𑍀 𑌨𑌾𑌰𑌾𑌯𑌣𑌿 𑌨𑌮𑍋𑌽𑌸𑍍𑌤𑍁𑌤𑍇 ॥10॥

𑌸𑍃𑌷𑍍𑌟𑌿𑌸𑍍𑌥𑌿𑌤𑌿𑌵𑌿𑌨𑌾𑌶𑌾𑌨𑌾𑌂 𑌶𑌕𑍍𑌤𑌿𑌭𑍂𑌤𑍇 𑌸𑌨𑌾𑌤𑌨𑌿।
𑌗𑍁𑌣𑌾𑌶𑍍𑌰𑌯𑍇 𑌗𑍁𑌣𑌮𑌯𑍇 𑌨𑌾𑌰𑌾𑌯𑌣𑌿 𑌨𑌮𑍋𑌽𑌸𑍍𑌤𑍁𑌤𑍇 ॥11॥

𑌶𑌰𑌣𑌾𑌗𑌤 𑌦𑍀𑌨𑌾𑌰𑍍𑌤 𑌪𑌰𑌿𑌤𑍍𑌰𑌾𑌣𑌪𑌰𑌾𑌯𑌣𑍇।
𑌸𑌰𑍍𑌵𑌸𑍍𑌯𑌾𑌰𑍍𑌤𑌿𑌹𑌰𑍇 𑌦𑍇𑌵𑌿 𑌨𑌾𑌰𑌾𑌯𑌣𑌿 𑌨𑌮𑍋𑌽𑌸𑍍𑌤𑍁𑌤𑍇 ॥12॥

𑌹𑌂𑌸𑌯𑍁𑌕𑍍𑌤 𑌵𑌿𑌮𑌾𑌨𑌸𑍍𑌥𑍇 𑌬𑍍𑌰𑌹𑍍𑌮𑌾𑌣𑍀 𑌰𑍂𑌪𑌧𑌾𑌰𑌿𑌣𑍀।
𑌕𑍌𑌶𑌾𑌂𑌭𑌃 𑌕𑍍𑌷𑌰𑌿𑌕𑍇 𑌦𑍇𑌵𑌿 𑌨𑌾𑌰𑌾𑌯𑌣𑌿 𑌨𑌮𑍋𑌽𑌸𑍍𑌤𑍁𑌤𑍇॥13॥

𑌤𑍍𑌰𑌿𑌶𑍂𑌲𑌚𑌂𑌦𑍍𑌰𑌾𑌹𑌿𑌧𑌰𑍇 𑌮𑌹𑌾𑌵𑍃𑌷𑌭𑌵𑌾𑌹𑌿𑌨𑌿।
𑌮𑌾𑌹𑍇𑌶𑍍𑌵𑌰𑍀 𑌸𑍍𑌵𑌰𑍂𑌪𑍇𑌣 𑌨𑌾𑌰𑌾𑌯𑌣𑌿 𑌨𑌮𑍋𑌽𑌸𑍍𑌤𑍁𑌤𑍇॥14॥

𑌮𑌯𑍂𑌰 𑌕𑍁𑌕𑍍𑌕𑍁𑌟𑌵𑍃𑌤𑍇 𑌮𑌹𑌾𑌶𑌕𑍍𑌤𑌿𑌧𑌰𑍇𑌽𑌨𑌘𑍇।
𑌕𑍌𑌮𑌾𑌰𑍀𑌰𑍂𑌪𑌸𑌂𑌸𑍍𑌥𑌾𑌨𑍇 𑌨𑌾𑌰𑌾𑌯𑌣𑌿 𑌨𑌮𑍋𑌸𑍍𑌤𑍁𑌤𑍇॥15॥

𑌶𑌂𑌖𑌚𑌕𑍍𑌰𑌗𑌦𑌾𑌶𑌾𑌰𑍍𑌙𑍍𑌗𑌗𑍃𑌹𑍀𑌤𑌪𑌰𑌮𑌾𑌯𑍁𑌧𑍇।
𑌪𑍍𑌰𑌸𑍀𑌦 𑌵𑍈𑌷𑍍𑌣𑌵𑍀𑌰𑍂𑌪𑍇𑌨𑌾𑌰𑌾𑌯𑌣𑌿 𑌨𑌮𑍋𑌽𑌸𑍍𑌤𑍁𑌤𑍇॥16॥

𑌗𑍃𑌹𑍀𑌤𑍋𑌗𑍍𑌰𑌮𑌹𑌾𑌚𑌕𑍍𑌰𑍇 𑌦𑌂𑌷𑍍𑌤𑍍𑌰𑍋𑌦𑍍𑌧𑍃𑌤𑌵𑌸𑍁𑌂𑌧𑌰𑍇।
𑌵𑌰𑌾𑌹𑌰𑍂𑌪𑌿𑌣𑌿 𑌶𑌿𑌵𑍇 𑌨𑌾𑌰𑌾𑌯𑌣𑌿 𑌨𑌮𑍋𑌸𑍍𑌤𑍁𑌤𑍇॥1𑍭॥

𑌨𑍃𑌸𑌿𑌂𑌹𑌰𑍂𑌪𑍇𑌣𑍋𑌗𑍍𑌰𑍇𑌣 𑌹𑌂𑌤𑍁𑌂 𑌦𑍈𑌤𑍍𑌯𑌾𑌨𑍍 𑌕𑍃𑌤𑍋𑌦𑍍𑌯𑌮𑍇।
𑌤𑍍𑌰𑍈𑌲𑍋𑌕𑍍𑌯𑌤𑍍𑌰𑌾𑌣𑌸𑌹𑌿𑌤𑍇 𑌨𑌾𑌰𑌾𑌯𑌣𑌿 𑌨𑌮𑍋𑌽𑌸𑍍𑌤𑍁𑌤𑍇॥1𑍮॥

𑌕𑌿𑌰𑍀𑌟𑌿𑌨𑌿 𑌮𑌹𑌾𑌵𑌜𑍍𑌰𑍇 𑌸𑌹𑌸𑍍𑌰𑌨𑌯𑌨𑍋𑌜𑍍𑌜𑍍𑌵𑌲𑍇।
𑌵𑍃𑌤𑍍𑌰𑌪𑍍𑌰𑌾𑌣𑌹𑌾𑌰𑍇 𑌚𑍈𑌂𑌦𑍍𑌰𑌿 𑌨𑌾𑌰𑌾𑌯𑌣𑌿 𑌨𑌮𑍋𑌽𑌸𑍍𑌤𑍁𑌤𑍇॥1𑍯॥

𑌶𑌿𑌵𑌦𑍂𑌤𑍀𑌸𑍍𑌵𑌰𑍂𑌪𑍇𑌣 𑌹𑌤𑌦𑍈𑌤𑍍𑌯 𑌮𑌹𑌾𑌬𑌲𑍇।
𑌘𑍋𑌰𑌰𑍂𑌪𑍇 𑌮𑌹𑌾𑌰𑌾𑌵𑍇 𑌨𑌾𑌰𑌾𑌯𑌣𑌿 𑌨𑌮𑍋𑌽𑌸𑍍𑌤𑍁𑌤𑍇॥20॥

𑌦𑌂𑌷𑍍𑌤𑍍𑌰𑌾𑌕𑌰𑌾𑌳 𑌵𑌦𑌨𑍇 𑌶𑌿𑌰𑍋𑌮𑌾𑌲𑌾𑌵𑌿𑌭𑍂𑌷𑌣𑍇।
𑌚𑌾𑌮𑍁𑌂𑌡𑍇 𑌮𑍁𑌂𑌡𑌮𑌥𑌨𑍇 𑌨𑌾𑌰𑌾𑌯𑌣𑌿 𑌨𑌮𑍋𑌽𑌸𑍍𑌤𑍁𑌤𑍇॥21॥

𑌲𑌕𑍍𑌷𑍍𑌮𑍀 𑌲𑌜𑍍𑌜𑍇 𑌮𑌹𑌾𑌵𑌿𑌧𑍍𑌯𑍇 𑌶𑍍𑌰𑌦𑍍𑌧𑍇 𑌪𑍁𑌷𑍍𑌟𑌿 𑌸𑍍𑌵𑌧𑍇 𑌧𑍍𑌰𑍁𑌵𑍇।
𑌮𑌹𑌾𑌰𑌾𑌤𑍍𑌰𑌿 𑌮𑌹𑌾𑌮𑌾𑌯𑍇 𑌨𑌾𑌰𑌾𑌯𑌣𑌿 𑌨𑌮𑍋𑌽𑌸𑍍𑌤𑍁𑌤𑍇॥22॥

𑌮𑍇𑌧𑍇 𑌸𑌰𑌸𑍍𑌵𑌤𑌿 𑌵𑌰𑍇 𑌭𑍂𑌤𑌿 𑌬𑌾𑌭𑍍𑌰𑌵𑌿 𑌤𑌾𑌮𑌸𑌿।
𑌨𑌿𑌯𑌤𑍇 𑌤𑍍𑌵𑌂 𑌪𑍍𑌰𑌸𑍀𑌦𑍇𑌶𑍇 𑌨𑌾𑌰𑌾𑌯𑌣𑌿 𑌨𑌮𑍋𑌽𑌸𑍍𑌤𑍁𑌤𑍇॥23॥

𑌸𑌰𑍍𑌵𑌸𑍍𑌵𑌰𑍂𑌪𑍇 𑌸𑌰𑍍𑌵𑍇𑌶𑍇 𑌸𑌰𑍍𑌵𑌶𑌕𑍍𑌤𑌿𑌸𑌮𑌨𑍍𑌵𑌿𑌤𑍇।
𑌭𑌯𑍇𑌭𑍍𑌯𑌸𑍍𑌤𑍍𑌰𑌾𑌹𑌿 𑌨𑍋 𑌦𑍇𑌵𑌿 𑌦𑍁𑌰𑍍𑌗𑍇 𑌦𑍇𑌵𑌿 𑌨𑌮𑍋𑌽𑌸𑍍𑌤𑍁𑌤𑍇॥24॥

𑌏𑌤𑌤𑍍𑌤𑍇 𑌵𑌦𑌨𑌂 𑌸𑍌𑌮𑍍𑌯𑌂 𑌲𑍋𑌚𑌨𑌤𑍍𑌰𑌯𑌭𑍂𑌷𑌿𑌤𑌮𑍍।
𑌪𑌾𑌤𑍁 𑌨𑌃 𑌸𑌰𑍍𑌵𑌭𑍂𑌤𑍇𑌭𑍍𑌯𑌃 𑌕𑌾𑌤𑍍𑌯𑌾𑌯𑌿𑌨𑌿 𑌨𑌮𑍋𑌽𑌸𑍍𑌤𑍁𑌤𑍇॥25॥

𑌜𑍍𑌵𑌾𑌲𑌾𑌕𑌰𑌾𑌳𑌮𑌤𑍍𑌯𑍁𑌗𑍍𑌰𑌮𑌶𑍇𑌷𑌾𑌸𑍁𑌰𑌸𑍂𑌦𑌨𑌮𑍍।
𑌤𑍍𑌰𑌿𑌶𑍂𑌲𑌂 𑌪𑌾𑌤𑍁 𑌨𑍋 𑌭𑍀𑌤𑌿𑌰𑍍𑌭𑌦𑍍𑌰𑌕𑌾𑌲𑌿 𑌨𑌮𑍋𑌽𑌸𑍍𑌤𑍁𑌤𑍇॥26॥

𑌹𑌿𑌨𑌸𑍍𑌤𑌿 𑌦𑍈𑌤𑍍𑌯𑌤𑍇𑌜𑌾𑌂𑌸𑌿 𑌸𑍍𑌵𑌨𑍇𑌨𑌾𑌪𑍂𑌰𑍍𑌯 𑌯𑌾 𑌜𑌗𑌤𑍍।
𑌸𑌾 𑌘𑌂𑌟𑌾 𑌪𑌾𑌤𑍁 𑌨𑍋 𑌦𑍇𑌵𑌿 𑌪𑌾𑌪𑍇𑌭𑍍𑌯𑍋 𑌨𑌃 𑌸𑍁𑌤𑌾𑌨𑌿𑌵॥2𑍭॥

𑌅𑌸𑍁𑌰𑌾𑌸𑍃𑌗𑍍𑌵𑌸𑌾𑌪𑌂𑌕𑌚𑌰𑍍𑌚𑌿𑌤𑌸𑍍𑌤𑍇 𑌕𑌰𑍋𑌜𑍍𑌵𑌲𑌃।
𑌶𑍁𑌭𑌾𑌯 𑌖𑌡𑍍𑌗𑍋 𑌭𑌵𑌤𑍁 𑌚𑌂𑌡𑌿𑌕𑍇 𑌤𑍍𑌵𑌾𑌂 𑌨𑌤𑌾 𑌵𑌯𑌮𑍍॥2𑍮॥

𑌰𑍋𑌗𑌾𑌨𑌶𑍇𑌷𑌾𑌨𑌪𑌹𑌂𑌸𑌿 𑌤𑍁𑌷𑍍𑌟𑌾
𑌰𑍁𑌷𑍍𑌟𑌾 𑌤𑍁 𑌕𑌾𑌮𑌾 𑌸𑌕𑌲𑌾𑌨𑌭𑍀𑌷𑍍𑌟𑌾𑌨𑍍
𑌤𑍍𑌵𑌾𑌮𑌾𑌶𑍍𑌰𑌿𑌤𑌾𑌨𑌾𑌂 𑌨 𑌵𑌿𑌪𑌨𑍍𑌨𑌰𑌾𑌣𑌾𑌂।
𑌤𑍍𑌵𑌾𑌮𑌾𑌶𑍍𑌰𑌿𑌤𑌾 𑌶𑍍𑌰𑌯𑌤𑌾𑌂 𑌪𑍍𑌰𑌯𑌾𑌂𑌤𑌿॥2𑍯॥

𑌏𑌤𑌤𑍍𑌕𑍃𑌤𑌂 𑌯𑌤𑍍𑌕𑌦𑌨𑌂 𑌤𑍍𑌵𑌯𑌾𑌦𑍍𑌯
𑌦𑌰𑍍𑌮𑌦𑍍𑌵𑌿𑌷𑌾𑌂 𑌦𑍇𑌵𑌿 𑌮𑌹𑌾𑌸𑍁𑌰𑌾𑌣𑌾𑌮𑍍।
𑌰𑍂𑌪𑍈𑌰𑌨𑍇𑌕𑍈𑌰𑍍𑌭𑌹𑍁𑌧𑌾𑌤𑍍𑌮𑌮𑍂𑌰𑍍𑌤𑌿𑌂
𑌕𑍃𑌤𑍍𑌵𑌾𑌂𑌭𑌿𑌕𑍇 𑌤𑌤𑍍𑌪𑍍𑌰𑌕𑌰𑍋𑌤𑌿 𑌕𑌾𑌨𑍍𑌯𑌾॥30॥

𑌵𑌿𑌦𑍍𑌯𑌾𑌸𑍁 𑌶𑌾𑌸𑍍𑌤𑍍𑌰𑍇𑌷𑍁 𑌵𑌿𑌵𑍇𑌕 𑌦𑍀𑌪𑍇
𑌷𑍍𑌵𑌾𑌦𑍍𑌯𑍇𑌷𑍁 𑌵𑌾𑌕𑍍𑌯𑍇𑌷𑍁 𑌚 𑌕𑌾 𑌤𑍍𑌵𑌦𑌨𑍍𑌯𑌾
𑌮𑌮𑌤𑍍𑌵𑌗𑌰𑍍𑌤𑍇𑌽𑌤𑌿 𑌮𑌹𑌾𑌂𑌧𑌕𑌾𑌰𑍇
𑌵𑌿𑌭𑍍𑌰𑌾𑌮𑌯𑌤𑍍𑌯𑍇𑌤𑌦𑌤𑍀𑌵 𑌵𑌿𑌶𑍍𑌵𑌮𑍍॥31॥

𑌰𑌕𑍍𑌷𑌾𑌂𑌸𑌿 𑌯𑌤𑍍𑌰𑍋 𑌗𑍍𑌰𑌵𑌿𑌷𑌾𑌶𑍍𑌚 𑌨𑌾𑌗𑌾
𑌯𑌤𑍍𑌰𑌾𑌰𑌯𑍋 𑌦𑌸𑍍𑌯𑍁𑌬𑌲𑌾𑌨𑌿 𑌯𑌤𑍍𑌰।
𑌦𑌵𑌾𑌨𑌲𑍋 𑌯𑌤𑍍𑌰 𑌤𑌥𑌾𑌬𑍍𑌧𑌿𑌮𑌧𑍍𑌯𑍇
𑌤𑌤𑍍𑌰 𑌸𑍍𑌥𑌿𑌤𑌾 𑌤𑍍𑌵𑌂 𑌪𑌰𑌿𑌪𑌾𑌸𑌿 𑌵𑌿𑌶𑍍𑌵𑌮𑍍॥32॥

𑌵𑌿𑌶𑍍𑌵𑍇𑌶𑍍𑌵𑌰𑌿 𑌤𑍍𑌵𑌂 𑌪𑌰𑌿𑌪𑌾𑌸𑌿 𑌵𑌿𑌶𑍍𑌵𑌂
𑌵𑌿𑌶𑍍𑌵𑌾𑌤𑍍𑌮𑌿𑌕𑌾 𑌧𑌾𑌰𑌯𑌸𑍀𑌤𑌿 𑌵𑌿𑌶𑍍𑌵𑌮𑍍।
𑌵𑌿𑌶𑍍𑌵𑍇𑌶𑌵𑌂𑌧𑍍𑌯𑌾 𑌭𑌵𑌤𑍀 𑌭𑌵𑌂𑌤𑌿
𑌵𑌿𑌶𑍍𑌵𑌾𑌶𑍍𑌰𑌯𑌾 𑌯𑍇𑌤𑍍𑌵𑌯𑌿 𑌭𑌕𑍍𑌤𑌿𑌨𑌮𑍍𑌰𑌾𑌃॥33॥

𑌦𑍇𑌵𑌿 𑌪𑍍𑌰𑌸𑍀𑌦 𑌪𑌰𑌿𑌪𑌾𑌲𑌯 𑌨𑍋𑌽𑌰𑌿
𑌭𑍀𑌤𑍇𑌰𑍍𑌨𑌿𑌤𑍍𑌯𑌂 𑌯𑌥𑌾𑌸𑍁𑌰𑌵𑌦𑌾𑌦𑌧𑍁𑌨𑍈𑌵 𑌸𑌦𑍍𑌯𑌃।
𑌪𑌾𑌪𑌾𑌨𑌿 𑌸𑌰𑍍𑌵 𑌜𑌗𑌤𑌾𑌂 𑌪𑍍𑌰𑌶𑌮𑌂 𑌨𑌯𑌾𑌶𑍁
𑌉𑌤𑍍𑌪𑌾𑌤𑌪𑌾𑌕𑌜𑌨𑌿𑌤𑌾𑌂𑌶𑍍𑌚 𑌮𑌹𑍋𑌪𑌸𑌰𑍍𑌗𑌾𑌨𑍍॥34॥

𑌪𑍍𑌰𑌣𑌤𑌾𑌨𑌾𑌂 𑌪𑍍𑌰𑌸𑍀𑌦 𑌤𑍍𑌵𑌂 𑌦𑍇𑌵𑌿 𑌵𑌿𑌶𑍍𑌵𑌾𑌰𑍍𑌤𑌿 𑌹𑌾𑌰𑌿𑌣𑌿।
𑌤𑍍𑌰𑍈𑌲𑍋𑌕𑍍𑌯𑌵𑌾𑌸𑌿𑌨𑌾𑌮𑍀𑌡𑍍𑌯𑍇 𑌲𑍋𑌕𑌾𑌨𑌾𑌂 𑌵𑌰𑌦𑌾 𑌭𑌵॥35॥

𑌦𑍇𑌵𑍍𑌯𑍁𑌵𑌾𑌚॥36॥

𑌵𑌰𑌦𑌾𑌹𑌂 𑌸𑍁𑌰𑌗𑌣𑌾 𑌪𑌰𑌂 𑌯𑌨𑍍𑌮𑌨𑌸𑍇𑌚𑍍𑌚𑌥।
𑌤𑌂 𑌵𑍃𑌣𑍁𑌧𑍍𑌵𑌂 𑌪𑍍𑌰𑌯𑌚𑍍𑌛𑌾𑌮𑌿 𑌜𑌗𑌤𑌾𑌮𑍁𑌪𑌕𑌾𑌰𑌕𑌮𑍍॥3𑍭॥

𑌦𑍇𑌵𑌾 𑌊𑌚𑍁𑌃॥3𑍮॥

𑌸𑌰𑍍𑌵𑌬𑌾𑌧𑌾 𑌪𑍍𑌰𑌶𑌮𑌨𑌂 𑌤𑍍𑌰𑍈𑌲𑍋𑌕𑍍𑌯𑌸𑍍𑌯𑌾𑌖𑌿𑌲𑍇𑌶𑍍𑌵𑌰𑌿।
𑌏𑌵𑌮𑍇𑌵 𑌤𑍍𑌵𑌯𑌾𑌕𑌾𑌰𑍍𑌯 𑌮𑌸𑍍𑌮𑌦𑍍𑌵𑍈𑌰𑌿 𑌵𑌿𑌨𑌾𑌶𑌨𑌮𑍍॥3𑍯॥

𑌦𑍇𑌵𑍍𑌯𑍁𑌵𑌾𑌚॥40॥

𑌵𑍈𑌵𑌸𑍍𑌵𑌤𑍇𑌽𑌂𑌤𑌰𑍇 𑌪𑍍𑌰𑌾𑌪𑍍𑌤𑍇 𑌅𑌷𑍍𑌟𑌾𑌵𑌿𑌂𑌶𑌤𑌿𑌮𑍇 𑌯𑍁𑌗𑍇।
𑌶𑍁𑌂𑌭𑍋 𑌨𑌿𑌶𑍁𑌂𑌭𑌶𑍍𑌚𑍈𑌵𑌾𑌨𑍍𑌯𑌾𑌵𑍁𑌤𑍍𑌪𑌤𑍍𑌸𑍍𑌯𑍇𑌤𑍇 𑌮𑌹𑌾𑌸𑍁𑌰𑍌॥41॥

𑌨𑌂𑌦𑌗𑍋𑌪𑌗𑍃𑌹𑍇 𑌜𑌾𑌤𑌾 𑌯𑌶𑍋𑌦𑌾𑌗𑌰𑍍𑌭 𑌸𑌂𑌭𑌵𑌾।
𑌤𑌤𑌸𑍍𑌤𑍌𑌨𑌾𑌶𑌯𑌿𑌷𑍍𑌯𑌾𑌮𑌿 𑌵𑌿𑌂𑌧𑍍𑌯𑌾𑌚𑌲𑌨𑌿𑌵𑌾𑌸𑌿𑌨𑍀॥42॥

𑌪𑍁𑌨𑌰𑌪𑍍𑌯𑌤𑌿𑌰𑍌𑌦𑍍𑌰𑍇𑌣 𑌰𑍂𑌪𑍇𑌣 𑌪𑍃𑌥𑌿𑌵𑍀𑌤𑌲𑍇।
𑌅𑌵𑌤𑍀𑌰𑍍𑌯 𑌹𑌵𑌿𑌷𑍍𑌯𑌾𑌮𑌿 𑌵𑍈𑌪𑍍𑌰𑌚𑌿𑌤𑍍𑌤𑌾𑌂𑌸𑍍𑌤𑍁 𑌦𑌾𑌨𑌵𑌾𑌨𑍍॥43॥

𑌭𑌕𑍍𑌷𑍍𑌯 𑌯𑌂𑌤𑍍𑌯𑌾𑌶𑍍𑌚 𑌤𑌾𑌨𑍁𑌗𑍍𑌰𑌾𑌨𑍍 𑌵𑍈𑌪𑍍𑌰𑌚𑌿𑌤𑍍𑌤𑌾𑌨𑍍 𑌮𑌹𑌾𑌸𑍁𑌰𑌾𑌨𑍍।
𑌰𑌕𑍍𑌤𑌦𑌂𑌤𑌾 𑌭𑌵𑌿𑌷𑍍𑌯𑌂𑌤𑌿 𑌦𑌾𑌡𑌿𑌮𑍀𑌕𑍁𑌸𑍁𑌮𑍋𑌪𑌮𑌾𑌃॥44॥

𑌤𑌤𑍋 𑌮𑌾𑌂 𑌦𑍇𑌵𑌤𑌾𑌃 𑌸𑍍𑌵𑌰𑍍𑌗𑍇 𑌮𑌰𑍍𑌤𑍍𑌯𑌲𑍋𑌕𑍇 𑌚 𑌮𑌾𑌨𑌵𑌾𑌃।
𑌸𑍍𑌤𑍁𑌵𑌂𑌤𑍋 𑌵𑍍𑌯𑌾𑌹𑌰𑌿𑌷𑍍𑌯𑌂𑌤𑌿 𑌸𑌤𑌤𑌂 𑌰𑌕𑍍𑌤𑌦𑌂𑌤𑌿𑌕𑌾𑌮𑍍॥45॥

𑌭𑍂𑌯𑌶𑍍𑌚 𑌶𑌤𑌵𑌾𑌰𑍍𑌷𑌿𑌕𑍍𑌯𑌾𑌂 𑌅𑌨𑌾𑌵𑍃𑌷𑍍𑌟𑍍𑌯𑌾𑌮𑌨𑌂𑌭𑌸𑌿।
𑌮𑍁𑌨𑌿𑌭𑌿𑌃 𑌸𑌂𑌸𑍍𑌤𑍁𑌤𑌾 𑌭𑍂𑌮𑍌 𑌸𑌂𑌭𑌵𑌿𑌷𑍍𑌯𑌾𑌮𑍍𑌯𑌯𑍋𑌨𑌿𑌜𑌾॥46॥

𑌤𑌤𑌃 𑌶𑌤𑍇𑌨 𑌨𑍇𑌤𑍍𑌰𑌾𑌣𑌾𑌂 𑌨𑌿𑌰𑍀𑌕𑍍𑌷𑌿𑌷𑍍𑌯𑌾𑌮𑍍𑌯𑌹𑌂 𑌮𑍁𑌨𑍀𑌨𑍍
𑌕𑍀𑌰𑍍𑌤𑌿𑌯𑌿𑌷𑍍𑌯𑌂𑌤𑌿 𑌮𑌨𑍁𑌜𑌾𑌃 𑌶𑌤𑌾𑌕𑍍𑌷𑍀𑌮𑌿𑌤𑌿 𑌮𑌾𑌂 𑌤𑌤𑌃॥4𑍭॥

𑌤𑌤𑍋𑌽 𑌹𑌮𑌖𑌿𑌲𑌂 𑌲𑍋𑌕𑌮𑌾𑌤𑍍𑌮𑌦𑍇𑌹𑌸𑌮𑍁𑌦𑍍𑌭𑌵𑍈𑌃।
𑌭𑌰𑌿𑌷𑍍𑌯𑌾𑌮𑌿 𑌸𑍁𑌰𑌾𑌃 𑌶𑌾𑌕𑍈𑌰𑌾𑌵𑍃𑌷𑍍𑌟𑍇𑌃 𑌪𑍍𑌰𑌾𑌣 𑌧𑌾𑌰𑌕𑍈𑌃॥4𑍮॥

𑌶𑌾𑌕𑌂𑌭𑌰𑍀𑌤𑌿 𑌵𑌿𑌖𑍍𑌯𑌾𑌤𑌿𑌂 𑌤𑌦𑌾 𑌯𑌾𑌸𑍍𑌯𑌾𑌮𑍍𑌯𑌹𑌂 𑌭𑍁𑌵𑌿।
𑌤𑌤𑍍𑌰𑍈𑌵 𑌚 𑌵𑌧𑌿𑌷𑍍𑌯𑌾𑌮𑌿 𑌦𑍁𑌰𑍍𑌗𑌮𑌾𑌖𑍍𑌯𑌂 𑌮𑌹𑌾𑌸𑍁𑌰𑌮𑍍॥4𑍯॥

𑌦𑍁𑌰𑍍𑌗𑌾𑌦𑍇𑌵𑍀𑌤𑌿 𑌵𑌿𑌖𑍍𑌯𑌾𑌤𑌂 𑌤𑌨𑍍𑌮𑍇 𑌨𑌾𑌮 𑌭𑌵𑌿𑌷𑍍𑌯𑌤𑌿।
𑌪𑍁𑌨𑌶𑍍𑌚𑌾𑌹𑌂 𑌯𑌦𑌾𑌭𑍀𑌮𑌂 𑌰𑍂𑌪𑌂 𑌕𑍃𑌤𑍍𑌵𑌾 𑌹𑌿𑌮𑌾𑌚𑌲𑍇॥50॥

𑌰𑌕𑍍𑌷𑌾𑌂𑌸𑌿 𑌕𑍍𑌷𑌯𑌯𑌿𑌷𑍍𑌯𑌾𑌮𑌿 𑌮𑍁𑌨𑍀𑌨𑌾𑌂 𑌤𑍍𑌰𑌾𑌣 𑌕𑌾𑌰𑌣𑌾𑌤𑍍।
𑌤𑌦𑌾 𑌮𑌾𑌂 𑌮𑍁𑌨𑌯𑌃 𑌸𑌰𑍍𑌵𑍇 𑌸𑍍𑌤𑍋𑌷𑍍𑌯𑌂𑌤𑍍𑌯𑌾𑌨 𑌮𑍍𑌰𑌮𑍂𑌰𑍍𑌤𑌯𑌃॥51॥

𑌭𑍀𑌮𑌾𑌦𑍇𑌵𑍀𑌤𑌿 𑌵𑌿𑌖𑍍𑌯𑌾𑌤𑌂 𑌤𑌨𑍍𑌮𑍇 𑌨𑌾𑌮 𑌭𑌵𑌿𑌷𑍍𑌯𑌤𑌿।
𑌯𑌦𑌾𑌰𑍁𑌣𑌾𑌖𑍍𑌯𑌸𑍍𑌤𑍍𑌰𑍈𑌲𑍋𑌕𑍍𑌯𑍇 𑌮𑌹𑌾𑌬𑌾𑌧𑌾𑌂 𑌕𑌰𑌿𑌷𑍍𑌯𑌤𑌿॥52॥

𑌤𑌦𑌾𑌹𑌂 𑌭𑍍𑌰𑌾𑌮𑌰𑌂 𑌰𑍂𑌪𑌂 𑌕𑍃𑌤𑍍𑌵𑌾𑌸𑌜𑍍𑌖𑍍𑌯𑍇𑌯𑌷𑌟𑍍𑌪𑌦𑌮𑍍।
𑌤𑍍𑌰𑍈𑌲𑍋𑌕𑍍𑌯𑌸𑍍𑌯 𑌹𑌿𑌤𑌾𑌰𑍍𑌥𑌾𑌯 𑌵𑌧𑌿𑌷𑍍𑌯𑌾𑌮𑌿 𑌮𑌹𑌾𑌸𑍁𑌰𑌮𑍍॥53॥

𑌭𑍍𑌰𑌾𑌮𑌰𑍀𑌤𑌿𑌚 𑌮𑌾𑌂 𑌲𑍋𑌕𑌾 𑌸𑍍𑌤𑌦𑌾𑌸𑍍𑌤𑍋𑌷𑍍𑌯𑌂𑌤𑌿 𑌸𑌰𑍍𑌵𑌤𑌃।
𑌇𑌤𑍍𑌥𑌂 𑌯𑌦𑌾 𑌯𑌦𑌾 𑌬𑌾𑌧𑌾 𑌦𑌾𑌨𑌵𑍋𑌤𑍍𑌥𑌾 𑌭𑌵𑌿𑌷𑍍𑌯𑌤𑌿॥54॥

𑌤𑌦𑌾 𑌤𑌦𑌾𑌵𑌤𑍀𑌰𑍍𑌯𑌾𑌹𑌂 𑌕𑌰𑌿𑌷𑍍𑌯𑌾𑌮𑍍𑌯𑌰𑌿𑌸𑌂𑌕𑍍𑌷𑌯𑌮𑍍 ॥55॥

॥ 𑌸𑍍𑌵𑌸𑍍𑌤𑌿 𑌶𑍍𑌰𑍀 𑌮𑌾𑌰𑍍𑌕𑌂𑌡𑍇𑌯 𑌪𑍁𑌰𑌾𑌣𑍇 𑌸𑌾𑌵𑌰𑍍𑌨𑌿𑌕𑍇 𑌮𑌨𑍍𑌵𑌂𑌤𑌰𑍇 𑌦𑍇𑌵𑌿 𑌮𑌹𑌤𑍍𑌮𑍍𑌯𑍇 𑌨𑌾𑌰𑌾𑌯𑌣𑍀𑌸𑍍𑌤𑍁𑌤𑌿𑌰𑍍𑌨𑌾𑌮 𑌏𑌕𑌾𑌦𑌶𑍋𑌽𑌧𑍍𑌯𑌾𑌯𑌃 𑌸𑌮𑌾𑌪𑍍𑌤𑌮𑍍 ॥

𑌆𑌹𑍁𑌤𑌿
𑌓𑌂 𑌕𑍍𑌲𑍀𑌂 𑌜𑌯𑌂𑌤𑍀 𑌸𑌾𑌂𑌗𑌾𑌯𑍈 𑌸𑌶𑌕𑍍𑌤𑌿𑌕𑌾𑌯𑍈 𑌸𑌪𑌰𑌿𑌵𑌾𑌰𑌾𑌯𑍈 𑌸𑌵𑌾𑌹𑌨𑌾𑌯𑍈 𑌲𑌕𑍍𑌷𑍍𑌮𑍀𑌬𑍀𑌜𑌾𑌧𑌿𑌷𑍍𑌤𑌾𑌯𑍈 𑌗𑌰𑍁𑌡𑌵𑌾𑌹𑌨𑍍𑌯𑍈 𑌨𑌾𑌰𑌯𑌣𑍀 𑌦𑍇𑌵𑍍𑌯𑍈-𑌮𑌹𑌾𑌹𑍁𑌤𑌿𑌂 𑌸𑌮𑌰𑍍𑌪𑌯𑌾𑌮𑌿 𑌨𑌮𑌃 𑌸𑍍𑌵𑌾𑌹𑌾 ॥

Browse Related Categories: