Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

𑌶𑍍𑌰𑍀 𑌦𑍁𑌰𑍍𑌗𑌾 𑌨𑌕𑍍𑌷𑌤𑍍𑌰 𑌮𑌾𑌲𑌿𑌕𑌾 𑌸𑍍𑌤𑍁𑌤𑌿

𑌵𑌿𑌰𑌾𑌟𑌨𑌗𑌰𑌂 𑌰𑌮𑍍𑌯𑌂 𑌗𑌚𑍍𑌛𑌮𑌾𑌨𑍋 𑌯𑍁𑌧𑌿𑌷𑍍𑌠𑌿𑌰𑌃 ।
𑌅𑌸𑍍𑌤𑍁𑌵𑌨𑍍𑌮𑌨𑌸𑌾 𑌦𑍇𑌵𑍀𑌂 𑌦𑍁𑌰𑍍𑌗𑌾𑌂 𑌤𑍍𑌰𑌿𑌭𑍁𑌵𑌨𑍇𑌶𑍍𑌵𑌰𑍀𑌮𑍍 ॥ 1 ॥

𑌯𑌶𑍋𑌦𑌾𑌗𑌰𑍍𑌭𑌸𑌂𑌭𑍂𑌤𑌾𑌂 𑌨𑌾𑌰𑌾𑌯𑌣𑌵𑌰𑌪𑍍𑌰𑌿𑌯𑌾𑌮𑍍 ।
𑌨𑌂𑌦𑌗𑍋𑌪𑌕𑍁𑌲𑍇𑌜𑌾𑌤𑌾𑌂 𑌮𑌂𑌗𑌳𑍍𑌯𑌾𑌂 𑌕𑍁𑌲𑌵𑌰𑍍𑌧𑌨𑍀𑌮𑍍 ॥ 2 ॥

𑌕𑌂𑌸𑌵𑌿𑌦𑍍𑌰𑌾𑌵𑌣𑌕𑌰𑍀𑌂 𑌅𑌸𑍁𑌰𑌾𑌣𑌾𑌂 𑌕𑍍𑌷𑌯𑌂𑌕𑌰𑍀𑌮𑍍 ।
𑌶𑌿𑌲𑌾𑌤𑌟𑌵𑌿𑌨𑌿𑌕𑍍𑌷𑌿𑌪𑍍𑌤𑌾𑌂 𑌆𑌕𑌾𑌶𑌂 𑌪𑍍𑌰𑌤𑌿𑌗𑌾𑌮𑌿𑌨𑍀𑌮𑍍 ॥ 3 ॥

𑌵𑌾𑌸𑍁𑌦𑍇𑌵𑌸𑍍𑌯 𑌭𑌗𑌿𑌨𑍀𑌂 𑌦𑌿𑌵𑍍𑌯𑌮𑌾𑌲𑍍𑌯 𑌵𑌿𑌭𑍂𑌷𑌿𑌤𑌾𑌮𑍍 ।
𑌦𑌿𑌵𑍍𑌯𑌾𑌂𑌬𑌰𑌧𑌰𑌾𑌂 𑌦𑍇𑌵𑍀𑌂 𑌖𑌡𑍍𑌗𑌖𑍇𑌟𑌕𑌧𑌾𑌰𑌿𑌣𑍀𑌮𑍍 ॥ 4 ॥

𑌭𑌾𑌰𑌾𑌵𑌤𑌰𑌣𑍇 𑌪𑍁𑌣𑍍𑌯𑍇 𑌯𑍇 𑌸𑍍𑌮𑌰𑌂𑌤𑌿 𑌸𑌦𑌾𑌶𑌿𑌵𑌾𑌮𑍍 ।
𑌤𑌾𑌨𑍍𑌵𑍈 𑌤𑌾𑌰𑌯𑌤𑍇 𑌪𑌾𑌪𑌾𑌤𑍍 𑌪𑌂𑌕𑍇𑌗𑌾𑌮𑌿𑌵 𑌦𑍁𑌰𑍍𑌬𑌲𑌾𑌮𑍍 ॥ 5 ॥

𑌸𑍍𑌤𑍋𑌤𑍁𑌂 𑌪𑍍𑌰𑌚𑌕𑍍𑌰𑌮𑍇 𑌭𑍂𑌯𑍋 𑌵𑌿𑌵𑌿𑌧𑍈𑌃 𑌸𑍍𑌤𑍋𑌤𑍍𑌰𑌸𑌂𑌭𑌵𑍈𑌃 ।
𑌆𑌮𑌂𑌤𑍍𑌰𑍍𑌯 𑌦𑌰𑍍𑌶𑌨𑌾𑌕𑌾𑌂𑌕𑍍𑌷𑍀 𑌰𑌾𑌜𑌾 𑌦𑍇𑌵𑍀𑌂 𑌸𑌹𑌾𑌨𑍁𑌜𑌃 ॥ 6 ॥

𑌨𑌮𑍋𑌽𑌸𑍍𑌤𑍁 𑌵𑌰𑌦𑍇 𑌕𑍃𑌷𑍍𑌣𑍇 𑌕𑍁𑌮𑌾𑌰𑌿 𑌬𑍍𑌰𑌹𑍍𑌮𑌚𑌾𑌰𑌿𑌣𑌿 ।
𑌬𑌾𑌲𑌾𑌰𑍍𑌕 𑌸𑌦𑍃𑌶𑌾𑌕𑌾𑌰𑍇 𑌪𑍂𑌰𑍍𑌣𑌚𑌂𑌦𑍍𑌰𑌨𑌿𑌭𑌾𑌨𑌨𑍇 ॥ 𑍭 ॥

𑌚𑌤𑍁𑌰𑍍𑌭𑍁𑌜𑍇 𑌚𑌤𑍁𑌰𑍍𑌵𑌕𑍍𑌤𑍍𑌰𑍇 𑌪𑍀𑌨𑌶𑍍𑌰𑍋𑌣𑌿𑌪𑌯𑍋𑌧𑌰𑍇 ।
𑌮𑌯𑍂𑌰𑌪𑌿𑌂𑌛𑌵𑌲𑌯𑍇 𑌕𑍇𑌯𑍂𑌰𑌾𑌂𑌗𑌦𑌧𑌾𑌰𑌿𑌣𑌿 ॥ 𑍮 ॥

𑌭𑌾𑌸𑌿 𑌦𑍇𑌵𑌿 𑌯𑌦𑌾 𑌪𑌦𑍍𑌮𑌾 𑌨𑌾𑌰𑌾𑌯𑌣𑌪𑌰𑌿𑌗𑍍𑌰𑌹𑌃 ।
𑌸𑍍𑌵𑌰𑍂𑌪𑌂 𑌬𑍍𑌰𑌹𑍍𑌮𑌚𑌰𑍍𑌯𑌂 𑌚 𑌵𑌿𑌶𑌦𑌂 𑌤𑌵 𑌖𑍇𑌚𑌰𑌿 ॥ 𑍯 ॥

𑌕𑍃𑌷𑍍𑌣𑌚𑍍𑌛𑌵𑌿𑌸𑌮𑌾 𑌕𑍃𑌷𑍍𑌣𑌾 𑌸𑌂𑌕𑌰𑍍𑌷𑌣𑌸𑌮𑌾𑌨𑌨𑌾 ।
𑌬𑌿𑌭𑍍𑌰𑌤𑍀 𑌵𑌿𑌪𑍁𑌲𑍌 𑌬𑌾𑌹𑍂 𑌶𑌕𑍍𑌰𑌧𑍍𑌵𑌜𑌸𑌮𑍁𑌚𑍍𑌛𑍍𑌰𑌯𑍌 ॥ 10 ॥

𑌪𑌾𑌤𑍍𑌰𑍀 𑌚 𑌪𑌂𑌕𑌜𑍀 𑌕𑌂𑌠𑍀 𑌸𑍍𑌤𑍍𑌰𑍀 𑌵𑌿𑌶𑍁𑌦𑍍𑌧𑌾 𑌚 𑌯𑌾 𑌭𑍁𑌵𑌿 ।
𑌪𑌾𑌶𑌂 𑌧𑌨𑍁𑌰𑍍𑌮𑌹𑌾𑌚𑌕𑍍𑌰𑌂 𑌵𑌿𑌵𑌿𑌧𑌾𑌨𑍍𑌯𑌾𑌯𑍁𑌧𑌾𑌨𑌿 𑌚 ॥ 11 ॥

𑌕𑍁𑌂𑌡𑌲𑌾𑌭𑍍𑌯𑌾𑌂 𑌸𑍁𑌪𑍂𑌰𑍍𑌣𑌾𑌭𑍍𑌯𑌾𑌂 𑌕𑌰𑍍𑌣𑌾𑌭𑍍𑌯𑌾𑌂 𑌚 𑌵𑌿𑌭𑍂𑌷𑌿𑌤𑌾 ।
𑌚𑌂𑌦𑍍𑌰𑌵𑌿𑌸𑍍𑌪𑌾𑌰𑍍𑌧𑌿𑌨𑌾 𑌦𑍇𑌵𑌿 𑌮𑍁𑌖𑍇𑌨 𑌤𑍍𑌵𑌂 𑌵𑌿𑌰𑌾𑌜𑌸𑍇 ॥ 12 ॥

𑌮𑍁𑌕𑍁𑌟𑍇𑌨 𑌵𑌿𑌚𑌿𑌤𑍍𑌰𑍇𑌣 𑌕𑍇𑌶𑌬𑌂𑌧𑍇𑌨 𑌶𑍋𑌭𑌿𑌨𑌾 ।
𑌭𑍁𑌜𑌂𑌗𑌾𑌽𑌭𑍋𑌗𑌵𑌾𑌸𑍇𑌨 𑌶𑍍𑌰𑍋𑌣𑌿𑌸𑍂𑌤𑍍𑌰𑍇𑌣 𑌰𑌾𑌜𑌤𑌾 ॥ 13 ॥

𑌭𑍍𑌰𑌾𑌜𑌸𑍇 𑌚𑌾𑌵𑌬𑌦𑍍𑌧𑍇𑌨 𑌭𑍋𑌗𑍇𑌨𑍇𑌵𑍇𑌹 𑌮𑌂𑌦𑌰𑌃 ।
𑌧𑍍𑌵𑌜𑍇𑌨 𑌶𑌿𑌖𑌿𑌪𑌿𑌂𑌛𑌾𑌨𑌾𑌂 𑌉𑌚𑍍𑌛𑍍𑌰𑌿𑌤𑍇𑌨 𑌵𑌿𑌰𑌾𑌜𑌸𑍇 ॥ 14 ॥

𑌕𑍌𑌮𑌾𑌰𑌂 𑌵𑍍𑌰𑌤𑌮𑌾𑌸𑍍𑌥𑌾𑌯 𑌤𑍍𑌰𑌿𑌦𑌿𑌵𑌂 𑌪𑌾𑌵𑌿𑌤𑌂 𑌤𑍍𑌵𑌯𑌾 ।
𑌤𑍇𑌨 𑌤𑍍𑌵𑌂 𑌸𑍍𑌤𑍂𑌯𑌸𑍇 𑌦𑍇𑌵𑌿 𑌤𑍍𑌰𑌿𑌦𑌶𑍈𑌃 𑌪𑍂𑌜𑍍𑌯𑌸𑍇𑌽𑌪𑌿 𑌚 ॥ 15 ॥

𑌤𑍍𑌰𑍈𑌲𑍋𑌕𑍍𑌯 𑌰𑌕𑍍𑌷𑌣𑌾𑌰𑍍𑌥𑌾𑌯 𑌮𑌹𑌿𑌷𑌾𑌸𑍁𑌰𑌨𑌾𑌶𑌿𑌨𑌿 ।
𑌪𑍍𑌰𑌸𑌨𑍍𑌨𑌾 𑌮𑍇 𑌸𑍁𑌰𑌶𑍍𑌰𑍇𑌷𑍍𑌠𑍇 𑌦𑌯𑌾𑌂 𑌕𑍁𑌰𑍁 𑌶𑌿𑌵𑌾 𑌭𑌵 ॥ 16 ॥

𑌜𑌯𑌾 𑌤𑍍𑌵𑌂 𑌵𑌿𑌜𑌯𑌾 𑌚𑍈𑌵 𑌸𑌂𑌗𑍍𑌰𑌾𑌮𑍇 𑌚 𑌜𑌯𑌪𑍍𑌰𑌦𑌾 ।
𑌮𑌮𑌾𑌽𑌪𑌿 𑌵𑌿𑌜𑌯𑌂 𑌦𑍇𑌹𑌿 𑌵𑌰𑌦𑌾 𑌤𑍍𑌵𑌂 𑌚 𑌸𑌾𑌂𑌪𑍍𑌰𑌤𑌮𑍍 ॥ 1𑍭 ॥

𑌵𑌿𑌂𑌧𑍍𑌯𑍇 𑌚𑍈𑌵 𑌨𑌗𑌶𑍍𑌰𑍇𑌷𑍍𑌟𑍇 𑌤𑌵 𑌸𑍍𑌥𑌾𑌨𑌂 𑌹𑌿 𑌶𑌾𑌶𑍍𑌵𑌤𑌮𑍍 ।
𑌕𑌾𑌳𑌿 𑌕𑌾𑌳𑌿 𑌮𑌹𑌾𑌕𑌾𑌳𑌿 𑌸𑍀𑌧𑍁𑌮𑌾𑌂𑌸 𑌪𑌶𑍁𑌪𑍍𑌰𑌿𑌯𑍇 ॥ 1𑍮 ॥

𑌕𑍃𑌤𑌾𑌨𑍁𑌯𑌾𑌤𑍍𑌰𑌾 𑌭𑍂𑌤𑍈𑌸𑍍𑌤𑍍𑌵𑌂 𑌵𑌰𑌦𑌾 𑌕𑌾𑌮𑌚𑌾𑌰𑌿𑌣𑌿 ।
𑌭𑌾𑌰𑌾𑌵𑌤𑌾𑌰𑍇 𑌯𑍇 𑌚 𑌤𑍍𑌵𑌾𑌂 𑌸𑌂𑌸𑍍𑌮𑌰𑌿𑌷𑍍𑌯𑌂𑌤𑌿 𑌮𑌾𑌨𑌵𑌾𑌃 ॥ 1𑍯 ॥

𑌪𑍍𑌰𑌣𑌮𑌂𑌤𑌿 𑌚 𑌯𑍇 𑌤𑍍𑌵𑌾𑌂 𑌹𑌿 𑌪𑍍𑌰𑌭𑌾𑌤𑍇 𑌤𑍁 𑌨𑌰𑌾 𑌭𑍁𑌵𑌿 ।
𑌨 𑌤𑍇𑌷𑌾𑌂 𑌦𑍁𑌰𑍍𑌲𑌭𑌂 𑌕𑌿𑌂𑌚𑌿𑌤𑍍 𑌪𑍁𑌤𑍍𑌰𑌤𑍋 𑌧𑌨𑌤𑍋𑌽𑌪𑌿 𑌵𑌾 ॥ 20 ॥

𑌦𑍁𑌰𑍍𑌗𑌾𑌤𑍍𑌤𑌾𑌰𑌯𑌸𑍇 𑌦𑍁𑌰𑍍𑌗𑍇 𑌤𑌤𑍍𑌵𑌂 𑌦𑍁𑌰𑍍𑌗𑌾 𑌸𑍍𑌮𑍃𑌤𑌾 𑌜𑌨𑍈𑌃 ।
𑌕𑌾𑌂𑌤𑌾𑌰𑍇𑌷𑍍𑌵𑌵𑌪𑌨𑍍𑌨𑌾𑌨𑌾𑌂 𑌮𑌗𑍍𑌨𑌾𑌨𑌾𑌂 𑌚 𑌮𑌹𑌾𑌰𑍍𑌣𑌵𑍇 ॥ 21 ॥
(𑌦𑌸𑍍𑌯𑍁𑌭𑌿𑌰𑍍𑌵𑌾 𑌨𑌿𑌰𑍁𑌦𑍍𑌧𑌾𑌨𑌾𑌂 𑌤𑍍𑌵𑌂 𑌗𑌤𑌿𑌃 𑌪𑌰𑌮𑌾 𑌨𑍃𑌣𑌾𑌮)

𑌜𑌲𑌪𑍍𑌰𑌤𑌰𑌣𑍇 𑌚𑍈𑌵 𑌕𑌾𑌂𑌤𑌾𑌰𑍇𑌷𑍍𑌵𑌟𑌵𑍀𑌷𑍁 𑌚 ।
𑌯𑍇 𑌸𑍍𑌮𑌰𑌂𑌤𑌿 𑌮𑌹𑌾𑌦𑍇𑌵𑍀𑌂 𑌨 𑌚 𑌸𑍀𑌦𑌂𑌤𑌿 𑌤𑍇 𑌨𑌰𑌾𑌃 ॥ 22 ॥

𑌤𑍍𑌵𑌂 𑌕𑍀𑌰𑍍𑌤𑌿𑌃 𑌶𑍍𑌰𑍀𑌰𑍍𑌧𑍃𑌤𑌿𑌃 𑌸𑌿𑌦𑍍𑌧𑌿𑌃 𑌹𑍍𑌰𑍀𑌰𑍍𑌵𑌿𑌦𑍍𑌯𑌾 𑌸𑌂𑌤𑌤𑌿𑌰𑍍𑌮𑌤𑌿𑌃 ।
𑌸𑌂𑌧𑍍𑌯𑌾 𑌰𑌾𑌤𑍍𑌰𑌿𑌃 𑌪𑍍𑌰𑌭𑌾 𑌨𑌿𑌦𑍍𑌰𑌾 𑌜𑍍𑌯𑍋𑌤𑍍𑌸𑍍𑌨𑌾 𑌕𑌾𑌂𑌤𑌿𑌃 𑌕𑍍𑌷𑌮𑌾 𑌦𑌯𑌾 ॥ 23 ॥

𑌨𑍃𑌣𑌾𑌂 𑌚 𑌬𑌂𑌧𑌨𑌂 𑌮𑍋𑌹𑌂 𑌪𑍁𑌤𑍍𑌰𑌨𑌾𑌶𑌂 𑌧𑌨𑌕𑍍𑌷𑌯𑌮𑍍 ।
𑌵𑍍𑌯𑌾𑌧𑌿𑌂 𑌮𑍃𑌤𑍍𑌯𑍁𑌂 𑌭𑌯𑌂 𑌚𑍈𑌵 𑌪𑍂𑌜𑌿𑌤𑌾 𑌨𑌾𑌶𑌯𑌿𑌷𑍍𑌯𑌸𑌿 ॥ 24 ॥

𑌸𑍋𑌽𑌹𑌂 𑌰𑌾𑌜𑍍𑌯𑌾𑌤𑍍𑌪𑌰𑌿𑌭𑍍𑌰𑌷𑍍𑌟𑌃 𑌶𑌰𑌣𑌂 𑌤𑍍𑌵𑌾𑌂 𑌪𑍍𑌰𑌪𑌨𑍍𑌨𑌵𑌾𑌨𑍍 ।
𑌪𑍍𑌰𑌣𑌤𑌶𑍍𑌚 𑌯𑌥𑌾 𑌮𑍂𑌰𑍍𑌧𑍍𑌨𑌾 𑌤𑌵 𑌦𑍇𑌵𑌿 𑌸𑍁𑌰𑍇𑌶𑍍𑌵𑌰𑌿 ॥ 25 ॥

𑌤𑍍𑌰𑌾𑌹𑌿 𑌮𑌾𑌂 𑌪𑌦𑍍𑌮𑌪𑌤𑍍𑌰𑌾𑌕𑍍𑌷𑌿 𑌸𑌤𑍍𑌯𑍇 𑌸𑌤𑍍𑌯𑌾 𑌭𑌵𑌸𑍍𑌵 𑌨𑌃 ।
𑌶𑌰𑌣𑌂 𑌭𑌵 𑌮𑍇 𑌦𑍁𑌰𑍍𑌗𑍇 𑌶𑌰𑌣𑍍𑌯𑍇 𑌭𑌕𑍍𑌤𑌵𑌤𑍍𑌸𑌲𑍇 ॥ 26 ॥

𑌏𑌵𑌂 𑌸𑍍𑌤𑍁𑌤𑌾 𑌹𑌿 𑌸𑌾 𑌦𑍇𑌵𑍀 𑌦𑌰𑍍𑌶𑌯𑌾𑌮𑌾𑌸 𑌪𑌾𑌂𑌡𑌵𑌮𑍍 ।
𑌉𑌪𑌗𑌮𑍍𑌯 𑌤𑍁 𑌰𑌾𑌜𑌾𑌨𑌮𑌿𑌦𑌂 𑌵𑌚𑌨𑌮𑌬𑍍𑌰𑌵𑍀𑌤𑍍 ॥ 2𑍭 ॥

𑌶𑍃𑌣𑍁 𑌰𑌾𑌜𑌨𑍍 𑌮𑌹𑌾𑌬𑌾𑌹𑍋 𑌮𑌦𑍀𑌯𑌂 𑌵𑌚𑌨𑌂 𑌪𑍍𑌰𑌭𑍋 ।
𑌭𑌵𑌿𑌷𑍍𑌯𑌤𑍍𑌯𑌚𑌿𑌰𑌾𑌦𑍇𑌵 𑌸𑌂𑌗𑍍𑌰𑌾𑌮𑍇 𑌵𑌿𑌜𑌯𑌸𑍍𑌤𑌵 ॥ 2𑍮 ॥

𑌮𑌮 𑌪𑍍𑌰𑌸𑌾𑌦𑌾𑌨𑍍𑌨𑌿𑌰𑍍𑌜𑌿𑌤𑍍𑌯 𑌹𑌤𑍍𑌵𑌾 𑌕𑍌𑌰𑌵 𑌵𑌾𑌹𑌿𑌨𑍀𑌮𑍍 ।
𑌰𑌾𑌜𑍍𑌯𑌂 𑌨𑌿𑌷𑍍𑌕𑌂𑌟𑌕𑌂 𑌕𑍃𑌤𑍍𑌵𑌾 𑌭𑍋𑌕𑍍𑌷𑍍𑌯𑌸𑍇 𑌮𑍇𑌦𑌿𑌨𑍀𑌂 𑌪𑍁𑌨𑌃 ॥ 2𑍯 ॥

𑌭𑍍𑌰𑌾𑌤𑍃𑌭𑌿𑌃 𑌸𑌹𑌿𑌤𑍋 𑌰𑌾𑌜𑌨𑍍 𑌪𑍍𑌰𑍀𑌤𑌿𑌂 𑌪𑍍𑌰𑌾𑌪𑍍𑌸𑍍𑌯𑌸𑌿 𑌪𑍁𑌷𑍍𑌕𑌲𑌾𑌮𑍍 ।
𑌮𑌤𑍍𑌪𑍍𑌰𑌸𑌾𑌦𑌾𑌚𑍍𑌚 𑌤𑍇 𑌸𑍌𑌖𑍍𑌯𑌂 𑌆𑌰𑍋𑌗𑍍𑌯𑌂 𑌚 𑌭𑌵𑌿𑌷𑍍𑌯𑌤𑌿 ॥ 30 ॥

𑌯𑍇 𑌚 𑌸𑌂𑌕𑍀𑌰𑍍𑌤𑌯𑌿𑌷𑍍𑌯𑌂𑌤𑌿 𑌲𑍋𑌕𑍇 𑌵𑌿𑌗𑌤𑌕𑌲𑍍𑌮𑌷𑌾𑌃 ।
𑌤𑍇𑌷𑌾𑌂 𑌤𑍁𑌷𑍍𑌟𑌾 𑌪𑍍𑌰𑌦𑌾𑌸𑍍𑌯𑌾𑌮𑌿 𑌰𑌾𑌜𑍍𑌯𑌮𑌾𑌯𑍁𑌰𑍍𑌵𑌪𑍁𑌸𑍍𑌸𑍁𑌤𑌮𑍍 ॥ 31 ॥

𑌪𑍍𑌰𑌵𑌾𑌸𑍇 𑌨𑌗𑌰𑍇 𑌚𑌾𑌪𑌿 𑌸𑌂𑌗𑍍𑌰𑌾𑌮𑍇 𑌶𑌤𑍍𑌰𑍁𑌸𑌂𑌕𑌟𑍇 ।
𑌅𑌟𑌵𑍍𑌯𑌾𑌂 𑌦𑍁𑌰𑍍𑌗𑌕𑌾𑌂𑌤𑌾𑌰𑍇 𑌸𑌾𑌗𑌰𑍇 𑌗𑌹𑌨𑍇 𑌗𑌿𑌰𑍌 ॥ 32 ॥

𑌯𑍇 𑌸𑍍𑌮𑌰𑌿𑌷𑍍𑌯𑌂𑌤𑌿 𑌮𑌾𑌂 𑌰𑌾𑌜𑌨𑍍 𑌯𑌥𑌾𑌹𑌂 𑌭𑌵𑌤𑌾 𑌸𑍍𑌮𑍃𑌤𑌾 ।
𑌨 𑌤𑍇𑌷𑌾𑌂 𑌦𑍁𑌰𑍍𑌲𑌭𑌂 𑌕𑌿𑌂𑌚𑌿𑌦𑌸𑍍𑌮𑌿𑌨𑍍 𑌲𑍋𑌕𑍇 𑌭𑌵𑌿𑌷𑍍𑌯𑌤𑌿 ॥ 33 ॥

𑌯 𑌇𑌦𑌂 𑌪𑌰𑌮𑌸𑍍𑌤𑍋𑌤𑍍𑌰𑌂 𑌭𑌕𑍍𑌤𑍍𑌯𑌾 𑌶𑍃𑌣𑍁𑌯𑌾𑌦𑍍𑌵𑌾 𑌪𑌠𑍇𑌤 𑌵𑌾 ।
𑌤𑌸𑍍𑌯 𑌸𑌰𑍍𑌵𑌾𑌣𑌿 𑌕𑌾𑌰𑍍𑌯𑌾𑌣𑌿 𑌸𑌿𑌧𑍍𑌧𑌿𑌂 𑌯𑌾𑌸𑍍𑌯𑌂𑌤𑌿 𑌪𑌾𑌂𑌡𑌵𑌾𑌃 ॥ 34 ॥

𑌮𑌤𑍍𑌪𑍍𑌰𑌸𑌾𑌦𑌾𑌚𑍍𑌚 𑌵𑌸𑍍𑌸𑌰𑍍𑌵𑌾𑌨𑍍 𑌵𑌿𑌰𑌾𑌟𑌨𑌗𑌰𑍇 𑌸𑍍𑌥𑌿𑌤𑌾𑌨𑍍 ।
𑌨 𑌪𑍍𑌰𑌜𑍍𑌞𑌾𑌸𑍍𑌯𑌂𑌤𑌿 𑌕𑍁𑌰𑌵𑌃 𑌨𑌰𑌾 𑌵𑌾 𑌤𑌨𑍍𑌨𑌿𑌵𑌾𑌸𑌿𑌨𑌃 ॥ 35 ॥

𑌇𑌤𑍍𑌯𑍁𑌕𑍍𑌤𑍍𑌵𑌾 𑌵𑌰𑌦𑌾 𑌦𑍇𑌵𑍀 𑌯𑍁𑌧𑌿𑌷𑍍𑌠𑌿𑌰𑌮𑌰𑌿𑌂𑌦𑌮𑌮𑍍 ।
𑌰𑌕𑍍𑌷𑌾𑌂 𑌕𑍃𑌤𑍍𑌵𑌾 𑌚 𑌪𑌾𑌂𑌡𑍂𑌨𑌾𑌂 𑌤𑌤𑍍𑌰𑍈𑌵𑌾𑌂𑌤𑌰𑌧𑍀𑌯𑌤 ॥ 3𑍮 ॥


Browse Related Categories: