𑌗𑌰𑍍𑌭𑌰𑌕𑍍𑌷𑌾𑌂𑌬𑌿𑌕𑌾 𑌸𑍍𑌤𑍋𑌤𑍍𑌰𑌮𑍍

Collection of Spiritual and Devotional Literature in Various Indian Languages

View this in:

𑌶𑍍𑌰𑍀𑌮𑌾𑌧𑌵𑍀 𑌕𑌾𑌨𑌨𑌸𑍍𑌥𑍇 𑌗𑌰𑍍𑌭𑌰𑌕𑍍𑌷𑌾𑌂𑌬𑌿𑌕𑍇 𑌪𑌾𑌹𑌿 𑌭𑌕𑍍𑌤𑌾𑌂 𑌸𑍍𑌤𑍁𑌵𑌂𑌤𑍀𑌮𑍍 ॥

𑌵𑌾𑌪𑍀𑌤𑌟𑍇 𑌵𑌾𑌮𑌭𑌾𑌗𑍇
𑌵𑌾𑌮𑌦𑍇𑌵𑌸𑍍𑌯 𑌦𑍇𑌵𑌸𑍍𑌯 𑌦𑍇𑌵𑌿 𑌸𑍍𑌥𑌿𑌤𑌾 𑌤𑍍𑌵𑌮𑍍 ।
𑌮𑌾𑌨𑍍𑌯𑌾 𑌵𑌰𑍇𑌣𑍍𑌯𑌾 𑌵𑌦𑌾𑌨𑍍𑌯𑌾
𑌪𑌾𑌹𑌿 𑌗𑌰𑍍𑌭𑌸𑍍𑌥𑌜𑌂𑌤𑍂𑌨𑍍 𑌤𑌥𑌾 𑌭𑌕𑍍𑌤𑌲𑍋𑌕𑌾𑌨𑍍 ॥ 1 ॥

𑌶𑍍𑌰𑍀𑌗𑌰𑍍𑌭𑌰𑌕𑍍𑌷𑌾𑌪𑍁𑌰𑍇 𑌯𑌾
𑌦𑌿𑌵𑍍𑌯𑌸𑍌𑌂𑌦𑌰𑍍𑌯𑌯𑍁𑌕𑍍𑌤𑌾 𑌸𑍁𑌮𑌾𑌂𑌗𑌳𑍍𑌯𑌗𑌾𑌤𑍍𑌰𑍀 ।
𑌧𑌾𑌤𑍍𑌰𑍀 𑌜𑌨𑌿𑌤𑍍𑌰𑍀 𑌜𑌨𑌾𑌨𑌾𑌂
𑌦𑌿𑌵𑍍𑌯𑌰𑍂𑌪𑌾𑌂 𑌦𑌯𑌾𑌰𑍍𑌦𑍍𑌰𑌾𑌂 𑌮𑌨𑍋𑌜𑍍𑌞𑌾𑌂 𑌭𑌜𑍇 𑌤𑍍𑌵𑌾𑌮𑍍 ॥ 2 ॥

𑌆𑌷𑌾𑌢𑌮𑌾𑌸𑍇 𑌸𑍁𑌪𑍁𑌣𑍍𑌯𑍇
𑌶𑍁𑌕𑍍𑌰𑌵𑌾𑌰𑍇 𑌸𑍁𑌗𑌂𑌧𑍇𑌨 𑌗𑌂𑌧𑍇𑌨 𑌲𑌿𑌪𑍍𑌤𑌾 ।
𑌦𑌿𑌵𑍍𑌯𑌾𑌂𑌬𑌰𑌾𑌕𑌲𑍍𑌪𑌵𑍇𑌷𑌾
𑌵𑌾𑌜𑌪𑍇𑌯𑌾𑌦𑌿𑌯𑌾𑌗𑌸𑍍𑌥𑌭𑌕𑍍𑌤𑍈𑌃 𑌸𑍁𑌦𑍃𑌷𑍍𑌟𑌾 ॥ 3 ॥

𑌕𑌲𑍍𑌯𑌾𑌣𑌦𑌾𑌤𑍍𑌰𑍀𑌂 𑌨𑌮𑌸𑍍𑌯𑍇
𑌵𑍇𑌦𑌿𑌕𑌾𑌢𑍍𑌯𑌸𑍍𑌤𑍍𑌰𑌿𑌯𑌾 𑌗𑌰𑍍𑌭𑌰𑌕𑍍𑌷𑌾𑌕𑌰𑍀𑌂 𑌤𑍍𑌵𑌾𑌮𑍍 ।
𑌬𑌾𑌲𑍈𑌸𑍍𑌸𑌦𑌾 𑌸𑍇𑌵𑌿𑌤𑌾𑌂𑌘𑍍𑌰𑌿𑌂
𑌗𑌰𑍍𑌭𑌰𑌕𑍍𑌷𑌾𑌰𑍍𑌥𑌮𑌾𑌰𑌾𑌦𑍁𑌪𑍇𑌤𑍈𑌰𑍁𑌪𑍇𑌤𑌾𑌮𑍍 ॥ 4 ॥

𑌬𑍍𑌰𑌹𑍍𑌮𑍋𑌤𑍍𑌸𑌵𑍇 𑌵𑌿𑌪𑍍𑌰𑌵𑍀𑌥𑍍𑌯𑌾𑌂
𑌵𑌾𑌦𑍍𑌯𑌘𑍋𑌷𑍇𑌣 𑌤𑍁𑌷𑍍𑌟𑌾𑌂 𑌰𑌥𑍇 𑌸𑌨𑍍𑌨𑌿𑌵𑌿𑌷𑍍𑌟𑌾𑌮𑍍 ।
𑌸𑌰𑍍𑌵𑌾𑌰𑍍𑌥𑌦𑌾𑌤𑍍𑌰𑍀𑌂 𑌭𑌜𑍇𑌽𑌹𑌂
𑌦𑍇𑌵𑌵𑍃𑌂𑌦𑍈𑌰𑌪𑍀𑌡𑍍𑌯𑌾𑌂 𑌜𑌗𑌨𑍍𑌮𑌾𑌤𑌰𑌂 𑌤𑍍𑌵𑌾𑌮𑍍 ॥ 5 ॥

𑌏𑌤𑌤𑍍 𑌕𑍃𑌤𑌂 𑌸𑍍𑌤𑍋𑌤𑍍𑌰𑌰𑌤𑍍𑌨𑌂
𑌦𑍀𑌕𑍍𑌷𑌿𑌤𑌾𑌨𑌂𑌤𑌰𑌾𑌮𑍇𑌣 𑌦𑍇𑌵𑍍𑌯𑌾𑌶𑍍𑌚 𑌤𑍁𑌷𑍍𑌟𑍍𑌯𑍈 ।
𑌨𑌿𑌤𑍍𑌯𑌂 𑌪𑌠𑍇𑌦𑍍𑌯𑌸𑍍𑌤𑍁 𑌭𑌕𑍍𑌤𑍍𑌯𑌾
𑌪𑍁𑌤𑍍𑌰𑌪𑍌𑌤𑍍𑌰𑌾𑌦𑌿 𑌭𑌾𑌗𑍍𑌯𑌂 𑌭𑌵𑍇𑌤𑍍𑌤𑌸𑍍𑌯 𑌨𑌿𑌤𑍍𑌯𑌮𑍍 ॥ 6 ॥

𑌇𑌤𑌿 𑌶𑍍𑌰𑍀𑌅𑌨𑌂𑌤𑌰𑌾𑌮𑌦𑍀𑌕𑍍𑌷𑌿𑌤𑌵𑌰𑍍𑌯 𑌵𑌿𑌰𑌚𑌿𑌤𑌂 𑌗𑌰𑍍𑌭𑌰𑌕𑍍𑌷𑌾𑌂𑌬𑌿𑌕𑌾 𑌸𑍍𑌤𑍋𑌤𑍍𑌰𑌮𑍍 ॥

Browse Related Categories: