𑌶𑍍𑌰𑍀 𑌮𑌹𑌾𑌕𑌾𑌳𑍀 𑌸𑍍𑌤𑍋𑌤𑍍𑌰𑌂

𑌧𑍍𑌯𑌾𑌨𑌮𑍍
𑌶𑌵𑌾𑌰𑍂𑌢𑌾𑌂 𑌮𑌹𑌾𑌭𑍀𑌮𑌾𑌂 𑌘𑍋𑌰𑌦𑌂𑌷𑍍𑌟𑍍𑌰𑌾𑌂 𑌵𑌰𑌪𑍍𑌰𑌦𑌾𑌂
𑌹𑌾𑌸𑍍𑌯𑌯𑍁𑌕𑍍𑌤𑌾𑌂 𑌤𑍍𑌰𑌿𑌣𑍇𑌤𑍍𑌰𑌾𑌂𑌚 𑌕𑌪𑌾𑌲 𑌕𑌰𑍍𑌤𑍍𑌰𑌿𑌕𑌾 𑌕𑌰𑌾𑌮𑍍 ।
𑌮𑍁𑌕𑍍𑌤𑌕𑍇𑌶𑍀𑌂 𑌲𑌲𑌜𑍍𑌜𑌿𑌹𑍍𑌵𑌾𑌂 𑌪𑌿𑌬𑌂𑌤𑍀𑌂 𑌰𑍁𑌧𑌿𑌰𑌂 𑌮𑍁𑌹𑍁𑌃
𑌚𑌤𑍁𑌰𑍍𑌬𑌾𑌹𑍁𑌯𑍁𑌤𑌾𑌂 𑌦𑍇𑌵𑍀𑌂 𑌵𑌰𑌾𑌭𑌯𑌕𑌰𑌾𑌂 𑌸𑍍𑌮𑌰𑍇𑌤𑍍 ॥

𑌶𑌵𑌾𑌰𑍂𑌢𑌾𑌂 𑌮𑌹𑌾𑌭𑍀𑌮𑌾𑌂 𑌘𑍋𑌰𑌦𑌂𑌷𑍍𑌟𑍍𑌰𑌾𑌂 𑌹𑌸𑌨𑍍𑌮𑍁𑌖𑍀𑌂
𑌚𑌤𑍁𑌰𑍍𑌭𑍁𑌜𑌾𑌂 𑌖𑌡𑍍𑌗𑌮𑍁𑌂𑌡𑌵𑌰𑌾𑌭𑌯𑌕𑌰𑌾𑌂 𑌶𑌿𑌵𑌾𑌮𑍍 ।
𑌮𑍁𑌂𑌡𑌮𑌾𑌲𑌾𑌧𑌰𑌾𑌂 𑌦𑍇𑌵𑍀𑌂 𑌲𑌲𑌜𑍍𑌜𑌿𑌹𑍍𑌵𑌾𑌂 𑌦𑌿𑌗𑌂𑌬𑌰𑌾𑌂
𑌏𑌵𑌂 𑌸𑌂𑌚𑌿𑌂𑌤𑌯𑍇𑌤𑍍𑌕𑌾𑌳𑍀𑌂 𑌶𑍍𑌮𑌶𑌨𑌾𑌲𑌯𑌵𑌾𑌸𑌿𑌨𑍀𑌮𑍍 ॥

𑌸𑍍𑌤𑍋𑌤𑍍𑌰𑌮𑍍
𑌵𑌿𑌶𑍍𑌵𑍇𑌶𑍍𑌵𑌰𑍀𑌂 𑌜𑌗𑌦𑍍𑌧𑌾𑌤𑍍𑌰𑍀𑌂 𑌸𑍍𑌥𑌿𑌤𑌿𑌸𑌂𑌹𑌾𑌰𑌕𑌾𑌰𑌿𑌣𑍀𑌮𑍍 ।
𑌨𑌿𑌦𑍍𑌰𑌾𑌂 𑌭𑌗𑌵𑌤𑍀𑌂 𑌵𑌿𑌷𑍍𑌣𑍋𑌰𑌤𑍁𑌲𑌾𑌂 𑌤𑍇𑌜𑌸𑌃 𑌪𑍍𑌰𑌭𑌾𑌮𑍍 ॥ 1 ॥

𑌤𑍍𑌵𑌂 𑌸𑍍𑌵𑌾𑌹𑌾 𑌤𑍍𑌵𑌂 𑌸𑍍𑌵𑌧𑌾 𑌤𑍍𑌵𑌂 𑌹𑌿 𑌵𑌷𑌟𑍍𑌕𑌾𑌰𑌃 𑌸𑍍𑌵𑌰𑌾𑌤𑍍𑌮𑌿𑌕𑌾 ।
𑌸𑍁𑌧𑌾 𑌤𑍍𑌵𑌮𑌕𑍍𑌷𑌰𑍇 𑌨𑌿𑌤𑍍𑌯𑍇 𑌤𑍍𑌰𑌿𑌧𑌾 𑌮𑌾𑌤𑍍𑌰𑌾𑌤𑍍𑌮𑌿𑌕𑌾 𑌸𑍍𑌥𑌿𑌤𑌾 ॥ 2 ॥

𑌅𑌰𑍍𑌥𑌮𑌾𑌤𑍍𑌰𑌾𑌸𑍍𑌥𑌿𑌤𑌾 𑌨𑌿𑌤𑍍𑌯𑌾 𑌯𑌾𑌨𑍁𑌚𑍍𑌚𑌾𑌰𑍍𑌯𑌾 𑌵𑌿𑌶𑍇𑌷𑌤𑌃 ।
𑌤𑍍𑌵𑌮𑍇𑌵 𑌸𑌂𑌧𑍍𑌯𑌾 𑌸𑌾𑌵𑌿𑌤𑍍𑌰𑍀 𑌤𑍍𑌵𑌂 𑌦𑍇𑌵𑍀 𑌜𑌨𑌨𑍀 𑌪𑌰𑌾 ॥ 3 ॥

𑌤𑍍𑌵𑌯𑍈𑌤𑌦𑍍𑌧𑌾𑌰𑍍𑌯𑌤𑍇 𑌵𑌿𑌶𑍍𑌵𑌂 𑌤𑍍𑌵𑌯𑍈𑌤𑌦𑍍𑌸𑍃𑌜𑍍𑌯𑌤𑍇 𑌜𑌗𑌤𑍍 ।
𑌤𑍍𑌵𑌯𑍈𑌤𑌤𑍍𑌪𑌾𑌲𑍍𑌯𑌤𑍇 𑌦𑍇𑌵𑌿 𑌤𑍍𑌵𑌮𑌤𑍍𑌸𑍍𑌯𑌂𑌤𑍇 𑌚 𑌸𑌰𑍍𑌵𑌦𑌾 ॥ 4 ॥

𑌵𑌿𑌸𑍃𑌷𑍍𑌟𑍌 𑌸𑍃𑌷𑍍𑌟𑌿𑌰𑍂𑌪𑌾 𑌤𑍍𑌵𑌂 𑌸𑍍𑌥𑌿𑌤𑌿𑌰𑍂𑌪𑌾 𑌚 𑌪𑌾𑌲𑌨𑍇 ।
𑌤𑌥𑌾 𑌸𑌂𑌹𑍃𑌤𑌿𑌰𑍂𑌪𑌾𑌂𑌤𑍇 𑌜𑌗𑌤𑍋𑌽𑌸𑍍𑌯 𑌜𑌗𑌨𑍍𑌮𑌯𑍇 ॥ 5 ॥

𑌮𑌹𑌾𑌵𑌿𑌦𑍍𑌯𑌾 𑌮𑌹𑌾𑌮𑌾𑌯𑌾 𑌮𑌹𑌾𑌮𑍇𑌧𑌾 𑌮𑌹𑌾𑌸𑍍𑌮𑍃𑌤𑌿𑌃 ।
𑌮𑌹𑌾𑌮𑍋𑌹𑌾 𑌚 𑌭𑌵𑌤𑍀 𑌮𑌹𑌾𑌦𑍇𑌵𑍀 𑌮𑌹𑍇𑌶𑍍𑌵𑌰𑍀 ॥ 6 ॥

𑌪𑍍𑌰𑌕𑍃𑌤𑌿𑌸𑍍𑌤𑍍𑌵𑌂 𑌚 𑌸𑌰𑍍𑌵𑌸𑍍𑌯 𑌗𑍁𑌣𑌤𑍍𑌰𑌯𑌵𑌿𑌭𑌾𑌵𑌿𑌨𑍀 ।
𑌕𑌾𑌲𑌰𑌾𑌤𑍍𑌰𑌿𑌰𑍍𑌮𑌹𑌾𑌰𑌾𑌤𑍍𑌰𑌿𑌰𑍍𑌮𑍋𑌹𑌰𑌾𑌤𑍍𑌰𑌿𑌶𑍍𑌚 𑌦𑌾𑌰𑍁𑌣𑌾 ॥ 𑍭 ॥

𑌤𑍍𑌵𑌂 𑌶𑍍𑌰𑍀𑌸𑍍𑌤𑍍𑌵𑌮𑍀𑌶𑍍𑌵𑌰𑍀 𑌤𑍍𑌵𑌂 𑌹𑍍𑌰𑍀𑌸𑍍𑌤𑍍𑌵𑌂 𑌬𑍁𑌦𑍍𑌧𑌿𑌰𑍍𑌬𑍋𑌧𑌲𑌕𑍍𑌷𑌣𑌾 ।
𑌲𑌜𑍍𑌜𑌾 𑌪𑍁𑌷𑍍𑌟𑌿𑌸𑍍𑌤𑌥𑌾 𑌤𑍁𑌷𑍍𑌟𑌿𑌸𑍍𑌤𑍍𑌵𑌂 𑌶𑌾𑌂𑌤𑌿𑌃 𑌕𑍍𑌷𑌾𑌂𑌤𑌿𑌰𑍇𑌵 𑌚 ॥ 𑍮 ॥

𑌖𑌡𑍍𑌗𑌿𑌨𑍀 𑌶𑍂𑌲𑌿𑌨𑍀 𑌘𑍋𑌰𑌾 𑌗𑌦𑌿𑌨𑍀 𑌚𑌕𑍍𑌰𑌿𑌣𑍀 𑌤𑌥𑌾 ।
𑌶𑌂𑌖𑌿𑌨𑍀 𑌚𑌾𑌪𑌿𑌨𑍀 𑌬𑌾𑌣𑌭𑍁𑌶𑍁𑌂𑌡𑍀𑌪𑌰𑌿𑌘𑌾𑌯𑍁𑌧𑌾 ॥ 𑍯 ॥

𑌸𑍌𑌮𑍍𑌯𑌾 𑌸𑍌𑌮𑍍𑌯𑌤𑌰𑌾𑌶𑍇𑌷𑌾 𑌸𑍌𑌮𑍍𑌯𑍇𑌭𑍍𑌯𑌸𑍍𑌤𑍍𑌵𑌤𑌿𑌸𑍁𑌂𑌦𑌰𑍀 ।
𑌪𑌰𑌾𑌪𑌰𑌾𑌣𑌾𑌂 𑌪𑌰𑌮𑌾 𑌤𑍍𑌵𑌮𑍇𑌵 𑌪𑌰𑌮𑍇𑌶𑍍𑌵𑌰𑍀 ॥ 10 ॥

𑌯𑌚𑍍𑌚 𑌕𑌿𑌂𑌚𑌿𑌤𑍍 𑌕𑍍𑌵𑌚𑌿𑌦𑍍𑌵𑌸𑍍𑌤𑍁 𑌸𑌦𑌸𑌦𑍍𑌵𑌾𑌖𑌿𑌲𑌾𑌤𑍍𑌮𑌿𑌕𑍇 ।
𑌤𑌸𑍍𑌯 𑌸𑌰𑍍𑌵𑌸𑍍𑌯 𑌯𑌾 𑌶𑌕𑍍𑌤𑌿𑌃 𑌸𑌾 𑌤𑍍𑌵𑌂 𑌕𑌿𑌂 𑌸𑍍𑌤𑍂𑌯𑌸𑍇 𑌤𑌦𑌾 ॥ 11 ॥

𑌯𑌯𑌾 𑌤𑍍𑌵𑌯𑌾 𑌜𑌗𑌤𑍍𑌸𑍍𑌰𑌷𑍍𑌟𑌾 𑌜𑌗𑌤𑍍𑌪𑌾𑌤𑍍𑌯𑌤𑍍𑌤𑌿 𑌯𑍋 𑌜𑌗𑌤𑍍 ।
𑌸𑍋𑌽𑌪𑌿 𑌨𑌿𑌦𑍍𑌰𑌾𑌵𑌶𑌂 𑌨𑍀𑌤𑌃 𑌕𑌸𑍍𑌤𑍍𑌵𑌾𑌂 𑌸𑍍𑌤𑍋𑌤𑍁𑌮𑌿𑌹𑍇𑌶𑍍𑌵𑌰𑌃 ॥ 12 ॥

𑌵𑌿𑌷𑍍𑌣𑍁𑌃 𑌶𑌰𑍀𑌰𑌗𑍍𑌰𑌹𑌣𑌮𑌹𑌮𑍀𑌶𑌾𑌨 𑌏𑌵 𑌚 ।
𑌕𑌾𑌰𑌿𑌤𑌾𑌸𑍍𑌤𑍇 𑌯𑌤𑍋𑌽𑌤𑌸𑍍𑌤𑍍𑌵𑌾𑌂 𑌕𑌃 𑌸𑍍𑌤𑍋𑌤𑍁𑌂 𑌶𑌕𑍍𑌤𑌿𑌮𑌾𑌨𑍍 𑌭𑌵𑍇𑌤𑍍 ॥ 13 ॥

𑌸𑌾 𑌤𑍍𑌵𑌮𑌿𑌤𑍍𑌥𑌂 𑌪𑍍𑌰𑌭𑌾𑌵𑍈𑌃 𑌸𑍍𑌵𑍈𑌰𑍁𑌦𑌾𑌰𑍈𑌰𑍍𑌦𑍇𑌵𑌿 𑌸𑌂𑌸𑍍𑌤𑍁𑌤𑌾 ।
𑌮𑍋𑌹𑌯𑍈𑌤𑍌 𑌦𑍁𑌰𑌾𑌧𑌰𑍍𑌷𑌾𑌵𑌸𑍁𑌰𑍌 𑌮𑌧𑍁𑌕𑍈𑌟𑌭𑍌 ॥ 14 ॥

𑌪𑍍𑌰𑌬𑍋𑌧𑌂 𑌚 𑌜𑌗𑌤𑍍𑌸𑍍𑌵𑌾𑌮𑍀 𑌨𑍀𑌯𑌤𑌾𑌮𑌚𑍍𑌯𑍁𑌤𑍋 𑌲𑌘𑍁 ।
𑌬𑍋𑌧𑌶𑍍𑌚 𑌕𑍍𑌰𑌿𑌯𑌤𑌾𑌮𑌸𑍍𑌯 𑌹𑌂𑌤𑍁𑌮𑍇𑌤𑍌 𑌮𑌹𑌾𑌸𑍁𑌰𑍌 ॥ 15 ॥

𑌇𑌤𑌿 𑌶𑍍𑌰𑍀 𑌮𑌹𑌾𑌕𑌾𑌳𑍀 𑌸𑍍𑌤𑍋𑌤𑍍𑌰𑌮𑍍 ।

Browse Related Categories: