𑌦𑍇𑌵𑍀 𑌮𑌾𑌹𑌾𑌤𑍍𑌮𑍍𑌯𑌂 𑌦𑍁𑌰𑍍𑌗𑌾 𑌸𑌪𑍍𑌤𑌶𑌤𑌿 𑌤𑍃𑌤𑍀𑌯𑍋𑌽𑌧𑍍𑌯𑌾𑌯𑌃

𑌧𑍍𑌯𑌾𑌨𑌂
𑌓𑌂 𑌉𑌦𑍍𑌯𑌦𑍍𑌭𑌾𑌨𑍁𑌸𑌹𑌸𑍍𑌰𑌕𑌾𑌂𑌤𑌿𑌂 𑌅𑌰𑍁𑌣𑌕𑍍𑌷𑍌𑌮𑌾𑌂 𑌶𑌿𑌰𑍋𑌮𑌾𑌲𑌿𑌕𑌾𑌂
𑌰𑌕𑍍𑌤𑌾𑌲𑌿𑌪𑍍𑌤 𑌪𑌯𑍋𑌧𑌰𑌾𑌂 𑌜𑌪𑌵𑌟𑍀𑌂 𑌵𑌿𑌦𑍍𑌯𑌾𑌮𑌭𑍀𑌤𑌿𑌂 𑌵𑌰𑌮𑍍 ।
𑌹𑌸𑍍𑌤𑌾𑌬𑍍𑌜𑍈𑌰𑍍𑌧𑌧𑌤𑍀𑌂 𑌤𑍍𑌰𑌿𑌨𑍇𑌤𑍍𑌰𑌵𑌕𑍍𑌤𑍍𑌰𑌾𑌰𑌵𑌿𑌂𑌦𑌶𑍍𑌰𑌿𑌯𑌂
𑌦𑍇𑌵𑍀𑌂 𑌬𑌦𑍍𑌧𑌹𑌿𑌮𑌾𑌂𑌶𑍁𑌰𑌤𑍍𑌨𑌮𑌕𑍁𑌟𑌾𑌂 𑌵𑌂𑌦𑍇𑌽𑌰𑌵𑌿𑌂𑌦𑌸𑍍𑌥𑌿𑌤𑌾𑌮𑍍 ॥

𑌋𑌷𑌿𑌰𑍁𑌵𑌾𑌚 ॥1॥

𑌨𑌿𑌹𑌨𑍍𑌯𑌮𑌾𑌨𑌂 𑌤𑌤𑍍𑌸𑍈𑌨𑍍𑌯𑌂 𑌅𑌵𑌲𑍋𑌕𑍍𑌯 𑌮𑌹𑌾𑌸𑍁𑌰𑌃।
𑌸𑍇𑌨𑌾𑌨𑍀𑌶𑍍𑌚𑌿𑌕𑍍𑌷𑍁𑌰𑌃 𑌕𑍋𑌪𑌾𑌦𑍍 𑌧𑍍𑌯𑌯𑍌 𑌯𑍋𑌦𑍍𑌧𑍁𑌮𑌥𑌾𑌂𑌬𑌿𑌕𑌾𑌮𑍍 ॥2॥

𑌸 𑌦𑍇𑌵𑍀𑌂 𑌶𑌰𑌵𑌰𑍍𑌷𑍇𑌣 𑌵𑌵𑌰𑍍𑌷 𑌸𑌮𑌰𑍇𑌽𑌸𑍁𑌰𑌃।
𑌯𑌥𑌾 𑌮𑍇𑌰𑍁𑌗𑌿𑌰𑍇𑌃𑌶𑍃𑌂𑌗𑌂 𑌤𑍋𑌯𑌵𑌰𑍍𑌷𑍇𑌣 𑌤𑍋𑌯𑌦𑌃 ॥3॥

𑌤𑌸𑍍𑌯 𑌛𑌿𑌤𑍍𑌵𑌾 𑌤𑌤𑍋 𑌦𑍇𑌵𑍀 𑌲𑍀𑌲𑌯𑍈𑌵 𑌶𑌰𑍋𑌤𑍍𑌕𑌰𑌾𑌨𑍍।
𑌜𑌘𑌾𑌨 𑌤𑍁𑌰𑌗𑌾𑌨𑍍𑌬𑌾𑌣𑍈𑌰𑍍𑌯𑌂𑌤𑌾𑌰𑌂 𑌚𑍈𑌵 𑌵𑌾𑌜𑌿𑌨𑌾𑌮𑍍 ॥4॥

𑌚𑌿𑌚𑍍𑌛𑍇𑌦 𑌚 𑌧𑌨𑍁𑌃𑌸𑌧𑍍𑌯𑍋 𑌧𑍍𑌵𑌜𑌂 𑌚𑌾𑌤𑌿𑌸𑌮𑍁𑌚𑍍𑌛𑍃𑌤𑌮𑍍।
𑌵𑌿𑌵𑍍𑌯𑌾𑌧 𑌚𑍈𑌵 𑌗𑌾𑌤𑍍𑌰𑍇𑌷𑍁 𑌚𑌿𑌨𑍍𑌨𑌧𑌨𑍍𑌵𑌾𑌨𑌮𑌾𑌶𑍁𑌗𑍈𑌃 ॥5॥

𑌸𑌚𑍍𑌛𑌿𑌨𑍍𑌨𑌧𑌨𑍍𑌵𑌾 𑌵𑌿𑌰𑌥𑍋 𑌹𑌤𑌾𑌶𑍍𑌵𑍋 𑌹𑌤𑌸𑌾𑌰𑌥𑌿𑌃।
𑌅𑌭𑍍𑌯𑌧𑌾𑌵𑌤 𑌤𑌾𑌂 𑌦𑍇𑌵𑍀𑌂 𑌖𑌡𑍍𑌗𑌚𑌰𑍍𑌮𑌧𑌰𑍋𑌽𑌸𑍁𑌰𑌃 ॥6॥

𑌸𑌿𑌂𑌹𑌮𑌾𑌹𑌤𑍍𑌯 𑌖𑌡𑍍𑌗𑍇𑌨 𑌤𑍀𑌕𑍍𑌷𑍍𑌣𑌧𑌾𑌰𑍇𑌣 𑌮𑍂𑌰𑍍𑌧𑌨𑌿।
𑌆𑌜𑌘𑌾𑌨 𑌭𑍁𑌜𑍇 𑌸𑌵𑍍𑌯𑍇 𑌦𑍇𑌵𑍀𑌂 𑌅𑌵𑍍𑌯𑌤𑌿𑌵𑍇𑌗𑌵𑌾𑌨𑍍 ॥6॥

𑌤𑌸𑍍𑌯𑌾𑌃 𑌖𑌡𑍍𑌗𑍋 𑌭𑍁𑌜𑌂 𑌪𑍍𑌰𑌾𑌪𑍍𑌯 𑌪𑌫𑌾𑌲 𑌨𑍃𑌪𑌨𑌂𑌦𑌨।
𑌤𑌤𑍋 𑌜𑌗𑍍𑌰𑌾𑌹 𑌶𑍂𑌲𑌂 𑌸 𑌕𑍋𑌪𑌾𑌦𑍍 𑌅𑌰𑍁𑌣𑌲𑍋𑌚𑌨𑌃 ॥𑍮॥

𑌚𑌿𑌕𑍍𑌷𑍇𑌪 𑌚 𑌤𑌤𑌸𑍍𑌤𑌤𑍍𑌤𑍁 𑌭𑌦𑍍𑌰𑌕𑌾𑌳𑍍𑌯𑌾𑌂 𑌮𑌹𑌾𑌸𑍁𑌰𑌃।
𑌜𑌾𑌜𑍍𑌵𑌲𑍍𑌯𑌮𑌾𑌨𑌂 𑌤𑍇𑌜𑍋𑌭𑍀 𑌰𑌵𑌿𑌬𑌿𑌂𑌬𑌮𑌿𑌵𑌾𑌂𑌬𑌰𑌾𑌤𑍍 ॥𑍯॥

𑌦𑍃𑌷𑍍𑌟𑍍𑌵𑌾 𑌤𑌦𑌾𑌪𑌤𑌚𑍍𑌛𑍂𑌲𑌂 𑌦𑍇𑌵𑍀 𑌶𑍂𑌲𑌮𑌮𑍁𑌂𑌚𑌤।
𑌤𑌚𑍍𑌛𑍂𑌲𑌂𑌶𑌤𑌧𑌾 𑌤𑍇𑌨 𑌨𑍀𑌤𑌂 𑌶𑍂𑌲𑌂 𑌸 𑌚 𑌮𑌹𑌾𑌸𑍁𑌰𑌃 ॥10॥

𑌹𑌤𑍇 𑌤𑌸𑍍𑌮𑌿𑌨𑍍𑌮𑌹𑌾𑌵𑍀𑌰𑍍𑌯𑍇 𑌮𑌹𑌿𑌷𑌸𑍍𑌯 𑌚𑌮𑍂𑌪𑌤𑍌।
𑌆𑌜𑌗𑌾𑌮 𑌗𑌜𑌾𑌰𑍂𑌡𑌃 𑌶𑍍𑌚𑌾𑌮𑌰𑌸𑍍𑌤𑍍𑌰𑌿𑌦𑌶𑌾𑌰𑍍𑌦𑌨𑌃 ॥11॥

𑌸𑍋𑌽𑌪𑌿 𑌶𑌕𑍍𑌤𑌿𑌂𑌮𑍁𑌮𑍋𑌚𑌾𑌥 𑌦𑍇𑌵𑍍𑌯𑌾𑌸𑍍𑌤𑌾𑌂 𑌅𑌂𑌬𑌿𑌕𑌾 𑌦𑍍𑌰𑍁𑌤𑌮𑍍।
𑌹𑍁𑌂𑌕𑌾𑌰𑌾𑌭𑌿𑌹𑌤𑌾𑌂 𑌭𑍂𑌮𑍌 𑌪𑌾𑌤𑌯𑌾𑌮𑌾𑌸𑌨𑌿𑌷𑍍𑌪𑍍𑌰𑌭𑌾𑌮𑍍 ॥12॥

𑌭𑌗𑍍𑌨𑌾𑌂 𑌶𑌕𑍍𑌤𑌿𑌂 𑌨𑌿𑌪𑌤𑌿𑌤𑌾𑌂 𑌦𑍃𑌷𑍍𑌟𑍍𑌵𑌾 𑌕𑍍𑌰𑍋𑌧𑌸𑌮𑌨𑍍𑌵𑌿𑌤𑌃
𑌚𑌿𑌕𑍍𑌷𑍇𑌪 𑌚𑌾𑌮𑌰𑌃 𑌶𑍂𑌲𑌂 𑌬𑌾𑌣𑍈𑌸𑍍𑌤𑌦𑌪𑌿 𑌸𑌾𑌚𑍍𑌛𑌿𑌨𑌤𑍍 ॥13॥

𑌤𑌤𑌃 𑌸𑌿𑌂𑌹𑌃𑌸𑌮𑍁𑌤𑍍𑌪𑌤𑍍𑌯 𑌗𑌜𑌕𑍁𑌂𑌤𑌰𑍇 𑌂𑌭𑌾𑌂𑌤𑌰𑍇𑌸𑍍𑌥𑌿𑌤𑌃।
𑌬𑌾𑌹𑍁𑌯𑍁𑌦𑍍𑌧𑍇𑌨 𑌯𑍁𑌯𑍁𑌧𑍇 𑌤𑍇𑌨𑍋𑌚𑍍𑌚𑍈𑌸𑍍𑌤𑍍𑌰𑌿𑌦𑌶𑌾𑌰𑌿𑌣𑌾 ॥14॥

𑌯𑍁𑌧𑍍𑌯𑌮𑌾𑌨𑍌 𑌤𑌤𑌸𑍍𑌤𑍌 𑌤𑍁 𑌤𑌸𑍍𑌮𑌾𑌨𑍍𑌨𑌾𑌗𑌾𑌨𑍍𑌮𑌹𑍀𑌂 𑌗𑌤𑍌
𑌯𑍁𑌯𑍁𑌧𑌾𑌤𑍇𑌽𑌤𑌿𑌸𑌂𑌰𑌬𑍍𑌧𑍌 𑌪𑍍𑌰𑌹𑌾𑌰𑍈 𑌅𑌤𑌿𑌦𑌾𑌰𑍁𑌣𑍈𑌃 ॥15॥

𑌤𑌤𑍋 𑌵𑍇𑌗𑌾𑌤𑍍 𑌖𑌮𑍁𑌤𑍍𑌪𑌤𑍍𑌯 𑌨𑌿𑌪𑌤𑍍𑌯 𑌚 𑌮𑍃𑌗𑌾𑌰𑌿𑌣𑌾।
𑌕𑌰𑌪𑍍𑌰𑌹𑌾𑌰𑍇𑌣 𑌶𑌿𑌰𑌶𑍍𑌚𑌾𑌮𑌰𑌸𑍍𑌯 𑌪𑍃𑌥𑌕𑍍 𑌕𑍃𑌤𑌮𑍍 ॥16॥

𑌉𑌦𑌗𑍍𑌰𑌶𑍍𑌚 𑌰𑌣𑍇 𑌦𑍇𑌵𑍍𑌯𑌾 𑌶𑌿𑌲𑌾𑌵𑍃𑌕𑍍𑌷𑌾𑌦𑌿𑌭𑌿𑌰𑍍𑌹𑌤𑌃।
𑌦𑌂𑌤 𑌮𑍁𑌷𑍍𑌟𑌿𑌤𑌲𑍈𑌶𑍍𑌚𑍈𑌵 𑌕𑌰𑌾𑌳𑌶𑍍𑌚 𑌨𑌿𑌪𑌾𑌤𑌿𑌤𑌃 ॥1𑍭॥

𑌦𑍇𑌵𑍀 𑌕𑍃𑌦𑍍𑌧𑌾 𑌗𑌦𑌾𑌪𑌾𑌤𑍈𑌃 𑌶𑍍𑌚𑍂𑌰𑍍𑌣𑌯𑌾𑌮𑌾𑌸 𑌚𑍋𑌦𑍍𑌧𑌤𑌮𑍍।
𑌭𑌾𑌷𑍍𑌕𑌲𑌂 𑌭𑌿𑌂𑌦𑌿𑌪𑌾𑌲𑍇𑌨 𑌬𑌾𑌣𑍈𑌸𑍍𑌤𑌾𑌮𑍍𑌰𑌂 𑌤𑌥𑌾𑌂𑌧𑌕𑌮𑍍 ॥1𑍮॥

𑌉𑌗𑍍𑌰𑌾𑌸𑍍𑌯𑌮𑍁𑌗𑍍𑌰𑌵𑍀𑌰𑍍𑌯𑌂 𑌚 𑌤𑌥𑍈𑌵 𑌚 𑌮𑌹𑌾𑌹𑌨𑍁𑌮𑍍
𑌤𑍍𑌰𑌿𑌨𑍇𑌤𑍍𑌰𑌾 𑌚 𑌤𑍍𑌰𑌿𑌶𑍂𑌲𑍇𑌨 𑌜𑌘𑌾𑌨 𑌪𑌰𑌮𑍇𑌶𑍍𑌵𑌰𑍀 ॥1𑍯॥

𑌬𑌿𑌡𑌾𑌲𑌸𑍍𑌯𑌾𑌸𑌿𑌨𑌾 𑌕𑌾𑌯𑌾𑌤𑍍 𑌪𑌾𑌤𑌯𑌾𑌮𑌾𑌸 𑌵𑍈 𑌶𑌿𑌰𑌃।
𑌦𑍁𑌰𑍍𑌧𑌰𑌂 𑌦𑍁𑌰𑍍𑌮𑍁𑌖𑌂 𑌚𑍋𑌭𑍌 𑌶𑌰𑍈𑌰𑍍𑌨𑌿𑌨𑍍𑌯𑍇 𑌯𑌮𑌕𑍍𑌷𑌯𑌮𑍍 ॥20॥

𑌏𑌵𑌂 𑌸𑌂𑌕𑍍𑌷𑍀𑌯𑌮𑌾𑌣𑍇 𑌤𑍁 𑌸𑍍𑌵𑌸𑍈𑌨𑍍𑌯𑍇 𑌮𑌹𑌿𑌷𑌾𑌸𑍁𑌰𑌃।
𑌮𑌾𑌹𑌿𑌷𑍇𑌣 𑌸𑍍𑌵𑌰𑍂𑌪𑍇𑌣 𑌤𑍍𑌰𑌾𑌸𑌯𑌾𑌮𑌾𑌸𑌤𑌾𑌨𑍍 𑌗𑌣𑌾𑌨𑍍 ॥21॥

𑌕𑌾𑌂𑌶𑍍𑌚𑌿𑌤𑍍𑌤𑍁𑌂𑌡𑌪𑍍𑌰𑌹𑌾𑌰𑍇𑌣 𑌖𑍁𑌰𑌕𑍍𑌷𑍇𑌪𑍈𑌸𑍍𑌤𑌥𑌾𑌪𑌰𑌾𑌨𑍍।
𑌲𑌾𑌂𑌗𑍂𑌲𑌤𑌾𑌡𑌿𑌤𑌾𑌂𑌶𑍍𑌚𑌾𑌨𑍍𑌯𑌾𑌨𑍍 𑌶𑍃𑌂𑌗𑌾𑌭𑍍𑌯𑌾𑌂 𑌚 𑌵𑌿𑌦𑌾𑌰𑌿𑌤𑌾 ॥22॥

𑌵𑍇𑌗𑍇𑌨 𑌕𑌾𑌂𑌶𑍍𑌚𑌿𑌦𑌪𑌰𑌾𑌨𑍍𑌨𑌾𑌦𑍇𑌨 𑌭𑍍𑌰𑌮𑌣𑍇𑌨 𑌚।
𑌨𑌿𑌃 𑌶𑍍𑌵𑌾𑌸𑌪𑌵𑌨𑍇𑌨𑌾𑌨𑍍𑌯𑌾𑌨𑍍 𑌪𑌾𑌤𑌯𑌾𑌮𑌾𑌸 𑌭𑍂𑌤𑌲𑍇॥23॥

𑌨𑌿𑌪𑌾𑌤𑍍𑌯 𑌪𑍍𑌰𑌮𑌥𑌾𑌨𑍀𑌕𑌮𑌭𑍍𑌯𑌧𑌾𑌵𑌤 𑌸𑍋𑌽𑌸𑍁𑌰𑌃
𑌸𑌿𑌂𑌹𑌂 𑌹𑌂𑌤𑍁𑌂 𑌮𑌹𑌾𑌦𑍇𑌵𑍍𑌯𑌾𑌃 𑌕𑍋𑌪𑌂 𑌚𑌕𑍍𑌰𑍇 𑌤𑌤𑍋𑌽𑌂𑌭𑌿𑌕𑌾 ॥24॥

𑌸𑍋𑌽𑌪𑌿 𑌕𑍋𑌪𑌾𑌨𑍍𑌮𑌹𑌾𑌵𑍀𑌰𑍍𑌯𑌃 𑌖𑍁𑌰𑌕𑍍𑌷𑍁𑌣𑍍𑌣𑌮𑌹𑍀𑌤𑌲𑌃।
𑌶𑍃𑌂𑌗𑌾𑌭𑍍𑌯𑌾𑌂 𑌪𑌰𑍍𑌵𑌤𑌾𑌨𑍁𑌚𑍍𑌚𑌾𑌂𑌶𑍍𑌚𑌿𑌕𑍍𑌷𑍇𑌪 𑌚 𑌨𑌨𑌾𑌦 𑌚 ॥25॥

𑌵𑍇𑌗 𑌭𑍍𑌰𑌮𑌣 𑌵𑌿𑌕𑍍𑌷𑍁𑌣𑍍𑌣𑌾 𑌮𑌹𑍀 𑌤𑌸𑍍𑌯 𑌵𑍍𑌯𑌶𑍀𑌰𑍍𑌯𑌤।
𑌲𑌾𑌂𑌗𑍂𑌲𑍇𑌨𑌾𑌹𑌤𑌶𑍍𑌚𑌾𑌬𑍍𑌧𑌿𑌃 𑌪𑍍𑌲𑌾𑌵𑌯𑌾𑌮𑌾𑌸 𑌸𑌰𑍍𑌵𑌤𑌃 ॥26॥

𑌧𑍁𑌤𑌶𑍃𑌂𑌗𑍍𑌵𑌿𑌭𑌿𑌨𑍍𑌨𑌾𑌶𑍍𑌚 𑌖𑌂𑌡𑌂 𑌖𑌂𑌡𑌂 𑌯𑌯𑍁𑌰𑍍𑌘𑌨𑌾𑌃।
𑌶𑍍𑌵𑌾𑌸𑌾𑌨𑌿𑌲𑌾𑌸𑍍𑌤𑌾𑌃 𑌶𑌤𑌶𑍋 𑌨𑌿𑌪𑍇𑌤𑍁𑌰𑍍𑌨𑌭𑌸𑍋𑌽𑌚𑌲𑌾𑌃 ॥2𑍭॥

𑌇𑌤𑌿𑌕𑍍𑌰𑍋𑌧𑌸𑌮𑌾𑌧𑍍𑌮𑌾𑌤𑌮𑌾𑌪𑌤𑌂𑌤𑌂 𑌮𑌹𑌾𑌸𑍁𑌰𑌮𑍍।
𑌦𑍃𑌷𑍍𑌟𑍍𑌵𑌾 𑌸𑌾 𑌚𑌂𑌡𑌿𑌕𑌾 𑌕𑍋𑌪𑌂 𑌤𑌦𑍍𑌵𑌧𑌾𑌯 𑌤𑌦𑌾𑌽𑌕𑌰𑍋𑌤𑍍 ॥2𑍮॥

𑌸𑌾 𑌕𑍍𑌷𑌿𑌤𑍍𑌪𑍍𑌵𑌾 𑌤𑌸𑍍𑌯 𑌵𑍈𑌪𑌾𑌶𑌂 𑌤𑌂 𑌬𑌬𑌂𑌧 𑌮𑌹𑌾𑌸𑍁𑌰𑌮𑍍।
𑌤𑌤𑍍𑌯𑌾𑌜𑌮𑌾𑌹𑌿𑌷𑌂 𑌰𑍂𑌪𑌂 𑌸𑍋𑌽𑌪𑌿 𑌬𑌦𑍍𑌧𑍋 𑌮𑌹𑌾𑌮𑍃𑌧𑍇 ॥2𑍯॥

𑌤𑌤𑌃 𑌸𑌿𑌂𑌹𑍋𑌽𑌭𑌵𑌤𑍍𑌸𑌧𑍍𑌯𑍋 𑌯𑌾𑌵𑌤𑍍𑌤𑌸𑍍𑌯𑌾𑌂𑌬𑌿𑌕𑌾 𑌶𑌿𑌰𑌃।
𑌛𑌿𑌨𑌤𑍍𑌤𑌿 𑌤𑌾𑌵𑌤𑍍 𑌪𑍁𑌰𑍁𑌷𑌃 𑌖𑌡𑍍𑌗𑌪𑌾𑌣𑌿 𑌰𑌦𑍃𑌶𑍍𑌯𑌤 ॥30॥

𑌤𑌤 𑌏𑌵𑌾𑌶𑍁 𑌪𑍁𑌰𑍁𑌷𑌂 𑌦𑍇𑌵𑍀 𑌚𑌿𑌚𑍍𑌛𑍇𑌦 𑌸𑌾𑌯𑌕𑍈𑌃।
𑌤𑌂 𑌖𑌡𑍍𑌗𑌚𑌰𑍍𑌮𑌣𑌾 𑌸𑌾𑌰𑍍𑌧𑌂 𑌤𑌤𑌃 𑌸𑍋𑌽 𑌭𑍂𑌨𑍍𑌮𑌹𑌾 𑌗𑌜𑌃 ॥31॥

𑌕𑌰𑍇𑌣 𑌚 𑌮𑌹𑌾𑌸𑌿𑌂𑌹𑌂 𑌤𑌂 𑌚𑌕𑌰𑍍𑌷 𑌜𑌗𑌰𑍍𑌜𑌚 ।
𑌕𑌰𑍍𑌷𑌤𑌸𑍍𑌤𑍁 𑌕𑌰𑌂 𑌦𑍇𑌵𑍀 𑌖𑌡𑍍𑌗𑍇𑌨 𑌨𑌿𑌰𑌕𑍃𑌂𑌤𑌤 ॥32॥

𑌤𑌤𑍋 𑌮𑌹𑌾𑌸𑍁𑌰𑍋 𑌭𑍂𑌯𑍋 𑌮𑌾𑌹𑌿𑌷𑌂 𑌵𑌪𑍁𑌰𑌾𑌸𑍍𑌥𑌿𑌤𑌃।
𑌤𑌥𑍈𑌵 𑌕𑍍𑌷𑍋𑌭𑌯𑌾𑌮𑌾𑌸 𑌤𑍍𑌰𑍈𑌲𑍋𑌕𑍍𑌯𑌂 𑌸𑌚𑌰𑌾𑌚𑌰𑌮𑍍 ॥33॥

𑌤𑌤𑌃 𑌕𑍍𑌰𑍁𑌦𑍍𑌧𑌾 𑌜𑌗𑌨𑍍𑌮𑌾𑌤𑌾 𑌚𑌂𑌡𑌿𑌕𑌾 𑌪𑌾𑌨 𑌮𑍁𑌤𑍍𑌤𑌮𑌮𑍍।
𑌪𑌪𑍌 𑌪𑍁𑌨𑌃 𑌪𑍁𑌨𑌶𑍍𑌚𑍈𑌵 𑌜𑌹𑌾𑌸𑌾𑌰𑍁𑌣𑌲𑍋𑌚𑌨𑌾 ॥34॥

𑌨𑌨𑌰𑍍𑌦 𑌚𑌾𑌸𑍁𑌰𑌃 𑌸𑍋𑌽𑌪𑌿 𑌬𑌲𑌵𑍀𑌰𑍍𑌯𑌮𑌦𑍋𑌦𑍍𑌧𑌤𑌃।
𑌵𑌿𑌷𑌾𑌣𑌾𑌭𑍍𑌯𑌾𑌂 𑌚 𑌚𑌿𑌕𑍍𑌷𑍇𑌪 𑌚𑌂𑌡𑌿𑌕𑌾𑌂 𑌪𑍍𑌰𑌤𑌿𑌭𑍂𑌧𑌰𑌾𑌨𑍍॥35॥

𑌸𑌾 𑌚 𑌤𑌾 𑌨𑍍𑌪𑍍𑌰𑌹𑌿𑌤𑌾𑌂 𑌸𑍍𑌤𑍇𑌨 𑌚𑍂𑌰𑍍𑌣𑌯𑌂𑌤𑍀 𑌶𑌰𑍋𑌤𑍍𑌕𑌰𑍈𑌃।
𑌉𑌵𑌾𑌚 𑌤𑌂 𑌮𑌦𑍋𑌦𑍍𑌧𑍂𑌤𑌮𑍁𑌖𑌰𑌾𑌗𑌾𑌕𑍁𑌲𑌾𑌕𑍍𑌷𑌰𑌮𑍍 ॥36॥

𑌦𑍇𑌵𑍍𑌯𑍁𑌉𑌵𑌾𑌚॥

𑌗𑌰𑍍𑌜 𑌗𑌰𑍍𑌜 𑌕𑍍𑌷𑌣𑌂 𑌮𑍂𑌢 𑌮𑌧𑍁 𑌯𑌾𑌵𑌤𑍍𑌪𑌿𑌬𑌾𑌮𑍍𑌯𑌹𑌮𑍍।
𑌮𑌯𑌾𑌤𑍍𑌵𑌯𑌿 𑌹𑌤𑍇𑌽𑌤𑍍𑌰𑍈𑌵 𑌗𑌰𑍍𑌜𑌿𑌷𑍍𑌯𑌂𑌤𑍍𑌯𑌾𑌶𑍁 𑌦𑍇𑌵𑌤𑌾𑌃 ॥3𑍭॥

𑌋𑌷𑌿𑌰𑍁𑌵𑌾𑌚॥

𑌏𑌵𑌮𑍁𑌕𑍍𑌤𑍍𑌵𑌾 𑌸𑌮𑍁𑌤𑍍𑌪𑌤𑍍𑌯 𑌸𑌾𑌰𑍂𑌢𑌾 𑌤𑌂 𑌮𑌹𑌾𑌸𑍁𑌰𑌮𑍍।
𑌪𑌾𑌦𑍇𑌨𑌾 𑌕𑍍𑌰𑌮𑍍𑌯 𑌕𑌂𑌠𑍇 𑌚 𑌶𑍂𑌲𑍇𑌨𑍈𑌨 𑌮𑌤𑌾𑌡𑌯𑌤𑍍 ॥3𑍮॥

𑌤𑌤𑌃 𑌸𑍋𑌽𑌪𑌿 𑌪𑌦𑌾𑌕𑍍𑌰𑌾𑌂𑌤𑌸𑍍𑌤𑌯𑌾 𑌨𑌿𑌜𑌮𑍁𑌖𑌾𑌤𑍍𑌤𑌤𑌃।
𑌅𑌰𑍍𑌧 𑌨𑌿𑌷𑍍𑌕𑍍𑌰𑌾𑌂𑌤 𑌏𑌵𑌾𑌸𑍀𑌦𑍍𑌦𑍇𑌵𑍍𑌯𑌾 𑌵𑍀𑌰𑍍𑌯𑍇𑌣 𑌸𑌂𑌵𑍃𑌤𑌃 ॥40॥

𑌅𑌰𑍍𑌧 𑌨𑌿𑌷𑍍𑌕𑍍𑌰𑌾𑌂𑌤 𑌏𑌵𑌾𑌸𑍌 𑌯𑍁𑌧𑍍𑌯𑌮𑌾𑌨𑍋 𑌮𑌹𑌾𑌸𑍁𑌰𑌃 ।
𑌤𑌯𑌾 𑌮𑌹𑌾𑌸𑌿𑌨𑌾 𑌦𑍇𑌵𑍍𑌯𑌾 𑌶𑌿𑌰𑌶𑍍𑌛𑌿𑌤𑍍𑌤𑍍𑌵𑌾 𑌨𑌿𑌪𑌾𑌤𑌿𑌤𑌃 ॥41॥

𑌤𑌤𑍋 𑌹𑌾𑌹𑌾𑌕𑍃𑌤𑌂 𑌸𑌰𑍍𑌵𑌂 𑌦𑍈𑌤𑍍𑌯𑌸𑍈𑌨𑍍𑌯𑌂 𑌨𑌨𑌾𑌶 𑌤𑌤𑍍।
𑌪𑍍𑌰𑌹𑌰𑍍𑌷𑌂 𑌚 𑌪𑌰𑌂 𑌜𑌗𑍍𑌮𑍁𑌃 𑌸𑌕𑌲𑌾 𑌦𑍇𑌵𑌤𑌾𑌗𑌣𑌾𑌃 ॥42॥

𑌤𑍁𑌷𑍍𑌟𑍁 𑌵𑍁𑌸𑍍𑌤𑌾𑌂 𑌸𑍁𑌰𑌾 𑌦𑍇𑌵𑍀𑌂 𑌸𑌹𑌦𑌿𑌵𑍍𑌯𑍈𑌰𑍍𑌮𑌹𑌰𑍍𑌷𑌿𑌭𑌿𑌃।
𑌜𑌗𑍁𑌰𑍍𑌗𑍁𑌂𑌧𑌰𑍍𑌵𑌪𑌤𑌯𑍋 𑌨𑌨𑍃𑌤𑍁𑌶𑍍𑌚𑌾𑌪𑍍𑌸𑌰𑍋𑌗𑌣𑌾𑌃 ॥43॥

॥ 𑌇𑌤𑌿 𑌶𑍍𑌰𑍀 𑌮𑌾𑌰𑍍𑌕𑌂𑌡𑍇𑌯 𑌪𑍁𑌰𑌾𑌣𑍇 𑌸𑌾𑌵𑌰𑍍𑌨𑌿𑌕𑍇 𑌮𑌨𑍍𑌵𑌂𑌤𑌰𑍇 𑌦𑍇𑌵𑌿 𑌮𑌹𑌤𑍍𑌮𑍍𑌯𑍇 𑌮𑌹𑌿𑌷𑌾𑌸𑍁𑌰𑌵𑌧𑍋 𑌨𑌾𑌮 𑌤𑍃𑌤𑍀𑌯𑍋𑌽𑌧𑍍𑌯𑌾𑌯𑌂 𑌸𑌮𑌾𑌪𑍍𑌤𑌮𑍍 ॥

𑌆𑌹𑍁𑌤𑌿
𑌹𑍍𑌰𑍀𑌂 𑌜𑌯𑌂𑌤𑍀 𑌸𑌾𑌂𑌗𑌾𑌯𑍈 𑌸𑌾𑌯𑍁𑌧𑌾𑌯𑍈 𑌸𑌶𑌕𑍍𑌤𑌿𑌕𑌾𑌯𑍈 𑌸𑌪𑌰𑌿𑌵𑌾𑌰𑌾𑌯𑍈 𑌸𑌵𑌾𑌹𑌨𑌾𑌯𑍈 𑌶𑍍𑌰𑍀 𑌮𑌹𑌾𑌲𑌕𑍍𑌷𑍍𑌮𑍍𑌯𑍈 𑌲𑌕𑍍𑌷𑍍𑌮𑍀 𑌬𑍀𑌜𑌾𑌦𑌿𑌷𑍍𑌟𑌾𑌯𑍈 𑌮𑌹𑌾𑌹𑍁𑌤𑌿𑌂 𑌸𑌮𑌰𑍍𑌪𑌯𑌾𑌮𑌿 𑌨𑌮𑌃 𑌸𑍍𑌵𑌾𑌹𑌾 ॥

Browse Related Categories: