Sri Mahishasura Mardini Stotram (Ayigiri Nandini) - Grantha

𑌅𑌯𑌿 𑌗𑌿𑌰𑌿𑌨𑌂𑌦𑌿𑌨𑌿 𑌨𑌂𑌦𑌿𑌤𑌮𑍇𑌦𑌿𑌨𑌿 𑌵𑌿𑌶𑍍𑌵𑌵𑌿𑌨𑍋𑌦𑌿𑌨𑌿 𑌨𑌂𑌦𑌿𑌨𑍁𑌤𑍇
𑌗𑌿𑌰𑌿𑌵𑌰𑌵𑌿𑌂𑌧𑍍𑌯𑌶𑌿𑌰𑍋𑌧𑌿𑌨𑌿𑌵𑌾𑌸𑌿𑌨𑌿 𑌵𑌿𑌷𑍍𑌣𑍁𑌵𑌿𑌲𑌾𑌸𑌿𑌨𑌿 𑌜𑌿𑌷𑍍𑌣𑍁𑌨𑍁𑌤𑍇 ।
𑌭𑌗𑌵𑌤𑌿 𑌹𑍇 𑌶𑌿𑌤𑌿𑌕𑌂𑌠𑌕𑍁𑌟𑍁𑌂𑌬𑌿𑌨𑌿 𑌭𑍂𑌰𑌿𑌕𑍁𑌟𑍁𑌂𑌬𑌿𑌨𑌿 𑌭𑍂𑌰𑌿𑌕𑍃𑌤𑍇
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 1 ॥

𑌸𑍁𑌰𑌵𑌰𑌵𑌰𑍍𑌷𑌿𑌣𑌿 𑌦𑍁𑌰𑍍𑌧𑌰𑌧𑌰𑍍𑌷𑌿𑌣𑌿 𑌦𑍁𑌰𑍍𑌮𑍁𑌖𑌮𑌰𑍍𑌷𑌿𑌣𑌿 𑌹𑌰𑍍𑌷𑌰𑌤𑍇
𑌤𑍍𑌰𑌿𑌭𑍁𑌵𑌨𑌪𑍋𑌷𑌿𑌣𑌿 𑌶𑌂𑌕𑌰𑌤𑍋𑌷𑌿𑌣𑌿 𑌕𑌲𑍍𑌮𑌷𑌮𑍋𑌷𑌿𑌣𑌿 𑌘𑍋𑌰𑌰𑌤𑍇 । [𑌕𑌿𑌲𑍍𑌬𑌿𑌷-, 𑌘𑍋𑌷-]
𑌦𑌨𑍁𑌜𑌨𑌿𑌰𑍋𑌷𑌿𑌣𑌿 𑌦𑌿𑌤𑌿𑌸𑍁𑌤𑌰𑍋𑌷𑌿𑌣𑌿 𑌦𑍁𑌰𑍍𑌮𑌦𑌶𑍋𑌷𑌿𑌣𑌿 𑌸𑌿𑌂𑌧𑍁𑌸𑍁𑌤𑍇
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 2 ॥

𑌅𑌯𑌿 𑌜𑌗𑌦𑌂𑌬 𑌮𑌦𑌂𑌬 𑌕𑌦𑌂𑌬𑌵𑌨𑌪𑍍𑌰𑌿𑌯𑌵𑌾𑌸𑌿𑌨𑌿 𑌹𑌾𑌸𑌰𑌤𑍇
𑌶𑌿𑌖𑌰𑌿 𑌶𑌿𑌰𑍋𑌮𑌣𑌿 𑌤𑍁𑌂𑌗𑌹𑌿𑌮𑌾𑌲𑌯 𑌶𑍃𑌂𑌗𑌨𑌿𑌜𑌾𑌲𑌯 𑌮𑌧𑍍𑌯𑌗𑌤𑍇 ।
𑌮𑌧𑍁𑌮𑌧𑍁𑌰𑍇 𑌮𑌧𑍁𑌕𑍈𑌟𑌭𑌗𑌂𑌜𑌿𑌨𑌿 𑌕𑍈𑌟𑌭𑌭𑌂𑌜𑌿𑌨𑌿 𑌰𑌾𑌸𑌰𑌤𑍇
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 3 ॥

𑌅𑌯𑌿 𑌶𑌤𑌖𑌂𑌡 𑌵𑌿𑌖𑌂𑌡𑌿𑌤𑌰𑍁𑌂𑌡 𑌵𑌿𑌤𑍁𑌂𑌡𑌿𑌤𑌶𑍁𑌂𑌡 𑌗𑌜𑌾𑌧𑌿𑌪𑌤𑍇
𑌰𑌿𑌪𑍁𑌗𑌜𑌗𑌂𑌡 𑌵𑌿𑌦𑌾𑌰𑌣𑌚𑌂𑌡 𑌪𑌰𑌾𑌕𑍍𑌰𑌮𑌶𑍁𑌂𑌡 𑌮𑍃𑌗𑌾𑌧𑌿𑌪𑌤𑍇 ।
𑌨𑌿𑌜𑌭𑍁𑌜𑌦𑌂𑌡 𑌨𑌿𑌪𑌾𑌤𑌿𑌤𑌖𑌂𑌡 𑌵𑌿𑌪𑌾𑌤𑌿𑌤𑌮𑍁𑌂𑌡 𑌭𑌟𑌾𑌧𑌿𑌪𑌤𑍇 [-𑌚𑌂𑌡]
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 4 ॥

𑌅𑌯𑌿 𑌰𑌣𑌦𑍁𑌰𑍍𑌮𑌦 𑌶𑌤𑍍𑌰𑍁𑌵𑌧𑍋𑌦𑌿𑌤 𑌦𑍁𑌰𑍍𑌧𑌰𑌨𑌿𑌰𑍍𑌜𑌰 𑌶𑌕𑍍𑌤𑌿𑌭𑍃𑌤𑍇
𑌚𑌤𑍁𑌰𑌵𑌿𑌚𑌾𑌰𑌧𑍁𑌰𑍀𑌣 𑌮𑌹𑌾𑌶𑌿𑌵 𑌦𑍂𑌤𑌕𑍃𑌤 𑌪𑍍𑌰𑌮𑌥𑌾𑌧𑌿𑌪𑌤𑍇 ।
𑌦𑍁𑌰𑌿𑌤𑌦𑍁𑌰𑍀𑌹 𑌦𑍁𑌰𑌾𑌶𑌯 𑌦𑍁𑌰𑍍𑌮𑌤𑌿 𑌦𑌾𑌨𑌵𑌦𑍂𑌤 𑌕𑍃𑌤𑌾𑌂𑌤𑌮𑌤𑍇
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 5 ॥

𑌅𑌯𑌿 𑌶𑌰𑌣𑌾𑌗𑌤 𑌵𑍈𑌰𑌿𑌵𑌧𑍂𑌵𑌰 𑌵𑍀𑌰𑌵𑌰𑌾𑌭𑌯𑌦𑌾𑌯𑌕𑌰𑍇
𑌤𑍍𑌰𑌿𑌭𑍁𑌵𑌨 𑌮𑌸𑍍𑌤𑌕 𑌶𑍂𑌲𑌵𑌿𑌰𑍋𑌧𑌿 𑌶𑌿𑌰𑍋𑌧𑌿𑌕𑍃𑌤𑌾𑌮𑌲 𑌶𑍂𑌲𑌕𑌰𑍇 ।
𑌦𑍁𑌮𑌿𑌦𑍁𑌮𑌿𑌤𑌾𑌮𑌰 𑌦𑍁𑌂𑌦𑍁𑌭𑌿𑌨𑌾𑌦 𑌮𑌹𑍋 𑌮𑍁𑌖𑌰𑍀𑌕𑍃𑌤 𑌤𑌿𑌗𑍍𑌮𑌕𑌰𑍇
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 6 ॥

𑌅𑌯𑌿 𑌨𑌿𑌜𑌹𑍁𑌂𑌕𑍃𑌤𑌿𑌮𑌾𑌤𑍍𑌰 𑌨𑌿𑌰𑌾𑌕𑍃𑌤 𑌧𑍂𑌮𑍍𑌰𑌵𑌿𑌲𑍋𑌚𑌨 𑌧𑍂𑌮𑍍𑌰𑌶𑌤𑍇
𑌸𑌮𑌰𑌵𑌿𑌶𑍋𑌷𑌿𑌤 𑌶𑍋𑌣𑌿𑌤𑌬𑍀𑌜 𑌸𑌮𑍁𑌦𑍍𑌭𑌵𑌶𑍋𑌣𑌿𑌤 𑌬𑍀𑌜𑌲𑌤𑍇 ।
𑌶𑌿𑌵 𑌶𑌿𑌵 𑌶𑍁𑌂𑌭 𑌨𑌿𑌶𑍁𑌂𑌭 𑌮𑌹𑌾𑌹𑌵 𑌤𑌰𑍍𑌪𑌿𑌤 𑌭𑍂𑌤 𑌪𑌿𑌶𑌾𑌚𑌰𑌤𑍇
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 𑍭 ॥

𑌧𑌨𑍁𑌰𑌨𑍁𑌸𑌂𑌗 𑌰𑌣𑌕𑍍𑌷𑌣𑌸𑌂𑌗 𑌪𑌰𑌿𑌸𑍍𑌫𑍁𑌰𑌦𑌂𑌗 𑌨𑌟𑌤𑍍𑌕𑌟𑌕𑍇
𑌕𑌨𑌕 𑌪𑌿𑌶𑌂𑌗 𑌪𑍃𑌷𑌤𑍍𑌕𑌨𑌿𑌷𑌂𑌗𑌰𑌸𑌦𑍍𑌭𑌟 𑌶𑍃𑌂𑌗 𑌹𑌤𑌾𑌵𑌟𑍁𑌕𑍇 ।
𑌕𑍃𑌤𑌚𑌤𑍁𑌰𑌂𑌗 𑌬𑌲𑌕𑍍𑌷𑌿𑌤𑌿𑌰𑌂𑌗 𑌘𑌟𑌦𑍍𑌬𑌹𑍁𑌰𑌂𑌗 𑌰𑌟𑌦𑍍𑌬𑌟𑍁𑌕𑍇
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 𑍮 ॥

𑌸𑍁𑌰𑌲𑌲𑌨𑌾 𑌤𑌤𑌥𑍇𑌯𑌿 𑌤𑌥𑍇𑌯𑌿 𑌕𑍃𑌤𑌾𑌭𑌿𑌨𑌯𑍋𑌦𑌰 𑌨𑍃𑌤𑍍𑌯𑌰𑌤𑍇
𑌕𑍃𑌤 𑌕𑍁𑌕𑍁𑌥𑌃 𑌕𑍁𑌕𑍁𑌥𑍋 𑌗𑌡𑌦𑌾𑌦𑌿𑌕𑌤𑌾𑌲 𑌕𑍁𑌤𑍂𑌹𑌲 𑌗𑌾𑌨𑌰𑌤𑍇 ।
𑌧𑍁𑌧𑍁𑌕𑍁𑌟 𑌧𑍁𑌕𑍍𑌕𑍁𑌟 𑌧𑌿𑌂𑌧𑌿𑌮𑌿𑌤 𑌧𑍍𑌵𑌨𑌿 𑌧𑍀𑌰 𑌮𑍃𑌦𑌂𑌗 𑌨𑌿𑌨𑌾𑌦𑌰𑌤𑍇
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 𑍯 ॥

𑌜𑌯 𑌜𑌯 𑌜𑌪𑍍𑌯 𑌜𑌯𑍇 𑌜𑌯 𑌶𑌬𑍍𑌦𑌪𑌰𑌸𑍍𑌤𑍁𑌤𑌿 𑌤𑌤𑍍𑌪𑌰 𑌵𑌿𑌶𑍍𑌵𑌨𑍁𑌤𑍇
𑌭𑌣 𑌭𑌣 𑌭𑌿𑌂𑌜𑌿𑌮𑌿 𑌭𑌿𑌂𑌕𑍃𑌤𑌨𑍂𑌪𑍁𑌰 𑌸𑌿𑌂𑌜𑌿𑌤𑌮𑍋𑌹𑌿𑌤 𑌭𑍂𑌤𑌪𑌤𑍇 । [𑌝-, 𑌝𑌿𑌂-]
𑌨𑌟𑌿𑌤𑌨𑌟𑌾𑌰𑍍𑌧 𑌨𑌟𑍀𑌨𑌟𑌨𑌾𑌯𑌕 𑌨𑌾𑌟𑌿𑌤𑌨𑌾𑌟𑍍𑌯 𑌸𑍁𑌗𑌾𑌨𑌰𑌤𑍇
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 10 ॥

𑌅𑌯𑌿 𑌸𑍁𑌮𑌨𑌃 𑌸𑍁𑌮𑌨𑌃 𑌸𑍁𑌮𑌨𑌃 𑌸𑍁𑌮𑌨𑌃 𑌸𑍁𑌮𑌨𑍋𑌹𑌰 𑌕𑌾𑌂𑌤𑌿𑌯𑍁𑌤𑍇
𑌶𑍍𑌰𑌿𑌤 𑌰𑌜𑌨𑍀 𑌰𑌜𑌨𑍀 𑌰𑌜𑌨𑍀 𑌰𑌜𑌨𑍀 𑌰𑌜𑌨𑍀𑌕𑌰 𑌵𑌕𑍍𑌤𑍍𑌰𑌵𑍃𑌤𑍇 ।
𑌸𑍁𑌨𑌯𑌨 𑌵𑌿𑌭𑍍𑌰𑌮𑌰 𑌭𑍍𑌰𑌮𑌰 𑌭𑍍𑌰𑌮𑌰 𑌭𑍍𑌰𑌮𑌰 𑌭𑍍𑌰𑌮𑌰𑌾𑌧𑌿𑌪𑌤𑍇
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 11 ॥

𑌸𑌹𑌿𑌤 𑌮𑌹𑌾𑌹𑌵 𑌮𑌲𑍍𑌲𑌮 𑌤𑌲𑍍𑌲𑌿𑌕 𑌮𑌲𑍍𑌲𑌿𑌤 𑌰𑌲𑍍𑌲𑌕 𑌮𑌲𑍍𑌲𑌰𑌤𑍇
𑌵𑌿𑌰𑌚𑌿𑌤 𑌵𑌲𑍍𑌲𑌿𑌕 𑌪𑌲𑍍𑌲𑌿𑌕 𑌮𑌲𑍍𑌲𑌿𑌕 𑌭𑌿𑌲𑍍𑌲𑌿𑌕 𑌭𑌿𑌲𑍍𑌲𑌿𑌕 𑌵𑌰𑍍𑌗 𑌵𑍃𑌤𑍇 ।
𑌸𑌿𑌤𑌕𑍃𑌤 𑌫𑍁𑌲𑍍𑌲𑌸𑌮𑍁𑌲𑍍𑌲𑌸𑌿𑌤𑌾𑌰𑍁𑌣 𑌤𑌲𑍍𑌲𑌜 𑌪𑌲𑍍𑌲𑌵 𑌸𑌲𑍍𑌲𑌲𑌿𑌤𑍇
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 12 ॥

𑌅𑌵𑌿𑌰𑌲𑌗𑌂𑌡𑌗𑌲𑌨𑍍𑌮𑌦𑌮𑍇𑌦𑍁𑌰 𑌮𑌤𑍍𑌤𑌮𑌤𑌂𑌗𑌜 𑌰𑌾𑌜𑌪𑌤𑍇
𑌤𑍍𑌰𑌿𑌭𑍁𑌵𑌨𑌭𑍂𑌷𑌣 𑌭𑍂𑌤𑌕𑌲𑌾𑌨𑌿𑌧𑌿 𑌰𑍂𑌪𑌪𑌯𑍋𑌨𑌿𑌧𑌿 𑌰𑌾𑌜𑌸𑍁𑌤𑍇 ।
𑌅𑌯𑌿 𑌸𑍁𑌦𑌤𑍀𑌜𑌨 𑌲𑌾𑌲𑌸𑌮𑌾𑌨𑌸 𑌮𑍋𑌹𑌨𑌮𑌨𑍍𑌮𑌥 𑌰𑌾𑌜𑌸𑍁𑌤𑍇
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 13 ॥

𑌕𑌮𑌲𑌦𑌲𑌾𑌮𑌲 𑌕𑍋𑌮𑌲𑌕𑌾𑌂𑌤𑌿 𑌕𑌲𑌾𑌕𑌲𑌿𑌤𑌾𑌮𑌲 𑌭𑌾𑌲𑌲𑌤𑍇
𑌸𑌕𑌲𑌵𑌿𑌲𑌾𑌸 𑌕𑌳𑌾𑌨𑌿𑌲𑌯 𑌕𑍍𑌰𑌮𑌕𑍇𑌲𑌿𑌚𑌲𑌤𑍍𑌕𑌲𑌹𑌂𑌸𑌕𑍁𑌲𑍇 ।
𑌅𑌲𑌿𑌕𑍁𑌲 𑌸𑌂𑌕𑍁𑌲 𑌕𑍁𑌵𑌲𑌯 𑌮𑌂𑌡𑌲 𑌮𑍌𑌲𑌿𑌮𑌿𑌲𑌦𑍍𑌭𑌕𑍁𑌲𑌾𑌲𑌿 𑌕𑍁𑌲𑍇
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 14 ॥

𑌕𑌰𑌮𑍁𑌰𑌳𑍀𑌰𑌵 𑌵𑍀𑌜𑌿𑌤 𑌕𑍂𑌜𑌿𑌤 𑌲𑌜𑍍𑌜𑌿𑌤𑌕𑍋𑌕𑌿𑌲 𑌮𑌂𑌜𑍁𑌮𑌤𑍇
𑌮𑌿𑌲𑌿𑌤 𑌪𑍁𑌲𑌿𑌂𑌦 𑌮𑌨𑍋𑌹𑌰 𑌗𑍁𑌂𑌜𑌿𑌤 𑌰𑌂𑌜𑌿𑌤𑌶𑍈𑌲 𑌨𑌿𑌕𑍁𑌂𑌜𑌗𑌤𑍇 ।
𑌨𑌿𑌜𑌗𑍁𑌣𑌭𑍂𑌤 𑌮𑌹𑌾𑌶𑌬𑌰𑍀𑌗𑌣 𑌸𑌦𑍍𑌗𑍁𑌣𑌸𑌂𑌭𑍃𑌤 𑌕𑍇𑌳𑌿𑌤𑌲𑍇
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 15 ॥

𑌕𑌟𑌿𑌤𑌟𑌪𑍀𑌤 𑌦𑍁𑌕𑍂𑌲𑌵𑌿𑌚𑌿𑌤𑍍𑌰 𑌮𑌯𑍂𑌖𑌤𑌿𑌰𑌸𑍍𑌕𑍃𑌤 𑌚𑌂𑌦𑍍𑌰𑌰𑍁𑌚𑍇
𑌪𑍍𑌰𑌣𑌤𑌸𑍁𑌰𑌾𑌸𑍁𑌰 𑌮𑍌𑌳𑌿𑌮𑌣𑌿𑌸𑍍𑌫𑍁𑌰 𑌦𑌂𑌶𑍁𑌲𑌸𑌨𑍍𑌨𑌖 𑌚𑌂𑌦𑍍𑌰𑌰𑍁𑌚𑍇 ।
𑌜𑌿𑌤𑌕𑌨𑌕𑌾𑌚𑌲 𑌮𑍌𑌳𑌿𑌪𑌦𑍋𑌰𑍍𑌜𑌿𑌤 𑌨𑌿𑌰𑍍𑌭𑌰𑌕𑍁𑌂𑌜𑌰 𑌕𑍁𑌂𑌭𑌕𑍁𑌚𑍇
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 16 ॥

𑌵𑌿𑌜𑌿𑌤 𑌸𑌹𑌸𑍍𑌰𑌕𑌰𑍈𑌕 𑌸𑌹𑌸𑍍𑌰𑌕𑌰𑍈𑌕 𑌸𑌹𑌸𑍍𑌰𑌕𑌰𑍈𑌕𑌨𑍁𑌤𑍇
𑌕𑍃𑌤 𑌸𑍁𑌰𑌤𑌾𑌰𑌕 𑌸𑌂𑌗𑌰𑌤𑌾𑌰𑌕 𑌸𑌂𑌗𑌰𑌤𑌾𑌰𑌕 𑌸𑍂𑌨𑍁𑌸𑍁𑌤𑍇 ।
𑌸𑍁𑌰𑌥𑌸𑌮𑌾𑌧𑌿 𑌸𑌮𑌾𑌨𑌸𑌮𑌾𑌧𑌿 𑌸𑌮𑌾𑌧𑌿 𑌸𑌮𑌾𑌧𑌿 𑌸𑍁𑌜𑌾𑌤𑌰𑌤𑍇
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 1𑍭 ॥

𑌪𑌦𑌕𑌮𑌲𑌂 𑌕𑌰𑍁𑌣𑌾𑌨𑌿𑌲𑌯𑍇 𑌵𑌰𑌿𑌵𑌸𑍍𑌯𑌤𑌿 𑌯𑍋𑌽𑌨𑍁𑌦𑌿𑌨𑌂 𑌸 𑌶𑌿𑌵𑍇
𑌅𑌯𑌿 𑌕𑌮𑌲𑍇 𑌕𑌮𑌲𑌾𑌨𑌿𑌲𑌯𑍇 𑌕𑌮𑌲𑌾𑌨𑌿𑌲𑌯𑌃 𑌸 𑌕𑌥𑌂 𑌨 𑌭𑌵𑍇𑌤𑍍 ।
𑌤𑌵 𑌪𑌦𑌮𑍇𑌵 𑌪𑌰𑌂𑌪𑌦𑌮𑌿𑌤𑍍𑌯𑌨𑍁𑌶𑍀𑌲𑌯𑌤𑍋 𑌮𑌮 𑌕𑌿𑌂 𑌨 𑌶𑌿𑌵𑍇
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 1𑍮 ॥

𑌕𑌨𑌕𑌲𑌸𑌤𑍍𑌕𑌲 𑌸𑌿𑌂𑌧𑍁𑌜𑌲𑍈𑌰𑌨𑍁𑌸𑌿𑌂𑌚𑌿𑌨𑍁𑌤𑍇 𑌗𑍁𑌣𑌰𑌂𑌗𑌭𑍁𑌵𑌂
𑌭𑌜𑌤𑌿 𑌸 𑌕𑌿𑌂 𑌨 𑌶𑌚𑍀𑌕𑍁𑌚𑌕𑍁𑌂𑌭 𑌤𑌟𑍀𑌪𑌰𑌿𑌰𑌂𑌭 𑌸𑍁𑌖𑌾𑌨𑍁𑌭𑌵𑌮𑍍 ।
𑌤𑌵 𑌚𑌰𑌣𑌂 𑌶𑌰𑌣𑌂 𑌕𑌰𑌵𑌾𑌣𑌿 𑌨𑌤𑌾𑌮𑌰𑌵𑌾𑌣𑌿 𑌨𑌿𑌵𑌾𑌸𑌿 𑌶𑌿𑌵𑌂
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 1𑍯 ॥

𑌤𑌵 𑌵𑌿𑌮𑌲𑍇𑌂𑌦𑍁𑌕𑍁𑌲𑌂 𑌵𑌦𑌨𑍇𑌂𑌦𑍁𑌮𑌲𑌂 𑌸𑌕𑌲𑌂 𑌨𑌨𑍁 𑌕𑍂𑌲𑌯𑌤𑍇
𑌕𑌿𑌮𑍁 𑌪𑍁𑌰𑍁𑌹𑍂𑌤 𑌪𑍁𑌰𑍀𑌂𑌦𑍁𑌮𑍁𑌖𑍀 𑌸𑍁𑌮𑍁𑌖𑍀𑌭𑌿𑌰𑌸𑍌 𑌵𑌿𑌮𑍁𑌖𑍀𑌕𑍍𑌰𑌿𑌯𑌤𑍇 ।
𑌮𑌮 𑌤𑍁 𑌮𑌤𑌂 𑌶𑌿𑌵𑌨𑌾𑌮𑌧𑌨𑍇 𑌭𑌵𑌤𑍀 𑌕𑍃𑌪𑌯𑌾 𑌕𑌿𑌮𑍁𑌤 𑌕𑍍𑌰𑌿𑌯𑌤𑍇
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 20 ॥

𑌅𑌯𑌿 𑌮𑌯𑌿 𑌦𑍀𑌨𑌦𑌯𑌾𑌲𑍁𑌤𑌯𑌾 𑌕𑍃𑌪𑌯𑍈𑌵 𑌤𑍍𑌵𑌯𑌾 𑌭𑌵𑌿𑌤𑌵𑍍𑌯𑌮𑍁𑌮𑍇
𑌅𑌯𑌿 𑌜𑌗𑌤𑍋 𑌜𑌨𑌨𑍀 𑌕𑍃𑌪𑌯𑌾𑌸𑌿 𑌯𑌥𑌾𑌸𑌿 𑌤𑌥𑌾𑌽𑌨𑍁𑌭𑌿𑌤𑌾𑌸𑌿𑌰𑌤𑍇 ।
𑌯𑌦𑍁𑌚𑌿𑌤𑌮𑌤𑍍𑌰 𑌭𑌵𑌤𑍍𑌯𑍁𑌰𑌰𑌿 𑌕𑍁𑌰𑍁𑌤𑌾𑌦𑍁𑌰𑍁𑌤𑌾𑌪𑌮𑌪𑌾𑌕𑍁𑌰𑍁 𑌤𑍇 [𑌮𑍇]
𑌜𑌯 𑌜𑌯 𑌹𑍇 𑌮𑌹𑌿𑌷𑌾𑌸𑍁𑌰𑌮𑌰𑍍𑌦𑌿𑌨𑌿 𑌰𑌮𑍍𑌯𑌕𑌪𑌰𑍍𑌦𑌿𑌨𑌿 𑌶𑍈𑌲𑌸𑍁𑌤𑍇 ॥ 21 ॥

𑌇𑌤𑌿 𑌶𑍍𑌰𑍀 𑌮𑌹𑌿𑌷𑌾𑌸𑍁𑌰𑌮𑌰𑍍𑌦𑌿𑌨𑌿 𑌸𑍍𑌤𑍋𑌤𑍍𑌰𑌮𑍍 ॥

Browse Related Categories: