Devi Mahatmyam Durga Saptasati Chapter 8 - Grantha

Collection of Spiritual and Devotional Literature in Various Indian Languages

Meaning, Multimedia

View this in:

| English

| Devanagari

| Telugu

| Tamil

| Kannada

| Malayalam

| Gujarati

| Odia

| Bengali

| Marathi

| Assamese

| Punjabi

| Hindi

| Samskritam

| Konkani

| Nepali

| Sinhala

| Grantha

𑌦𑍇𑌵𑍀 𑌮𑌾𑌹𑌾𑌤𑍍𑌮𑍍𑌯𑌂 𑌦𑍁𑌰𑍍𑌗𑌾 𑌸𑌪𑍍𑌤𑌶𑌤𑌿 𑌅𑌷𑍍𑌟𑌮𑍋𑌽𑌧𑍍𑌯𑌾𑌯𑌃

𑌰𑌕𑍍𑌤𑌬𑍀𑌜𑌵𑌧𑍋 𑌨𑌾𑌮 𑌅𑌷𑍍𑌟𑌮𑍋𑌧𑍍𑌯𑌾𑌯 ॥

𑌧𑍍𑌯𑌾𑌨𑌂
𑌅𑌰𑍁𑌣𑌾𑌂 𑌕𑌰𑍁𑌣𑌾 𑌤𑌰𑌂𑌗𑌿𑌤𑌾𑌕𑍍𑌷𑍀𑌂 𑌧𑍃𑌤𑌪𑌾𑌶𑌾𑌂𑌕𑍁𑌶 𑌪𑍁𑌷𑍍𑌪𑌬𑌾𑌣𑌚𑌾𑌪𑌾𑌮𑍍 ।
𑌅𑌣𑌿𑌮𑌾𑌧𑌿𑌭𑌿𑌰𑌾𑌵𑍃𑌤𑌾𑌂 𑌮𑌯𑍂𑌖𑍈 𑌰𑌹𑌮𑌿𑌤𑍍𑌯𑍇𑌵 𑌵𑌿𑌭𑌾𑌵𑌯𑍇 𑌭𑌵𑌾𑌨𑍀𑌮𑍍 ॥

𑌋𑌷𑌿𑌰𑍁𑌵𑌾𑌚 ॥1॥

𑌚𑌂𑌡𑍇 𑌚 𑌨𑌿𑌹𑌤𑍇 𑌦𑍈𑌤𑍍𑌯𑍇 𑌮𑍁𑌂𑌡𑍇 𑌚 𑌵𑌿𑌨𑌿𑌪𑌾𑌤𑌿𑌤𑍇 ।
𑌬𑌹𑍁𑌳𑍇𑌷𑍁 𑌚 𑌸𑍈𑌨𑍍𑌯𑍇𑌷𑍁 𑌕𑍍𑌷𑌯𑌿𑌤𑍇𑌷𑍍𑌵𑌸𑍁𑌰𑍇𑌶𑍍𑌵𑌰𑌃 ॥ 2 ॥

𑌤𑌤𑌃 𑌕𑍋𑌪𑌪𑌰𑌾𑌧𑍀𑌨𑌚𑍇𑌤𑌾𑌃 𑌶𑍁𑌂𑌭𑌃 𑌪𑍍𑌰𑌤𑌾𑌪𑌵𑌾𑌨𑍍 ।
𑌉𑌦𑍍𑌯𑍋𑌗𑌂 𑌸𑌰𑍍𑌵 𑌸𑍈𑌨𑍍𑌯𑌾𑌨𑌾𑌂 𑌦𑍈𑌤𑍍𑌯𑌾𑌨𑌾𑌮𑌾𑌦𑌿𑌦𑍇𑌶 𑌹 ॥3॥

𑌅𑌦𑍍𑌯 𑌸𑌰𑍍𑌵 𑌬𑌲𑍈𑌰𑍍𑌦𑍈𑌤𑍍𑌯𑌾𑌃 𑌷𑌡𑌶𑍀𑌤𑌿𑌰𑍁𑌦𑌾𑌯𑍁𑌧𑌾𑌃 ।
𑌕𑌂𑌬𑍂𑌨𑌾𑌂 𑌚𑌤𑍁𑌰𑌶𑍀𑌤𑌿𑌰𑍍𑌨𑌿𑌰𑍍𑌯𑌾𑌂𑌤𑍁 𑌸𑍍𑌵𑌬𑌲𑍈𑌰𑍍𑌵𑍃𑌤𑌾𑌃 ॥4॥

𑌕𑍋𑌟𑌿𑌵𑍀𑌰𑍍𑌯𑌾𑌣𑌿 𑌪𑌂𑌚𑌾𑌶𑌦𑌸𑍁𑌰𑌾𑌣𑌾𑌂 𑌕𑍁𑌲𑌾𑌨𑌿 𑌵𑍈 ।
𑌶𑌤𑌂 𑌕𑍁𑌲𑌾𑌨𑌿 𑌧𑍌𑌮𑍍𑌰𑌾𑌣𑌾𑌂 𑌨𑌿𑌰𑍍𑌗𑌚𑍍𑌛𑌂𑌤𑍁 𑌮𑌮𑌾𑌜𑍍𑌞𑌯𑌾 ॥5॥

𑌕𑌾𑌲𑌕𑌾 𑌦𑍌𑌰𑍍𑌹𑍃𑌦𑌾 𑌮𑍌𑌰𑍍𑌵𑌾𑌃 𑌕𑌾𑌳𑌿𑌕𑍇𑌯𑌾𑌸𑍍𑌤𑌥𑌾𑌸𑍁𑌰𑌾𑌃 ।
𑌯𑍁𑌦𑍍𑌧𑌾𑌯 𑌸𑌜𑍍𑌜𑌾 𑌨𑌿𑌰𑍍𑌯𑌾𑌂𑌤𑍁 𑌆𑌜𑍍𑌞𑌯𑌾 𑌤𑍍𑌵𑌰𑌿𑌤𑌾 𑌮𑌮 ॥6॥

𑌇𑌤𑍍𑌯𑌾𑌜𑍍𑌞𑌾𑌪𑍍𑌯𑌾𑌸𑍁𑌰𑌾𑌪𑌤𑌿𑌃 𑌶𑍁𑌂𑌭𑍋 𑌭𑍈𑌰𑌵𑌶𑌾𑌸𑌨𑌃 ।
𑌨𑌿𑌰𑍍𑌜𑌗𑌾𑌮 𑌮𑌹𑌾𑌸𑍈𑌨𑍍𑌯𑌸𑌹𑌸𑍍𑌤𑍍𑌰𑍈𑌰𑍍𑌭𑌹𑍁𑌭𑌿𑌰𑍍𑌵𑍃𑌤𑌃 ॥𑍭॥

𑌆𑌯𑌾𑌂𑌤𑌂 𑌚𑌂𑌡𑌿𑌕𑌾 𑌦𑍃𑌷𑍍𑌟𑍍𑌵𑌾 𑌤𑌤𑍍𑌸𑍈𑌨𑍍𑌯𑌮𑌤𑌿𑌭𑍀𑌷𑌣𑌮𑍍 ।
𑌜𑍍𑌯𑌾𑌸𑍍𑌵𑌨𑍈𑌃 𑌪𑍂𑌰𑌯𑌾𑌮𑌾𑌸 𑌧𑌰𑌣𑍀𑌗𑌗𑌨𑌾𑌂𑌤𑌰𑌮𑍍 ॥𑍮॥

𑌤𑌤𑌃𑌸𑌿𑌂𑌹𑍋 𑌮𑌹𑌾𑌨𑌾𑌦𑌮𑌤𑍀𑌵 𑌕𑍃𑌤𑌵𑌾𑌨𑍍𑌨𑍃𑌪 ।
𑌘𑌂𑌟𑌾𑌸𑍍𑌵𑌨𑍇𑌨 𑌤𑌾𑌨𑍍𑌨𑌾𑌦𑌾𑌨𑌂𑌬𑌿𑌕𑌾 𑌚𑍋𑌪𑌬𑍃𑌂𑌹𑌯𑌤𑍍 ॥𑍯॥

𑌧𑌨𑍁𑌰𑍍𑌜𑍍𑌯𑌾𑌸𑌿𑌂𑌹𑌘𑌂𑌟𑌾𑌨𑌾𑌂 𑌨𑌾𑌦𑌾𑌪𑍂𑌰𑌿𑌤𑌦𑌿𑌙𑍍𑌮𑍁𑌖𑌾 ।
𑌨𑌿𑌨𑌾𑌦𑍈𑌰𑍍𑌭𑍀𑌷𑌣𑍈𑌃 𑌕𑌾𑌳𑍀 𑌜𑌿𑌗𑍍𑌯𑍇 𑌵𑌿𑌸𑍍𑌤𑌾𑌰𑌿𑌤𑌾𑌨𑌨𑌾 ॥10॥

𑌤𑌂 𑌨𑌿𑌨𑌾𑌦𑌮𑍁𑌪𑌶𑍍𑌰𑍁𑌤𑍍𑌯 𑌦𑍈𑌤𑍍𑌯 𑌸𑍈𑌨𑍍𑌯𑍈𑌶𑍍𑌚𑌤𑍁𑌰𑍍𑌦𑌿𑌶𑌮𑍍 ।
𑌦𑍇𑌵𑍀 𑌸𑌿𑌂𑌹𑌸𑍍𑌤𑌥𑌾 𑌕𑌾𑌳𑍀 𑌸𑌰𑍋𑌷𑍈𑌃 𑌪𑌰𑌿𑌵𑌾𑌰𑌿𑌤𑌾𑌃॥11॥

𑌏𑌤𑌸𑍍𑌮𑌿𑌨𑍍𑌨𑌂𑌤𑌰𑍇 𑌭𑍂𑌪 𑌵𑌿𑌨𑌾𑌶𑌾𑌯 𑌸𑍁𑌰𑌦𑍍𑌵𑌿𑌷𑌾𑌮𑍍 ।
𑌭𑌵𑌾𑌯𑌾𑌮𑌰𑌸𑌿𑌂𑌹𑌨𑌾𑌮𑌤𑌿𑌵𑍀𑌰𑍍𑌯𑌬𑌲𑌾𑌨𑍍𑌵𑌿𑌤𑌾𑌃 ॥12॥

𑌬𑍍𑌰𑌹𑍍𑌮𑍇𑌶𑌗𑍁𑌹𑌵𑌿𑌷𑍍𑌣𑍂𑌨𑌾𑌂 𑌤𑌥𑍇𑌂𑌦𑍍𑌰𑌸𑍍𑌯 𑌚 𑌶𑌕𑍍𑌤𑌯𑌃 ।
𑌶𑌰𑍀𑌰𑍇𑌭𑍍𑌯𑍋𑌵𑌿𑌨𑌿𑌷𑍍𑌕𑍍𑌰𑌮𑍍𑌯 𑌤𑌦𑍍𑌰𑍂𑌪𑍈𑌶𑍍𑌚𑌂𑌡𑌿𑌕𑌾𑌂 𑌯𑌯𑍁𑌃 ॥13॥

𑌯𑌸𑍍𑌯 𑌦𑍇𑌵𑌸𑍍𑌯 𑌯𑌦𑍍𑌰𑍂𑌪𑌂 𑌯𑌥𑌾 𑌭𑍂𑌷𑌣𑌵𑌾𑌹𑌨𑌮𑍍 ।
𑌤𑌦𑍍𑌵𑌦𑍇𑌵 𑌹𑌿 𑌤𑌚𑍍𑌚𑌕𑍍𑌤𑌿𑌰𑌸𑍁𑌰𑌾𑌨𑍍𑌯𑍋𑌦𑍍𑌧𑍁𑌮𑌾𑌯𑌮𑍌 ॥14॥

𑌹𑌂𑌸𑌯𑍁𑌕𑍍𑌤𑌵𑌿𑌮𑌾𑌨𑌾𑌗𑍍𑌰𑍇 𑌸𑌾𑌕𑍍𑌷𑌸𑍂𑌤𑍍𑌰𑌕 𑌮𑌂𑌡𑌲𑍁𑌃 ।
𑌆𑌯𑌾𑌤𑌾 𑌬𑍍𑌰𑌹𑍍𑌮𑌣𑌃 𑌶𑌕𑍍𑌤𑌿𑌬𑍍𑌰𑌹𑍍𑌮𑌾𑌣𑍀 𑌤𑍍𑌯𑌭𑌿𑌧𑍀𑌯𑌤𑍇 ॥15॥

𑌮𑌹𑍇𑌶𑍍𑌵𑌰𑍀 𑌵𑍃𑌷𑌾𑌰𑍂𑌢𑌾 𑌤𑍍𑌰𑌿𑌶𑍂𑌲𑌵𑌰𑌧𑌾𑌰𑌿𑌣𑍀 ।
𑌮𑌹𑌾𑌹𑌿𑌵𑌲𑌯𑌾 𑌪𑍍𑌰𑌾𑌪𑍍𑌤𑌾𑌚𑌂𑌦𑍍𑌰𑌰𑍇𑌖𑌾𑌵𑌿𑌭𑍂𑌷𑌣𑌾 ॥16॥

𑌕𑍌𑌮𑌾𑌰𑍀 𑌶𑌕𑍍𑌤𑌿𑌹𑌸𑍍𑌤𑌾 𑌚 𑌮𑌯𑍂𑌰𑌵𑌰𑌵𑌾𑌹𑌨𑌾 ।
𑌯𑍋𑌦𑍍𑌧𑍁𑌮𑌭𑍍𑌯𑌾𑌯𑌯𑍌 𑌦𑍈𑌤𑍍𑌯𑌾𑌨𑌂𑌬𑌿𑌕𑌾 𑌗𑍁𑌹𑌰𑍂𑌪𑌿𑌣𑍀 ॥1𑍭॥

𑌤𑌥𑍈𑌵 𑌵𑍈𑌷𑍍𑌣𑌵𑍀 𑌶𑌕𑍍𑌤𑌿𑌰𑍍𑌗𑌰𑍁𑌡𑍋𑌪𑌰𑌿 𑌸𑌂𑌸𑍍𑌥𑌿𑌤𑌾 ।
𑌶𑌂𑌖𑌚𑌕𑍍𑌰𑌗𑌧𑌾𑌶𑌾𑌂𑌖𑌰𑍍 𑌖𑌡𑍍𑌗𑌹𑌸𑍍𑌤𑌾𑌭𑍍𑌯𑍁𑌪𑌾𑌯𑌯𑍌 ॥1𑍮॥

𑌯𑌜𑍍𑌞𑌵𑌾𑌰𑌾𑌹𑌮𑌤𑍁𑌲𑌂 𑌰𑍂𑌪𑌂 𑌯𑌾 𑌭𑌿𑌭𑍍𑌰𑌤𑍋 𑌹𑌰𑍇𑌃 ।
𑌶𑌕𑍍𑌤𑌿𑌃 𑌸𑌾𑌪𑍍𑌯𑌾𑌯𑌯𑍌 𑌤𑌤𑍍𑌰 𑌵𑌾𑌰𑌾𑌹𑍀𑌂 𑌬𑌿𑌭𑍍𑌰𑌤𑍀 𑌤𑌨𑍁𑌮𑍍 ॥1𑍯॥

𑌨𑌾𑌰𑌸𑌿𑌂𑌹𑍀 𑌨𑍃𑌸𑌿𑌂𑌹𑌸𑍍𑌯 𑌬𑌿𑌭𑍍𑌰𑌤𑍀 𑌸𑌦𑍃𑌶𑌂 𑌵𑌪𑍁𑌃 ।
𑌪𑍍𑌰𑌾𑌪𑍍𑌤𑌾 𑌤𑌤𑍍𑌰 𑌸𑌟𑌾𑌕𑍍𑌷𑍇𑌪𑌕𑍍𑌷𑌿𑌪𑍍𑌤𑌨𑌕𑍍𑌷𑌤𑍍𑌰 𑌸𑌂𑌹𑌤𑌿𑌃 ॥20॥

𑌵𑌜𑍍𑌰 𑌹𑌸𑍍𑌤𑌾 𑌤𑌥𑍈𑌵𑍈𑌂𑌦𑍍𑌰𑍀 𑌗𑌜𑌰𑌾𑌜𑍋 𑌪𑌰𑌿𑌸𑍍𑌥𑌿𑌤𑌾 ।
𑌪𑍍𑌰𑌾𑌪𑍍𑌤𑌾 𑌸𑌹𑌸𑍍𑌰 𑌨𑌯𑌨𑌾 𑌯𑌥𑌾 𑌶𑌕𑍍𑌰𑌸𑍍𑌤𑌥𑍈𑌵 𑌸𑌾 ॥21॥

𑌤𑌤𑌃 𑌪𑌰𑌿𑌵𑍃𑌤𑍍𑌤𑌸𑍍𑌤𑌾𑌭𑌿𑌰𑍀𑌶𑌾𑌨𑍋 𑌦𑍇𑌵 𑌶𑌕𑍍𑌤𑌿𑌭𑌿𑌃 ।
𑌹𑌨𑍍𑌯𑌂𑌤𑌾𑌮𑌸𑍁𑌰𑌾𑌃 𑌶𑍀𑌘𑍍𑌰𑌂 𑌮𑌮 𑌪𑍍𑌰𑍀𑌤𑍍𑌯𑌾𑌹 𑌚𑌂𑌡𑌿𑌕𑌾𑌂 ॥22॥

𑌤𑌤𑍋 𑌦𑍇𑌵𑍀 𑌶𑌰𑍀𑌰𑌾𑌤𑍍𑌤𑍁 𑌵𑌿𑌨𑌿𑌷𑍍𑌕𑍍𑌰𑌾𑌂𑌤𑌾𑌤𑌿𑌭𑍀𑌷𑌣𑌾 ।
𑌚𑌂𑌡𑌿𑌕𑌾 𑌶𑌕𑍍𑌤𑌿𑌰𑌤𑍍𑌯𑍁𑌗𑍍𑌰𑌾 𑌶𑌿𑌵𑌾𑌶𑌤𑌨𑌿𑌨𑌾𑌦𑌿𑌨𑍀 ॥23॥

𑌸𑌾 𑌚𑌾𑌹 𑌧𑍂𑌮𑍍𑌰𑌜𑌟𑌿𑌲𑌂 𑌈𑌶𑌾𑌨𑌮𑌪𑌰𑌾𑌜𑌿𑌤𑌾 ।
𑌦𑍂𑌤𑌤𑍍𑌵𑌂 𑌗𑌚𑍍𑌛 𑌭𑌗𑌵𑌨𑍍 𑌪𑌾𑌰𑍍𑌶𑍍𑌵𑌂 𑌶𑍁𑌂𑌭𑌨𑌿𑌶𑍁𑌂𑌭𑌯𑍋𑌃 ॥24॥

𑌬𑍍𑌰𑍂𑌹𑌿 𑌶𑍁𑌂𑌭𑌂 𑌨𑌿𑌶𑍁𑌂𑌭𑌂 𑌚 𑌦𑌾𑌨𑌵𑌾𑌵𑌤𑌿𑌗𑌰𑍍𑌵𑌿𑌤𑍌 ।
𑌯𑍇 𑌚𑌾𑌨𑍍𑌯𑍇 𑌦𑌾𑌨𑌵𑌾𑌸𑍍𑌤𑌤𑍍𑌰 𑌯𑍁𑌦𑍍𑌧𑌾𑌯 𑌸𑌮𑍁𑌪𑌸𑍍𑌥𑌿𑌤𑌾𑌃 ॥25॥

𑌤𑍍𑌰𑍈𑌲𑍋𑌕𑍍𑌯𑌮𑌿𑌂𑌦𑍍𑌰𑍋 𑌲𑌭𑌤𑌾𑌂 𑌦𑍇𑌵𑌾𑌃 𑌸𑌂𑌤𑍁 𑌹𑌵𑌿𑌰𑍍𑌭𑍁𑌜𑌃 ।
𑌯𑍂𑌯𑌂 𑌪𑍍𑌰𑌯𑌾𑌤 𑌪𑌾𑌤𑌾𑌳𑌂 𑌯𑌦𑌿 𑌜𑍀𑌵𑌿𑌤𑍁𑌮𑌿𑌚𑍍𑌛𑌥 ॥26॥

𑌬𑌲𑌾𑌵𑌲𑍇𑌪𑌾𑌦𑌥 𑌚𑍇𑌦𑍍𑌭𑌵𑌂𑌤𑍋 𑌯𑍁𑌦𑍍𑌧𑌕𑌾𑌂𑌕𑍍𑌷𑌿𑌣𑌃 ।
𑌤𑌦𑌾 𑌗𑌚𑍍𑌛𑌤 𑌤𑍃𑌪𑍍𑌯𑌂𑌤𑍁 𑌮𑌚𑍍𑌛𑌿𑌵𑌾𑌃 𑌪𑌿𑌶𑌿𑌤𑍇𑌨 𑌵𑌃 ॥2𑍭॥

𑌯𑌤𑍋 𑌨𑌿𑌯𑍁𑌕𑍍𑌤𑍋 𑌦𑍌𑌤𑍍𑌯𑍇𑌨 𑌤𑌯𑌾 𑌦𑍇𑌵𑍍𑌯𑌾 𑌶𑌿𑌵𑌃 𑌸𑍍𑌵𑌯𑌮𑍍 ।
𑌶𑌿𑌵𑌦𑍂𑌤𑍀𑌤𑌿 𑌲𑍋𑌕𑍇𑌽𑌸𑍍𑌮𑌿𑌂𑌸𑍍𑌤𑌤𑌃 𑌸𑌾 𑌖𑍍𑌯𑌾𑌤𑌿 𑌮𑌾𑌗𑌤𑌾 ॥2𑍮॥

𑌤𑍇𑌽𑌪𑌿 𑌶𑍍𑌰𑍁𑌤𑍍𑌵𑌾 𑌵𑌚𑍋 𑌦𑍇𑌵𑍍𑌯𑌾𑌃 𑌶𑌰𑍍𑌵𑌾𑌖𑍍𑌯𑌾𑌤𑌂 𑌮𑌹𑌾𑌸𑍁𑌰𑌾𑌃 ।
𑌅𑌮𑌰𑍍𑌷𑌾𑌪𑍂𑌰𑌿𑌤𑌾 𑌜𑌗𑍍𑌮𑍁𑌰𑍍𑌯𑌤𑍍𑌰 𑌕𑌾𑌤𑍍𑌯𑌾𑌯𑌨𑍀 𑌸𑍍𑌥𑌿𑌤𑌾 ॥2𑍯॥

𑌤𑌤𑌃 𑌪𑍍𑌰𑌥𑌮𑌮𑍇𑌵𑌾𑌗𑍍𑌰𑍇 𑌶𑌰𑌶𑌕𑍍𑌤𑍍𑌯𑍃𑌷𑍍𑌟𑌿𑌵𑍃𑌷𑍍𑌟𑌿𑌭𑌿𑌃 ।
𑌵𑌵𑌰𑍍𑌷𑍁𑌰𑍁𑌦𑍍𑌧𑌤𑌾𑌮𑌰𑍍𑌷𑌾𑌃 𑌸𑍍𑌤𑌾𑌂 𑌦𑍇𑌵𑍀𑌮𑌮𑌰𑌾𑌰𑌯𑌃 ॥30॥

𑌸𑌾 𑌚 𑌤𑌾𑌨𑍍 𑌪𑍍𑌰𑌹𑌿𑌤𑌾𑌨𑍍 𑌬𑌾𑌣𑌾𑌨𑍍 𑌂𑌛𑍂𑌲𑌶𑌕𑍍𑌤𑌿𑌪𑌰𑌶𑍍𑌵𑌧𑌾𑌨𑍍 ।
𑌚𑌿𑌚𑍍𑌛𑍇𑌦 𑌲𑍀𑌲𑌯𑌾𑌧𑍍𑌮𑌾𑌤𑌧𑌨𑍁𑌰𑍍𑌮𑍁𑌕𑍍𑌤𑍈𑌰𑍍𑌮𑌹𑍇𑌷𑍁𑌭𑌿𑌃 ॥31॥

𑌤𑌸𑍍𑌯𑌾𑌗𑍍𑌰𑌤𑌸𑍍𑌤𑌥𑌾 𑌕𑌾𑌳𑍀 𑌶𑍂𑌲𑌪𑌾𑌤𑌵𑌿𑌦𑌾𑌰𑌿𑌤𑌾𑌨𑍍 ।
𑌖𑌟𑍍𑌵𑌾𑌂𑌗𑌪𑍋𑌥𑌿𑌤𑌾𑌂𑌶𑍍𑌚𑌾𑌰𑍀𑌨𑍍𑌕𑍁𑌰𑍍𑌵𑌂𑌤𑍀 𑌵𑍍𑌯𑌚𑌰𑌤𑍍𑌤𑌦𑌾 ॥32॥

𑌕𑌮𑌂𑌡𑌲𑍁𑌜𑌲𑌾𑌕𑍍𑌷𑍇𑌪𑌹𑌤𑌵𑍀𑌰𑍍𑌯𑌾𑌨𑍍 𑌹𑌤𑍌𑌜𑌸𑌃 ।
𑌬𑍍𑌰𑌹𑍍𑌮𑌾𑌣𑍀 𑌚𑌾𑌕𑌰𑍋𑌚𑍍𑌛𑌤𑍍𑌰𑍂𑌨𑍍𑌯𑍇𑌨 𑌯𑍇𑌨 𑌸𑍍𑌮 𑌧𑌾𑌵𑌤𑌿 ॥33॥

𑌮𑌾𑌹𑍇𑌶𑍍𑌵𑌰𑍀 𑌤𑍍𑌰𑌿𑌶𑍂𑌲𑍇𑌨 𑌤𑌥𑌾 𑌚𑌕𑍍𑌰𑍇𑌣 𑌵𑍈𑌷𑍍𑌣𑌵𑍀 ।
𑌦𑍈𑌤𑍍𑌯𑌾𑌙𑍍𑌜𑌘𑌾𑌨 𑌕𑍌𑌮𑌾𑌰𑍀 𑌤𑌥𑌾 𑌶𑌤𑍍𑌯𑌾𑌤𑌿 𑌕𑍋𑌪𑌨𑌾 ॥34॥

𑌐𑌂𑌦𑍍𑌰𑍀 𑌕𑍁𑌲𑌿𑌶𑌪𑌾𑌤𑍇𑌨 𑌶𑌤𑌶𑍋 𑌦𑍈𑌤𑍍𑌯𑌦𑌾𑌨𑌵𑌾𑌃 ।
𑌪𑍇𑌤𑍁𑌰𑍍𑌵𑌿𑌦𑌾𑌰𑌿𑌤𑌾𑌃 𑌪𑍃𑌥𑍍𑌵𑍍𑌯𑌾𑌂 𑌰𑍁𑌧𑌿𑌰𑍌𑌘𑌪𑍍𑌰𑌵𑌰𑍍𑌷𑌿𑌣𑌃 ॥35॥

𑌤𑍁𑌂𑌡𑌪𑍍𑌰𑌹𑌾𑌰𑌵𑌿𑌧𑍍𑌵𑌸𑍍𑌤𑌾 𑌦𑌂𑌷𑍍𑌟𑍍𑌰𑌾 𑌗𑍍𑌰𑌕𑍍𑌷𑌤 𑌵𑌕𑍍𑌷𑌸𑌃 ।
𑌵𑌾𑌰𑌾𑌹𑌮𑍂𑌰𑍍𑌤𑍍𑌯𑌾 𑌨𑍍𑌯𑌪𑌤𑌂𑌶𑍍𑌚𑌕𑍍𑌰𑍇𑌣 𑌚 𑌵𑌿𑌦𑌾𑌰𑌿𑌤𑌾𑌃 ॥36॥

𑌨𑌖𑍈𑌰𑍍𑌵𑌿𑌦𑌾𑌰𑌿𑌤𑌾𑌂𑌶𑍍𑌚𑌾𑌨𑍍𑌯𑌾𑌨𑍍 𑌭𑌕𑍍𑌷𑌯𑌂𑌤𑍀 𑌮𑌹𑌾𑌸𑍁𑌰𑌾𑌨𑍍 ।
𑌨𑌾𑌰𑌸𑌿𑌂𑌹𑍀 𑌚𑌚𑌾𑌰𑌾𑌜𑍌 𑌨𑌾𑌦𑌾 𑌪𑍂𑌰𑍍𑌣𑌦𑌿𑌗𑌂𑌬𑌰𑌾 ॥3𑍭॥

𑌚𑌂𑌡𑌾𑌟𑍍𑌟𑌹𑌾𑌸𑍈𑌰𑌸𑍁𑌰𑌾𑌃 𑌶𑌿𑌵𑌦𑍂𑌤𑍍𑌯𑌭𑌿𑌦𑍂𑌷𑌿𑌤𑌾𑌃 ।
𑌪𑍇𑌤𑍁𑌃 𑌪𑍃𑌥𑌿𑌵𑍍𑌯𑌾𑌂 𑌪𑌤𑌿𑌤𑌾𑌂𑌸𑍍𑌤𑌾𑌂𑌶𑍍𑌚𑌖𑌾𑌦𑌾𑌥 𑌸𑌾 𑌤𑌦𑌾 ॥3𑍮॥

𑌇𑌤𑌿 𑌮𑌾𑌤𑍃 𑌗𑌣𑌂 𑌕𑍍𑌰𑍁𑌦𑍍𑌧𑌂 𑌮𑌰𑍍𑌦 𑌯𑌂𑌤𑌂 𑌮𑌹𑌾𑌸𑍁𑌰𑌾𑌨𑍍 ।
𑌦𑍃𑌷𑍍𑌟𑍍𑌵𑌾𑌭𑍍𑌯𑍁𑌪𑌾𑌯𑍈𑌰𑍍𑌵𑌿𑌵𑌿𑌧𑍈𑌰𑍍𑌨𑍇𑌶𑍁𑌰𑍍𑌦𑍇𑌵𑌾𑌰𑌿𑌸𑍈𑌨𑌿𑌕𑌾𑌃 ॥3𑍯॥

𑌪𑌲𑌾𑌯𑌨𑌪𑌰𑌾𑌂𑌦𑍃𑌷𑍍𑌟𑍍𑌵𑌾 𑌦𑍈𑌤𑍍𑌯𑌾𑌨𑍍𑌮𑌾𑌤𑍃𑌗𑌣𑌾𑌰𑍍𑌦𑌿𑌤𑌾𑌨𑍍 ।
𑌯𑍋𑌦𑍍𑌧𑍁𑌮𑌭𑍍𑌯𑌾𑌯𑌯𑍌 𑌕𑍍𑌰𑍁𑌦𑍍𑌧𑍋 𑌰𑌕𑍍𑌤𑌬𑍀𑌜𑍋 𑌮𑌹𑌾𑌸𑍁𑌰𑌃 ॥40॥

𑌰𑌕𑍍𑌤𑌬𑌿𑌂𑌦𑍁𑌰𑍍𑌯𑌦𑌾 𑌭𑍂𑌮𑍌 𑌪𑌤𑌤𑍍𑌯𑌸𑍍𑌯 𑌶𑌰𑍀𑌰𑌤𑌃 ।
𑌸𑌮𑍁𑌤𑍍𑌪𑌤𑌤𑌿 𑌮𑍇𑌦𑌿𑌨𑍍𑌯𑌾𑌂 𑌤𑌤𑍍𑌪𑍍𑌰𑌮𑌾𑌣𑍋 𑌮𑌹𑌾𑌸𑍁𑌰𑌃 ॥41॥

𑌯𑍁𑌯𑍁𑌧𑍇 𑌸 𑌗𑌦𑌾𑌪𑌾𑌣𑌿𑌰𑌿𑌂𑌦𑍍𑌰𑌶𑌕𑍍𑌤𑍍𑌯𑌾 𑌮𑌹𑌾𑌸𑍁𑌰𑌃 ।
𑌤𑌤𑌶𑍍𑌚𑍈𑌂𑌦𑍍𑌰𑍀 𑌸𑍍𑌵𑌵𑌜𑍍𑌰𑍇𑌣 𑌰𑌕𑍍𑌤𑌬𑍀𑌜𑌮𑌤𑌾𑌡𑌯𑌤𑍍 ॥42॥

𑌕𑍁𑌲𑌿𑌶𑍇𑌨𑌾𑌹𑌤𑌸𑍍𑌯𑌾𑌶𑍁 𑌬𑌹𑍁 𑌸𑍁𑌸𑍍𑌰𑌾𑌵 𑌶𑍋𑌣𑌿𑌤𑌮𑍍 ।
𑌸𑌮𑍁𑌤𑍍𑌤𑌸𑍍𑌥𑍁𑌸𑍍𑌤𑌤𑍋 𑌯𑍋𑌧𑌾𑌸𑍍𑌤𑌦𑍍𑌰𑌪𑌾𑌸𑍍𑌤𑌤𑍍𑌪𑌰𑌾𑌕𑍍𑌰𑌮𑌾𑌃 ॥43॥

𑌯𑌾𑌵𑌂𑌤𑌃 𑌪𑌤𑌿𑌤𑌾𑌸𑍍𑌤𑌸𑍍𑌯 𑌶𑌰𑍀𑌰𑌾𑌦𑍍𑌰𑌕𑍍𑌤𑌬𑌿𑌂𑌦𑌵𑌃 ।
𑌤𑌾𑌵𑌂𑌤𑌃 𑌪𑍁𑌰𑍁𑌷𑌾 𑌜𑌾𑌤𑌾𑌃 𑌸𑍍𑌤𑌦𑍍𑌵𑍀𑌰𑍍𑌯𑌬𑌲𑌵𑌿𑌕𑍍𑌰𑌮𑌾𑌃 ॥44॥

𑌤𑍇 𑌚𑌾𑌪𑌿 𑌯𑍁𑌯𑍁𑌧𑍁𑌸𑍍𑌤𑌤𑍍𑌰 𑌪𑍁𑌰𑍁𑌷𑌾 𑌰𑌕𑍍𑌤 𑌸𑌂𑌭𑌵𑌾𑌃 ।
𑌸𑌮𑌂 𑌮𑌾𑌤𑍃𑌭𑌿𑌰𑌤𑍍𑌯𑍁𑌗𑍍𑌰𑌶𑌸𑍍𑌤𑍍𑌰𑌪𑌾𑌤𑌾𑌤𑌿𑌭𑍀𑌷𑌣𑌂 ॥45॥

𑌪𑍁𑌨𑌶𑍍𑌚 𑌵𑌜𑍍𑌰 𑌪𑌾𑌤𑍇𑌨 𑌕𑍍𑌷𑌤 𑌮𑌶𑍍𑌯 𑌶𑌿𑌰𑍋 𑌯𑌦𑌾 ।
𑌵𑌵𑌾𑌹 𑌰𑌕𑍍𑌤𑌂 𑌪𑍁𑌰𑍁𑌷𑌾𑌸𑍍𑌤𑌤𑍋 𑌜𑌾𑌤𑌾𑌃 𑌸𑌹𑌸𑍍𑌰𑌶𑌃 ॥46॥

𑌵𑍈𑌷𑍍𑌣𑌵𑍀 𑌸𑌮𑌰𑍇 𑌚𑍈𑌨𑌂 𑌚𑌕𑍍𑌰𑍇𑌣𑌾𑌭𑌿𑌜𑌘𑌾𑌨 𑌹 ।
𑌗𑌦𑌯𑌾 𑌤𑌾𑌡𑌯𑌾𑌮𑌾𑌸 𑌐𑌂𑌦𑍍𑌰𑍀 𑌤𑌮𑌸𑍁𑌰𑍇𑌶𑍍𑌵𑌰𑌮𑍍॥4𑍭॥

𑌵𑍈𑌷𑍍𑌣𑌵𑍀 𑌚𑌕𑍍𑌰𑌭𑌿𑌨𑍍𑌨𑌸𑍍𑌯 𑌰𑍁𑌧𑌿𑌰𑌸𑍍𑌰𑌾𑌵 𑌸𑌂𑌭𑌵𑍈𑌃 ।
𑌸𑌹𑌸𑍍𑌰𑌶𑍋 𑌜𑌗𑌦𑍍𑌵𑍍𑌯𑌾𑌪𑍍𑌤𑌂 𑌤𑌤𑍍𑌪𑍍𑌰𑌮𑌾𑌣𑍈𑌰𑍍𑌮𑌹𑌾𑌸𑍁𑌰𑍈𑌃 ॥4𑍮॥

𑌶𑌕𑍍𑌤𑍍𑌯𑌾 𑌜𑌘𑌾𑌨 𑌕𑍌𑌮𑌾𑌰𑍀 𑌵𑌾𑌰𑌾𑌹𑍀 𑌚 𑌤𑌥𑌾𑌸𑌿𑌨𑌾 ।
𑌮𑌾𑌹𑍇𑌶𑍍𑌵𑌰𑍀 𑌤𑍍𑌰𑌿𑌶𑍂𑌲𑍇𑌨 𑌰𑌕𑍍𑌤𑌬𑍀𑌜𑌂 𑌮𑌹𑌾𑌸𑍁𑌰𑌮𑍍 ॥4𑍯॥

𑌸 𑌚𑌾𑌪𑌿 𑌗𑌦𑌯𑌾 𑌦𑍈𑌤𑍍𑌯𑌃 𑌸𑌰𑍍𑌵𑌾 𑌏𑌵𑌾𑌹𑌨𑌤𑍍 𑌪𑍃𑌥𑌕𑍍 ।
𑌮𑌾𑌤𑍄𑌃 𑌕𑍋𑌪𑌸𑌮𑌾𑌵𑌿𑌷𑍍𑌟𑍋 𑌰𑌕𑍍𑌤𑌬𑍀𑌜𑍋 𑌮𑌹𑌾𑌸𑍁𑌰𑌃 ॥50॥

𑌤𑌸𑍍𑌯𑌾𑌹𑌤𑌸𑍍𑌯 𑌬𑌹𑍁𑌧𑌾 𑌶𑌕𑍍𑌤𑌿𑌶𑍂𑌲𑌾𑌦𑌿 𑌭𑌿𑌰𑍍𑌭𑍁𑌵𑌿𑌃 ।
𑌪𑌪𑌾𑌤 𑌯𑍋 𑌵𑍈 𑌰𑌕𑍍𑌤𑍌𑌘𑌸𑍍𑌤𑍇𑌨𑌾𑌸𑌂𑌚𑌤𑌶𑍋𑌽𑌸𑍁𑌰𑌾𑌃 ॥51॥

𑌤𑍈𑌶𑍍𑌚𑌾𑌸𑍁𑌰𑌾𑌸𑍃𑌕𑍍𑌸𑌂𑌭𑍂𑌤𑍈𑌰𑌸𑍁𑌰𑍈𑌃 𑌸𑌕𑌲𑌂 𑌜𑌗𑌤𑍍 ।
𑌵𑍍𑌯𑌾𑌪𑍍𑌤𑌮𑌾𑌸𑍀𑌤𑍍𑌤𑌤𑍋 𑌦𑍇𑌵𑌾 𑌭𑌯𑌮𑌾𑌜𑌗𑍍𑌮𑍁𑌰𑍁𑌤𑍍𑌤𑌮𑌮𑍍 ॥52॥

𑌤𑌾𑌨𑍍 𑌵𑌿𑌷𑌣𑍍𑌣𑌾 𑌨𑍍 𑌸𑍁𑌰𑌾𑌨𑍍 𑌦𑍃𑌷𑍍𑌟𑍍𑌵𑌾 𑌚𑌂𑌡𑌿𑌕𑌾 𑌪𑍍𑌰𑌾𑌹𑌸𑌤𑍍𑌵𑌰𑌮𑍍 ।
𑌉𑌵𑌾𑌚 𑌕𑌾𑌳𑍀𑌂 𑌚𑌾𑌮𑍁𑌂𑌡𑍇 𑌵𑌿𑌸𑍍𑌤𑍀𑌰𑍍𑌣𑌂 𑌵𑌦𑌨𑌂 𑌕𑍁𑌰𑍁 ॥53॥

𑌮𑌚𑍍𑌛𑌸𑍍𑌤𑍍𑌰𑌪𑌾𑌤𑌸𑌂𑌭𑍂𑌤𑌾𑌨𑍍 𑌰𑌕𑍍𑌤𑌬𑌿𑌂𑌦𑍂𑌨𑍍 𑌮𑌹𑌾𑌸𑍁𑌰𑌾𑌨𑍍 ।
𑌰𑌕𑍍𑌤𑌬𑌿𑌂𑌦𑍋𑌃 𑌪𑍍𑌰𑌤𑍀𑌚𑍍𑌛 𑌤𑍍𑌵𑌂 𑌵𑌕𑍍𑌤𑍍𑌰𑍇𑌣𑌾𑌨𑍇𑌨 𑌵𑍇𑌗𑌿𑌨𑌾 ॥54॥

𑌭𑌕𑍍𑌷𑌯𑌂𑌤𑍀 𑌚𑌰 𑌰𑌣𑍋 𑌤𑌦𑍁𑌤𑍍𑌪𑌨𑍍𑌨𑌾𑌨𑍍𑌮𑌹𑌾𑌸𑍁𑌰𑌾𑌨𑍍 ।
𑌏𑌵𑌮𑍇𑌷 𑌕𑍍𑌷𑌯𑌂 𑌦𑍈𑌤𑍍𑌯𑌃 𑌕𑍍𑌷𑍇𑌣 𑌰𑌕𑍍𑌤𑍋 𑌗𑌮𑌿𑌷𑍍𑌯𑌤𑌿 ॥55॥

𑌭𑌕𑍍𑌷𑍍𑌯 𑌮𑌾𑌣𑌾 𑌸𑍍𑌤𑍍𑌵𑌯𑌾 𑌚𑍋𑌗𑍍𑌰𑌾 𑌨 𑌚𑍋𑌤𑍍𑌪𑌤𑍍𑌸𑍍𑌯𑌂𑌤𑌿 𑌚𑌾𑌪𑌰𑍇 ।
𑌇𑌤𑍍𑌯𑍁𑌕𑍍𑌤𑍍𑌵𑌾 𑌤𑌾𑌂 𑌤𑌤𑍋 𑌦𑍇𑌵𑍀 𑌶𑍂𑌲𑍇𑌨𑌾𑌭𑌿𑌜𑌘𑌾𑌨 𑌤𑌮𑍍 ॥56॥

𑌮𑍁𑌖𑍇𑌨 𑌕𑌾𑌳𑍀 𑌜𑌗𑍃𑌹𑍇 𑌰𑌕𑍍𑌤𑌬𑍀𑌜𑌸𑍍𑌯 𑌶𑍋𑌣𑌿𑌤𑌮𑍍 ।
𑌤𑌤𑍋𑌽𑌸𑌾𑌵𑌾𑌜𑌘𑌾𑌨𑌾𑌥 𑌗𑌦𑌯𑌾 𑌤𑌤𑍍𑌰 𑌚𑌂𑌡𑌿𑌕𑌾𑌂 ॥5𑍭॥

𑌨 𑌚𑌾𑌸𑍍𑌯𑌾 𑌵𑍇𑌦𑌨𑌾𑌂 𑌚𑌕𑍍𑌰𑍇 𑌗𑌦𑌾𑌪𑌾𑌤𑍋𑌽𑌲𑍍𑌪𑌿𑌕𑌾𑌮𑌪𑌿 ।
𑌤𑌸𑍍𑌯𑌾𑌹𑌤𑌸𑍍𑌯 𑌦𑍇𑌹𑌾𑌤𑍍𑌤𑍁 𑌬𑌹𑍁 𑌸𑍁𑌸𑍍𑌰𑌾𑌵 𑌶𑍋𑌣𑌿𑌤𑌮𑍍 ॥5𑍮॥

𑌯𑌤𑌸𑍍𑌤𑌤𑌸𑍍𑌤𑌦𑍍𑌵𑌕𑍍𑌤𑍍𑌰𑍇𑌣 𑌚𑌾𑌮𑍁𑌂𑌡𑌾 𑌸𑌂𑌪𑍍𑌰𑌤𑍀𑌚𑍍𑌛𑌤𑌿 ।
𑌮𑍁𑌖𑍇 𑌸𑌮𑍁𑌦𑍍𑌗𑌤𑌾 𑌯𑍇𑌽𑌸𑍍𑌯𑌾 𑌰𑌕𑍍𑌤𑌪𑌾𑌤𑌾𑌨𑍍𑌮𑌹𑌾𑌸𑍁𑌰𑌾𑌃 ॥5𑍯॥

𑌤𑌾𑌂𑌶𑍍𑌚𑌖𑌾𑌦𑌾𑌥 𑌚𑌾𑌮𑍁𑌂𑌡𑌾 𑌪𑌪𑍌 𑌤𑌸𑍍𑌯 𑌚 𑌶𑍋𑌣𑌿𑌤𑌮𑍍 ॥60॥

𑌦𑍇𑌵𑍀 𑌶𑍂𑌲𑍇𑌨 𑌵𑌜𑍍𑌰𑍇𑌣 𑌬𑌾𑌣𑍈𑌰𑌸𑌿𑌭𑌿𑌰𑍍 𑌋𑌷𑍍𑌟𑌿𑌭𑌿𑌃 ।
𑌜𑌘𑌾𑌨 𑌰𑌕𑍍𑌤𑌬𑍀𑌜𑌂 𑌤𑌂 𑌚𑌾𑌮𑍁𑌂𑌡𑌾 𑌪𑍀𑌤 𑌶𑍋𑌣𑌿𑌤𑌮𑍍 ॥61॥

𑌸 𑌪𑌪𑌾𑌤 𑌮𑌹𑍀𑌪𑍃𑌷𑍍𑌠𑍇 𑌶𑌸𑍍𑌤𑍍𑌰𑌸𑌂𑌘𑌸𑌮𑌾𑌹𑌤𑌃 ।
𑌨𑍀𑌰𑌕𑍍𑌤𑌶𑍍𑌚 𑌮𑌹𑍀𑌪𑌾𑌲 𑌰𑌕𑍍𑌤𑌬𑍀𑌜𑍋 𑌮𑌹𑌾𑌸𑍁𑌰𑌃 ॥62॥

𑌤𑌤𑌸𑍍𑌤𑍇 𑌹𑌰𑍍𑌷 𑌮𑌤𑍁𑌲𑌂 𑌅𑌵𑌾𑌪𑍁𑌸𑍍𑌤𑍍𑌰𑌿𑌦𑌶𑌾 𑌨𑍃𑌪 ।
𑌤𑍇𑌷𑌾𑌂 𑌮𑌾𑌤𑍃𑌗𑌣𑍋 𑌜𑌾𑌤𑍋 𑌨𑌨𑌰𑍍𑌤𑌾𑌸𑍃𑌂𑌂𑌗𑌮𑌦𑍋𑌦𑍍𑌧𑌤𑌃 ॥63॥

॥ 𑌸𑍍𑌵𑌸𑍍𑌤𑌿 𑌶𑍍𑌰𑍀 𑌮𑌾𑌰𑍍𑌕𑌂𑌡𑍇𑌯 𑌪𑍁𑌰𑌾𑌣𑍇 𑌸𑌾𑌵𑌰𑍍𑌨𑌿𑌕𑍇 𑌮𑌨𑍍𑌵𑌂𑌤𑌰𑍇 𑌦𑍇𑌵𑌿 𑌮𑌹𑌤𑍍𑌮𑍍𑌯𑍇 𑌰𑌕𑍍𑌤𑌬𑍀𑌜𑌵𑌧𑍋𑌨𑌾𑌮 𑌅𑌷𑍍𑌟𑌮𑍋𑌧𑍍𑌯𑌾𑌯 𑌸𑌮𑌾𑌪𑍍𑌤𑌮𑍍 ॥

𑌆𑌹𑍁𑌤𑌿
𑌓𑌂 𑌜𑌯𑌂𑌤𑍀 𑌸𑌾𑌂𑌗𑌾𑌯𑍈 𑌸𑌶𑌕𑍍𑌤𑌿𑌕𑌾𑌯𑍈 𑌸𑌪𑌰𑌿𑌵𑌾𑌰𑌾𑌯𑍈 𑌸𑌵𑌾𑌹𑌨𑌾𑌯𑍈 𑌰𑌕𑍍𑌤𑌾𑌕𑍍𑌷𑍍𑌯𑍈 𑌅𑌷𑍍𑌟𑌮𑌾𑌤𑍃 𑌸𑌹𑌿𑌤𑌾𑌯𑍈 𑌮𑌹𑌾𑌹𑍁𑌤𑌿𑌂 𑌸𑌮𑌰𑍍𑌪𑌯𑌾𑌮𑌿 𑌨𑌮𑌃 𑌸𑍍𑌵𑌾𑌹𑌾 ॥

Browse Related Categories: