Devi Aparadha Kshamapana Stotram - Grantha

𑌨 𑌮𑌂𑌤𑍍𑌰𑌂 𑌨𑍋 𑌯𑌂𑌤𑍍𑌰𑌂 𑌤𑌦𑌪𑌿 𑌚 𑌨 𑌜𑌾𑌨𑍇 𑌸𑍍𑌤𑍁𑌤𑌿𑌮𑌹𑍋
𑌨 𑌚𑌾𑌹𑍍𑌵𑌾𑌨𑌂 𑌧𑍍𑌯𑌾𑌨𑌂 𑌤𑌦𑌪𑌿 𑌚 𑌨 𑌜𑌾𑌨𑍇 𑌸𑍍𑌤𑍁𑌤𑌿𑌕𑌥𑌾𑌃 ।
𑌨 𑌜𑌾𑌨𑍇 𑌮𑍁𑌦𑍍𑌰𑌾𑌸𑍍𑌤𑍇 𑌤𑌦𑌪𑌿 𑌚 𑌨 𑌜𑌾𑌨𑍇 𑌵𑌿𑌲𑌪𑌨𑌂
𑌪𑌰𑌂 𑌜𑌾𑌨𑍇 𑌮𑌾𑌤𑌸𑍍𑌤𑍍𑌵𑌦𑌨𑍁𑌸𑌰𑌣𑌂 𑌕𑍍𑌲𑍇𑌶𑌹𑌰𑌣𑌮𑍍 ॥ 1 ॥

𑌵𑌿𑌧𑍇𑌰𑌜𑍍𑌞𑌾𑌨𑍇𑌨 𑌦𑍍𑌰𑌵𑌿𑌣𑌵𑌿𑌰𑌹𑍇𑌣𑌾𑌲𑌸𑌤𑌯𑌾
𑌵𑌿𑌧𑍇𑌯𑌾𑌶𑌕𑍍𑌯𑌤𑍍𑌵𑌾𑌤𑍍𑌤𑌵 𑌚𑌰𑌣𑌯𑍋𑌰𑍍𑌯𑌾 𑌚𑍍𑌯𑍁𑌤𑌿𑌰𑌭𑍂𑌤𑍍 ।
𑌤𑌦𑍇𑌤𑌤𑍍 𑌕𑍍𑌷𑌂𑌤𑌵𑍍𑌯𑌂 𑌜𑌨𑌨𑌿 𑌸𑌕𑌲𑍋𑌦𑍍𑌧𑌾𑌰𑌿𑌣𑌿 𑌶𑌿𑌵𑍇
𑌕𑍁𑌪𑍁𑌤𑍍𑌰𑍋 𑌜𑌾𑌯𑍇𑌤 𑌕𑍍𑌵𑌚𑌿𑌦𑌪𑌿 𑌕𑍁𑌮𑌾𑌤𑌾 𑌨 𑌭𑌵𑌤𑌿 ॥ 2 ॥

𑌪𑍃𑌥𑌿𑌵𑍍𑌯𑌾𑌂 𑌪𑍁𑌤𑍍𑌰𑌾𑌸𑍍𑌤𑍇 𑌜𑌨𑌨𑌿 𑌬𑌹𑌵𑌃 𑌸𑌂𑌤𑌿 𑌸𑌰𑌲𑌾𑌃
𑌪𑌰𑌂 𑌤𑍇𑌷𑌾𑌂 𑌮𑌧𑍍𑌯𑍇 𑌵𑌿𑌰𑌲𑌤𑌰𑌲𑍋𑌽𑌹𑌂 𑌤𑌵 𑌸𑍁𑌤𑌃 ।
𑌮𑌦𑍀𑌯𑍋𑌽𑌯𑌂 𑌤𑍍𑌯𑌾𑌗𑌃 𑌸𑌮𑍁𑌚𑌿𑌤𑌮𑌿𑌦𑌂 𑌨𑍋 𑌤𑌵 𑌶𑌿𑌵𑍇
𑌕𑍁𑌪𑍁𑌤𑍍𑌰𑍋 𑌜𑌾𑌯𑍇𑌤 𑌕𑍍𑌵𑌚𑌿𑌦𑌪𑌿 𑌕𑍁𑌮𑌾𑌤𑌾 𑌨 𑌭𑌵𑌤𑌿 ॥ 3 ॥

𑌜𑌗𑌨𑍍𑌮𑌾𑌤𑌰𑍍𑌮𑌾𑌤𑌸𑍍𑌤𑌵 𑌚𑌰𑌣𑌸𑍇𑌵𑌾 𑌨 𑌰𑌚𑌿𑌤𑌾
𑌨 𑌵𑌾 𑌦𑌤𑍍𑌤𑌂 𑌦𑍇𑌵𑌿 𑌦𑍍𑌰𑌵𑌿𑌣𑌮𑌪𑌿 𑌭𑍂𑌯𑌸𑍍𑌤𑌵 𑌮𑌯𑌾 ।
𑌤𑌥𑌾𑌪𑌿 𑌤𑍍𑌵𑌂 𑌸𑍍𑌨𑍇𑌹𑌂 𑌮𑌯𑌿 𑌨𑌿𑌰𑍁𑌪𑌮𑌂 𑌯𑌤𑍍𑌪𑍍𑌰𑌕𑍁𑌰𑍁𑌷𑍇
𑌕𑍁𑌪𑍁𑌤𑍍𑌰𑍋 𑌜𑌾𑌯𑍇𑌤 𑌕𑍍𑌵𑌚𑌿𑌦𑌪𑌿 𑌕𑍁𑌮𑌾𑌤𑌾 𑌨 𑌭𑌵𑌤𑌿 ॥ 4 ॥

𑌪𑌰𑌿𑌤𑍍𑌯𑌕𑍍𑌤𑌾 𑌦𑍇𑌵𑌾𑌨𑍍𑌵𑌿𑌵𑌿𑌧𑌵𑌿𑌧𑌿𑌸𑍇𑌵𑌾𑌕𑍁𑌲𑌤𑌯𑌾
𑌮𑌯𑌾 𑌪𑌂𑌚𑌾𑌶𑍀𑌤𑍇𑌰𑌧𑌿𑌕𑌮𑌪𑌨𑍀𑌤𑍇 𑌤𑍁 𑌵𑌯𑌸𑌿 ।
𑌇𑌦𑌾𑌨𑍀𑌂 𑌚𑍇𑌨𑍍𑌮𑌾𑌤𑌸𑍍𑌤𑌵 𑌯𑌦𑌿 𑌕𑍃𑌪𑌾 𑌨𑌾𑌪𑌿 𑌭𑌵𑌿𑌤𑌾
𑌨𑌿𑌰𑌾𑌲𑌂𑌬𑍋 𑌲𑌂𑌬𑍋𑌦𑌰𑌜𑌨𑌨𑌿 𑌕𑌂 𑌯𑌾𑌮𑌿 𑌶𑌰𑌣𑌮𑍍 ॥ 5 ॥

𑌶𑍍𑌵𑌪𑌾𑌕𑍋 𑌜𑌲𑍍𑌪𑌾𑌕𑍋 𑌭𑌵𑌤𑌿 𑌮𑌧𑍁𑌪𑌾𑌕𑍋𑌪𑌮𑌗𑌿𑌰𑌾
𑌨𑌿𑌰𑌾𑌤𑌂𑌕𑍋 𑌰𑌂𑌕𑍋 𑌵𑌿𑌹𑌰𑌤𑌿 𑌚𑌿𑌰𑌂 𑌕𑍋𑌟𑌿𑌕𑌨𑌕𑍈𑌃 ।
𑌤𑌵𑌾𑌪𑌰𑍍𑌣𑍇 𑌕𑌰𑍍𑌣𑍇 𑌵𑌿𑌶𑌤𑌿 𑌮𑌨𑍁𑌵𑌰𑍍𑌣𑍇 𑌫𑌲𑌮𑌿𑌦𑌂
𑌜𑌨𑌃 𑌕𑍋 𑌜𑌾𑌨𑍀𑌤𑍇 𑌜𑌨𑌨𑌿 𑌜𑌪𑌨𑍀𑌯𑌂 𑌜𑌪𑌵𑌿𑌧𑍌 ॥ 6 ॥

𑌚𑌿𑌤𑌾𑌭𑌸𑍍𑌮𑌾𑌲𑍇𑌪𑍋 𑌗𑌰𑌳𑌮𑌶𑌨𑌂 𑌦𑌿𑌕𑍍𑌪𑌟𑌧𑌰𑍋
𑌜𑌟𑌾𑌧𑌾𑌰𑍀 𑌕𑌂𑌠𑍇 𑌭𑍁𑌜𑌗𑌪𑌤𑌿𑌹𑌾𑌰𑍀 𑌪𑌶𑍁𑌪𑌤𑌿𑌃 ।
𑌕𑌪𑌾𑌲𑍀 𑌭𑍂𑌤𑍇𑌶𑍋 𑌭𑌜𑌤𑌿 𑌜𑌗𑌦𑍀𑌶𑍈𑌕𑌪𑌦𑌵𑍀𑌂
𑌭𑌵𑌾𑌨𑍀 𑌤𑍍𑌵𑌤𑍍𑌪𑌾𑌣𑌿𑌗𑍍𑌰𑌹𑌣𑌪𑌰𑌿𑌪𑌾𑌟𑍀 𑌫𑌲𑌮𑌿𑌦𑌮𑍍 ॥ 𑍭 ॥

𑌨 𑌮𑍋𑌕𑍍𑌷𑌸𑍍𑌯𑌾𑌕𑌾𑌂𑌕𑍍𑌷𑌾 𑌨 𑌚 𑌵𑌿𑌭𑌵𑌵𑌾𑌂𑌛𑌾𑌪𑌿 𑌚 𑌨 𑌮𑍇
𑌨 𑌵𑌿𑌜𑍍𑌞𑌾𑌨𑌾𑌪𑍇𑌕𑍍𑌷𑌾 𑌶𑌶𑌿𑌮𑍁𑌖𑌿 𑌸𑍁𑌖𑍇𑌚𑍍𑌛𑌾𑌪𑌿 𑌨 𑌪𑍁𑌨𑌃 ।
𑌅𑌤𑌸𑍍𑌤𑍍𑌵𑌾𑌂 𑌸𑌂𑌯𑌾𑌚𑍇 𑌜𑌨𑌨𑌿 𑌜𑌨𑌨𑌂 𑌯𑌾𑌤𑍁 𑌮𑌮 𑌵𑍈
𑌮𑍃𑌡𑌾𑌨𑍀 𑌰𑍁𑌦𑍍𑌰𑌾𑌣𑍀 𑌶𑌿𑌵 𑌶𑌿𑌵 𑌭𑌵𑌾𑌨𑍀𑌤𑌿 𑌜𑌪𑌤𑌃 ॥ 𑍮 ॥

𑌨𑌾𑌰𑌾𑌧𑌿𑌤𑌾𑌸𑌿 𑌵𑌿𑌧𑌿𑌨𑌾 𑌵𑌿𑌵𑌿𑌧𑍋𑌪𑌚𑌾𑌰𑍈𑌃
𑌕𑌿𑌂 𑌰𑍂𑌕𑍍𑌷𑌚𑌿𑌂𑌤𑌨𑌪𑌰𑍈𑌰𑍍𑌨 𑌕𑍃𑌤𑌂 𑌵𑌚𑍋𑌭𑌿𑌃 ।
𑌶𑍍𑌯𑌾𑌮𑍇 𑌤𑍍𑌵𑌮𑍇𑌵 𑌯𑌦𑌿 𑌕𑌿𑌂𑌚𑌨 𑌮𑌯𑍍𑌯𑌨𑌾𑌥𑍇
𑌧𑌤𑍍𑌸𑍇 𑌕𑍃𑌪𑌾𑌮𑍁𑌚𑌿𑌤𑌮𑌂𑌬 𑌪𑌰𑌂 𑌤𑌵𑍈𑌵 ॥ 𑍯 ॥

𑌆𑌪𑌤𑍍𑌸𑍁 𑌮𑌗𑍍𑌨𑌃 𑌸𑍍𑌮𑌰𑌣𑌂 𑌤𑍍𑌵𑌦𑍀𑌯𑌂
𑌕𑌰𑍋𑌮𑌿 𑌦𑍁𑌰𑍍𑌗𑍇 𑌕𑌰𑍁𑌣𑌾𑌰𑍍𑌣𑌵𑍇 𑌶𑌿𑌵𑍇 ।
𑌨𑍈𑌤𑌚𑍍𑌛𑌠𑌤𑍍𑌵𑌂 𑌮𑌮 𑌭𑌾𑌵𑌯𑍇𑌥𑌾𑌃
𑌕𑍍𑌷𑍁𑌧𑌾𑌤𑍃𑌷𑌾𑌰𑍍𑌤𑌾𑌃 𑌜𑌨𑌨𑍀𑌂 𑌸𑍍𑌮𑌰𑌂𑌤𑌿 ॥ 10 ॥

𑌜𑌗𑌦𑌂𑌬 𑌵𑌿𑌚𑌿𑌤𑍍𑌰𑌮𑌤𑍍𑌰 𑌕𑌿𑌂
𑌪𑌰𑌿𑌪𑍂𑌰𑍍𑌣𑌾 𑌕𑌰𑍁𑌣𑌾𑌸𑍍𑌤𑌿 𑌚𑍇𑌨𑍍𑌮𑌯𑌿 ।
𑌅𑌪𑌰𑌾𑌧𑌪𑌰𑌂𑌪𑌰𑌾𑌵𑍃𑌤𑌂
𑌨 𑌹𑌿 𑌮𑌾𑌤𑌾 𑌸𑌮𑍁𑌪𑍇𑌕𑍍𑌷𑌤𑍇 𑌸𑍁𑌤𑌮𑍍 ॥ 11 ॥

𑌮𑌤𑍍𑌸𑌮𑌃 𑌪𑌾𑌤𑌕𑍀 𑌨𑌾𑌸𑍍𑌤𑌿 𑌪𑌾𑌪𑌘𑍍𑌨𑍀 𑌤𑍍𑌵𑌤𑍍𑌸𑌮𑌾 𑌨 𑌹𑌿 ।
𑌏𑌵𑌂 𑌜𑍍𑌞𑌾𑌤𑍍𑌵𑌾 𑌮𑌹𑌾𑌦𑍇𑌵𑍀 𑌯𑌥𑌾 𑌯𑍋𑌗𑍍𑌯𑌂 𑌤𑌥𑌾 𑌕𑍁𑌰𑍁 ॥ 12 ॥

𑌇𑌤𑌿 𑌶𑍍𑌰𑍀𑌮𑌚𑍍𑌛𑌂𑌕𑌰𑌾𑌚𑌾𑌰𑍍𑌯 𑌵𑌿𑌰𑌚𑌿𑌤𑌂 𑌦𑍇𑌵𑍍𑌯𑌪𑌰𑌾𑌧𑌕𑍍𑌷𑌮𑌾𑌪𑌣 𑌸𑍍𑌤𑍋𑌤𑍍𑌰𑌮𑍍 ।

Browse Related Categories: