𑌸𑍁𑌵𑌕𑍍𑌷𑍋𑌜𑌕𑍁𑌂𑌭𑌾𑌂 𑌸𑍁𑌧𑌾𑌪𑍂𑌰𑍍𑌣𑌕𑍁𑌂𑌭𑌾𑌂
𑌪𑍍𑌰𑌸𑌾𑌦𑌾𑌵𑌲𑌂𑌬𑌾𑌂 𑌪𑍍𑌰𑌪𑍁𑌣𑍍𑌯𑌾𑌵𑌲𑌂𑌬𑌾𑌮𑍍 ।
𑌸𑌦𑌾𑌸𑍍𑌯𑍇𑌂𑌦𑍁𑌬𑌿𑌂𑌬𑌾𑌂 𑌸𑌦𑌾𑌨𑍋𑌷𑍍𑌠𑌬𑌿𑌂𑌬𑌾𑌂
𑌭𑌜𑍇 𑌶𑌾𑌰𑌦𑌾𑌂𑌬𑌾𑌮𑌜𑌸𑍍𑌰𑌂 𑌮𑌦𑌂𑌬𑌾𑌮𑍍 ॥ 1 ॥
𑌕𑌟𑌾𑌕𑍍𑌷𑍇 𑌦𑌯𑌾𑌰𑍍𑌦𑍍𑌰𑌾𑌂 𑌕𑌰𑍇 𑌜𑍍𑌞𑌾𑌨𑌮𑍁𑌦𑍍𑌰𑌾𑌂
𑌕𑌲𑌾𑌭𑌿𑌰𑍍𑌵𑌿𑌨𑌿𑌦𑍍𑌰𑌾𑌂 𑌕𑌲𑌾𑌪𑍈𑌃 𑌸𑍁𑌭𑌦𑍍𑌰𑌾𑌮𑍍 ।
𑌪𑍁𑌰𑌸𑍍𑌤𑍍𑌰𑍀𑌂 𑌵𑌿𑌨𑌿𑌦𑍍𑌰𑌾𑌂 𑌪𑍁𑌰𑌸𑍍𑌤𑍁𑌂𑌗𑌭𑌦𑍍𑌰𑌾𑌂
𑌭𑌜𑍇 𑌶𑌾𑌰𑌦𑌾𑌂𑌬𑌾𑌮𑌜𑌸𑍍𑌰𑌂 𑌮𑌦𑌂𑌬𑌾𑌮𑍍 ॥ 2 ॥
𑌲𑌲𑌾𑌮𑌾𑌂𑌕𑌫𑌾𑌲𑌾𑌂 𑌲𑌸𑌦𑍍𑌗𑌾𑌨𑌲𑍋𑌲𑌾𑌂
𑌸𑍍𑌵𑌭𑌕𑍍𑌤𑍈𑌕𑌪𑌾𑌲𑌾𑌂 𑌯𑌶𑌃𑌶𑍍𑌰𑍀𑌕𑌪𑍋𑌲𑌾𑌮𑍍 ।
𑌕𑌰𑍇 𑌤𑍍𑌵𑌕𑍍𑌷𑌮𑌾𑌲𑌾𑌂 𑌕𑌨𑌤𑍍𑌪𑌤𑍍𑌰𑌲𑍋𑌲𑌾𑌂
𑌭𑌜𑍇 𑌶𑌾𑌰𑌦𑌾𑌂𑌬𑌾𑌮𑌜𑌸𑍍𑌰𑌂 𑌮𑌦𑌂𑌬𑌾𑌮𑍍 ॥ 3 ॥
𑌸𑍁𑌸𑍀𑌮𑌂𑌤𑌵𑍇𑌣𑍀𑌂 𑌦𑍃𑌶𑌾 𑌨𑌿𑌰𑍍𑌜𑌿𑌤𑍈𑌣𑍀𑌂
𑌰𑌮𑌤𑍍𑌕𑍀𑌰𑌵𑌾𑌣𑍀𑌂 𑌨𑌮𑌦𑍍𑌵𑌜𑍍𑌰𑌪𑌾𑌣𑍀𑌮𑍍 ।
𑌸𑍁𑌧𑌾𑌮𑌂𑌥𑌰𑌾𑌸𑍍𑌯𑌾𑌂 𑌮𑍁𑌦𑌾 𑌚𑌿𑌂𑌤𑍍𑌯𑌵𑍇𑌣𑍀𑌂
𑌭𑌜𑍇 𑌶𑌾𑌰𑌦𑌾𑌂𑌬𑌾𑌮𑌜𑌸𑍍𑌰𑌂 𑌮𑌦𑌂𑌬𑌾𑌮𑍍 ॥ 4 ॥
𑌸𑍁𑌶𑌾𑌂𑌤𑌾𑌂 𑌸𑍁𑌦𑍇𑌹𑌾𑌂 𑌦𑍃𑌗𑌂𑌤𑍇 𑌕𑌚𑌾𑌂𑌤𑌾𑌂
𑌲𑌸𑌤𑍍𑌸𑌲𑍍𑌲𑌤𑌾𑌂𑌗𑍀𑌮𑌨𑌂𑌤𑌾𑌮𑌚𑌿𑌂𑌤𑍍𑌯𑌾𑌮𑍍 ।
𑌸𑍍𑌮𑌰𑍇𑌤𑍍𑌤𑌾𑌪𑌸𑍈𑌃 𑌸𑌰𑍍𑌗𑌪𑍂𑌰𑍍𑌵𑌸𑍍𑌥𑌿𑌤𑌾𑌂 𑌤𑌾𑌂
𑌭𑌜𑍇 𑌶𑌾𑌰𑌦𑌾𑌂𑌬𑌾𑌮𑌜𑌸𑍍𑌰𑌂 𑌮𑌦𑌂𑌬𑌾𑌮𑍍 ॥ 5 ॥
𑌕𑍁𑌰𑌂𑌗𑍇 𑌤𑍁𑌰𑌂𑌗𑍇 𑌮𑍃𑌗𑍇𑌂𑌦𑍍𑌰𑍇 𑌖𑌗𑍇𑌂𑌦𑍍𑌰𑍇
𑌮𑌰𑌾𑌲𑍇 𑌮𑌦𑍇𑌭𑍇 𑌮𑌹𑍋𑌕𑍍𑌷𑍇𑌽𑌧𑌿𑌰𑍂𑌢𑌾𑌮𑍍 ।
𑌮𑌹𑌤𑍍𑌯𑌾𑌂 𑌨𑌵𑌮𑍍𑌯𑌾𑌂 𑌸𑌦𑌾 𑌸𑌾𑌮𑌰𑍂𑌪𑌾𑌂
𑌭𑌜𑍇 𑌶𑌾𑌰𑌦𑌾𑌂𑌬𑌾𑌮𑌜𑌸𑍍𑌰𑌂 𑌮𑌦𑌂𑌬𑌾𑌮𑍍 ॥ 6 ॥
𑌜𑍍𑌵𑌲𑌤𑍍𑌕𑌾𑌂𑌤𑌿𑌵𑌹𑍍𑌨𑌿𑌂 𑌜𑌗𑌨𑍍𑌮𑍋𑌹𑌨𑌾𑌂𑌗𑍀𑌂
𑌭𑌜𑍇 𑌮𑌾𑌨𑌸𑌾𑌂𑌭𑍋𑌜 𑌸𑍁𑌭𑍍𑌰𑌾𑌂𑌤𑌭𑍃𑌂𑌗𑍀𑌮𑍍 ।
𑌨𑌿𑌜𑌸𑍍𑌤𑍋𑌤𑍍𑌰𑌸𑌂𑌗𑍀𑌤𑌨𑍃𑌤𑍍𑌯𑌪𑍍𑌰𑌭𑌾𑌂𑌗𑍀𑌂
𑌭𑌜𑍇 𑌶𑌾𑌰𑌦𑌾𑌂𑌬𑌾𑌮𑌜𑌸𑍍𑌰𑌂 𑌮𑌦𑌂𑌬𑌾𑌮𑍍 ॥ ॥
𑌭𑌵𑌾𑌂𑌭𑍋𑌜𑌨𑍇𑌤𑍍𑌰𑌾𑌜𑌸𑌂𑌪𑍂𑌜𑍍𑌯𑌮𑌾𑌨𑌾𑌂
𑌲𑌸𑌨𑍍𑌮𑌂𑌦𑌹𑌾𑌸𑌪𑍍𑌰𑌭𑌾𑌵𑌕𑍍𑌤𑍍𑌰𑌚𑌿𑌹𑍍𑌨𑌾𑌮𑍍 ।
𑌚𑌲𑌚𑍍𑌚𑌂𑌚𑌲𑌾𑌚𑌾𑌰𑍁𑌤𑌾𑌟𑌂𑌕𑌕𑌰𑍍𑌣𑌾𑌂
𑌭𑌜𑍇 𑌶𑌾𑌰𑌦𑌾𑌂𑌬𑌾𑌮𑌜𑌸𑍍𑌰𑌂 𑌮𑌦𑌂𑌬𑌾𑌮𑍍 ॥ ॥
॥ 𑌇𑌤𑌿 𑌶𑍍𑌰𑍀𑌮𑌚𑍍𑌛𑌂𑌕𑌰𑌾𑌚𑌾𑌰𑍍𑌯𑌵𑌿𑌰𑌚𑌿𑌤𑌾 𑌶𑍍𑌰𑍀 𑌶𑌾𑌰𑌦𑌾 𑌭𑍁𑌜𑌂𑌗 𑌪𑍍𑌰𑌯𑌾𑌤𑌾𑌷𑍍𑌟𑌕𑌮𑍍 ॥
